ച​രി​ത്രം എന്ന മൂന്നക്ഷരം

ക​വി​ത​യെ പ്ര​ണ​യി​ച്ച്​ ച​രി​ത്ര​ത്തെ വ​രി​ച്ചൊ​രാ​ൾ എ​ന്നു വേ​ണ​മെ​ങ്കി​ൽ എം.​ജി.​എ​സി​ന്​ ആ​മു​ഖ​മെ​ഴു​താം. ഉ​ത്ത​രേ​ന്ത്യ​ൻ രാ​ജാ​ക്ക​ന്മാ​രു​ടെ വീ​ര​സാ​ഹ​സ​ങ്ങ​ൾ മാ​ത്ര​മാ​യി ചു​രു​ക്കി​യെ​ഴു​തി​യി​രു​ന്ന ഇ​ന്ത്യ​ൻ ച​രി​ത്ര​ത്തി​ൽ കേ​ര​ള​ത്തി​നും സ്​​ഥാ​ന​മു​ണ്ടെ​ന്നു തെ​ളി​യി​ച്ച​ത്​ എം.​ജി.​എ​സ്​ എ​ന്ന മു​റ്റാ​യി​ൽ ഗോ​വി​ന്ദ​ൻ നാ​രാ​യ​ണ​നാ​യി​രു​ന്നു. പ​ര​പ്പ​ന​ങ്ങാ​ടി​യി​ലെ​യും പൊ​ന്നാ​നി​യി​ലെ​യും വ​ര​മ്പു​ക​ളി​ലൂ​ടെ സ്വ​പ്​​ന​ങ്ങ​ളി​ൽ ക​വി​ത നി​റ​ച്ചു​ന​ട​ന്നൊ​രാ​ൾ, ചെ​ന്നു​ക​യ​റി​യ​ത്​ ല​ണ്ട​നി​ലെ​യും മോ​സ്​​കോ​യി​ലെ​യും ടോ​ക്യോ​യി​ലെ​യും മി​ക​വു​റ്റ സ​ർ​വ​ക​ലാ​ശാ​ല​ക​ളി​ലാ​യി​രു​ന്നു. കു​റ്റി​യ​ടി​ച്ചു​നാ​ട്ടി​യ ച​രി​​ത്ര​സി​ദ്ധാ​ന്ത​ങ്ങ​ളെ​ക്കാ​ൾ താ​ൻ തെ​ളി​ച്ചെ​ടു​ത്ത വ​ഴി​യേ പോ​കാ​നാ​യി​രു​ന്നു എം.​ജി.​എ​സി​ന്​ എ​ന്നും ഇ​ഷ്​​ടം. ച​രി​ത്രാ​​ന്വേ​ഷ​ണ​ത്തി​ന​പ്പു​റം ജീ​വി​ത​ത്തി​ൽ ക​ന​പ്പെ​ട്ട സ​മ്പാ​ദ്യ​ങ്ങ​ളൊ​ന്നും ആ​വ​ശ്യ​മി​ല്ലെ​ന്ന്​ തീ​ർ​ച്ച​പ്പെ​ടു​ത്തു​ക​യും ​അ​തി​നൊ​പ്പം ജീ​വി​ക്കു​ക​യും ചെ​യ്​​തൊ​രാ​ളാ​യി​രു​ന്നു എം.​ജി.​എ​സ്. മ​ന​സ്സി​ൽ ഗാ​ന്ധി​യു​ണ്ടാ​യി​ട്ടും താ​ൻ ഗാ​ന്ധി​യ​നാ​യി​ല്ലെ​ന്ന്​ ആ​ത്മ​വി​മ​ർ​ശ​ന​വും ന​ട​ത്തി​യി​ട്ടു​ണ്ട്​ അ​ദ്ദേ​ഹം.

പൊ​ന്നാ​നി​ക്ക​ള​രി​യി​ലെ ത​ഴ​ക്കം

ക​വി​ക​ളും സാ​ഹി​ത്യ​കാ​ര​ന്മാ​രും നി​രൂ​പ​ക​രും നി​റ​ഞ്ഞു​നി​ന്ന പൊ​ന്നാ​നി​യി​ൽ​നി​ന്നാ​ണ്​ എം.​ജി.​എ​സ്​ പു​റ​പ്പെ​ട്ട​തെ​ങ്കി​ലും അ​മ്മ​യു​ടെ നാ​ടാ​യ പ​ര​പ്പ​ന​ങ്ങാ​ടി നെ​ടു​വ​യി​ലെ വെ​ണ്ണ​ക്കാ​ട്ട്​ മു​റ്റാ​യി​ൽ ത​റ​വാ​ട്ടി​ലാ​യി​രു​ന്നു ബാ​ല്യ​കാ​ലം. മു​ത്ത​ച്ഛ​ൻ നാ​രാ​യ​ണ​ൻ നാ​യ​രും അ​ച്ഛ​ൻ കെ.​പി. ഗോ​വി​ന്ദ മേ​നോ​നും ഡോ​ക്​​ട​ർ​മാ​രാ​യി​രു​ന്നു. വീ​ട്ടി​ൽ നി​ന്നു​ള്ള പ​ഠ​ന​ത്തി​നു​ശേ​ഷം നെ​ടു​വ എ​ലി​മെൻറ​റി സ്​​കൂ​ളി​ലെ മൂ​ന്നാം ക്ലാ​സി​ലാ​ണ്​ ആ​ദ്യ​മാ​യി ​ചേ​ർ​ന്ന​ത്. അ​ച്ഛ​െൻറ നാ​ടാ​യ പൊ​ന്നാ​നി​യി​ൽ ഹൈ​സ്​​കൂ​ളി​ൽ പ​ഠി​ക്കു​​മ്പോ​ൾ ക​വി​ത​യി​ൽ ക​മ്പ​മാ​യി. സ്​​കൂ​ൾ ത​ല​ത്തി​ൽ ക​വി​ത​ര​ച​ന​ക്ക്​ സ​മ്മാ​ന​വും കി​ട്ടി. ചി​ല ക​വി​ത​ക​ൾ പ്ര​സി​ദ്ധീ​ക​രി​ച്ചും വ​ന്നു.

ച​രി​ത്ര​ത്തി​ലേ​ക്കു​ തി​രി​ഞ്ഞ വ​ഴി

അ​ച്ഛ​നെ​യും മു​ത്ത​ച്ഛ​നെ​യും​പോ​ലെ ഡോ​ക്​​ട​റാ​ക്ക​ണ​മെ​ന്ന വീ​ട്ടു​കാ​രു​ടെ ആ​ഗ്ര​ഹ​ത്തി​ന് കോ​ഴി​ക്കോ​ട് ഗു​രു​വാ​യൂ​ര​പ്പ​ൻ കോ​ള​ജി​ൽ ഇ​ൻ​റ​ർ​മീ​ഡി​യ​റ്റി​ന്​ സെ​ക്ക​ൻ​ഡ്​ ​ഗ്രൂ​പ്പി​ൽ ചേ​ർ​ത്ത​താ​ണ്. ഒ​രു സി​നി​മ കാ​ണാ​ൻ​പോ​ലും സ​മ​യ​മി​ല്ലാ​ത്ത​ത്ര തി​ര​ക്കേ​റി​യ അ​ച്ഛ​നെ ക​ണ്ടു​വ​ള​ർ​ന്ന ആ ​കൗ​മാ​ര​ക്കാ​ര​ൻ തേ​ഡ്​ ഗ്രൂ​പ്പി​ലേ​ക്ക്​ മാ​റി. ഗു​രു​വാ​യൂ​ര​പ്പ​ൻ കോ​ള​ജി​ലെ ച​രി​ത്രാ​ധ്യാ​പ​ക​ൻ കെ.​വി. കൃ​ഷ്​​ണ​യ്യ​രു​ടെ ക്ലാ​സ്​ മു​റി​ക​ളി​ൽ​നി​ന്നാ​യി​രു​ന്നു ച​രി​ത്ര​ത്തോ​ട്​ ക​മ്പം​ക​യ​റി​യ​ത്. വാ​യ​ന​യു​ടെ വി​പു​ല​മാ​യ ലോ​ക​വും സ​ഹ​പാ​ഠി​ക​ൾ​ക്കൊ​പ്പം ചേ​ർ​ന്ന് ഉ​ണ്ടാ​ക്കി​യ ​ ‘പ്രോ​ഗ്ര​സി​വ്​ ഫൈ​വ്​’ കൂ​ട്ടു​കെ​ട്ടും ‘ജ​യ​ഭാ​ര​തം’ വാ​യ​ന​ശാ​ല പ്ര​വ​ർ​ത്ത​ന​വു​മാ​യി ധി​ഷ​ണ​യു​ടെ വാ​തി​ലു​ക​ൾ തു​റ​ന്നു. ബ​ന്ധു​വാ​യി​രു​ന്ന ​കെ. ​കേ​ള​പ്പ​െൻറ സൗ​ഹൃ​ദ​വും കോ​ഴി​ക്കോ​ടു​നി​ന്നു കി​ട്ടി. ‘കേ​ള​പ്പ​മ്മാ​മ’ എ​ന്നു വി​ളി​ച്ചു​പോ​ന്നു. ഇ​ന്ത്യ​യി​ലെ ഏ​തെ​ങ്കി​ലും സം​സ്​​ഥാ​ന​ത്ത്​ ഗ​വ​ർ​ണ​റാ​യി​രി​ക്കാ​ൻ ക്ഷ​ണി​ച്ചു​കൊ​ണ്ടു​ള്ള നെ​ഹ്​​റു​വി​െൻറ ക​ത്ത്​ വ​ന്ന​തും അ​ത്​ വാ​യി​ച്ച്​ ആ ​ഓ​ഫ​ർ നി​ര​സി​ച്ചു​കൊ​ണ്ട്​ കേ​ള​പ്പ​ജി മ​റു​പ​ടി എ​ഴു​തി​യ​തി​നും സാ​ക്ഷി​യാ​യി​രു​ന്നു എം.​ജി.​എ​സ്. ബി.​എ ഇ​ക്ക​ണോ​മി​ക്​​സി​ന്​ ഫാ​റൂ​ഖ്​ കോ​ള​ജി​ൽ ചേ​ർ​ന്നെ​ങ്കി​ലും അ​ടു​ത്ത വ​ർ​ഷം തൃ​ശൂ​ർ കേ​ര​ള​വ​ർ​മ​യി​ലേ​ക്ക് മാ​റി.

മ​ദി​രാ​ശി​യു​ടെ മ​ണ്ണി​ൽ

മ​ദ്രാ​സ്​ ക്രി​സ്​​ത്യ​ൻ കോ​ള​ജി​ൽ എം.​എ ഹി​സ്​​റ്റ​റി​ക്കു പ​ഠി​ക്കു​മ്പോ​ൾ പി. ​ഭാ​സ്​​ക​ര​ൻ പ​ത്രാ​ധി​പ​രാ​യ ജ​യ​കേ​ര​ളം മാ​സി​ക വ​ഴി എം. ​ഗോ​വി​ന്ദ​ൻ അടക്കമുള്ളവരുമായി ബന്ധത്തിലൂടെ കാ​ഴ്​​ച​പ്പാ​ടു​ക​ളി​ൽ മാ​റ്റം. ​പ്ര​ഫ. ടി.​വി. മ​ഹാ​ലിം​ഗം, ​​പ്ര​ഫ. ച​ന്ദ്ര​ൻ ദേ​വ​നേ​ശ​ൻ തു​ട​ങ്ങി​യ അ​ധ്യാ​പ​ക​ർ ച​രി​ത്ര​പ​ഠ​ന​ത്തി​ൽ ആ​ദ്യ​കാ​ല വ​ഴി​കാ​ട്ടി​ക​ളാ​യി. 1953 മ​ദ്രാ​സ്​ ക്രി​സ്​​ത്യ​ൻ കോ​ള​ജി​ൽ​നി​ന്ന്​ എം.​എ ഹി​സ്​​റ്റ​റി ഒ​ന്നാം റാ​​ങ്കോ​ടെ പാ​സാ​യി. താ​ൻ പ​ഠി​ച്ച കോ​ഴി​ക്കോ​ട്​ ഗു​രു​വാ​യൂ​ര​പ്പ​ൻ ​കോ​ള​ജി​ൽ ച​രി​ത്ര വി​ഭാ​ഗ​ത്തി​ൽ അ​ധ്യാ​പ​ക​നാ​യി തി​രി​ച്ചെ​ത്തി. ഇ​തി​നി​ടെ കേ​ര​ള സ​ർ​വ​ക​ലാ​ശാ​ല​യി​ൽ ഗ​വേ​ഷ​ണം.

ഇ​ളം​കു​ളം തെ​ളി​ച്ച വ​ഴി

മു​ട​ന്തി​നീ​ങ്ങി​യ കേ​ര​ള ച​രി​ത്ര​പ​ഠ​ന​ത്തി​ന്​ ആ​ദ്യ​മാ​യി ല​ക്ഷ്യ​ബോ​ധ​മു​ണ്ടാ​ക്കി​യ​ത്​ ഇ​ളം​കു​ളം കു​ഞ്ഞ​ൻ​പി​ള്ള​യെ ഗു​രു​സ്​​ഥാ​ന​ത്ത്​ പ്ര​തി​ഷ്​​ഠി​ച്ചു​കൊ​ണ്ടാ​യി​രു​ന്നു എം.​ജി.​എ​സി​െൻറ ച​രി​ത്രാ​ന്വേ​ഷ​ണം. പി​ൽ​ക്കാ​ല​ത്ത്​ ത​െൻറ ഗു​രു​വി​െൻറ ക​ണ്ടെ​ത്ത​ലു​ക​ളി​ലെ പി​ഴ​വു​ക​ൾ​പോ​ലും തി​രു​ത്തു​ക​യു​ണ്ടാ​യി. എം.​ജി.​എ​സ്​ ത​െൻറ ​ ഏ​റ്റ​വും ശ്ര​ദ്ധേ​യ​മാ​യ ‘പെ​രു​മാ​ള്‍സ് ഓ​ഫ് കേ​ര​ള’ എ​ന്ന പു​സ്​​ത​കം സ​മ​ർ​പ്പി​ച്ച​ത്​ ത​നി​ക്ക്​ വ​ഴി​കാ​ട്ടി​യ ഇ​ളം​കു​ള​ത്തി​നാ​യി​രു​ന്നു. ആ ​ഗ​വേ​ഷ​ണ​ത്തി​നാ​യി മു​പ്പ​തോ​ളം പു​തി​യ ശാ​സ​ന​ങ്ങ​ള്‍ ക​ണ്ടെ​ത്തി. 1973ൽ ​കേ​ര​ള സ​ർ​വ​ക​ലാ​ശാ​ല​യി​ൽ​നി​ന്ന്​ ച​രി​ത്ര​ത്തി​ൽ പി​എ​ച്ച്.​ഡി ബി​രു​ദം ക​ര​സ്​​ഥ​മാ​ക്കി. 1976ൽ ​കാ​ലി​ക്ക​റ്റ്​ സ​ർ​വ​ക​ലാ​ശാ​ല​യി​ൽ ​പ്ര​ഫ​സ​ർ പ​ദ​വി​.

ച​രി​ത്ര​വും മാ​ർ​ക്​​സി​സ്​​റ്റ്​ പാ​ർ​ട്ടി​യും

ക​മ്യൂ​ണി​സ്​​റ്റ്​ പാ​ർ​ട്ടി​യു​ടെ ക​ടു​ത്ത വി​മ​ർ​ശ​ക​നാ​യി​രു​ന്നു എം.​ജി.​എ​സ്. ആ​ദ്യ​കാ​ല​ത്ത്​ പാ​ർ​ട്ടി​യോ​ട്​ ആ​ഭി​മു​ഖ്യ​മു​ണ്ടാ​യി​രു​ന്ന എം.​ജി.​എ​സ്, ഇ.​എം.​എ​സി​നെ അ​തി​രൂ​ക്ഷ​മാ​യി വി​മ​ർ​ശി​ച്ചി​ട്ടു​ണ്ട്. എ​ന്നാ​ൽ, ച​രി​ത്ര​ത്തെ​ക്കു​റി​ച്ചു​ള്ള മാ​ർ​ക്​​സി​െൻറ അ​ടി​സ്​​ഥാ​ന​പ​ര​മാ​യ സി​ദ്ധാ​ന്തം ത​നി​ക്കും സ്വീ​കാ​ര്യ​മാ​യി​രു​ന്നു​വെ​ന്ന്​ എം.​ജി.​എ​സ്​ സ​മ്മ​തി​ച്ചി​ട്ടു​ണ്ട്. അ​തു​വ​രെ ച​രി​ത്ര​കാ​ര​ന്മാ​ർ ചി​ന്തി​ച്ച​പോ​ലെ ച​രി​ത്രം ദൈ​വ​ത്തി​െൻറ ലീ​ലാ​വി​ലാ​സ​മോ രാ​ജാ​ക്ക​ന്മാ​രു​ടെ​യും മ​ഹ​ദ്​ വ്യ​ക്തി​ക​ളു​ടെ ശ​ക്തി​പ്ര​ക​ട​ന​മോ ആ​ക​സ്​​മി​ക​ത​ക​ളു​ടെ ആ​കെ​ത്തു​ക​യോ അ​ല്ലെ​ന്ന​ മാ​ർ​ക്​​സി​െൻറ വാ​ദം അ​ദ്ദേ​ഹ​വും അം​ഗീ​ക​രി​ച്ചി​രു​ന്നു.

മാ​ർ​ക്​​സും മാ​ർ​ക്​​സി​സ്​​റ്റ്​ പാ​ർ​ട്ടി​യും ത​മ്മി​ൽ ഒ​രു ബ​ന്ധ​വു​മി​ല്ലെ​ന്ന നി​ല​പാ​ടാ​യി​രു​ന്നു എം.​ജി.​എ​സി​ന്. സാ​ഹി​ത്യ​വും ച​രി​ത്ര​വും ആ​ഴ​ത്തി​ൽ വി​ല​യി​രു​ത്താ​ൻ പോ​ന്ന പാ​ണ്ഡി​ത്യം ഇ.​എം.​എ​സി​നു​ണ്ടാ​യി​രു​ന്നി​ല്ല എ​ന്ന വാ​ദ​ക്കാ​ര​നാ​യി​രു​ന്നു എം.​ജി.​എ​സ്. അ​തേ​സ​മ​യം, എ.​കെ.​ജി​യെ ​അ​ദ്ദേ​ഹ​ത്തി​ന്​ ഏ​റെ ഇ​ഷ്​​ട​വു​മാ​യി​രു​ന്നു.

ല​ണ്ട​ൻ, മോ​സ്​​കോ, ടോ​ക്യോ

കോ​മ​ൺ​വെ​ൽ​ത്ത്​ അ​ക്കാ​ദ​മി​ക്​ സ്​​റ്റാ​ഫ്​ ഫെ​ലോ ആ​യി എം.​ജി.​എ​സ്​ 1974ൽ ​ല​ണ്ട​നി​ൽ എ​ത്തി​. മോ​സ്​​കോ സ​ർ​വ​ക​ലാ​ശാ​ല​യി​ൽ ഓ​റി​യ​ൻ​റ​ൽ റി​സ​ർ​ച്​​ ഇ​ൻ​സ്​​റ്റി​റ്റ്യൂ​ട്ടി​ൽ വി​സി​റ്റി​ങ്​ ​പ്ര​ഫ​സ​റാ​യി തെ​ര​ഞ്ഞെ​ടു​ത്തു. 1994ൽ ​ഒ​രു വ​ർ​ഷം ടോ​ക്യോ യൂ​നി​വേ​ഴ്​​സി​റ്റി ഓ​ഫ്​ ഫോ​റി​ൻ സ്​​റ്റ​ഡീ​സി​ലും വി​സി​റ്റി​ങ്​ റി​സ​ർ​ച്​​ ​പ്ര​ഫ​സ​റാ​യി.

ച​രി​ത്ര കൗ​ൺ​സി​ലും ബി.​ജെ.​പി​യും

1990-1992ലാ​ണ്​ ഐ.​സി.​എ​ച്ച്​.​ആ​റി​ൽ ആ​ദ്യ​മാ​യി മെം​ബ​ർ സെ​ക്ര​ട്ട​റി​യെ തീ​രു​മാ​നി​ച്ച​ത്. എം.​ജി.​എ​സി​നാ​യി​രു​ന്നു ആ ​അ​വ​സ​രം കൈ​വ​ന്ന​ത്. 2000ൽ ​അ​ട​ൽ ബി​ഹാ​രി വാ​ജ്​​പേ​യി​ പ്ര​ധാ​ന​മ​ന്ത്രി​യാ​യി​രി​ക്കെ​ഐ.​സി.​എ​ച്ച്.​ആ​റി​െൻറ ചെ​യ​ർ​മാ​നാ​യി. ക​മ്യൂ​ണി​സ്​​റ്റ്​ വി​രു​ദ്ധ​നും കോ​ൺ​ഗ്ര​സ്​ അ​നു​ഭാ​വി​യു​മാ​യി​രു​ന്ന എം.​ജി.​എ​സി​ന്​ സം​ഘ്​​പ​രി​വാ​റു​മാ​യു​ള്ള ​ബ​ന്ധ​ത്തി​നു തെ​ളി​വാ​യി ഇ​ത്​ ഉ​ദ്ധ​രി​ക്ക​പ്പെ​ട്ടു. പ​ക്ഷേ, മാ​ന​വ വി​ഭ​വ​ശേ​ഷി വ​കു​പ്പ്​ മ​ന്ത്രി​യാ​യി​രു​ന്ന മു​ര​ളി മ​നോ​ഹ​ർ ജോ​ഷി​യു​ടെ താ​ൽ​പ​ര്യ​ങ്ങ​ൾ​ക്കു വ​ഴ​ങ്ങാ​ത്ത നി​ല​പാ​ടു​ക​ൾ സ്വീ​ക​രി​ച്ച എം.​ജി.​എ​സ്​ അ​ദ്ദേ​ഹ​ത്തി​െൻറ അ​നി​ഷ്​​ട​ത്തി​ന്​ പാ​ത്ര​മാ​യി. ഒ​ടു​വി​ൽ 2003ൽ ​ചെ​യ​ർ​മാ​ൻ പ​ദ​വി രാ​ജി​വെ​ച്ച്​ ഒ​ഴി​യു​ക​യും ചെ​യ്​​തു.

കേ​ര​ള ച​രി​ത്ര​ത്തി​ൽ

പ​ര​ശു​രാ​മ​ൻ മ​ഴു​വെ​റി​ഞ്ഞു​ണ്ടാ​ക്കി​യ കേ​ര​ളം ​അ​ദ്ദേ​ഹം ബ്രാ​ഹ്​​മ​ണ​ർ​ക്ക്​ ദാ​നം ചെ​യ്​​തു​വെ​ന്ന ഐ​തി​ഹ്യ​ത്തെ എം.​ജി.​എ​സ്​ വെ​ട്ടി​നി​ര​ത്തി. ഓ​ണ​വും മാ​മാ​ങ്ക​വും കേ​ര​ള​ത്തി​െൻറ ത​ന​താ​യ ആ​ഘോ​ഷ​ങ്ങ​ള​ല്ലെ​ന്നും ചേ​ര-​ചോ​ള നൂ​റ്റാ​ണ്ട്​ യു​ദ്ധം നു​ണ​യാ​ണെ​ന്നും അ​ദ്ദേ​ഹം തെ​ളി​വു നി​ര​ത്തി. ഒ​ടു​വി​ല​ത്തെ പെ​രു​മാ​ൾ മ​ക്ക​യി​ലേ​ക്കു​ പോ​യി ഇ​സ്​​ലാം സ്വീ​ക​രി​ച്ചു എ​ന്ന​ത്​ ഐ​തി​ഹ്യ​മ​ല്ലെ​ന്ന ക​ണ്ടെ​ത്ത​ൽ അ​വ​ത​രി​പ്പി​ച്ചു. ഏ​റെ​നാ​​ള​ത്തെ ഗ​വേ​ഷ​ണ​ത്തി​നു ശേ​ഷം ​അ​ദ്ദേ​ഹം ച​രി​ത്രാ​ന്വേ​ഷി​ക​ൾ​ക്കു​​ന​ൽ​കി​യ നി​ധി​യാ​യി​രു​ന്നു ‘പെ​രു​മാ​ൾ​സ്​ ഓ​ഫ്​ കേ​ര​ള’ എ​ന്ന ഗ്ര​ന്ഥം.