തൃശൂർ: തൃശൂർ അതിരൂപതയിലെ സീനിയർ വൈദികൻ ഫാ. അഗസ്റ്റിൻ മംഗലം (79) നിര്യാതനായി. വെങ്ങിണിശ്ശേരി മംഗലം പരേതരായ പൊറിഞ്ചു -റോസ ദമ്പതികളുടെ മകനായി 1942 മാർച്ച് മൂന്നിന് ജനിച്ചു. തൃശൂർ മൈനർ സെമിനാരി, ആലുവ സെൻറ് ജോസഫ് പൊന്തിഫിക്കൽ സെമിനാരി എന്നിവിടങ്ങളിലെ വൈദിക പരിശീലനത്തിനു ശേഷം 1968 ഡിസംബർ 20ന് തിരുപ്പട്ടം സ്വീകരിച്ചു. കണ്ടശാംകടവ്, പാലയൂർ ഇടവകകളിൽ അസി. വികാരിയായി പൗരോഹിത്യ ശുശ്രൂഷ ആരംഭിച്ചു. കനകമല, പൊറത്തൂർ, മങ്ങാട്, പതിയാരം, തലക്കോട്ടുക്കര, പാറന്നൂർ, തണ്ടിലം, മണ്ണുത്തി, കൊമ്പഴ, നിർമലപുരം, നെടുപുഴ, ചെങ്ങാലൂർ, സ്നേഹപുരം, കോട്ടപ്പടി, പുത്തൻപീടിക, ചാഴൂർ, വേലൂപാടം, വൈലത്തൂർ, കല്ലൂർ വെസ്റ്റ്, കുറ്റൂർ, അടാട്ട്, വലക്കാവ് എന്നിവിടങ്ങളിൽ വികാരിയായി സേവനം ചെയ്തിട്ടുണ്ട്. 2017 ഫെബ്രുവരി എട്ട് മുതൽ തൃശൂർ സെൻറ് ജോസഫ് പ്രീസ്റ്റ് ഹോമിൽ വിശ്രമജീവിതം നയിച്ചുവരുകയായിരുന്നു. സഹോദരങ്ങൾ: ആൻറണി, ത്രേസ്യാമ്മ ജോസ്, മേരി അപ്പച്ചൻ, വർഗീസ്, സി. ഫ്രാൻസിറ്റ (ഹോളി ക്രോസ്), ജോൺസൺ, കൊച്ചുറാണി ജോസ്, പീറ്റർ, സി. സിൽവി, പരേതയായ സി. റോസ് മീര. സംസ്കാരം ചൊവ്വാഴ്ച രാവിലെ 10ന് വെങ്ങിണിശ്ശേരി പള്ളി സെമിത്തേരിയിൽ.
