രാജ്യത്തിനും യുദ്ധത്തിനുമിടയിലെ മുസ്‍ലിമവസ്ഥ

ഇ​ന്ത്യ​ക്കും പാ​കി​സ്​​താ​നു​മി​ട​യി​ൽ ഉ​രു​ണ്ടു​കൂ​ടി​യ യു​ദ്ധാ​ന്ത​രീ​ക്ഷ​ത്തി​നു ശേ​ഷം രാ​ജ്യം അ​ത്ത​ര​മൊ​ര​വ​സ്ഥ​യി​ലെ​ത്തി​യ​തി​നെ​ക്കു​റി​ച്ച് മ​റ്റു രാ​ജ്യ​ങ്ങ​ളെ ബോ​ധ്യ​പ്പെ​ടു​ത്തു​ന്ന ന​യ​ത​ന്ത്ര വ്യാ​യാ​മ​ത്തി​ലാ​ണ് നാം. ​പ​ഹ​ൽ​ഗാ​മി​ലെ പൈ​ശാ​ചി​ക​മാ​യ ഭീ​ക​രാ​ക്ര​മ​ണ​ത്തെ തു​ട​ർ​ന്ന്​ സം​ജാ​ത​മാ​യ സം​ഘ​ർ​ഷാ​വ​സ്ഥ​യി​ൽ പാ​കി​സ്​​താ​നി​ലെ ഭീ​ക​ര​കേ​ന്ദ്ര​ങ്ങ​ൾ​ക്കു നേ​രെ ന​ട​ത്തി​യ ഇ​ന്ത്യ​ൻ ആ​ക്ര​മ​ണം പ്ര​തീ​ക്ഷി​ച്ച​തും ന്യാ​യ​യു​ക്ത​വു​മാ​ണ്. അ​വി​ടെ കൊ​ല്ല​പ്പെ​ട്ട​വ​രി​ൽ ല​ക്ഷ​ണ​മൊ​ത്ത ഭീ​ക​ര​ർ എ​ത്ര പേ​രു​ണ്ടെ​ന്ന​ത് ഒ​രി​ക്ക​ലും പാ​കി​സ്താ​ൻ പ​റ​യാ​ൻ​പോ​കു​ന്നി​ല്ല. അ​തി​നു മ​റു​പ​ടി​യാ​യി പാ​കി​സ്​​താ​ൻ ന​ട​ത്തി​യ ഷെ​ല്ലാ​ക്ര​മ​ണ​ങ്ങ​ളി​ൽ അ​തി​ർ​ത്തി ഗ്രാ​മ​ങ്ങ​ളി​ൽ മ​രി​ച്ച​ത​ത്ര​യും നി​ര​പ​രാ​ധി​ക​ളാ​യ സാ​ധാ​ര​ണ​ക്കാ​രാ​ണ്.

സ​ത്യം ചെ​രി​പ്പി​ടു​ന്ന​തി​നി​ട​യി​ൽ നു​ണ ഭൂ​മി ചു​റ്റി വ​രും എ​ന്ന​തി​നെ ഓ​ർ​മി​പ്പി​ക്കു​ന്ന​താ​ണ് പാ​കി​സ്താ​ൻ സോ​ഷ്യ​ൽ മീ​ഡി​യ ഹാ​ൻ​ഡി​ലു​ക​ൾ ച​മ​ച്ചു​വി​ട്ട നൂ​റു​കൂ​ട്ടം ക​ഥ​ക​ൾ. ഇ​ന്ത്യ​യി​ലും വാ​ർ റൂ​മു​ക​ളേ​ക്കാ​ൾ ഉ​ച്ച​ത്തി​ൽ അ​ല​റി​വി​ളി​ച്ച ന്യൂ​സ് റൂ​മു​ക​ളും കു​റെ നു​ണ​ക്ക​ഥ​ക​ൾ ച​മ​ച്ചി​ട്ടു​ണ്ട്. പാ​കി​സ്​​താ​നി നു​ണ​ക​ൾ അ​പ്പാ​ടെ കോ​പ്പി​യ​ടി​ച്ച മാ​ത്യു സാ​മു​വ​ലി​നെ പോ​ലു​ള്ള പ്ര​ച്ഛ​ന്ന വേ​ഷ​ധാ​രി​ക​ളേ​യും നാം ​ക​ണ്ടു.

​ഒ​​ട്ടേ​റെ യു​ദ്ധ​വി​രു​ദ്ധ​രും മാ​ന​വി​ക വാ​ദി​ക​ളും നി​റ​ഞ്ഞ രാ​ജ്യ​മാ​ണ്​ ഇ​ന്ത്യ​യെ​ങ്കി​ലും യു​ദ്ധ​വി​രു​ദ്ധ മു​ദ്രാ​വാ​ക്യ​ങ്ങ​ളു​യ​ർ​ത്താ​നോ ഇ​ന്ത്യ​യു​ടെ മി​ലി​ട്ട​റി ആ​ക്ഷ​നെ വി​മ​ർ​ശ​നാ​ത്മ​ക​മാ​യി സ​മീ​പി​ക്കാ​നോ ആ​ദ്യ ദി​വ​സ​ങ്ങ​ളി​ൽ അ​വ​രി​ൽ മ​ഹാ​ഭൂ​രി​പ​ക്ഷ​വും മു​തി​ർ​ന്നി​ല്ല. യു​ദ്ധം പാ​കി​സ്​​താ​നോ​ടാ​യ​തി​നാ​ൽ​ത​ന്നെ ഇ​ന്ത്യ​യി​ലെ മു​സ്‍ലിം പ​രി​സ​ര​ത്തു​ള്ള​വ​ർ​ക്ക് അ​ത്​ തീ​ർ​ത്തും അ​ചി​ന്ത്യ​വു​മാ​ണ്. മോ​ദി സ​ർ​ക്കാ​ർ അ​ധി​കാ​ര​ത്തി​ൽ വ​ന്ന​തി​നു മു​മ്പേ ദി​വ​സം മൂ​ന്നു​ത​വ​ണ രാ​ജ്യ​സ്നേ​ഹ സ​ർ​ട്ടി​ഫി​ക്ക​റ്റ് ഹാ​ജ​രാ​ക്കേ​ണ്ട പ​രി​തോ​വ​സ്ഥ​യി​ൽ ജീ​വി​ച്ചി​രു​ന്ന അ​വ​ർ ഇ​പ്പോ​ൾ പാ​കി​സ്​​താ​നി​ലേ​ക്ക് പോ​കൂ എ​ന്ന ആ​ക്രോ​ശം നി​ര​ന്ത​രം കേ​ട്ടു​കൊ​ണ്ടി​രി ക്കു​ക​യാ​ണ്. പ​ഹ​ൽ​ഗാ​മി​ന് ശേ​ഷ​മാ​ക​ട്ടെ രാ​ജ്യ​ത്തു​ട​നീ​ളം മു​സ്‍ലിം​ക​ൾ​ക്കെ​തി​രാ​യി വി​ദ്വേ​ഷ പ്ര​ചാ​ര​ണം ഉ​ച്ച​സ്ഥാ​യി​യി​ലാ​യി. ക​ശ്മീ​രി മു​സ്‍ലിം​ക​ൾ​ക്കെ​തി​രെ കാ​യി​ക​മാ​യ ആ​ക്ര​മ​ണം​ത​ന്നെ നി​ർ​ബാ​ധം ന​ട​ന്നു. ആ​ഗ്ര​യി​ൽ മു​ഹ​മ്മ​ദ് ഗു​ൽ​ഫാം എ​ന്ന യു​വാ​വി​നെ ഹി​ന്ദു​ത്വ ഭീ​ക​ര​ർ വെ​ടി​വെ​ച്ചു​കൊ​ന്നു. മം​ഗ​ലാ​പു​ര​ത്ത് മു​ഹ​മ്മ​ദ് അ​ഷ്റ​ഫ് എ​ന്ന മ​ല​യാ​ളി​യെ​യാ​ണ് ഉ​ന്മാ​ദ ദേ​ശീ​യ​ത ഉ​റ​ഞ്ഞു​തു​ള്ളി കൊ​ന്ന​ത്. മ​നോ​ജ് ചൗ​ധ​രി എ​ന്ന ക്ഷ​ത്രി​യ ഗോ​ര​ക്ഷ നേ​താ​വി​ന്റെ 26ന് ​പ​ക​രം 2600 മു​സ്‍ലി​ക​ളെ കൊ​ല്ല​ണ​മെ​ന്നാ​ഹ്വാ​നം ചെ​യ്യു​ന്ന വി​ഡി​യോ വൈ​റ​ലാ​യി. ഇ​ങ്ങ​നെ പ​ഹ​ൽ​ഗാ​മാ​ന​ന്ത​രം രാ​ജ്യ​ത്ത് നി​ല​നി​ന്നി​രു​ന്ന ഭ്രാ​ന്ത​മാ​യ യു​ദ്ധാ​ന്ത​രീ​ക്ഷ​ത്തി​ൽ യു​ദ്ധ വി​രു​ദ്ധ മു​ദ്രാ​വാ​ക്യം പ്ര​ധാ​ന മു​സ്‍ലിം വ്യ​ക്തി​ക​ളാ​രും​ത​ന്നെ മു​ന്നോ​ട്ടു വെ​ക്കാ​ൻ ധൈ​ര്യ​പ്പെ​ട്ടി​ല്ല എ​ന്ന​ത് രാ​ജ്യ​ത്ത് മു​സ്‍ലിം അ​പ​ര​വ​ത്ക​ര​ണം പൂ​ർ​ത്തി​യാ​യി എ​ന്ന​തി​ന്റെ സാ​മൂ​ഹി​ക സൂ​ചി​ക​യാ​ണ്. കു​റ​ച്ചു​കാ​ലം മു​മ്പാ​ണെ​ങ്കി​ൽ ന​സ്റു​ദ്ദീ​ൻ ഷാ​യോ ജാ​വേ​ദ് അ​ഖ്ത​റോ ഇ​ർ​ഫാ​ൻ ഹ​ബീ​ബോ ഒ​ക്കെ യു​ദ്ധ​ത്തി​നെ​തി​രെ സം​സാ​രി​ക്കു​മാ​യി​രു​ന്നു. അ​തു​കൊ​ണ്ടാ​ണ് അ​സ​ദു​ദ്ദീ​ൻ ഉ​വൈ​സി​ക്ക് മ​റ്റൊ​രു രാ​ഷ്ട്രീ​യ നേ​താ​വും ചെ​യ്യാ​വു​ന്ന​തി​നേ​ക്കാ​ൾ ഉ​ച്ച​ത്തി​ൽ ഓ​പ​റേ​ഷ​ൻ സി​ന്ദൂ​റി​നെ വാ​ഴ്ത്തു​ക​യും യു​ദ്ധ​ത്തി​നാ​യി വാ​ദി​ക്കു​ക​യും ചെ​യ്യേ​ണ്ടി​വ​ന്ന​ത്. അ​തി​നി​ട​യി​ൽ ഓ​പ​റേ​ഷ​ൻ സി​ന്ദൂ​ർ നാ​ളു​ക​ളി​ൽ യു​ദ്ധ​ത്തി​നെ​തി​രെ കേ​ട്ട ഒ​രു മു​സ്‍ലിം ശ​ബ്ദം മ​ഹ്ബൂ​ബ മു​ഫ്തി​യു​ടേ​താ​ണ്. താ​ഴ്വ​ര​യി​ലെ പി.​ഡി.​പി നേ​താ​വാ​യ മ​ഹ്ബൂ​ബ തു​ട​ർ​ന്നു​വ​രു​ന്ന ക​ശ്മീ​ർ രാ​ഷ്ട്രീ​യ​ത്തി​ന്റെ ഭാ​ഗം മാ​ത്ര​മാ​യി അ​ത് ഒ​തു​ങ്ങി​പ്പോ​യി. ക​ശ്മീ​രി നോ​വ​ലി​സ്റ്റ് മി​ർ​സ വ​ഹീ​ദ്​ ഉ​രു​ണ്ടു​കൂ​ടി​യ യു​ദ്ധാ​ന്ത​രീ​ക്ഷ​ത്തെ​ക്കു​റി​ച്ച് വി​മ​ർ​ശ​നാ​ത്മ​ക​മാ​യി ഗാ​ർ​ഡി​യ​ൻ പ​ത്ര​ത്തി​ൽ ലേ​ഖ​ന​വു​മെ​ഴു​തി.

യു​ദ്ധം യു​ദ്ധം എ​ന്നാ​ർ​ത്ത​ട്ട​ഹ​സി​ക്കു​ന്ന ഒ​രു പ്ര​ത്യേ​ക രാ​ഷ്ട്രീ​യ സാ​മൂ​ഹി​കാ​വ​സ്ഥ​യി​ൽ സം​ഘ​ർ​ഷാ​വ​സ്ഥ ല​ഘൂ​ക​രി​ച്ച് ക​ടു​ത്ത യു​ദ്ധ ന​ട​പ​ടി​ക​ളി​ലേ​ക്ക് പോ​കാ​തെ ഉ​ഭ​യ​ക​ക്ഷി സം​ഭാ​ഷ​ണ​ങ്ങ​ളി​ലേ​ക്കും ഡി ​എ​ക്സ​ലേ​ഷ​ൻ എ​ക്സ​ർ​സൈ​സി​ലേ​ക്കും രാ​ഷ്ട്രീ​യ നേ​തൃ​ത്വ​ത്തെ എ​ത്തി​ക്കു​ക എ​ന്ന​ത് മ​ഹ​ത്താ​യ മാ​ന​വി​ക ഇ​ട​പെ​ട​ലാ​ണ്. യു​ദ്ധം കൊ​ടു​മ്പി​രി​ക്കൊ​ണ്ട ദി​വ​സ​ങ്ങ​ളി​ൽ ആ​ദ്യ​മാ​യി അ​ങ്ങ​നെ പ​റ​ഞ്ഞ​വ​രി​ൽ ഒ​രാ​ളാ​ണ് സി.​പി.​എം യു​വ​നേ​താ​വ് എം. ​സ്വ​രാ​ജ്.

മോ​ദി സ​ർ​ക്കാ​റി​ന്റെ പ​ഹ​ൽ​ഗാം തി​രി​ച്ച​ടി​യെ ശ​ക്തി​യോ​ടെ പി​ന്തു​ണ​ച്ച കോ​ൺ​ഗ്ര​സ് നേ​താ​വ് ശ​ശി ത​രൂ​ർ അ​തേ ശ്വാ​സ​ത്തി​ൽ​ത​ന്നെ ഒ​ഴു​ക്ക​ൻ മ​ട്ടി​ൽ ഡി ​എ​സ്ക​ലേ​ഷ​ന് വേ​ണ്ടി വാ​ദി​ച്ചി​രു​ന്നു. ഇ​തേ ശ​ശി ത​രൂ​രി​നെ മു​ന്നി​ൽ​നി​ർ​ത്തി​യാ​ണ് വി​ദേ​ശ രാ​ജ്യ​ങ്ങ​ളി​ൽ ഇ​ന്ത്യ ഇ​പ്പോ​ൾ നി​ല​പാ​ട് വി​ശ​ദീ​ക​രി​ച്ചു​കൊ​ണ്ടി​രി​ക്കു​ന്ന​ത്. ബോ​ളി​വു​ഡ് ന​ട​ൻ ര​ൺ​വീ​ർ സി​ങ് തു​ട​ക്ക​ത്തി​ൽ​ത​ന്നെ പാ​കി​സ്താ​നി​ക​ളോ​ട് വെ​റു​പ്പി​ല്ലെ​ന്നും യു​ദ്ധം പ​ട​ര​രു​തെ​ന്നും പ​റ​ഞ്ഞ അ​പൂ​ർ​വം ഇ​ന്ത്യ​ക്കാ​രി​ൽ ഒ​രാ​ളാ​ണ്. ക​പി​ൽ സി​ബ​ലാ​ക​ട്ടെ യു​ദ്ധം പ​രി​ഹാ​ര​മ​ല്ലെ​ന്നും ഡി​പ്ലോ​മാ​റ്റി​ക് ചാ​ന​ലി​ലൂ​ടെ പ്ര​ശ്നം പ​രി​ഹ​രി​ക്ക​ണ​മെ​ന്നും എ​ക്സി​ൽ കു​റി​ച്ചു. ആ​ന​ന്ദ്​ പ​ട്​​വ​ർ​ധ​ൻ, ല​ളി​ത രാം​ദാ​സ്, നേ​ഹാ ദീ​ക്ഷി​ത്​ തു​ട​ങ്ങി​യ​വ​ർ പ​തി​വു​​​പോ​ലെ യു​ദ്ധ​വി​രു​ദ്ധ നി​ല​പാ​ടു​ക​ൾ നി​ർ​ഭ​യം മു​ന്നോ​ട്ടു​വെ​ച്ചു. യു​ദ്ധാ​സ​ക്തി ഇ​ന്ത്യ​ൻ ശ​രീ​ര​ഘ​ട​ന​യെ ഗ്ര​സി​ച്ച പ​ഹ​ൽ​ഗാ​മാ​ന​ന്ത​ര നാ​ളു​ക​ളി​ൽ യു​ദ്ധാ​ഹ്വാ​ന​ങ്ങ​ളെ ചോ​ദ്യം​ചെ​യ്ത അ​പൂ​ർ​വം രാ​ഷ്ട്രീ​യ നേ​താ​ക്ക​ളു​ടെ കൂ​ട്ട​ത്തി​ൽ ക​ർ​ണാ​ട​ക ആ​ഭ്യ​ന്ത​ര മ​ന്ത്രി ജി. ​പ​ര​മേ​ശ്വ​ര​യും ഉ​ണ്ട്.

ലളിത രാംദാസ്

ഓ​പ​റേ​ഷ​ൻ സി​ന്ദൂ​റി​നെ വി​മ​ർ​ശി​ച്ച്​ പോ​സ്​​റ്റി​ട്ട റി​ജാ​സ് സി​ദ്ദീ​ഖ് എ​ന്ന മ​ല​യാ​ളി മാ​ധ്യ​മ പ്ര​വ​ർ​ത്ത​ക​ൻ നാ​ഗ്​​പു​ർ ജ​യി​ലി​ലാ​യി. യു​ദ്ധാ​ന്ത​രീ​ക്ഷം മാ​റി​യ ശേ​ഷം, അ​ശോ​ക സ​ർ​വ​ക​ലാ​ശാ​ല പ്ര​ഫ​സ​ർ അ​ലി ഖാ​ൻ മ​ഹ്മൂ​ദാ​ബാ​ദി​നെ ‘ഓ​പ​റേ​ഷ​ൻ സി​ന്ദൂ​റി’​നെ​ക്കു​റി​ച്ചു​ള്ള ഫേ​സ്ബു​ക്ക് പോ​സ്റ്റി​ന്റെ പേ​രി​ൽ അ​റ​സ്റ്റ് ചെ​യ്ത​തോ​ടെ, എ​ന്തു​കൊ​ണ്ടാ​ണ് മു​സ്‍ലിം ഐ​ഡ​ന്റി​റ്റി​യു​ള്ള​വ​ർ യു​ദ്ധ​ത്തെ​ക്കു​റി​ച്ച് അ​ഭി​പ്രാ​യ​മൊ​ന്നും പ​റ​യാ​ത്ത​തെ​ന്ന​തി​ന്റെ കാ​ര​ണം വ്യ​ക്ത​മാ​ക്ക​പ്പെ​ടു​ക​യാ​യി​രു​ന്നു. അ​ലി​ഖാ​ന്റെ പോ​സ്റ്റ് അ​രി​ച്ചു​പെ​റു​ക്കി വാ​യി​ച്ചാ​ലും ദേ​ശ​വി​രു​ദ്ധ​മാ​യ ഒ​രു വാ​ക്കു​പോ​ലും കാ​ണാ​നാ​വി​ല്ല. ഓ​പ​റേ​ഷ​ൻ സി​ന്ദൂ​ർ ക​ഴി​ഞ്ഞി​ട്ടും വ​ല​തു​പ​ക്ഷ ഇ​ക്കോ​സി​സ്റ്റം ഇ​ള​ക്കി​വി​ടു​ന്ന യു​ദ്ധ ഹി​സ്റ്റീ​രി​യ​യെ പ്ര​ശ്ന​വ​ത്ക​രി​ച്ചു എ​ന്ന​തു മാ​ത്ര​മാ​ണ് ആ​കെ അ​ദ്ദേ​ഹം ചെ​യ്ത​ത്.

പ്രഫ. അലിഖാൻ മഹ് മൂദാബാദ്

ഇ​ന്ത്യ​ൻ പൗ​ര​രെ​ന്ന നി​ല​യി​ൽ, യു​ദ്ധ​വി​രു​ദ്ധ​രെ​ന്ന നി​ല​യി​ൽ, മാ​ന​വി​ക​രെ​ന്ന നി​ല​യി​ൽ ഇ​ന്ത്യ​ൻ മു​സ്‍ലി​മി​ന്, ആ​ക്ടി​വി​സ്റ്റോ അ​ക്കാ​ദ​മീ​ഷ്യ​നോ രാ​ഷ്ട്രീ​യ​ക്കാ​രോ മാ​ധ്യ​മ പ്ര​വ​ർ​ത്ത​ക​രോ ആ​ക​ട്ടെ യു​ദ്ധം അ​രു​ത് എ​ന്ന് പ​റ​യാ​ൻ ആ​കു​ന്നി​ല്ല എ​ന്നി​ട​ത്താ​ണ് ഇ​ന്ത്യ​ൻ മ​ത​നി​ര​പേ​ക്ഷ​ത​യും ജ​നാ​ധി​പ​ത്യ​വും ഇ​ര​ട്ട​ക്ക​ള്ളി​യി​ലാ​കു​ന്ന​ത്. സെ​ഡീ​ഷ​ൻ എ​ന്ന തൂ​ങ്ങി​യാ​ടു​ന്ന വാ​ളി​നു ചു​വ​ട്ടി​ൽ​നി​ന്ന് രാ​ജ്യ​ത്തെ മ​റ്റു മ​നു​ഷ്യ​രെ​പ്പോ​ലെ യു​ദ്ധ​ത്തി​ന്റെ തി​ക്താ​നു​ഭ​വ​ങ്ങ​ളെ​ക്കു​റി​ച്ചും സ​മാ​ധാ​ന​ത്തെ​ക്കു​റി​ച്ചും അ​ഭി​പ്രാ​യം പ​റ​യാ​ൻ ആ​കി​ല്ല എ​ന്ന​ത് സം​ഘ്പ​രി​വാ​ർ സൃ​ഷ്ടി​ക്കു​ന്ന ഹൈ​പ്പ​ർ നാ​ഷ​ന​ലി​സ​ത്തി​ന്റെ അ​പ​ര​വ​ത്ക​ര​ണ ച​തി​ക്കു​ഴി​യി​ൽ ഒ​രു സ​ർ​ഗാ​ത്മ​ക സ​മൂ​ഹം വീ​ണു​പോ​കു​ന്നു എ​ന്ന​തി​ന്റെ സൂ​ച​ക​മാ​ണ്. അ​ത്ര​മേ​ൽ ക്ഷ​മാ​പ​ണ​ത്തോ​ടെ കു​നി​ഞ്ഞു​നി​ന്ന് നി​ശ്ശ​ബ്​​ദ​ത പാ​ലി​ക്കേ​ണ്ട​വ​രാ​ണോ സ്വാ​ത​ന്ത്ര്യ​സ​മ​ര​ത്തി​ലെ മേ​ജ​ർ സ്റ്റേ​ക്കു​കാ​ർ?