തിരൂർ: മലബാറിലെ ആദ്യകാല രജിസ്ട്രേഡ് ഫാർമസിസ്‌റ്റും തിരൂർ മെഡിക്കൽ സ്റ്റോഴ്സ് സ്ഥാപകനുമായ തയ്യിൽ കിഴക്കേതിൽ കുഞ്ഞിമൊയ്തു (ടി.കെ.കുഞ്ഞിപ്പ-93) നിര്യാതനായി. ജമാഅത്തെ ഇസ്ലാമിയുടെ സജീവ പ്രവർത്തകനായിരുന്നു.
തിരൂർ ബോയ്സ് ഹൈസ്കൂളിൽ നിന്ന് പത്താം ക്ലാസ് ഫസ്റ്റ് ക്ലാസോടെ പാസായ ശേഷം 1954ൽ മദ്രാസ് മെഡിക്കൽ കോളജിൽനിന്ന് ഡി ഫാം കരസ്ഥമാക്കി. ഈ പഠനകാലത്ത് ഇസ്സുദ്ദീൻ മൗലവിയുടെ ക്ലാസുകളിലൂടെ ജമാഅത്തെ ഇസ്ലാമിയുടെ പ്രവർത്തനങ്ങളിൽ സജീവമായി. 1957ൽ തിരൂർ കോർട്ട് റോഡിൽ തിരൂർ മെഡിക്കൽ സ്റ്റോഴ്സ് എന്നപേരിൽ ഫാർമസി തുടങ്ങി. വിവിധ മത, സാമൂഹിക സംഘടനകളിൽ പ്രവർത്തിച്ചു.
1968-70 കാലഘട്ടത്തിൽ നടുവിലങ്ങാടി ഹിദായത്തുസ്സ്വിബിയാൻ മദ്റസ കമ്മിറ്റി ട്രഷറർ, മലബാർ മുസ്‍ലിം അസോസിയേഷൻ അംഗം, തിരൂർ എം.ഡി.എസ്.പി കമ്മിറ്റി, തിരൂർ ഇസ്‍ലാമിക് സെന്റർ പ്രഥമ കമ്മിറ്റിയംഗം, തിരൂർ മസ്ജിദ് സഫ പ്രഥമ സകാത് കമ്മിറ്റി അംഗം എന്നീ നിലകളിൽ പ്രവർത്തിച്ചു.
പിതാവ്: സൂപ്പിക്കുട്ടി കുരിക്കൾ. മാതാവ്: പെരിങ്ങാട്ടോടി ഫാത്തിമ. മക്കൾ: ടി.കെ. ജമീല, സുബൈദ, ആരിഫ, സാജിത, ഡോ. അലി അഷ്റഫ്, സിദ്ദീഖ്, ഡോ. മുഹമ്മദ് യഹ്‌യ (പെരിന്തൽമണ്ണ കിംസ് അൽശിഫ ഹോസ്പിറ്റൽ), അഡ്വ. മുഹമ്മദ് അസ്‌ലം (ദുബൈ ഇസ്‍ലാമിക് ബാങ്ക്), മുഹമ്മദ് യാസിർ (ഖത്തർ പെട്രോളിയം), പരേതയായ സഫിയ.
മരുമക്കൾ: മുഹമ്മദ് അബ്ദുറഹിമാൻ (വടക്കാഞ്ചേരി), ആനമങ്ങാടാൻ അബ്ദുൽ ജലീൽ (പട്ടിക്കാട്), മുഹമ്മദ് കുട്ടി (വാണിയമ്പലം), അസ്കറലി (കൊണ്ടോട്ടി), ജാസ്മിൻ (കണ്ണൂർ), ഡോ. ഫൗസിയ (കിംസ് അൽശിഫ ആശുപത്രി, പെരിന്തൽമണ്ണ), ഡോ. സമീറ മുഹമ്മദ് (കൽപറ്റ), സുമേഹ (കോഴിക്കോട്), പരേതനായ കുന്നോല ബദിയുസ്സമാൻ. സഹോദരങ്ങൾ: ഡോ. മുഹമ്മദ് കുട്ടി കുരിക്കൾ, കെ. അബ്ദുറഹ്മാൻ, ഫാത്തിമ (പാത്തുമോൾ), പരേതരായ ടി.കെ. അബൂബക്കർ എന്ന ബാവ, ആയിശ.
