കൂറ്റനാട്: കോക്കാട് ഓട്ടൂർ കറുത്തേടത്ത് മനയിൽ കൃഷ്ണൻ നമ്പൂതിരി (51) നിര്യാതനായി. ബുധനാഴ്ച രാവിലെ വീട്ടിൽവെച്ച് ദേഹാസ്വാസ്ഥ്യം അനുഭവപ്പെട്ടതിനെത്തുടർന്ന് എടപ്പാളിലെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല.
കപ്പൂർ അന്തിമഹാകാളൻകാവ് ക്ഷേത്രത്തിലെ ശാന്തിക്കാരനായിരുന്നു. ക്ഷേത്രത്തിൽനിന്ന് രാവിലെ വീട്ടിലെത്തിയപ്പോഴാണ് ദേഹാസ്വാസ്ഥ്യം അനുഭവപ്പെട്ടത്. ഇദ്ദേഹത്തിന്റെ ജ്യേഷ്ഠസഹോദരൻ നീലകണ്ഠൻ രണ്ടാഴ്ച മുമ്പാണ് മരിച്ചത്.
പിതാവ്: പരേതനായ നാരായണൻ നമ്പൂതിരി. മാതാവ്: കോതച്ചിറ വേങ്ങാട്ടൂർ മനക്കൽ ഉണ്ണിമ അന്തർജനം. ഭാര്യ: തൃശൂർ ഊരകം ആയിരിൽ ഇല്ലത്ത് ശ്രീദേവി. മക്കൾ: നന്ദന (ഡിഗ്രി വിദ്യാർഥിനി), നമിത (എട്ടാംതരം, കല്ലടത്തൂർ ഗോഖലെ ഹൈസ്കൂൾ).
സഹോദരങ്ങൾ: വാസുദേവൻ, നാരായണൻ, ഗംഗാദേവി കണ്ണൂർ കൈതപ്രംമന, പരേതനായ നീലകണ്ഠൻ മാസ്റ്റർ.
