ക​ത്തി​ച്ചു വ​ച്ച നി​ല​വി​ള​ക്കി​ന്റെ ശോ​ഭ

കോ​ണ്‍ഗ്ര​സി​ന്റെ സൗ​മ്യ​വും ദീ​പ്ത​വു​മാ​യ മു​ഖ​മാ​യി​രു​ന്നു തെ​ന്ന​ല ബാ​ല​കൃ​ഷ്ണ​പി​ള്ള സാ​ര്‍. ധ​രി​ക്കു​ന്ന ഖ​ദ​ര്‍ പോ​ലെ തൂ​വെ​ള്ള​യു​ടെ വി​ശു​ദ്ധി​യാ​യി​രു​ന്നു അ​ദ്ദേ​ഹ​ത്തി​ന്റെ മ​ന​സി​ന്. അ​ടി​മു​ടി കോ​ണ്‍ഗ്ര​സു​കാ​ര​നും തി​ക​ഞ്ഞ ഗാ​ന്ധി​യ​നും. കോ​ണ്‍ഗ്ര​സി​ന്റെ പ്ര​തി​സ​ന്ധി ഘ​ട്ട​ങ്ങ​ളി​ലെ​ല്ലാം പാ​ര്‍ട്ടി​യെ ക​ര​ക​യ​റ്റാ​നു​ള്ള നി​യോ​ഗം ഉ​ണ്ടാ​യ​ത് അ​ദ്ദേ​ഹ​ത്തി​നാ​ണ്. അ​ദ്ദേ​ഹ​ത്തി​ന്റെ സൗ​മ്യ​മാ​യ സാ​ന്നി​ദ്ധ്യം ത​ന്നെ എ​ല്ലാ ത​ര്‍ക്ക​ങ്ങ​ളെ​യും അ​ലി​യി​ച്ചു ക​ള​യു​മാ​യി​രു​ന്നു. സൗ​മ്യ​മാ​യ ആ ​ചി​രി​യി​ല്‍ അ​ലി​ഞ്ഞു പോ​കാ​ത്ത ത​ര്‍ക്ക​ങ്ങ​ളി​ല്ലാ​യി​രു​ന്നു. അ​ത് കൊ​ണ്ടു ത​ന്നെ കെ.​ക​രു​ണാ​ക​ര​നും എ.​കെ. ആ​ന്റ​ണി​ക്കും ഓ​രു പോ​ലെ സ്വീ​കാ​ര്യ​നാ​യി തെ​ന്ന​ല സാ​ര്‍. അ​നു​ന​യ​ത്തി​ന്റെ അ​ന്ത​രീ​ക്ഷ​മു​ണ്ടാ​ക്കി പാ​ര്‍ട്ടി​യ പ്ര​തി​സ​ന്ധി ഘ​ട്ട​ങ്ങ​ളി​ല്‍ അ​ദ്ദേ​ഹം ക​രു​ത്തോ​ടെ മു​ന്നോ​ട്ട് ന​യി​ച്ചു.

സ​മ്പ​ന്ന​മാ​യ ത​റ​വാ​ട്ടി​ല്‍ നി​ന്നു വ​ന്ന അ​ദ്ദ​ഹം ആ ​സ്വ​ത്തെ​ല്ലാം പാ​ര്‍ട്ടി പ്ര​വ​ര്‍ത്ത​ന​ങ്ങ​ള്‍ക്കാ​യാ​ണ് വി​നി​യോ​ഗി​ച്ച​ത്. മ​ണ്ഡ​ലം പ്ര​സി​ഡ​ന്റ് മു​ത​ല്‍ കെ.​പി.​സി.​സി പ്ര​സി​ഡ​ന്റ് വ​രെ പാ​ര്‍ട്ടി​യി​ല്‍ അ​ദ്ദേ​ഹം പ​ല പ​ദ​വി​ക​ളും വ​ഹി​ച്ചു. എ​ല്ലാ പ​ദ​വി​ക​ളും അ​ദ്ദേ​ഹ​ത്തെ തേ​ടി വ​രി​ക​യാ​യി​ക​യാ​യി​രു​ന്നു. പാ​ര്‍ട്ടി താ​ത്പ​ര്യ​ങ്ങ​ളാ​ണ് അ​ദ്ദേ​ഹം എ​ന്നും മു​റു​കെ പി​ടി​ച്ചി​രു​ന്ന​ത്. ര​ണ്ടു ത​വ​ണ നി​യ​മ​സ​ഭാ സാ​മാ​ജി​ക​നും മൂ​ന്നു ത​വ​ണ രാ​ജ്യ​സ​ഭാം​ഗ​വു​മാ​യി. സ​ത്യ​സ​ന്ധ​മാ​യും ആ​ത്മാ​ര്‍ത്ഥ​മാ​യും അ​ദ്ദേ​ഹം ആ ​പ​ദ​വി​ക​ളി​ല്‍ പ്ര​വ​ര്‍ത്തി​ച്ചു.

എ​നി​ക്ക് തെ​ന്ന​ല സാ​റു​മാ​യി ആ​ഴ​ത്തി​ലു​ള്ള സ്‌​നേ​ഹ​ബ​ന്ധ​മു​ണ്ടാ​യി​രു​ന്നു. അ​ദ്ദേ​ഹ​ത്തി​ന് വ​ലി​യ വാ​ത്സ​ല്യ​മാ​യി​രു​ന്നു. 1982 ല്‍ ​അ​ദ്ദേ​ഹ​ത്തോ​ടൊ​പ്പം നി​യ​മ​സ​ഭ​യി​ല്‍ പ്ര​വ​ര്‍ത്തി​ക്കാ​ന്‍ അ​വ​സ​രം ല​ഭി​ച്ചു. പി​ന്നീ​ട് അ​ദ്ദേ​ഹ​ത്തി​ല്‍ നി​ന്നാ​ണ് ഞാ​ന്‍ കെ.​പി.​സി.​സി പ്ര​സി​ഡ​ന്റ് സ്ഥാ​നം സ്വീ​ക​രി​ച്ച​ത്. 1982 ല്‍ ​മ​ന്ത്രി സ്ഥാ​ന​ത്തേ​ക്ക് തെ​ന്ന​ല സാ​റി​ന്റെ പേ​രാ​ണ് പ​റ​ഞ്ഞു കേ​ട്ടി​രു​ന്ന​ത്. പ​ക്ഷേ ലീ​ഡ​ര്‍ മ​ന്ത്രി​യാ​യി നി​ര്‍ദ്ദേ​ശി​ച്ച​ത് എ​ന്നെ​യാ​യി​രു​ന്നു. ഞാ​ന്‍ ആ​ഗ്ര​ഹി​ക്കാ​ത്ത സ​മ​യ​ത്താ​യി​രു​ന്നു ലീ​ഡ​ര്‍ എ​ന്നെ ആ ​ചു​മ​ത​ല ഏ​ല്പി​ച്ച​ത്. തെ​ന്ന​ല സാ​റി​ന് അ​തി​ല്‍ തെ​ല്ലും നീ​ര​സ​വും ഉ​ണ്ടാ​യി​ല്ല. പാ​ര്‍ട്ടി​യു​ടെ തീ​രു​മാ​ന​ങ്ങ​ള്‍ എ​ന്നും അ​ച്ച​ട​ക്ക​ത്തോ​ടെ അം​ഗീ​ക​രി​ക്കു​ന്ന പ്ര​കൃ​ത​മാ​യി​ന്നു അ​ദ്ദേ​ഹ​ത്തി​ന്.

ലാ​ളി​ത്യ​ത്തി​ന്റെ പ്ര​തീ​ക​മാ​യി​രു​ന്നു അ​ദ്ദേ​ഹം. ക​ത്തി​ച്ചു വ​ച്ച നി​ല​വി​ള​ക്കി​ന്റെ ശോ​ഭ​യാ​യി​രു​ന്നു തെ​ന്ന​ല സാ​ര്‍. കെ.​പി.​സി.​സി പ്ര​സി​ഡ​ന്റാ​യി​രി​ക്കെ അ​ദ്ദേ​ഹം പൊ​തു​ജ​ന​പ​ങ്കാ​ളി​ത്ത​ത്തോ​ടെ ആ​രം​ഭി​ച്ച മ​ണ​ക്കാ​ല പ​ദ്ധ​തി വി​ഖ്യാ​ത​മാ​ണ്. അ​ടി​യു​റ​ച്ച ഗാ​ന്ധി​യ​നാ​യി​രു​ന്നു അ​ദ്ദേ​ഹം അ​വ​സാ​ന ഘ​ട്ടം വ​രെ ക​ര്‍മ്മ നി​ര​ത​നാ​യി​രു​ന്നു. അ​ദ്ദേ​ഹ​ത്തി​ന്റെ ദീ​പ്ത​മാ​യ ഓ​ര്‍മ്മ​ക​ള്‍ക്ക് മു​ന്നി​ല്‍ ആ​ദ​രാ​ജ്ഞ​ലി​ക​ള്‍ അ​ര്‍പ്പി​ക്കു​ന്നു.