സുൽത്താൻ ബത്തേരി: മതപണ്ഡിതനും പൊതുപ്രവർത്തകനുമായ മൊയ്തീൻ കുട്ടി മുസ്‌ലിയാർ (90) നിര്യാതനായി. സമസ്ത കേരള ജംഇയ്യത്തുൽ ഉലമ ജില്ല ട്രഷറർ, എസ്.വൈ.എസ് ജില്ല പ്രസിഡൻറ്, കൽപറ്റ ദാറുൽ ഫലാഹ് ജനറൽ മാനേജർ, സുൽത്താൻ ബത്തേരി മർകസുദ്ദഅ്വ പ്രസിഡൻറ് തുടങ്ങിയ സ്ഥാനങ്ങൾ വഹിച്ചിട്ടുണ്ട്. 1955 കാലഘട്ടത്തിലാണ് മലപ്പുറം കൊടിഞ്ഞിയിൽ നിന്ന് സുൽത്താൻ ബത്തേരി മദ്റസയിലെ പ്രധാനാധ്യാപകനായി എത്തുന്നത്. 1989 വരെ അത് തുടർന്നു. ബത്തേരി ദാറുൽ ഉലൂം അറബി കോളജ് സ്ഥാപിക്കുന്നതിൽ മുഖ്യ പങ്കുവഹിച്ചു. ഭാര്യ: ഫാതിമ. മക്കൾ: മുഹമ്മദലി സഖാഫി റിയാദ്, ബശീർ മാസ്റ്റർ (എസ്.വൈ.എസ് ബത്തേരി സോൺ ജന. സെക്രട്ടറി), അബ്ദുസ്സലാം, അബ്ദുറഹീം, ശറഫുദ്ദീൻ, ആസിയ, റുഖിയ. മരുമക്കൾ: കുഞ്ഞിപ്പോക്കർ നായ്ക്കട്ടി, അശ്റഫ് അണ്ടോണ, നഫീസ, ഷമീന, ഷമീറ, റജുല, ആഷിദ.
