മാള: മാളയിലെ സാമൂഹിക സാംസ്കാരിക രംഗത്തെ നിറസാന്നിധ്യമായിരുന്ന ഇ.എസ്. റഹ്മത്തുല്ല മാസ്റ്റർ (89) നിര്യാതനായി. മികച്ച അധ്യാപകനുള്ള സംസ്ഥാന, ദേശീയ അവാർഡുകൾ നേടിയിട്ടുണ്ട്. മാള ഗവ. മോഡൽ എൽ.പി.എസ് പ്രധാനാധ്യാപകൻ, കൊടുങ്ങല്ലൂർ എം.ഐ.ടി ഹോസ്പിറ്റൽ മാനേജർ, വാടാനപ്പള്ളി ഓർഫനേജ് മാനേജർ എന്നീ നിലകളിൽ പ്രവർത്തിച്ചിരുന്നു. ജമാഅത്തെ ഇസ്ലാമി ആദ്യകാല പ്രവർത്തകനും മാള മഹല്ല് കമ്മിറ്റി മുൻ ഭാരവാഹിയും മാള ഐ.എസ്.ടി ട്രസ്റ്റ് അംഗവുമാണ്. ഭാര്യ: ഹാജറ (ആലുവ ഉളിയന്നൂർ കണ്ണംകുളത്ത് കുടുംബാംഗം). മക്കൾ: ഷൈലജാൻ, പ്യാരിജാൻ (അബൂദബി), ഐഷാബി (അധ്യാപിക, സെൻറ് ആൻറണീസ് സി.യു.പി.എസ് എലിഞ്ഞിപ്ര), തനൂജ, ഷഹന, താഹിർ. മരുമക്കൾ: അബ്ദുറഹ്മാൻ, അബ്ദുൽ ഹമീദ് (ഇരുവരും അബൂദബി), എം.ബി. മുഹമ്മദ് സലീം (മാധ്യമം, കൊച്ചി), അബ്ദുൽ കബീർ (ദുബൈ), വി.എസ്. ജമാൽ (വെൽഫെയർ പാർട്ടി തൃശൂർ ജില്ല സമിതിയംഗം), സബിത.
