ബാ​വു​ൾ സംഗീതം ജീവിതം

കേ​ര​ള​ത്തി​ൽ പ​ല​ർ​ക്കും അ​പ​രി​ചി​ത​മാ​യ ഭൂ​മി​ക​യാ​ണ് ബാ​വു​ൾ സംഗീതത്തിന്റേത്. ബം​ഗാ​ളി​ന്റെ​യും ബം​ഗ്ലാ​ദേ​ശിന്റെയും സം​ഗീ​ത പാ​ര​മ്പ​ര്യ​ത്തിൽനിന്ന് പിറവിയെടുത്ത ബാവുളിനെ ജനപ്രിയമാക്കി മാറ്റുകയാണ് ശാ​ന്തി​പ്രി​യ. നി​ര​ന്ത​ര​ സാ​ധ​ന​യി​ലൂ​ടെ ആ​ർ​ജി​ച്ചെ​ടു​ത്ത താ​ള​വും ആ​സ്വാ​ദ​ന​വും നി​റ​ഞ്ഞ ശാ​ന്തി​യു​ടെ പാ​ട്ടു​വ​ഴി​ക​ൾ നമ്മെ വി​സ്മ​യി​പ്പി​ക്കു​കയാണ്...

ബാ​വു​ൾ ഗാ​യ​ക​ർ അ​ല​ഞ്ഞു​ന​ട​ക്കു​ന്ന നാ​ടോ​ടി ഗാ​യ​ക​രാ​ണെ​ന്ന് കേ​ട്ടി​ട്ടു​ണ്ട്. അ​വ​ർ പു​തി​യ ഭൂ​മി​ക​ക​ളി​ലൂ​ടെ സ​ഞ്ച​രി​ക്കു​ന്നു. അ​ത് ആ​ത്മാ​ന്വേ​ഷ​ണ​മാ​ണ്. സ​ന്തോ​ഷ​മാ​ണ്. മ​രംകൊ​ണ്ടും ക​മ്പികൊ​ണ്ടും നി​ർ​മി​ച്ച വാ​ദ്യോ​പ​ക​ര​ണ​ങ്ങ​ൾ മീ​ട്ടി പ്ര​കൃ​തി​യി​ലേ​ക്ക് ഇ​റ​ങ്ങി​ച്ചെ​ല്ലു​ന്ന ബാ​വു​ളു​ക​ളു​ടെ പാ​ട്ടു​ക​ൾ അ​പ്ര​വ​ച​നീ​യ​മാ​ണ്. ബാ​വു​ൾ ഗാ​യ​ക​രു​ടെ യാ​ത്ര അ​തി​ർ​ത്തി​ക​ൾ ക​ട​ന്നും സ​ഞ്ച​രി​ക്കു​ന്നു.

‘ക​ന​വി​ലെ’ വ്യ​ത്യ​സ്ത​തയി​ൽ വ​ള​ർ​ന്ന, അ​ച്ഛ​ൻ കെ.​ജെ. ബേ​ബി​യി​ൽനി​ന്ന് പ​ക​ർ​ന്നു​കി​ട്ടി​യ പാ​ട്ടി​ന്റെ താ​ള​ത്തെ ജീ​വ​വാ​യു​വാ​ക്കി​യ ഒ​രു പെ​ൺ​കു​ട്ടി. പ്രമുഖ ബാവുൾ സംഗീതജ്ഞയായ പാ​ർ​വ​തി ബാ​വു​ളി​ന്റെ വ​ഴി​യി​ലൂ​ടെ ന​ട​ന്ന്, അ​ധി​കം പ​രി​ചി​ത​മ​ല്ലാ​ത്ത ബാ​വു​ൾ സം​ഗീ​ത​ത്തെ കേ​ര​ള​ത്തി​ലേ​ക്കെ​ത്തി​ച്ച ശാ​ന്തി​പ്രി​യ. നി​ര​ന്ത​ര​മാ​യ സാ​ധ​ന​യി​ലൂ​ടെ ആ​ർ​ജി​ച്ചെ​ടു​ത്ത താ​ള​വും ആ​സ്വാ​ദ​ന​വും നി​റ​ഞ്ഞ ശാ​ന്തി​യു​ടെ പാ​ട്ടു​വ​ഴി​ക​ൾ വി​സ്മ​യി​പ്പി​ക്കു​ന്ന​താ​ണ്.

ബാ​വു​ളു​ക​ളു​ടെ ഭൂ​മി​ക

കേ​ര​ള​ത്തി​ൽ പ​ല​ർ​ക്കും അ​പ​രി​ചി​ത​മാ​യ ഒ​രു ഭൂ​മി​ക​യാ​ണ് ബാ​വു​ളി​ന്‍റേ​ത്. ബാ​വു​ൾ ബം​ഗാ​ളി​ന്‍റെ​യും ബം​ഗ്ലാ​ദേ​ശി​ന്‍റെ​യും നാ​ട്ടി​ൽനി​ന്നു​ള്ള ഒ​രു അ​വ​ധൂ​ത സം​ഗീ​ത പാ​ര​മ്പ​ര്യ​മാ​ണ്. ഭാ​ര​ത​ത്തി​ലു​ട​നീ​ളം ‘ഗു​രു​വാ​ണി’ എ​ന്ന പാ​ട്ടു​പാ​ര​മ്പ​ര്യ​ങ്ങ​ൾ ഇ​ന്നും വ​ള​രെ സ​ജീ​വ​മാ​യി നി​ല​നി​ൽ​ക്കു​ന്നു​ണ്ട്. ഗു​രു​ക്ക​ന്മാ​രു​ടെ വാ​ക്കു​ക​ൾ പാ​ട്ടു​ക​ളാ​യി പാ​ടി വ​രു​ന്ന​താ​ണ് ഗു​രു​വാ​ണി. അ​തി​ൽ ഉ​ൾ​പ്പെ​ട്ട​താ​ണ് ബാ​വു​ൾ സം​ഗീ​ത​വും. ബാ​വു​ൾ എ​ന്നാ​ൽ ‘ഭ്രാ​ന്തു​ള്ള​വ​ന്‍റെ വ​ഴി’. കാ​റ്റി​നെപ്പോ​ലെ അ​ല​യു​ന്ന​വ​ന്‍റെ വ​ഴി, ഉ​ള്ളി​ലെ കാ​റ്റി​നെ ഉ​പാ​സ​ന ചെ​യ്യു​ന്ന​വ​ന്‍റെ വ​ഴി എ​ന്നൊ​ക്കെ അ​ർ​ഥ​മു​ണ്ട്.

സം​ഗീ​തം ജീ​വി​ത വ​ഴി

ഞാ​ൻ ബാ​വു​ൾ എ​ന്ന പേ​രാ​ണ് ആ​ദ്യം കേ​ട്ട​ത്. അ​മ്മ പ​റ​ഞ്ഞ ക​ഥ​ക​ളി​ലൂ​ടെ പാ​ടി ന​ട​ക്കു​ന്ന ബാ​വു​ൾ എ​ന്ന സ​ങ്ക​ൽ​പ​ത്തെ അ​റി​ഞ്ഞു. ആ​ദ്യ​മാ​യി ബം​ഗ്ലാ​ദേ​ശി​യാ​യ അ​നു​ഷെ പാ​ടി​യ​താ​ണ് കേ​ട്ട​ത്. ശ​ബ്ദംകൊ​ണ്ട് ആ​കാ​ശ​ത്തെ തൊ​ടാ​ൻ പ​റ്റു​മെ​ന്ന് തി​രി​ച്ച​റി​ഞ്ഞ നി​മി​ഷം. അ​ത്ര​ക്ക് ആ​ഴ​ത്തി​ലു​ള്ള ഒ​ന്നി​നെ​യാ​ണ് അ​റി​യാ​ൻ ആ​ഗ്ര​ഹി​ക്കു​ന്ന​ത് എ​ന്ന അ​റി​വ് എ​ന്നെ​യെ​ന്നും ആ​ദ്യ ചു​വ​ട് വെ​ക്കു​ന്ന ഒ​രാ​ളാ​ക്കു​ന്നു. അ​തേ അ​ത്ഭു​ത​വും സ​ന്തോ​ഷ​വു​മാ​ണ് എ​നി​ക്ക് ഈ ​വ​ഴി​യി​ൽ എ​പ്പോ​ഴും തോ​ന്നാ​റു​ള്ള​ത്. ബാ​വു​ൾ പാ​ട്ടു​ക​ൾ പാ​ടു​ക എ​ന്നാ​ൽ അ​റി​വി​ലേ​ക്ക് തി​രി​യു​ക എ​ന്ന​തുംകൂ​ടി ആ​യ​തു​കൊ​ണ്ടാ​ണ് ഈ ​പാ​ട്ടു​വ​ഴി​യോ​ട് ഇ​ത്ര​യും ഇ​ഷ്ടം. പി​ന്നെ പാ​ർ​വ​തി ബാ​വു​ളി​നെ ക​ണ്ടെ​ത്തി. ദീ​ദി​യു​ടെ അ​ടു​ത്തുനി​ന്ന് പ​ഠി​ക്കാ​ൻ തു​ട​ങ്ങി.

പാ​ർ​വ​തി ബാ​വു​ളി​ന്റെ വ​ഴി​യേ...

13 വ​ർ​ഷ​മാ​യി ഈ ​പാ​ട്ടു​ക​ൾ പ​ഠി​ക്കാ​ൻ ഇ​റ​ങ്ങി​ത്തി​രി​ച്ചി​ട്ട്. ബാ​വു​ൾ പാ​ട്ടു​ക​ൾ പ​ഠി​ക്ക​ണം എ​ന്ന് ഒ​രു​പാ​ട് ആ​ഗ്ര​ഹി​ച്ച സ​മ​യ​ത്താ​ണ് പാ​ർ​വ​തി ദീ​ദി കോ​ഴി​ക്കോ​ട് ഒ​രു പ​രി​പാ​ടി ചെ​യ്യു​ന്ന​ത്. അ​ന്ന് ന​മ്പ​ർ സം​ഘ​ടി​പ്പി​ച്ച് ദീ​ദി​യെ ഫോ​ൺ ചെ​യ്തു. പ​ല​ത​വ​ണ ഫോ​ൺ ചെ​യ്ത​പ്പോ​ഴും ആ​രെ​യും പ​ഠി​പ്പി​ക്കു​ന്നി​ല്ല എ​ന്ന​താ​യി​രു​ന്നു ദീ​ദി​യു​ടെ ഉ​ത്ത​രം. ഒ​രു ദി​വ​സം രാ​വി​ലെ നെ​ടു​മ​ങ്ങാ​ട് വീ​ട്ടി​ലേ​ക്ക് ചെ​ന്നു. അ​പ്പോ​ൾ അ​വി​ടെ വ​ലി​യൊ​രു കാൻ​വാ​സി​ൽ ദീ​ദി ചി​ത്രം വ​ര​ക്കു​ക​യാ​യി​രു​ന്നു. എ​ന്നെ കാ​ണു​മ്പോ​ൾ ത​ന്നെ ദീ​ദി പ​റ​ഞ്ഞുവി​ടു​മെ​ന്നാ​ണ് വി​ചാ​രി​ച്ച​ത്. പ​ക്ഷേ, ക​ണ്ട​പ്പോ​ൾ ദീ​ദി എ​ന്നെ പ്ര​തീ​ക്ഷി​ച്ച​തു പോ​ലെയുണ്ടാ​യി​രു​ന്നു. അ​ന്നുത​ന്നെ ദീ​ദി ആ​ദ്യ​ത്തെ പാ​ട്ട് പ​ഠി​പ്പി​ച്ചു ത​ന്നു.

കേ​ര​ള​ത്തി​ലെ ബാ​വു​ൾ ഗാ​യി​ക

ഞാ​ൻ സ്വ​യം കാ​ണു​ന്ന​ത് വി​സ്ഡം പോ​യ​ട്രി പാ​ടു​ന്ന ഒ​രാ​ളാ​യി​ട്ടാ​ണ്. ലോ​ക​ത്തി​ന്റെ എ​ല്ലാ​യി​ട​ത്തും നി​ന്നു​ള്ള ഗു​രു​ക്ക​ന്മാ​രു​ടെ വാ​ക്കാ​ണ് വി​സ്ഡം പോ​യ​ട്രി. അ​തി​ൽ പെ​ടു​ന്ന​താ​ണ് ബാ​വു​ൾ. ഇ​ത് ഒ​രു ജീ​വി​ത​രീ​തികൂ​ടി​യാ​ണ്. അ​തി​ന്റെ ഭാ​ഗ​മാ​ണ് പാ​ട്ടു​ക​ൾ. ക​ബീ​റി​ന്റെ, ലാ​ല​ന്റെ, നാ​രാ​യ​ണ ഗു​രു​വി​ന്റെ, ഗു​രു നാ​നാ​ക്കി​ന്റെ, അ​ക്ക മ​ഹാ​ദേ​വി​യു​ടെ, റൂ​മി​യു​ടെ വാ​ക്കി​നെ​യും അ​വ​രു​ടെ പാ​ട്ടി​നെ​യും പി​ന്തു​ട​രു​ന്ന ആ​ളാ​ണ് ഞാ​ൻ. അ​ത് ക​ഴി​യു​ന്ന​ത്ര പാ​ടു​ക​യും പ​ങ്കു​വെ​ക്കു​ക​യും ചെ​യ്യു​ന്നു.

നി​ഗൂ​ഢ വ​ശ്യ​ത​യു​ള്ള പാ​ട്ടു​ക​ൾ

ക​ബീ​ർ ഒ​രു ദോ​ഹ​യി​ൽ പ​റ​യു​ന്നു​ണ്ട്. അ​തെ എ​ന്ന് പ​റ​ഞ്ഞാ​ൽ അ​ത് സ​ത്യ​മ​ല്ല. അ​ല്ല എ​ന്ന് പ​റ​ഞ്ഞാ​ൽ അ​തും സ​ത്യ​മ​ല്ല. അ​തെ, അ​ല്ല ഇ​തി​ന്‍റെ ന​ടു​വി​ലാ​ണ് എ​ന്‍റെ സാ​ഹി​ബി​ന്‍റെ ദേ​ശം. അ​ത്ര​ക്ക് പ​റ​യാ​ൻ ആ​വാ​ത്ത​തി​നെ കു​റി​ച്ചാ​ണ് ഇ​വി​ടെ പ​റ​യാ​ൻ ശ്ര​മി​ക്കു​ന്ന​ത്, അ​റി​യാ​ൻ ശ്ര​മി​ക്കു​ന്ന​ത്. ബാ​വു​ൾ അ​തു​കൊ​ണ്ട് സ​ന്ധ്യാ ഭാ​ഷ​യി​ൽ സം​സാ​രി​ക്കു​ന്നു. പ​ല നി​റ​മു​ള്ള ആ​കാ​ശംപോ​ലെ, ഒ​രു സ​ർറി​യ​ൽ ചി​ത്രം പോ​ലെ​യാ​ണ് അ​തേ​ക്കു​റി​ച്ച് ബാ​വു​ൾ പ​റ​യാ​ൻ ശ്ര​മി​ക്കു​ന്ന​ത്. ക​ബീ​ർ പാ​ടു​ന്നി​ട​ത്തൊ​ക്കെ സു​മി​ര​ൻ എ​ന്ന് പ​റ​യും. അ​താ​യ​ത് ഓ​ർ​മ​യു​ണ്ടാ​വു​ക. ന​മ്മ​ൾ വ​ലു​താ​യ ഒ​ന്നി​ന്‍റെ അ​നു​ഗ്ര​ഹ​ത്തി​ലാ​ണെ​ന്ന് ഓ​ർ​ക്കു​ക കൂ​ടി​യാ​ണ് പാ​ടു​ക എ​ന്നാ​ൽ. മ​റ്റ് സം​ഗീ​ത​ശാ​ഖ​ക​ൾ ആ​ലാ​പ​നശൈ​ലി​യി​ലും ശ്രു​തി​യി​ലും ശ്ര​ദ്ധി​ക്കു​മ്പോ​ൾ, ഈ ​പാ​ട്ടു​ക​ൾ അ​ർ​ഥ​ത്തെ ഹൃ​ദ​യ​ത്തി​ലേ​ക്കും അ​തി​ന്‍റെ ആ​ഴ​ത്തി​ലേ​ക്കും എ​ത്തി​ക്കു​ന്നു.

ടാ​ഗോ​റും ബാ​വു​ളും

ടാ​ഗോ​റാ​ണ് ത​ന്‍റെ വ​ലി​യ ആ​കാ​ശക്കാഴ്ച​യി​ൽ ബാ​വു​ൾ പാ​ടു​ന്ന​തി​നെ ആ​ദ്യ​മാ​യി തി​രി​ച്ച​റി​ഞ്ഞ​ത്. ബാ​വു​ളി​ലെ അ​ർ​ഥ​ത​ല​ങ്ങ​ൾ പ​ല പ​ല അ​ട​രു​ക​ളാ​യി​ട്ടാ​ണു​ള്ള​ത്. ഈ​ണ​ങ്ങ​ളും ചി​ന്ത​ക​ളും ടാ​ഗോ​റി​ന്‍റെ ക​വി​ത​യെ അ​ത്ര​യേ​റെ സ്വാ​ധീ​നി​ച്ചി​ട്ടു​ണ്ട്. ബം​ഗാ​ളി നാ​ടോ​ടി സം​ഗീ​ത​ത്തി​ന്റെ ബാ​വു​ൾ പാ​ര​മ്പ​ര്യം ര​ബീ​ന്ദ്ര​നാ​ഥ ടാ​ഗോ​റി​നെ ആ​ഴ​ത്തി​ൽ സ്വാ​ധീ​നി​ച്ചി​ട്ടു​ണ്ട്. ടാ​ഗോ​ർ സ്വ​ന്തം ഗാ​ന​ങ്ങ​ളി​ൽ ബാ​വു​ൾ സം​ഗീ​ത ശൈ​ലി​ക​ൾ ഉ​ൾ​പ്പെ​ടു​ത്തു​ക​യും സ്വ​യം ര​ബീ​ന്ദ്ര ബാ​വു​ൾ എ​ന്ന് വി​ളി​ക്കു​ക​യും ചെ​യ്തി​രു​ന്നു. അ​ടു​ത്ത ജ​ന്മം ഒ​രു ബാ​വു​ൾ ആ​ക​ണ​മെ​ന്ന് ടാ​ഗോ​ർ ത​മാ​ശ പ​റ​ഞ്ഞ​ത്രേ.

ഏ​ക്താ​ര​യാ​ണ് കാ​ത​ൽ

‘ഏ​ക്താ​ര’ എ​ന്നാ​ൽ ഒ​റ്റ​ക്ക​മ്പി​യു​ള്ള വീ​ണ. അ​ത് നാ​ദ​മാ​ണ്. ഒ​രേ​യൊ​രു വ​ഴി എ​ന്നും ഏ​ക് താ​രക്ക് അ​ർ​ഥ​മു​ണ്ട്. ഏ​ക് താ​ര മ​നു​ഷ്യശ​രീ​രം പോ​ലെ ത​ന്നെ​യാ​ണെ​ന്നാ​ണ് സ​ങ്ക​ൽ​പം. ഏ​ക് താ​രയു​ടെ ന​ടു​വി​ൽ നാ​ദ​മെ​ന്നപോ​ലെ മ​നു​ഷ്യ​നു​ള്ളി​ലും ആ ​നാ​ദം മ​റ​ഞ്ഞി​രി​ക്കു​ന്നു. ബാ​വു​ളി​ന്‍റെ അ​ട​യാ​ള​മാ​ണി​ത്. ഈ ​വ​ഴി തി​ര​ഞ്ഞെ​ടു​ത്ത​വ​ന്‍റെ ചി​ഹ്ന​മാ​ണ്. നാ​ര​ദ മു​നി​യി​ൽനി​ന്ന് തു​ട​ങ്ങി നാ​ദ​ത്തെ ഉ​പാ​സി​ച്ച് വ​രു​ന്ന മു​നി​മാ​ർ കൈ​യി​ലേ​ന്തി​യ​തി​നെ സ്മ​രി​ച്ചു​കൊ​ണ്ട് ബാ​വു​ൾ ഏ​ക് താ​ര കൈ​യി​ലെ​ടു​ക്കു​ന്നു.

ഏ​ക് താ​രയു​ടെ ര​ണ്ട് ഭാ​ഗ​ങ്ങ​ൾ ഇ​ഡ, പിംഗള നാ​ഡി​ക​ളെ സൂ​ചി​പ്പി​ക്കു​ന്നു. സൂ​ര്യ​നെ​യും ച​ന്ദ്ര​നെ​യും സൂ​ചി​പ്പി​ക്കു​ന്നു. ന​ടു​വി​ലെ ക​മ്പി അ​നാ​ഹ​ത​മാ​യ നാ​ദ​ത്തെ സൂ​ചി​പ്പി​ക്കു​ന്നു. നാ​ദ​മാ​ണ് ഇ​വി​ടെ ഉ​പാ​സ​ന ചെ​യ്യു​ന്ന​ത്. നാ​ദ​മാ​ണ് വ​ഴി​യാ​കു​ന്ന​ത്. ഏ​ക് താര കൂ​ടാ​തെ ബാ​വു​ളി​ൽ ഉ​പ​യോ​ഗി​ക്കു​ന്ന മ​റ്റ് പ്ര​ധാ​ന ഉ​പ​ക​ര​ണ​ങ്ങ​ളി​ൽ ഒ​ന്നാ​ണ് മ​ണ്ണുകൊ​ണ്ടു​ള്ള ചെ​റി​യ ത​ബ​ലപോ​ലു​ള്ള ‘ഡു​ഗി’. അ​ത് അ​ര​യി​ൽ കെ​ട്ടി ബാ​വു​ൾ പാ​ടു​ന്നു. കാ​ലി​ൽ കെ​ട്ടു​ന്ന ചി​ല​ങ്ക​ക്ക് ‘നൂ​പു​ർ’ എ​ന്ന് പേ​ര്. ‘ദോ​താ​ര’യു​ണ്ട്. അ​ത് നാ​ല് ക​മ്പി​യു​ള്ള ഉ​പ​ക​ര​ണ​മാ​ണ്. പി​ന്നെ ‘ആ​ന​ന്ദ​ല​ഹ​രി, ശ്രീ​കോ​ൽ’, ബം​ഗ്ലാ​ദേ​ശി​ൽ ക​ണ്ടു​വ​രു​ന്ന ‘സ​രി​ന്ദ’ എ​ന്നൊ​രു ഉ​പ​ക​ര​ണ​വും ബാ​വു​ൾ ഗാ​യ​ക​ർ ഉ​പ​യോ​ഗി​ക്കാ​റു​ണ്ട്.

ആ​ഴ​മേ​റി​യ ‘മോ​നേ​ർ മാ​നു​ഷ്’

മോ​നേ​ർ മാ​നു​ഷ് എ​ന്നാ​ൽ മാ​ൻ ഓ​ഫ് ദ ​ഹാ​ർ​ട്ട്. ബാ​വു​ൾ പ​റ​യും, എ​ന്‍റെ ഏ​റ്റ​വും അ​ടു​ത്ത് അ​വ​ൻ വ​സി​ക്കു​ന്നു. എ​ന്നോ​ട് ഏ​റ്റ​വും അ​രി​കി​ലാ​യി അ​വ​ൻ ഇ​രി​ക്കു​ന്നു. എ​ന്നാ​ലും ഞാ​ൻ അ​വ​നെ അ​റി​യു​ന്നി​ല്ല. ഞാ​ൻ ദേ​ശ​ങ്ങ​ളാ​യ ദേ​ശ​ങ്ങ​ളൊ​ക്കെ ചു​റ്റി, അ​വ​ൻ എ​ന്‍റെ​യു​ള്ളി​ൽ വ​സി​ക്കു​ന്നു​ണ്ടെ​ന്നാ​ലും ഈ ​ശ​രീ​ര​ഗൃ​ഹം മെ​ന​ഞ്ഞ​വ​നെ ഞാ​ൻ അ​റി​യു​ക​യി​ല്ല. ജീ​വി​ച്ചി​രി​ക്കു​ക എ​ന്ന​തി​നോ​ളം ത​ന്നെ അ​ർ​ഥ​മാ​ണ് മോ​നേ​ർ മാ​നു​ഷി​നെ അ​റി​യു​ക, അ​റി​യാ​ൻ ആ​ഗ്ര​ഹി​ക്കു​ക എ​ന്ന​ത്. ഒ​രേ പാ​ട്ട് പ​ല സ​മ​യ​ത്തും പ​ലരീ​തി​യി​ലാ​ണ് ന​മ്മ​ൾ അ​നു​ഭ​വി​ക്കു​ക. ചി​ല പാ​ട്ടു​ക​ൾ പാ​ടു​മ്പോ​ൾ ഇ​തി​ൽ എ​ന്ത് അ​ർ​ഥ​മാ​ണു​ള്ള​തെ​ന്ന് തോ​ന്നും, എ​ന്നാ​ൽ പെ​​െട്ട​ന്നാ​യി​രി​ക്കും ആ ​പാ​ട്ട് ന​മ്മെ വി​സ്മ​യി​പ്പി​ക്കു​ക.

ബാ​വു​ളു​ക​ളു​ടെ ബാ​വു​ൾ

പ​തി​നെ​ട്ടാം നൂ​റ്റാ​ണ്ടി​ൽ ജീ​വി​ച്ചി​രു​ന്ന ബാ​വു​ൾ ഗാ​യ​ക​നാ​ണ് ലാ​ല​ൻ ഫ​ക്കീ​ർ. ‘ബാ​വു​ളു​ക​ളു​ടെ ബാ​വു​ൾ’ എ​ന്ന​റി​യ​പ്പെ​ടു​ന്ന ലാ​ല​ൻ ഫ​ക്കീ​ർ ബം​ഗ്ലാ​ദേ​ശി​ലെ കു​ഷ്ടി​യ​യി​ൽ ജീ​വി​ച്ചു. മ​ത സ​ങ്ക​ൽ​പ​ങ്ങ​ൾ​ക്ക് അ​പ്പു​റം മ​നു​ഷ്യ​നെ അ​റി​യാ​ൻ ക​ഴി​ഞ്ഞ ഒ​രാ​ളാ​ണ് ലാ​ല​ൻ. അ​തി​നുവേ​ണ്ടി എ​ന്നും പാ​ടി. ലാ​ല​ൻ ഷാ​യു​ടെ പാ​ട്ടു​ക​ൾ​ക്ക് അ​ക​മേ​ക്കും പു​റ​മേ​ക്കും തൊ​ടാ​ൻ ക​ഴി​യു​ന്ന വ്യാ​പ്തി​ക​ൾ അ​ത്ര​ക്ക് വ​ലു​താ​ണ്. ഈ ​പാ​ട്ടു​ക​ൾ ഏ​തൊ​രു മ​നു​ഷ്യ​നെ​യും സം​ബ​ന്ധി​ക്കു​ന്ന​താ​ണ്. 1774ൽ ജ​നി​ച്ച ലാ​ല​ൻ ഫ​ക്കീ​ർ ആ​യി​ര​ത്തോ​ളം ബാ​വു​ൾ ഗാ​ന​ങ്ങ​ളാ​ണ് എ​ഴു​തി ചി​ട്ട​പ്പെ​ടു​ത്തി​യ​ത്. ഇ​തി​ൽ അ​റു​നൂ​റോ​ളം പാ​ട്ടു​ക​ൾ മാ​ത്ര​മാ​ണ് ക​ണ്ടെ​ടു​ത്തി​ട്ടു​ള്ള​ത്. ഇ​പ്പോ​ഴും ബാ​വു​ൾ ഗാ​യ​ക​ർ പാ​ടു​ന്ന പാ​ട്ടു​ക​ൾ പ​ല​തും ലാ​ല​ൻ ഫ​ക്കീ​ർ എ​ഴു​തി​യ​വ​യാ​ണ്. ലാ​ല​ൻ ഫ​ക്കീ​ർ ടാ​ഗോ​റി​നെ ഏ​റെ സ്വാ​ധീ​നി​ച്ച വ്യ​ക്തി​യാ​ണ്. ലാ​ല​നെ ടാ​ഗോ​ർ വീ​ട്ടി​ൽ ക്ഷ​ണി​ച്ച് പാ​ടി​ച്ചി​ട്ടു​ണ്ട്.

കേ​ര​ള​ത്തി​ൽ പാ​ടു​മ്പോ​ൾ

കേ​ര​ള​ത്തി​ൽ പാ​ടു​മ്പോ​ൾ തീ​ർ​ച്ച​യാ​യും ബാ​വു​ളി​നോ​ടു​ള്ള സ്നേ​ഹം എ​നി​ക്ക് അ​റി​യാ​ൻ ക​ഴി​യു​ന്നു​ണ്ട്. ഓ​രോ പാ​ട്ടി​ന്റെ​യും അ​ർ​ഥം പ​റ​ഞ്ഞു​കൊ​ണ്ടാ​ണ് ഞാ​ൻ പാ​ടു​ന്ന​ത്. പാ​ട്ടും അ​തി​ന്‍റെ അ​ർ​ഥ​വും ആ​ളു​ക​ളെ സ്പ​ർ​ശി​ക്കു​ന്നു​ണ്ട്. കേ​ര​ള​ത്തി​ന് അ​ത്ര​ക്ക് ആ​വ​ശ്യ​മാ​ണ് ഗു​രു​വാ​ണി​യാ​കു​ന്ന ഈ ​പാ​ട്ടു​ക​ൾ എ​ന്നെ​നി​ക്ക് തോ​ന്നാ​റു​ണ്ട്. അ​ത് കൂ​ടു​ത​ലും പാ​ടി കേ​ൾ​ക്ക​ട്ടെ, അ​തി​ന്‍റെ നാ​ദ​വും അ​ത് ത​രു​ന്ന സ​മാ​ധാ​ന​വും എ​ല്ലാ​യി​ട​ത്തും പ​തി​ക്ക​ട്ടെ എ​ന്ന് ഞാ​ൻ ആ​ഗ്ര​ഹി​ക്കാ​റു​ണ്ട്.

ബാ​വു​ളി​ന്‍റെ ആ​ത്മീ​യ അ​ന്വേ​ഷ​ണം ത​ന്നെ​യാ​ണ് പാ​ട്ടാ​യി പ​ങ്കു​വെ​ക്ക​പ്പെ​ടു​ന്ന​ത്. അ​തി​ൽ സ്വാ​ഭാ​വി​ക​മാ​യും സാ​മൂ​ഹി​ക​മാ​യ തി​രു​ത്ത​ലു​ക​ളും ന​ട​ക്കു​ന്നു. ബാ​വു​ൾ മാ​ത്ര​മ​ല്ല എ​ല്ലാ ഗു​രു​വാ​ണി​യും അ​ങ്ങ​നെ​യാ​ണ്. നാ​രാ​യ​ണ ഗു​രു​വും, ബ​സ​വ​ണ്ണ​നും ബു​ള്ളേ​ ഷാ​യും ഗു​രു നാ​നാ​ക്കു​മൊ​ക്കെ ത​ങ്ങ​ളു​ടെ നേ​രാ​യ കാ​ഴ്ച​ക​ളാ​ണ് പാ​ട്ടു​ക​ളി​ലൂ​ടെ പ​റ​ഞ്ഞു​വെ​ക്കു​ന്ന​ത്. അ​വ​രെ സം​ബ​ന്ധി​ച്ചി​ട​ത്തോ​ളം അ​കം പു​റ​ങ്ങ​ളി​ല്ല. ആ​ത്മീ​യ​മെ​ന്നും സാ​മൂ​ഹികമെ​ന്നും ഉ​ള്ള വേ​ർ​തി​രി​വു​ക​ൾ ഇ​ല്ല. പൂ​ർ​ണ​മാ​യ കാ​ഴ്ച മാ​ത്രം. അ​ത്ര​ക്ക് വ​ലു​താ​യ സ്നേ​ഹം മാ​ത്രം.

വേ​ഷ​വും പ്ര​ധാ​ന​മാ​ണ്

ബാ​വു​ൾ ഗാ​യ​ക​ർ​ക്ക് പ്ര​ത്യേ​ക വേ​ഷ​മു​ണ്ട്. ബാ​വു​ൾ പാ​ട്ടു​ക​ൾ പാ​ടു​ന്ന ആ​ളു​ക​ൾ പ്ര​ധാ​ന​മാ​യി​ട്ടും ഉ​പ​യോ​ഗി​ക്കു​ന്ന ഒ​രു ഒ​റ്റ​യു​ടു​പ്പാ​ണ് ‘ഹാ​ൽ’. അ​ത് പ​ല​ത​രം തു​ണി​ക​ൾകൊ​ണ്ട് തു​ന്നിച്ചേ​ർ​ത്ത വ​ർ​ണക്കു​പ്പാ​യ​മാ​ണ്. സൂ​ഫി, വൈ​ഷ്ണ​വ, ബു​ദ്ധ സ​മ്പ്ര​ദാ​യ​ത്തി​ൽനി​ന്ന് ഉ​രു​ത്തി​രി​ഞ്ഞ​താ​ണ് ബാ​വു​ൾ സം​ഗീ​തം. ഇ​ന്ത്യ​യി​ലെ ബാ​വു​ളു​ക​ൾ അ​ധി​ക​വും ഓ​റ​ഞ്ച്, ചു​വ​പ്പ് നി​റ​ങ്ങ​ളി​ൽ വ​ർ​ണാ​ഭ​മാ​യ വ​സ്ത്രം ധ​രി​ക്കു​ന്നു. അ​വ​രു​ടെ ഒ​ത്തു​ചേ​ര​ലി​ന്റെ രീ​തി​യും വ്യ​ത്യ​സ്ത​മാ​ണ്. ബം​ഗ്ലാ​ദേ​ശി​ൽ, ബാ​വു​ളു​ക​ൾ കൂ​ടു​ത​ലും വെ​ള്ള നി​റ​ത്തി​ലു​ള്ള വ​സ്ത്ര​മാ​ണ് ധ​രി​ക്കു​ന്ന​ത്. ഇ​ത് വി​ശു​ദ്ധി​യെ പ്ര​തീ​ക​പ്പെ​ടു​ത്തു​ന്നു.

വി​ശാ​ല​മാ​ണ് ഈ ​ലോ​കം

ബാ​വു​ൾ ഗാ​യ​ക​ർ ഒ​രേ ഭാ​ഷ പ​ങ്കി​ടു​ന്നു. ആ​ത്മാ​വി​ൽ അ​ലി​ഞ്ഞു​ള്ള ആ​ലാ​പ​ന​മാ​ണ​ത്. ഒ​രേ പോ​ലു​ള്ള സാ​മൂ​ഹി​ക രീ​തി​ക​ളും ഒ​രേ ത​രം ആ​ത്മീ​യ സൗ​ന്ദ​ര്യ മൂ​ല്യ​ങ്ങ​ളും പു​ല​ർ​ത്തു​ന്നു. 16ാം നൂ­​റ്റാ­​ണ്ടി​ൽ ചൈ­​ത­​ന്യ­​ദേ­​വ­​ന്റെ കാ­​ല­​ത്താ­​ണ്‌ ബാ­​വു­​ളു​ക​ൾ ഉ​ത്ഭ­​വി­​ച്ച­​തെ­​ന്ന്‌ ക​രു­​ത­​പ്പെ­​ടു­​ന്നു. ബം​ഗാ​ളി ജ​ന​സം​ഖ്യ​യു​ടെ ചെ​റി​യ ഭാ​ഗം മാ​ത്ര​മേ ബാ​വു​ളു​ക​ൾ ഉ​ള്ളൂ​വെ​ങ്കി​ലും, ബം​ഗാ​ളി സം​സ്കാ​ര​ത്തി​ൽ അ​വ​രു​ടെ സ്വാ​ധീ​നം വ​ള​രെ വ​ലു​താ​ണ്. ബാ​വു​ളു​ക​ൾ ഗ്രാ​മീ​ണ ബം​ഗാ​ളി​ന്റെ സം​സ്കാ​ര​ത്തി​ന്റെ ഭാ​ഗ​മാ​ണ്.

ബോ​ൾ​പൂ​രി​ന​ടു​ത്തു​ള്ള കെ​ന്ദു​ലി​യി​ലെ ‘ജോ​യ്ദേ​ബ് മേ​ള’ ബാ​വു​ളു​ക​ളു​ടെ സം​ഗ​മ​മാ​ണ്. എ​ല്ലാ വ​ർ​ഷ​വും ജ​നു​വ​രി പ​കു​തി​യി​ലാ​ണ് ഇ​ത് ന​ട​ക്കു​ന്ന​ത്. ചെ​റി​യ സ്റ്റേ​ജ് ആ​യി​രി​ക്കും. പ​ക്ഷേ, നി​റ​യെ ആ​ളു​ക​ൾ ഉ​ണ്ടാ​വും. ഗ്രാ​മ​ത്തി​ലെ ആ​ളു​ക​ൾ അ​തി​നു​വേ​ണ്ടി കാ​ത്തി​രി​ക്കും. രാ​ത്രി മു​ഴു​വ​നും പാ​ട്ടു​ക​ൾ ഉ​ണ്ടാ​വും. ബാ​വു​ൾ ഒ​രു സ​മൂ​ഹ​മാ​ണ്‌. ഉ​പാ​ധി​ക​ളി​ല്ലാ​ത്ത, പ​ര​സ്പ​ര സ്നേ​ഹ​ത്താ​ൽ ബ​ന്ധി​ക്ക​പ്പെ​ട്ട ബാ​വു​ൾ സ​മൂ​ഹം സ​ങ്കു​ചി​ത​മാ​യ എ​ല്ലാ ചി​ന്ത​ക​ൾ​ക്കും അ​തീ​ത​മാ​ണ്‌. സ​മ​ർ​പ്പ​ണ​വും സൗ​ഹാ​ർ​ദ​വും ത്യാ​ഗ​സന്നദ്ധതയു​മു​ള്ള ഒ​രു വ്യ​ക്തി​ക്ക് മാ​ത്ര​മേ ഒ​രു ബാ​വു​ൾ ആ​കാ​ൻ സാ​ധി​ക്കൂ എ​ന്ന് അ​വ​ർ വി​ശ്വ​സി​ക്കു​ന്നു. മ​ധ്യ­​കാ​ല ഇ​ന്ത്യ­​യി­​ലെ ഭ​ക്തി­​കാ­​വ്യ പാ­​ര­​മ്പ­​ര്യ​ത്തി​ന്റെ തു­​ട​ർ­​ച്ചകൂ­​ടി­​യാ­​ണ്‌ ഈ ​പാ­​ട്ടു­​ക​ൾ.

‘ക​ന​വി​’നെ കു​റി​ച്ച്

ക​ന​വി​ലാ​ണ് കു​ട്ടി​ക്കാ​ലം. അ​വി​ടെ വ​ള​രാ​നാ​യ​ത് കാ​ടി​നോ​ട്, പ്ര​കൃ​തി​യോ​ട്, പാ​ട്ടി​നോ​ട്, നൃ​ത്ത​ത്തി​നോ​ടൊ​ക്കെ വ​ള​രെ അ​ടു​പ്പ​ത്തോ​ടെ ജീ​വി​ക്കാ​ൻ അ​വ​സ​രം ത​ന്നു. അ​വി​ടെ ഒ​രു​പാ​ട് യാ​ത്ര​ക്കാ​ർ വ​ന്നു​പോ​യി​രു​ന്നു. അ​തു​കൊ​ണ്ട് സ​ങ്ക​ൽ​പത്തി​ലെ ലോ​കം ഒ​ത്തി​രി വ​ലു​താ​യി​രു​ന്നു. ഒ​പ്പം പാ​ട്ടു​മാ​യി​ട്ട് പ​ല​യി​ട​ങ്ങ​ളി​ൽ യാ​ത്ര ചെ​യ്യു​മാ​യി​രു​ന്നു. അ​ങ്ങ​നെ ഒ​രു​പാ​ട് ആ​ളു​ക​ളെ ക​ണ്ടു, നാ​ട് ക​ണ്ടു. ന​മ്മ​ൾ വ​ള​ർ​ന്ന​യി​ടം തീ​ർ​ച്ച​യാ​യി​ട്ടും ന​മ്മ​ളെ രൂ​പ​പ്പെ​ടു​ത്തു​ന്ന​തി​ന്‍റെ ഭാ​ഗ​മാ​യി​രി​ക്കും. കു​ട്ടി​ക്കാ​ലം മു​ത​ൽ എ​നി​ക്ക് അ​പ്പ​യു​ടെ കൂ​ടെ തു​റ​ന്ന് പാ​ടു​ന്ന​ത് എ​ന്നും സ​ന്തോ​ഷ​മു​ള്ള കാ​ര്യ​മാ​യി​രു​ന്നു. കു​ടും​ബം ശ​രി​ക്കും വി​ശാ​ല​മാ​ണ്. എ​ല്ലാ​യി​ട​ത്തും അ​ത്ര​യേ​റെ സ്നേ​ഹ​പൂ​ർ​വം ഒ​ന്നാ​യി​രി​ക്കു​ന്ന​വ​രാ​ണ്.