ആമ്പല്ലൂർ: തുള്ളൽ കലാകാരൻ വരന്തരപ്പിള്ളി നന്തിപുലം പൊതാളൂർ നീലകണ്ഠൻ നായർ (78) കോവിഡ് ബാധിച്ച് മരിച്ചു. മുളങ്കുന്നത്തുകാവ് മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. കുറത്തിയാട്ടം, കേരളനടനം, ഭരതനാട്യം, ബാലെ എന്നിവയിലും മികവു തെളിയിച്ചിട്ടുള്ള നീലകണ്ഠൻ നായർ കാഴ്ച, രാപ്പകൽ, ഗ്രാമഫോൺ, പച്ചക്കുതിര, ഷേക്സ്പിയർ എം.എ. മലയാളം, സമസ്ത കേരളം പി.ഒ, സീൻ ഒന്ന് നമ്മുടെ വീട് തുടങ്ങിയ സിനിമകളിൽ അഭിനയിച്ചിട്ടുണ്ട്. ഭാര്യ: പത്മിനി അമ്മ. മക്കൾ: സുന്ദരനാരായണൻ, സുകുമാരി, വിനോദ്, സുരേന്ദ്രൻ, സുഷ, സന്തോഷ്.
