ജില്ല ആശുപത്രി ഇല്ലാതെയായി; മെഡിക്കൽ കോളജിന്റെ ഗുണം കിട്ടിയതുമില്ല

മെ​ഡി​ക്ക​ൽ കോ​ള​ജ് വ​രു​ന്ന​തോ​ടെ ജി​ല്ല​യു​ടെ ആ​രോ​ഗ്യ പ്ര​ശ്ന​ങ്ങ​ൾ​ക്ക് പ​രി​ഹാ​ര​മാ​കു​മെ​ന്നാ​ണ് വി​ശ്വ​സി​ച്ചി​രു​ന്ന​തെ​ങ്കി​ൽ ന​ല്ല രീ​തി​യി​ൽ പ്ര​വ​ർ​ത്തി​ച്ചി​രു​ന്ന ഒ​രു ജി​ല്ല ആ​ശു​പ​ത്രി ന​ഷ്ട​മാ​യി എ​ന്ന​ത് മാ​ത്ര​മാ​ണ് മലപ്പുറത്തിനു​ണ്ടാ​യ ഗു​ണം.ദി​നം​പ്ര​തി 3000ത്തോ​ളം രോ​ഗി​ക​ളാ​ണ് മ​ഞ്ചേ​രി മെ​ഡി​ക്ക​ൽ കോ​ള​ജ് ആ​ശു​പ​ത്രി​യെ ആ​ശ്ര​യി​ക്കു​ന്ന​ത്. എ​ന്നാ​ൽ, മ​തി​യാ​യ ചി​കി​ത്സ​യോ ല​ഭി​ക്കു​ന്ന ചി​കി​ത്സ​ക്ക് പ​ല​പ്പോ​ഴും നി​ല​വാ​ര​മോ ഇ​ല്ലെ​ന്ന​തി​നാ​ൽ മി​ക​ച്ച ചി​കി​ത്സക്ക് കോ​ഴി​ക്കോ​ട് ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​​യാ​ണ് ഇ​ന്നും ആ​ശ്ര​യം. ശ​സ്ത്ര​ക്രി​യ​ക്ക് ഉ​പ​ക​ര​ണ​ങ്ങ​ൾ എ​ത്തി​ക്കു​ന്ന ക​മ്പ​നി​ക്ക് ന​ൽ​കേ​ണ്ട തു​ക കു​ടി​ശ്ശി​ക​യാ​യ​തോ​ടെ ആ​ശു​പ​ത്രി​യി​ൽ എ​ത്തി​ച്ച സാ​ധ​ന​ങ്ങ​ൾ അ​വ​ർ തി​രി​കെ കൊ​ണ്ടു​പോ​കു​ന്ന സ്ഥി​തി ഇ​വി​ടെ​യു​മു​ണ്ടാ​യി. അ​ടി​യ​ന്ത​ര​മാ​യി ഫ​ണ്ട് ന​ൽ​കി​യാ​ണ് പ്ര​ശ്ന​ത്തി​ന് താ​ൽ​ക്കാ​ലി​ക പ​രി​ഹാ​രം ക​ണ്ട​ത്. 23 ഏ​ക്ക​ർ മാ​ത്ര​മാ​ണ് ആ​ശു​പ​ത്രി​ക്കു​ള്ള​ത്. ഇ​തി​ൽ അ​ക്കാ​ദ​മി​ക് ​ബ്ലോ​ക്കും കു​ട്ടി​ക​ളു​ടെ ഹോ​സ്റ്റ​ലും ആ​ശു​പ​ത്രി കെ​ട്ടി​ട​ങ്ങ​ളും ഉ​ൾ​പ്പെ​ടും. നെ​ഫ്രോ​ള​ജി, കാ​ർ​ഡി​യോ​ള​ജി, ന്യൂ​റോ​ള​ജി എ​ന്നീ സ്പെ​ഷാ​ലി​റ്റി വി​ഭാ​ഗ​ങ്ങ​ളി​ൽ ചി​കി​ത്സ തേ​ടി എ​ത്തു​ന്ന ആ​യി​ര​ത്തോ​ളം രോ​ഗി​ക​ളി​ൽ ചു​രു​ക്കം പേ​ർ​ക്കു മാ​ത്ര​മാ​ണ് ഒ.​പി​യി​ൽ ഡോ​ക്ട​റെ കാ​ണാ​നാ​കു​ന്ന​ത്. നെ​ഫ്രോ​ള​ജി വി​ഭാ​ഗ​ത്തി​ലും ന്യൂ​റോ​ള​ജി വി​ഭാ​ഗ​ത്തി​ലും ഓ​രോ ഡോ​ക്ട​ർ​മാ​രാ​ണു​ള്ള​ത്. ഹൃ​ദ്രോ​ഗ​വി​ഭാ​ഗ​ത്തി​ൽ ഒ.​പി​യി​ൽ ര​ണ്ടു ഡോ​ക്ട​ർ​മാ​രും.

രോ​ഗി​ക​ൾ നി​റ​യു​ന്നു, ഒ.​പി എ​വി​ടെ​?

ചി​കി​ത്സ തേ​ടി​യെ​ത്തു​ന്ന രോ​ഗി​ക​ളു​ടെ എ​ണ്ണം ക്ര​മാ​തീ​ത​മാ​യി ഉ​യ​രു​മ്പോ​ഴും ഒ.​പി പ്ര​വൃ​ത്തി​ദി​നം വ​ർ​ധി​പ്പി​ക്കാ​നു​ള്ള ന​ട​പ​ടി​ക​ൾ ഉ​ണ്ടാ​കു​ന്നി​ല്ല. ഗൂ​ഡ​ല്ലൂ​രി​ൽ​നി​ന്നും നി​ര​വ​ധി രോ​ഗി​ക​ൾ എ​ത്തു​ന്നു​ണ്ടെ​ങ്കി​ലും നെ​ഫ്രോ​ള​ജി ഒ.​പി പ്ര​വ​ർ​ത്തി​ക്കു​ന്ന​ത് ബു​ധ​നാ​ഴ്ച മാ​ത്ര​മാ​ണ്. ആ​ഴ്ച​യി​ൽ ഒ​രു ദി​വ​സം മാ​ത്രം പ്ര​വ​ർ​ത്തി​ക്കു​ന്ന ഒ.​പി​യി​ൽ പ്ര​വേ​ശ​ന​മു​ള്ള​ത് 60 രോ​ഗി​ക​ൾ​ക്ക്. എ​ത്തു​ന്ന​ത് ഇ​തി​ന്റെ പ​ത്തി​ര​ട്ടി​യോ​ളം രോ​ഗി​ക​ൾ. അ​ടി​യ​ന്ത​ര ചി​കി​ത്സ വേ​ണ്ട​വ​ർ ഗ​ത്യ​ന്ത​ര​മി​ല്ലാ​തെ സ്വ​കാ​ര്യ ആ​ശു​പ​ത്രി​ക​ളെ ആ​ശ്ര​യി​ക്കേ​ണ്ടി​വ​രും. ന്യൂ​റോ​ള​ജി വി​ഭാ​ഗ​ത്തി​ലും​​ദൈ​ന്യാ​വ​സ്ഥ​യാ​ണ്. ചൊ​വ്വാ​ഴ്ച മാ​ത്രം പ്ര​വ​ർ​ത്തി​ക്കു​ന്ന ഒ.​പി​യി​ൽ 50 രോ​ഗി​ക​ൾ​ക്കു​മാ​ത്രം ഡോ​ക്ട​റെ കാ​ണാ​നാ​കും. കാ​ർ​ഡി​യോ​ള​ജി​യി​ൽ ഹെ​ൽ​ത്ത് സ​ർ​വി​സ് വി​ഭാ​ഗ​ത്തി​ലെ ഒ​രു ഡോ​ക്ട​റെ മാ​ത്രം ഉ​പ​യോ​ഗി​ച്ച് ഒ.​പി പ്ര​വ​ർ​ത്തി​പ്പി​ച്ച​പ്പോ​ൾ തി​ങ്ക​ൾ, വ്യാ​ഴം ദി​വ​സ​ങ്ങ​ളി​ലാ​യി 300 രോ​ഗി​ക​ളെ പ​രി​ശോ​ധി​ച്ചി​രു​ന്നു. ഈ ​ഡോ​ക്ട​റെ പി​ന്നീ​ട് കോ​ഴി​ക്കോ​ട്ടേ​ക്ക് സ്ഥ​ലം​മാ​റ്റി. പ​ക​രം മെ​ഡി​ക്ക​ൽ വി​ദ്യാ​ഭ്യാ​സ വ​കു​പ്പി​നു കീ​ഴി​ലു​ള്ള ര​ണ്ട് ഡോ​ക്ട​ർ​മാ​രെ നി​യ​മി​ച്ചു. നേ​ര​ത്തേ ഒ​രു ഡോ​ക്ട​ർ പ​രി​ശോ​ധി​ച്ചി​രു​ന്ന അ​ത്ര​ത​ന്നെ രോ​ഗി​ക​ൾ​ക്കു മാ​ത്ര​മാ​ണ് ഇ​പ്പോ​ളും ചി​കി​ത്സ ല​ഭി​ക്കു​ന്ന​ത്. ജ​ന​റ​ൽ ആ​ശു​പ​ത്രി​യു​ടെ ഭാ​ഗ​മാ​യി​രു​ന്ന ഹെ​ൽ​ത്ത് സ​ർ​വി​സ് വി​ഭാ​ഗ​ത്തി​ലെ ഡോ​ക്ട​ർ​മാ​രെ കൂ​ട്ട​ത്തോ​ടെ പ​റി​ച്ചു​ന​ട്ട​തോ​ടെ രോ​ഗി​ക​ൾ​ക്ക് ചി​കി​ത്സ മു​ട​ങ്ങു​ക​യാ​ണ്.