കു​ഞ്ഞു​ങ്ങ​ളു​ടെ സു​ര​ക്ഷ: ഉ​ണ​രേ​ണ്ട സ​മ​യ​മി​താ​ണ്

പോ​റ​ൽ​പോ​ലു​മേ​ൽ​ക്കാ​തെ കാ​ത്തു സം​ര​ക്ഷി​ക്കാ​ൻ ബാ​ധ്യ​ത​പ്പെ​​​ട്ടൊ​രാ​ൾ മൂ​ന്ന് വ​യ​സ്സു​കാ​രി​യെ പീ​ഡി​പ്പി​ക്കു​ക​യും സ്വ​ന്തം മാ​താ​വ്​ അ​വ​ളെ എ​റി​ഞ്ഞു​കൊ​ല്ലു​ക​യും ചെ​യ്തു​വെ​ന്ന ന​ടു​ക്കു​ന്ന വ​ർ​ത്ത​മാ​നം കേ​ൾ​ക്കു​ക​യാ​ണ് നാ​മി​പ്പോ​ൾ. ന​മ്മു​ടെ നാ​ട്ടി​ൽ ഇ​ത്ത​ര​മൊ​രു സം​ഭ​വം ആ​ദ്യ​ത്തേ​ത​ല്ല. അ​വ​സാ​ന​ത്തേ​താ​ക​ണ​മേ എ​ന്ന്​ ആ​ശി​ക്കു​ക​യും പ്രാ​ർ​ഥി​ക്കു​ക​യും ചെ​യ്യാ​മെ​ന്നു​ മാ​ത്രം. പ​ക്ഷേ, കു​റ്റ​കൃ​ത്യ​ത്തെ​ക്കു​റി​ച്ച്​ അ​വ​ബോ​ധ​മി​ല്ലാ​ത്ത, അ​റി​ഞ്ഞി​ട്ടും ത​ട​യാ​ൻ ശ്ര​മി​ക്കാ​ത്ത ബ​ന്ധു​ക്ക​ളും പൊ​തു​സ​മൂ​ഹ​വും നി​ല​നി​ൽ​ക്കു​വോ​ളം കാ​ലം മ​നു​ഷ്യ​ത്വ​ര​ഹി​ത​രാ​യ കു​റ്റ​വാ​ളി​ക​ൾ വേ​ട്ട തു​ട​രു​ക​ത​ന്നെ ചെ​യ്യും.

സ്വ​കാ​ര്യ ഭാ​ഗ​ങ്ങ​ളി​ൽ വേ​ദ​ന​യു​ണ്ടെ​ന്ന് കു​ഞ്ഞ്​ പ​റ​ഞ്ഞി​ട്ടും ഗൗ​ര​വ​ത്തി​ലെ​ടു​ക്കാ​ത്ത അ​മ്മ​യും കു​ഞ്ഞി​​ന്റെ വേ​ദ​ന യൂ​റി​ന​റി ഇ​ൻ​ഫെ​ക്ഷ​നാ​യി തെ​റ്റി​ദ്ധ​രി​ച്ച അം​ഗ​ൻ​വാ​ടി അ​ധ്യാ​പ​ക​രും കു​ഞ്ഞ്​ അ​തി​ക്ര​മ​ത്തി​നി​ര​യാ​വു​ന്ന കാ​ര്യം ശ്ര​ദ്ധി​ക്കാ​ഞ്ഞ പി​താ​വും അ​ക്ര​മം അ​റി​ഞ്ഞി​ട്ടും പൊ​ലീ​സി​ൽ വി​വ​ര​മ​റി​യി​ക്കാ​തി​രു​ന്ന​വ​രു​മെ​ല്ലാം ഫ​ല​ത്തി​ൽ പീ​ഡോ​ഫൈ​ലു​ക​ൾ​ക്ക്​ അ​നു​കൂ​ല സാ​ഹ​ച​ര്യം സൃ​ഷ്​​ടി​ക്കു​ക​യാ​ണ്.

എ​ന്താ​ണ്​ പീ​ഡോ​ഫൈ​ലി​യ?

കു​ട്ടി​ക​ളോ​ട് ലൈം​ഗി​ക​മാ​യ ആ​ക​ർ​ഷ​ണം തോ​ന്നു​ന്ന മാ​ന​സി​കാ​വ​സ്ഥ​യാ​ണ് പീ​ഡോ​ഫൈ​ലി​യ. ഇ​ത് ഒ​രു രോ​ഗാ​വ​സ്ഥ​യാ​യാ​ണ് മ​നഃ​ശാ​സ്ത്ര​ജ്ഞ​രും ഡോ​ക്ട​ർ​മാ​രും കാ​ണു​ന്ന​ത്. പീ​ഡോ​ഫൈ​ലു​ക​ൾ​ക്ക് സാ​ധാ​ര​ണ​യാ​യി പ്രാ​യ​പൂ​ർ​ത്തി​യാ​യ​വ​രോ​ട് ലൈം​ഗി​ക താ​ൽ​പ​ര്യം ഉ​ണ്ടാ​ക​ണ​മെ​ന്നി​ല്ല, അ​ല്ലെ​ങ്കി​ൽ കു​ട്ടി​ക​ളോ​ടു​ള്ള താ​ൽ​പ​ര്യ​മാ​യി​രി​ക്കും അ​വ​ർ​ക്ക് പ്ര​ധാ​നം. ചെ​റു​പ്പ​ത്തി​ൽ അ​നു​ഭ​വി​ച്ച മാ​ന​സി​കാ​ഘാ​ത​ങ്ങ​ൾ, ലൈം​ഗി​ക പീ​ഡ​ന​ങ്ങ​ൾ, മ​സ്തി​ഷ്ക​ത്തി​ലെ ചി​ല രാ​സ​മാ​റ്റ​ങ്ങ​ൾ എ​ന്നി​വ​യെ​ല്ലാം ഇ​തി​ന്​ വ​ഴി​വെ​ക്കു​ന്ന കാ​ര​ണ​മാ​യി പ​റ​യാ​റു​ണ്ടെ​ങ്കി​ലും അ​തൊ​ന്നും കു​ഞ്ഞു​ങ്ങ​ൾ​ക്കു​നേ​രെ ന​ട​ത്തു​ന്ന ലൈം​ഗി​ക അ​തി​ക്ര​മ​ങ്ങ​ൾ​ക്കും ചൂ​ഷ​ണ​ങ്ങ​ൾ​ക്കു​മു​ള്ള ന്യാ​യീ​ക​ര​ണ​മാ​വു​ന്നി​ല്ല. പീ​ഡോ​ഫൈ​ലി​യ സ​ങ്കീ​ർ​ണ​മാ​യ മാ​ന​സി​കാ​വ​സ്ഥ​യാ​ണെ​ന്ന്​ തി​രി​ച്ച​റി​ഞ്ഞ്​ ചി​കി​ത്സ ന​ൽ​കു​ക​യാ​ണ് വേ​ണ്ട​ത്.

ഒ​ളി​ഞ്ഞു​കി​ട​ക്കു​ന്ന പ്ര​കൃ​തം

സ​മൂ​ഹ​ത്തി​ൽ വ​ള​രെ മാ​ന്യ​രാ​യി അ​റി​യ​പ്പെ​ടു​ന്ന​വ​രും സ​ൽ​പ്പേ​രു​ള്ള​വ​രു​മാ​യി​രി​ക്കും പ​ല പീ​ഡോ​ഫൈ​ലു​ക​ളും. കു​ട്ടി​ക​ളു​ടെ വി​ശ്വാ​സം നേ​ടി​യെ​ടു​ക്കാ​ൻ അ​വ​ർ​ക്ക് പ്ര​ത്യേ​ക ക​ഴി​വു​ണ്ട്. ഇ​ര​ക​ളെ​യും ചു​റ്റു​മു​ള്ള​വ​രെ​യും ത​ങ്ങ​ളു​ടെ താ​ൽ​പ​ര്യ​ങ്ങ​ൾ​ക്ക​നു​സ​രി​ച്ച് മാ​റ്റി​യെ​ടു​ക്കാ​നും ഇ​വ​ർ​ക്ക് സാ​മ​ർ​ഥ്യ​മു​ണ്ടാ​വും. ഭീ​ഷ​ണി​പ്പെ​ടു​ത്തി​യും, ര​ഹ​സ്യ​ങ്ങ​ൾ പു​റ​ത്തു​പ​റ​യി​ല്ലെ​ന്ന് വി​ശ്വ​സി​പ്പി​ച്ചും, ഭ​യം ജ​നി​പ്പി​ച്ചു​മൊ​ക്കെ അ​വ​ർ ത​ങ്ങ​ളു​ടെ പ്ര​വൃ​ത്തി​ക​ൾ ര​ഹ​സ്യ​മാ​ക്കി വെ​ക്കു​ന്നു.

ചി​ല പീ​ഡോ​ഫൈ​ലു​ക​ൾ​ക്ക് ത​ങ്ങ​ൾ ചെ​യ്യു​ന്ന​ത് തെ​റ്റാ​ണെ​ന്ന് തോ​ന്ന​ണ​മെ​ന്നി​ല്ല. അ​ല്ലെ​ങ്കി​ൽ, ത​ങ്ങ​ൾ ഇ​ര​ക​ളെ സ​ഹാ​യി​ക്കു​ക​യാ​ണെ​ന്ന് അ​വ​ർ സ്വ​യം വി​ശ്വ​സി​ച്ചെ​ന്നും വ​രാം. ഇ​ത് ഒ​രു​ത​രം ന​ർ​സി​സ്റ്റി​ക് പേ​ഴ്സ​നാ​ലി​റ്റി ഡി​സോ​ർ​ഡ​റി​ന്റെ (Narcissistic Personality Disorder)യും ​ഭാ​ഗ​മാ​ണ്.

സു​ര​ക്ഷ ഉ​റ​പ്പാ​ക്കാ​ൻ മ​നഃ​ശാ​സ്ത്ര​പ​ര​മാ​യ ഉ​ൾ​ക്കാ​ഴ്ച​ക​ൾ

• അ​തി​രു​ക​ൾ പ​ഠി​പ്പി​ക്കു​ക: കു​ഞ്ഞു​ങ്ങ​ൾ​ക്ക് അ​വ​രു​ടെ ശ​രീ​ര​ത്തി​നു​മേ​ൽ പൂ​ർ​ണ അ​വ​കാ​ശ​മു​ണ്ടെ​ന്നും, ആ​രെ​യും, അ​ത് എ​ത്ര അ​ടു​പ്പ​മു​ള്ള​വ​രാ​ണെ​ങ്കി​ൽ​പോ​ലും, സ്വ​കാ​ര്യ ഭാ​ഗ​ങ്ങ​ളി​ൽ സ്പ​ർ​ശി​ക്കാ​ൻ അ​നു​വ​ദി​ക്ക​രു​തെ​ന്നും പ​ഠി​പ്പി​ക്കു​ക. ‘ന​ല്ല സ്പ​ർ​ശ​ന​വും’ ‘മോ​ശം സ്പ​ർ​ശ​ന​വും’ ത​മ്മി​ലെ വ്യ​ത്യാ​സം അ​വ​രെ ബോ​ധ്യ​പ്പെ​ടു​ത്തു​ക.
• സം​ശ​യ​ക​ര​മാ​യ സാ​ഹ​ച​ര്യ​ങ്ങ​ൾ ശ്ര​ദ്ധി​ക്കു​ക: ഒ​രു കു​ട്ടി​യു​ടെ സ്വ​ഭാ​വ​ത്തി​ൽ പെ​ട്ടെ​ന്നു​ണ്ടാ​കു​ന്ന മാ​റ്റ​ങ്ങ​ൾ (ഉ​റ​ക്ക​മി​ല്ലാ​യ്മ, അ​മി​ത ദേ​ഷ്യം, ഒ​തു​ങ്ങി​ക്കൂ​ട​ൽ, സ്കൂ​ളി​ൽ പോ​കാ​ൻ മ​ടി) ശ്ര​ദ്ധി​ക്കു​ക. ഇ​ത് ചൂ​ഷ​ണ​ത്തി​ന്റെ ല​ക്ഷ​ണ​ങ്ങ​ളാ​കാം.
• കു​ട്ടി​ക​ളു​ടെ വാ​ക്കു​ക​ൾ​ക്ക് വി​ല​ക​ൽ​പി​ക്കു​ക: ഒ​രു കു​ഞ്ഞ് ത​നി​ക്ക് മോ​ശം അ​നു​ഭ​വം ഉ​ണ്ടാ​യെ​ന്ന് പ​റ​ഞ്ഞാ​ൽ അ​ത് ത​മാ​ശ​യാ​യി ത​ള്ളി​ക്ക​ള​യാ​തെ ഗൗ​ര​വ​മാ​യി എ​ടു​ക്കു​ക​യും ആ​വ​ശ്യ​മാ​യ പി​ന്തു​ണ ന​ൽ​കു​ക​യും ചെ​യ്യു​ക.
• തു​റ​ന്ന ആ​ശ​യ വി​നി​മ​യം: കു​ട്ടി​ക​ളു​മാ​യി തു​റ​ന്ന ആ​ശ​യ​വി​നി​മ​യം നി​ല​നി​ർ​ത്തു​ന്ന​ത് അ​വ​ർ​ക്ക് എ​ന്തും മാ​താ​പി​താ​ക്ക​ളോ​ട് പ​ങ്കു​വെ​ക്കാ​ൻ സ​ഹാ​യി​ക്കും. ഭ​യ​മി​ല്ലാ​തെ സം​സാ​രി​ക്കാ​നു​ള്ള സാ​ഹ​ച​ര്യം ഒ​രു​ക്കു​ക.
• പ്ര​തി​രോ​ധം വീ​ട്ടി​ൽ നി​ന്ന് തു​ട​ങ്ങു​ക: വീ​ടി​നു​ള്ളി​ൽ​ത്ത​ന്നെ കു​ട്ടി​ക​ളെ സു​ര​ക്ഷി​ത​രാ​ക്കാ​ൻ ശ്ര​ദ്ധി​ക്കു​ക. കു​ട്ടി​ക​ളെ മ​റ്റു​ള്ള​വ​രു​ടെ കൂ​ടെ വി​ടു​മ്പോ​ൾ കൂ​ടു​ത​ൽ ശ്ര​ദ്ധി​ക്കു​ക. കു​ഞ്ഞു​ങ്ങ​ളു​ടെ സു​ര​ക്ഷ​ക്ക് മാ​താ​പി​താ​ക്ക​ൾ​ക്കും സ​മൂ​ഹ​ത്തി​നും ഒ​രു​പോ​ലെ ഉ​ത്ത​ര​വാ​ദി​ത്ത​മു​ണ്ട്. സം​ശ​യ​ക​ര​മാ​യ സാ​ഹ​ച​ര്യ​ങ്ങ​ൾ ശ്ര​ദ്ധി​ക്കു​ക​യും ഉ​ട​ന​ടി അ​ധി​കാ​രി​ക​ളെ അ​റി​യി​ക്കു​ക​യും ചെ​യ്യേ​ണ്ട​ത് അ​ത്യ​ന്താ​പേ​ക്ഷി​ത​മാ​ണ്. കു​ഞ്ഞു​ങ്ങ​ൾ​ക്ക് സു​ര​ക്ഷി​ത​വും സ്നേ​ഹ​നി​ർ​ഭ​ര​വു​മാ​യ ഒ​രു ലോ​കം ഉ​റ​പ്പാ​ക്കേ​ണ്ട​ത് ന​മ്മു​ടെ ക​ട​മ​യാ​ണ്.

(ക്ലി​നി​ക്ക​ൽ സൈ​ക്കോ​ള​ജി​സ്​​റ്റാണ് ലേ​ഖി​ക)