കീം ​പ​ട്ടി​ക വി​വാ​ദം; ഉ​ള്ള​വ​രു​ടെ​യും ഇ​ല്ലാ​ത്ത​വ​രു​ടെ​യും റാ​ങ്ക് ലി​സ്റ്റ്

‘യു​വേ​ഫ ചാ​മ്പ്യ​ൻ​സ് ലീ​ഗ് 2024/25: ഇ​ങ്ങ​നെ ആ​യി​രു​ന്നെ​ങ്കി​ൽ’ എ​ന്ന പേ​രി​ൽ ആ​ദ്യ മ​ല​യാ​ളി ഐ.​ഐ.​ടി ജെ.​ഇ.​ഇ ടോ​പ്പ​റും ശാ​ന്തി സ്വ​രൂ​പ് ഭ​ട്നാ​ഗ​ർ അ​വാ​ർ​ഡ് ജേ​താ​വു​മാ​യ ഡോ. ​ഗം​ഗ​ൻ പ്ര​താ​പ് എ​ഴു​തി​യ പ്ര​ബ​ന്ധം ഈ​യി​ടെ വാ​യി​ക്കാ​നി​ട​യാ​യി. യു​വേ​ഫ ചാ​മ്പ്യ​ൻ​സ് ലീ​ഗി​നെ ഒ​രു ഗ​ണി​ത പ്ര​ശ്ന​മാ​യാ​ണ് പ്ര​ബ​ന്ധം സ​മീ​പി​ക്കു​ന്ന​ത്.

2025 മേ​യ് 31ന് ​ക​രു​ത്ത​രാ​യ ഇ​ൻ​റ​ർ മി​ലാ​നെ എ​തി​രി​ല്ലാ​ത്ത അ​ഞ്ചു ഗോ​ളി​ന് ത​രി​പ്പ​ണ​മാ​ക്കി പാ​രി​സ് സെൻറ് ജെ​ർ​മ​ൻ (പി.​എ​സ്.​ജി) ചാ​മ്പ്യ​ന്മാ​രാ​യി. സോ​ക്ക​ർ ആ​രാ​ധ​ക​രെ​ന്ന നി​ല​ക്ക് നാ​മാ​രും ഈ ​ഫ​ലം ചോ​ദ്യം ചെ​യ്യാ​ൻ നി​ന്നി​ല്ല. കാ​ര​ണം, ന​മു​ക്കേ​വ​ർ​ക്കും സു​പ​രി​ചി​ത​മാ​യ പ​ര​മ്പ​രാ​ഗ​ത രീ​തി​യി​ലൂ​ടെ​യാ​ണ് ടൂ​ർ​ണ​മെ​ന്റി​ലെ വി​ജ​യി​യെ തീ​രു​മാ​നി​ച്ച​ത്. എ​ന്നാ​ൽ, ഒ​രു ഗ​ണി​ത​ശാ​സ്ത്ര​ജ്ഞ​നെ സം​ബ​ന്ധി​ച്ചി​ട​ത്തോ​ളം യു​വേ​ഫ ചാ​മ്പ്യ​ൻ​സ് ലീ​ഗി​ന്റെ യ​ഥാ​ർ​ഥ വി​ജ​യി ആ​രാ​ണ് എ​ന്ന​ത് ആ​ഴ​ത്തി​ലു​ള്ള ഒ​രു ഗ​ണി​ത പ്ര​ശ്ന​മാ​ണ്.

‘പ​വ​ർ-​വീ​ക്ക്നെ​സ് ഡൈ​നാ​മി​ക്’ എ​ന്ന​റി​യ​പ്പെ​ടു​ന്ന ഗ​ണി​ത​ശാ​സ്ത്ര​പ​ര​മാ​യി ക​ർ​ശ​ന​മാ​യ ഒ​രു റാ​ങ്കി​ങ് സം​വി​ധാ​ന​മാ​ണ് പ്ര​ബ​ന്ധ ക​ർ​ത്താ​വ് ഉ​പ​യോ​ഗി​ക്കു​ന്ന​ത്. അ​തു​പ്ര​കാ​രം, ക​രു​ത്ത​രാ​യ ടീ​മി​നെ​തി​രെ ഒ​രു ഗോ​ൾ നേ​ടു​ന്ന​ത് ദു​ർ​ബ​ല ടീ​മി​നെ​തി​രെ കൂ​ടു​ത​ൽ ഗോ​ൾ നേ​ടു​ന്ന​തി​നേ​ക്കാ​ൾ മൂ​ല്യ​മു​ള്ള​താ​ണ്. അ​വ്വി​ധ​ത്തി​ൽ നോ​ക്കു​മ്പോ​ൾ, ഔ​ദ്യോ​ഗി​ക വി​ജ​യി​യാ​യ പി.​എ​സ്.​ജി ര​ണ്ടാ​മ​തേ വ​രൂ. ക​ലാ​ശ​പ്പോ​രു​പോ​ലും കാ​ണാ​ത്ത ആ​ഴ്സ​ന​ൽ ടൂ​ർ​ണ​മെൻറി​ലെ ചാ​മ്പ്യ​ന്മാ​രു​മാ​കും.

ഏ​തു റാ​ങ്കി​ങ് സം​വി​ധാ​ന​ത്തി​ലും നാം ​സ്വീ​ക​രി​ക്കു​ന്ന രീ​തി​യാ​ണ് മു​ഖ്യം. കേ​ര​ള​ത്തി​ൽ ‘കീം’ ​റാ​ങ്ക് ലി​സ്റ്റ് സം​ബ​ന്ധി​ച്ച സ​മീ​പ​കാ​ല വി​വാ​ദ​വും ഇ​ങ്ങ​നെ ഉ​ണ്ടാ​യ​താ​ണ്. ബോ​ർ​ഡ് മാ​ർ​ക്കു​ക​ൾ എ​ങ്ങ​നെ സ്കെ​യി​ൽ ചെ​യ്തു എ​ന്ന​തി​നെ​ക്കു​റി​ച്ച് മാ​ധ്യ​മ​ങ്ങ​ൾ ച​ർ​ച്ച ചെ​യ്തു, പ​ക്ഷേ അ​ത് പ്ര​ശ്ന​ത്തി​ന്റെ ഒ​രു ഭാ​ഗം മാ​ത്ര​മാ​ണ്. മ​റ്റൊ​രു അ​ടി​സ്ഥാ​ന പ്ര​ശ്നം ബോ​ർ​ഡും പ്ര​വേ​ശ​ന മാ​ർ​ക്കു​ക​ളും എ​ങ്ങ​നെ സം​യോ​ജി​പ്പി​ക്കു​ന്നു എ​ന്ന​താ​ണ്.

ഗ​ണി​ത​ശാ​സ്ത്ര​പ​ര​മാ​യി ചി​ന്തി​ച്ചാ​ൽ ര​ണ്ട് സം​ഖ്യ​ക​ൾ സം​യോ​ജി​പ്പി​ക്കാ​ൻ അ​ന​ന്ത​മാ​യ വ​ഴി​ക​ളു​ണ്ട്. നി​ങ്ങ​ൾ​ക്ക് അ​വ​യെ കൂ​ട്ടാം (അ​താ​ണി​വി​ടെ ചെ​യ്തി​രി​ക്കു​ന്ന​ത്), ഗു​ണി​ക്കാം, ശ​രാ​ശ​രി സം​ഖ്യ ക​ണ​ക്കാ​ക്കാം, അ​ല്ലെ​ങ്കി​ൽ വ്യ​ത്യ​സ്ത ഫ​ല​ങ്ങ​ൾ ന​ൽ​കു​ന്ന മ​റ്റ് സൂ​ത്ര​വാ​ക്യ​ങ്ങ​ൾ ഉ​പ​യോ​ഗി​ക്കാം. ഉ​ദാ​ഹ​ര​ണ​ത്തി​ന്: ഒ​രു കു​ട്ടി ബോ​ർ​ഡ് പ​രീ​ക്ഷ​യി​ൽ 100ഉം ​പ്ര​വേ​ശ​ന പ​രീ​ക്ഷ​യി​ൽ 50ഉം ​മാ​ർ​ക്ക് നേ​ടു​ന്നു​വെ​ന്ന് വെ​ക്കു​ക. മ​റ്റൊ​രാ​ൾ ര​ണ്ടി​ലും 75 വീ​തം നേ​ടു​ന്നു. നി​ല​വി​ലെ സം​വി​ധാ​ന പ്ര​കാ​രം ര​ണ്ടി​നും തു​ല്യ വെ​യ്റ്റേ​ജ് ന​ൽ​കി കൂ​ട്ടു​മ്പോ​ൾ ഇ​രു​വ​രു​ടെ​യും അ​ന്തി​മ സ്കോ​ർ 150.

എ​ന്നാ​ൽ, ര​ണ്ട് അ​ക്ക​ങ്ങ​ളും ത​മ്മി​ൽ ഗു​ണി​ച്ചാ​ണ് അ​വ​സാ​ന മാ​ർ​ക്ക് ക​ണ്ടെ​ത്തു​ന്ന​തെ​ങ്കി​ൽ, ആ​ദ്യ വി​ദ്യാ​ർ​ഥി​ക്ക് 5000ഉം ​ര​ണ്ടാ​മ​ത്തെ​യാ​ൾ​ക്ക് 5625 മാ​ർ​ക്കു​മാ​വും. ര​ണ്ടാ​മ​ത്തെ​യാ​ൾ റാ​ങ്കി​ങ്ങി​ൽ മു​ന്നി​ലെ​ത്തു​ക സ്വാ​ഭാ​വി​കം. ഏ​തെ​ങ്കി​ലും ഒ​രു ടെ​സ്റ്റി​ൽ ഏ​റ്റ​വും ഉ​യ​ർ​ന്ന മാ​ർ​ക്ക് വാ​ങ്ങി​യ​ത​ല്ല, ര​ണ്ട് പ​രീ​ക്ഷ​യി​ലും സ്ഥി​ര​ത പു​ല​ർ​ത്താ​നാ​യ​താ​ണ് അ​യാ​ളെ തു​ണ​ച്ച​ത്. അ​പ്പോ​ൾ ഏ​ത് രീ​തി​യാ​ണ് കൂ​ടു​ത​ൽ ന്യാ​യം? അ​ത് ന​മ്മ​ൾ എ​ന്ത് വി​ല​മ​തി​ക്കു​ന്നു എ​ന്ന​തി​നെ ആ​ശ്ര​യി​ച്ചി​രി​ക്കു​ന്നു. അ​തു​കൊ​ണ്ടാ​ണ് ന​മ്മ​ൾ ഉ​പ​യോ​ഗി​ക്കു​ന്ന സൂ​ത്ര​വാ​ക്യ​ങ്ങ​ൾ സൂ​ക്ഷ്മ​മാ​യി പ​രി​ശോ​ധി​ക്കേ​ണ്ട​ത്.

ബ്രി​ട്ടീ​ഷ് സ്റ്റാ​റ്റി​സ്റ്റി​ഷ്യ​ൻ ജോ​ർ​ജ് ബോ​ക്സ് അ​ഭി​പ്രാ​യ​പ്പെ​ടു​ന്ന​തു​പോ​ലെ: ‘‘എ​ല്ലാ മോ​ഡ​ലു​ക​ളും അ​ബ​ദ്ധ​മാ​ണ്. അ​പ്പോ​ഴും ചി​ല​ത് പ്ര​യോ​ജ​ന​മു​ള്ള​താ​ണ്’’. തീ​രു​മാ​ന​ങ്ങ​ൾ എ​ടു​ക്കു​ന്ന​തി​നാ​യി എ​ല്ലാ മോ​ഡ​ലു​ക​ളും യാ​ഥാ​ർ​ഥ്യ​ത്തെ ല​ളി​ത​മാ​ക്കു​ന്നു. അ​തി​ന് അ​തി​ന്റേ​താ​യ പ്ര​ത്യാ​ഘാ​ത​ങ്ങ​ളും ഉ​ണ്ട്. ഓ​രോ റാ​ങ്കി​ങ്ങും പ്ര​ക​ട​ന​ത്തെ​ക്കു​റി​ച്ച് മാ​ത്ര​മ​ല്ല, ന​മ്മ​ൾ എ​ന്ത് വി​ല​മ​തി​ക്കു​ന്നു എ​ന്ന​തി​നെ​ക്കു​റി​ച്ചും വെ​ളി​പ്പെ​ടു​ത്തു​ന്നു. കീം ​റാ​ങ്ക് ലി​സ്റ്റ് ഫോ​ർ​മു​ല​യും വേ​റി​ട്ട​ത​ല്ല.

റാ​ങ്കി​ങ്ങി​ലെ സാ​മൂ​ഹി​ക- സാ​മ്പ​ത്തി​ക വേ​ർ​തി​രി​വു​ക​ൾ

പു​തു​ക്കി​യ പ​ട്ടി​ക പു​റ​ത്തു​വ​ന്ന​പ്പോ​ൾ നി​ര​വ​ധി വി​ദ്യാ​ർ​ഥി​ക​ളു​ടെ റാ​ങ്ക് കാ​ര്യ​മാ​യി മാ​റി​യ​തു​കാ​ര​ണം ഈ ​വ​ർ​ഷ​ത്തെ കീം ​റാ​ങ്ക് ലി​സ്റ്റ് ആ​ശ​യ​ക്കു​ഴ​പ്പം സൃ​ഷ്ടി​ച്ചി​രു​ന്നു. അ​വ​രു​ടെ പ്ര​ക​ട​നം മാ​റി​യ​താ​യി​രു​ന്നി​ല്ല കാ​ര്യം. റാ​ങ്ക് ക​ണ​ക്കു​കൂ​ട്ടി​യ രീ​തി​മാ​റ്റം വ​രു​ത്തു​ക​യാ​യി​രു​ന്നു. ര​ണ്ട് ബോ​ർ​ഡു​ക​ളി​ലെ മാ​ർ​ക്കു​ക​ൾ ഒ​രേ​പോ​ലെ​യാ​ണോ നാം ​തു​ല​നം ചെ​യ്യേ​ണ്ട​ത്? അ​തും കു​ട്ടി​ക​ൾ വ്യ​ത്യ​സ്ത പ​ശ്ചാ​ത്ത​ല​ങ്ങ​ളി​ൽ​നി​ന്നു​ള്ള​വ​രാ​കു​മ്പോ​ൾ? മി​ക​ച്ച ഒ​രു സം​വി​ധാ​നം സൃ​ഷ്ടി​ച്ചെ​ടു​ക്കാ​ൻ ഒ​രു അ​വ​സ​ര​മാ​ണി​വി​ടെ തു​റ​ന്നു​കി​ട്ടി​യി​രി​ക്കു​ന്ന​ത്.

ഇ​വി​ടെ പ്ര​ശ്നം സി.​ബി.​എ​സ്.​ഇ​യും കേ​ര​ള സി​ല​ബ​സും ത​മ്മി​ല​ല്ല, അ​ത് വി​ദ്യാ​ർ​ഥി​ക​ളി​ലെ ‘ഉ​ള്ള​വ​രും’ ‘ഇ​ല്ലാ​ത്ത​വ​രും’ ത​മ്മി​ലെ​യാ​ണെ​ന്ന് ഡോ. ​ഗം​ഗ​ൻ പ്ര​താ​പി​നെ പോ​ലു​ള്ള വി​ദ​ഗ്ധ​ർ പ​റ​യു​ന്നു. ഒ​രു സാ​ധാ​ര​ണ ജ​ന​സം​ഖ്യ​യി​ൽ 10 ശ​ത​മാ​നം പേ​ർ സ​മ്പ​ന്ന​രാ​ണ്. 20 ശ​ത​മാ​നം മ​ധ്യ​വ​ർ​ഗ​മാ​ണ്. 70 ശ​ത​മാ​നം പാ​വ​പ്പെ​ട്ട​വ​രും.

എ​ന്നാ​ൽ, പ്ര​വേ​ശ​ന പ​രീ​ക്ഷ​യി​ലെ ഉ​യ​ർ​ന്ന റാ​ങ്കു​ക​ളി​ലെ​ത്തു​മ്പോ​ൾ ഇ​ത് ത​കി​ടം​മ​റി​യു​ന്നു. ഉ​യ​ർ​ന്ന റാ​ങ്കു​ക​ളി​ൽ 70 ശ​ത​മാ​ന​വും സ​മ്പ​ന്ന​ർ​ക്കും 10 ശ​ത​മാ​നം മാ​ത്രം പാ​വ​പ്പെ​ട്ട​വ​ർ​ക്കു​മാ​കു​ന്നു. പ​ഴ​യ​തും പു​തി​യ​തു​മാ​യ കീം 2025 ​റാ​ങ്ക് ലി​സ്റ്റു​ക​ൾ നോ​ക്കു​മ്പോ​ൾ ഈ ​അ​സ​മ​ത്വം വേ​റി​ട്ടു​കാ​ണാം.

യ​ഥാ​ർ​ഥ റാ​ങ്ക് ലി​സ്റ്റി​ൽ ഉ​യ​ർ​ന്ന റാ​ങ്കു​ള്ള 100 കു​ട്ടി​ക​ളി​ൽ 43 പേ​ർ കേ​ര​ള സി​ല​ബ​സി​ലു​ള്ള​വ​രാ​യി​രു​ന്നു. 55 ശ​ത​മാ​നം സി.​ബി.​എ​സ്.​ഇ​ക്കാ​രും. ഇ​തു​ത​ന്നെ ഇ​ത്തി​രി ഞെ​ട്ട​ലു​ണ്ടാ​ക്കു​ന്ന​താ​യി​രു​ന്നു. അ​പേ​ക്ഷ​ക​രി​ൽ 27 ശ​ത​മാ​നം മാ​ത്ര​മേ സി.​ബി.​എ​സ്.​ഇ​ക്കാ​രു​ള്ളൂ എ​ന്ന​തു​ത​ന്നെ കാ​ര്യം. എ​ന്നു​വെ​ച്ചാ​ൽ, ഈ ​ക​ണ​ക്കു​ക​ളി​ൽ​ത​ന്നെ ഒ​രു സി.​ബി.​എ​സ്.​ഇ വി​ദ്യാ​ർ​ഥി​ക്ക് റാ​ങ്ക് ലി​സ്റ്റി​ൽ ആ​ദ്യ 100ൽ ​ക​യ​റാ​ൻ സാ​ധ്യ​ത കേ​ര​ള സി​ല​ബ​സു​കാ​രെ അ​പേ​ക്ഷി​ച്ച് മൂ​ന്നി​ര​ട്ടി കൂ​ടു​ത​ലാ​യി​രു​ന്നു.

എ​ന്നാ​ൽ, ഫോ​ർ​മു​ല മാ​റി​യ​തോ​ടെ ഈ ​അ​ക​ലം പി​ന്നെ​യും കൂ​ടി. പു​തു​ക്കി​യ പ​ട്ടി​ക​യി​ൽ 21 കു​ട്ടി​ക​ൾ കേ​ര​ള സി​ല​ബ​സി​ൽ നി​ല​നി​ന്ന​പ്പോ​ൾ അ​വ​ശേ​ഷി​ച്ച 79 പേ​രും സി.​ബി.​എ​സ്.​ഇ​ക്കാ​രാ​യി. എ​ന്നു​വെ​ച്ചാ​ൽ, ആ​ദ്യ 100 റാ​ങ്കു​ക​ളി​ൽ ഏ​ക​ദേ​ശം 80 ശ​ത​മാ​ന​വും അ​പേ​ക്ഷ​ക​രി​ൽ 30 ശ​ത​മാ​ന​ത്തി​ൽ താ​ഴെ​യു​ള്ള​വ​ർ​ക്കാ​യി മാ​റി. ഒ​രു വി​ഭാ​ഗ​ത്തി​ന് ഫ​ലം ഗു​ണ​ക​ര​മാ​യി മാ​റി​യെ​ന്ന​ർ​ഥം. അ​തോ​ടെ, സി.​ബി.​എ​സ്.​ഇ വി​ദ്യാ​ർ​ഥി​ക്ക് കേ​ര​ള സി​ല​ബ​സു​കാ​രെ അ​പേ​ക്ഷി​ച്ച് പ​ട്ടി​ക​യി​ൽ ക​യ​റി​പ്പ​റ്റാ​നു​ള്ള സാ​ധ്യ​ത 10 ഇ​ര​ട്ടി​യാ​യി ഉ​യ​ർ​ന്നു.

ആ​ദ്യ 5000 വി​ദ്യാ​ർ​ഥി​ക​ളെ എ​ടു​ത്താ​ലും രീ​തി ഇ​തു​ത​ന്നെ. ആ​ദ്യ ലി​സ്റ്റി​ൽ സി.​ബി.​എ​സ്.​ഇ- കേ​ര​ള സി​ല​ബ​സ് അ​നു​പാ​തം 2.26: 1 ആ​യി​രു​ന്നു. പു​തു​ക്കി​യ പ​ട്ടി​ക​യി​ൽ ഇ​ത് 4.25:1 ആ​യി. എ​ന്നു​വെ​ച്ചാ​ൽ, ഒ​രു സി.​ബി.​എ​സ്.​ഇ വി​ദ്യാ​ർ​ഥി​ക്ക് കേ​ര​ള സി​ല​ബ​സു​കാ​ര​നെ അ​പേ​ക്ഷി​ച്ച് ആ​ദ്യ 5000ത്തി​ൽ ക​യ​റി​പ്പ​റ്റാ​നു​ള്ള സാ​ധ്യ​ത 4.25 ഇ​ര​ട്ടി കൂ​ടു​ത​ലാ​ണ്.

ഇ​ത് ക​ണ​ക്കു​ക​ളി​ൽ സം​ഭ​വി​ച്ച അ​പാ​ക​ത​യ​ല്ല. വി​ദ്യാ​ഭ്യാ​സ സം​വി​ധാ​ന​ത്തി​ൽ മാ​ത്ര​മ​ല്ല, മൊ​ത്തം സാ​മൂ​ഹി​ക ഘ​ട​ന​യെ​യും ചൂ​ഴ്ന്നു​നി​ൽ​ക്കു​ന്ന ഘ​ട​നാ​പ​ര​മാ​യ വി​ഷ​യ​മാ​ണ്. സ​മൂ​ഹ​ത്തി​ൽ നി​ല​വി​ലു​ള്ള അ​നീ​തി​യാ​ണ് റാ​ങ്ക് പ​ട്ടി​ക കാ​ണി​ക്കു​ന്ന​ത്.

യ​ഥാ​ർ​ഥ വി​ഷ​യം നാം ​യോ​ഗ്യ​ത എ​ങ്ങ​നെ വി​വ​ക്ഷി​ക്കു​ന്നു​വെ​ന്നും അ​ള​ക്കു​ന്നു​വെ​ന്നു​മാ​ണ്. ജെ.​ഇ.​ഇ, കീം,​നീ​റ്റ് പോ​ലു​ള്ള പ്ര​വേ​ശ​ന പ​രീ​ക്ഷ​ക​ൾ എ​ല്ലാ വി​ദ്യാ​ർ​ഥി​ക​ളെ​യും തു​ല്യ​മാ​യി വി​ല​യി​രു​ത്താ​ൻ രൂ​പ​ക​ൽ​പ​ന ചെ​യ്ത​താ​ണ്. എ​ന്നാ​ൽ, കാ​ലം പോ​കെ സ്കൂ​ൾ വി​ദ്യാ​ഭ്യാ​സ​ത്തി​നു​പു​റ​മെ വി​ല​കൂ​ടി​യ സ്വ​കാ​ര്യ കോ​ച്ചി​ങ്ങും പു​റ​ത്തു​നി​ന്നു​ള്ള പി​ന്തു​ണ​യും കൂ​ടി ല​ഭി​ക്കു​ന്ന, സ​മ്പ​ന്ന കു​ടും​ബ​ങ്ങ​ളി​ലെ വി​ദ്യാ​ർ​ഥി​ക​ളെ സ​ഹാ​യി​ക്കു​ന്ന ഉ​പ​ക​ര​ണ​ങ്ങ​ളാ​യി ഇ​ത് മാ​റി​യി​രി​ക്കു​ന്നു.

ഇ​ന്ന് ഈ ​പ​രീ​ക്ഷ​ക​ളി​ൽ മി​ക​വു കാ​ട്ടു​ക​യെ​ന്ന​ത് ചെ​ല​വേ​റി​യ സ്വ​കാ​ര്യ കോ​ച്ചി​ങ് കൂ​ടി ആ​ശ്ര​യി​ച്ചു​ള്ള​താ​ണ്. സ​മ്പ​ന്ന കു​ടും​ബ​ങ്ങ​ളി​ലെ വി​ദ്യാ​ർ​ഥി​ക​ൾ​ക്ക് ഇ​ത് താ​ങ്ങാ​നാ​കും. എ​ന്നാ​ൽ, അ​ത്ര​യും മി​ടു​ക്കു​ള്ള സ​ർ​ക്കാ​ർ വി​ദ്യാ​ല​യ​ങ്ങ​ളി​ൽ പ​ഠി​ച്ച, പ്ര​ത്യേ​കി​ച്ച്, ഗ്രാ​മീ​ണ- ദ​രി​ദ്ര മേ​ഖ​ല​ക​ളി​ലെ വി​ദ്യാ​ർ​ഥി​ക​ൾ കാ​ര്യ​മാ​യ പു​റം​സ​ഹാ​യ​മി​ല്ലാ​തെ ഈ ​പ​രീ​ക്ഷ​ക​ൾ നേ​രി​ടേ​ണ്ടി​വ​രു​ന്നു. എ​ന്നു​വെ​ച്ചാ​ൽ, ഈ ​ഏ​ക​ജാ​ല​ക പ്ര​വേ​ശ​ന പ​രീ​ക്ഷ​ക​ൾ, എ​ല്ലാ​വ​ർ​ക്കും തു​ല്യ അ​വ​സ​രം ഒ​രു​ക്കു​ന്ന​തി​നു​പ​ക​രം സ​മ്പ​ന്ന​നും പാ​വ​പ്പെ​ട്ട​വ​നും ത​മ്മി​ലെ അ​ക​ലം വ​ർ​ധി​പ്പി​ക്കു​ന്നു, അ​തു​വ​ഴി അ​സ​മ​ത്വ​വും പെ​രു​കു​ന്നു.

അ​വി​ടെ​യാ​ണ് ഏ​ക​ജാ​ല​ക പ​രീ​ക്ഷ​ക്കു പ​ക​രം, പ്ര​വേ​ശ​ന പ​രീ​ക്ഷാ പ്ര​ക​ട​ന​വും 12ാം ക്ലാ​സി​ലെ ബോ​ർ​ഡ് മാ​ർ​ക്കു​ക​ളും ചേ​ർ​ത്തു​ള്ള ഹൈ​ബ്രി​ഡ് മോ​ഡ​ൽ പ്ര​സ​ക്ത​മാ​കു​ന്ന​ത്. എ​നി​ക്ക് തോ​ന്നു​ന്ന​ത്, ഇ​താ​ണ് ന​മു​ക്ക് മു​ന്നി​ലെ ഏ​റ്റ​വും മി​ക​ച്ച മാ​ർ​ഗം. എ​ന്നാ​ൽ, അ​ടി​സ്ഥാ​ന​പ​ര​മാ​യ അ​സ​മ​ത്വ​ങ്ങ​ൾ പ​രി​ഹ​രി​ക്കു​ന്ന​തി​നാ​യി മോ​ഡ​ൽ ശ്ര​ദ്ധാ​പൂ​ർ​വം രൂ​പ​ക​ൽ​പ​ന ചെ​യ്യ​ണം.

അ​ല്ലെ​ങ്കി​ൽ, അ​സ​ന്തു​ലി​താ​വ​സ്ഥ മ​റ്റൊ​രു രൂ​പ​ത്തി​ൽ വീ​ണ്ടും പ്ര​ത്യ​ക്ഷ​പ്പെ​ടും. റാ​ങ്കി​ങ് മോ​ഡ​ലു​ക​ൾ ഗ​ണി​ത​ശാ​സ്ത്ര​പ​ര​മാ​യി മാ​ത്ര​മ​ല്ല, ധാ​ർ​മി​ക​മാ​യും പു​ന​ർ​വി​ചി​ന്ത​നം ചെ​യ്യ​പ്പെ​ട​ണം, എ​ല്ലാ​വ​ർ​ക്കും നീ​തി​യും തു​ല്യ അ​വ​സ​ര​വും ഉ​റ​പ്പാ​ക്ക​പ്പെ​ട​ണം