ഭരണഘടന സംരക്ഷിക്കാൻ ഒരുമിക്കേണ്ട സമയം

ഏതൊരു പൗരനും സ്വന്തം മനഃസാക്ഷി അനുസരിച്ച്​ ജീവിക്കാനും സ്വതന്ത്രമായി ഏതു മതത്തിൽ വിശ്വസിക്കുന്നതിനും, ആചരിക്കുന്നതിനും അതു പ്രചരിപ്പിക്കുന്നതിനുമുള്ള അവകാശം മൗലികാവകാശമായി പ്രഖ്യാപിച്ചിട്ടുള്ള ഭരണഘടനയാണ് നമ്മുടേത്. അടിസ്ഥാന ഘടകമായി പരിഗണിച്ചിട്ടുള്ള മതേതരത്വത്തിന്​ കോട്ടം വരുന്ന ഏതു നിയമവും അസാധുവാണെന്ന് സംശയാതീതമായി ഭരണഘടനയുടെ 13ാം അനുച്ഛേദം പ്രഖ്യാപിക്കുന്നു. മൗലിക അവകാശങ്ങൾ എടുത്തു കളയുകയോ കുറക്കുകയോ ചെയ്യുന്ന ഒരു നിയമവും രാഷ്​ട്രം നിർമിക്കാൻ പാടില്ല എന്ന് കൽപിക്കുകയും അപ്രകാരം ഉണ്ടാക്കുന്ന നിയമം അസാധുവായിരിക്കുമെന്ന് അസന്ദിഗ്‌ധമായി പ്രഖ്യാപിക്കുകയും ചെയ്തിട്ടുള്ള ഭരണഘടന നിലവിലുള്ള നമ്മുടെ നാട്ടിൽ അതിനെ ചീന്തിയെറിഞ്ഞ്​ പ്രബല ന്യൂനപക്ഷ സമൂഹത്തെ വേട്ടയാടുന്ന കാഴ്ചകൾക്കാണ്​ ഏതാനും വർഷങ്ങളായി രാജ്യം സാക്ഷ്യം വഹിച്ചുപോരുന്നത്​.

ഗാന്ധിജിയും നെഹ്​റുവും ഡോ. അംബേദ്​കറും മൗലാനാ ആസാദും ഉൾപ്പെടെ രാജ്യത്തി​െൻറ സ്വാതന്ത്ര്യത്തിനും ഉന്നതിക്കുമായി ത്യാഗങ്ങൾ അനുഷ്​ഠിച്ച രാഷ്ട്രശിൽപികൾ വിഭാവനംചെയ്​ത ഇന്ത്യയെ തകിടം മറിച്ച്​ ഗോൾവാൾകറുടെ പാഠങ്ങൾക്കനുസൃതമായി രാജ്യം മാറ്റിപ്പണിയാൻ ശ്രമിക്കുന്ന വിദ്വേഷശക്തികളാണ്​ ഇതിനു പിന്നിലെന്ന്​ ബഹുഭൂരിപക്ഷം വരുന്ന ഇന്ത്യൻ ജനത തിരിച്ചറിയുന്നു.

ഇ​ന്ന് മു​സ് ലിം​ക​ളെ വേ​ട്ട​യാ​ടു​ന്ന ഫാ​ഷി​സ്​​റ്റു​ക​ൾ നാ​ളെ ക്രൈ​സ്​​ത​വ​​ർ​ക്കും പി​ന്നെ ക​മ്യൂ​ണി​സ്റ്റു​കാ​ർ​ക്കും ശേ​ഷം ജാ​തി വ്യ​വ​സ്ഥ​യി​ലെ പി​ന്നാ​ക്ക​ക്കാ​ർ​ക്കു​മെ​തി​രെ ഉ​ന്നം പി​ടി​ക്കു​മെ​ന്നു​റ​പ്പാ​ണ്. വി​ശ്വാ​സ​ത്തി​ന്റെ​യും, സം​സ്കാ​ര​ത്തി​ന്റെ​യും, പൈ​തൃ​ക​ത്തി​ന്റെ​യും പേ​രി​ൽ ഈ ​രാ​ജ്യ​ത്തെ മു​സ്‍ലിം​ക​ൾ ക​ഴി​ഞ്ഞ പ​ത്തു വ​ർ​ഷ​ത്തി​ലേ​റെ​യാ​യി അ​നു​ഭ​വി​ക്കു​ന്ന പീ​ഡ​ന പ​ര​മ്പ​ര​യി​ലെ മ​റ്റൊ​ര​ധ്യാ​യ​മാ​ണ് വ​ഖ​ഫ് ഭേ​ദ​ഗ​തി ബി​ൽ 2025.

ഒ​രു വി​ശ്വാ​സി ഇ​സ്‍ലാം വി​ഭാ​വ​നം ചെ​യ്യു​ന്ന സ​ൽ​പ്ര​വ​ർ​ത്തി​ക​ൾ​ക്കാ​യി ത​ന്റെ സ്വ​ത്ത് ദൈ​വ​ത്തി​ന​ർ​പ്പി​ച്ച്, അ​തി​ലൂ​ടെ പ​ര​ലോ​ക മോ​ക്ഷം സി​ദ്ധി​ക്കാ​ൻ ന​ട​ത്തു​ന്ന ക​രു​ത​ലി​നെ​യാ​ണ് വ​ഖ​ഫ് എ​ന്ന് പ​റ​യു​ന്ന​ത്. ആ ​വ​സ്തു വ​ക​ക​ൾ ഏ​തു സ​ൽ​പ്ര​വൃ​ത്തി​ക്കു വേ​ണ്ടി നീ​ക്കി വെ​ക്ക​പ്പെ​ട്ട​താ​ണോ ആ ​സ​ൽ​പ്ര​വൃ​ത്തി​ക്കോ അ​തി​നോ​ട് സ​മാ​ന​ത​യു​ള്ള പ്ര​വൃ​ത്തി​ക​ൾ​ക്കോ മാ​ത്ര​മേ ഉ​പ​യോ​ഗി​ക്കാ​വൂ. വ​ഖ​ഫ് സ്വ​ത്തു​ക്ക​ളു​ടെ സം​ര​ക്ഷ​ണം ഉ​റ​പ്പാ​ക്കാ​ൻ ബ്രി​ട്ടീ​ഷ്​ ഭ​ര​ണ​കാ​ല​ത്തും സ്വാ​ത​ന്ത്ര്യ​ല​ബ്​​ധി​ക്കു​ ശേ​ഷ​വും ഇ​ന്ത്യ​യി​ൽ നി​യ​മ​നി​ർ​മാ​ണ​ങ്ങ​ൾ ന​ട​ന്നി​ട്ടു​ണ്ട്. 1923 ലെ ​മു​സ​ൽ​മാ​ൻ വ​ഖ​ഫ് ആ​ക്ട് ആ​ണ് ആ​ദ്യ​ത്തെ നി​യ​മ​നി​ർ​മാ​ണം.

ഭ​ര​ണ സം​വി​ധാ​ന​ത്തി​ലു​ള്ള ന്യൂ​ന​ത​ക​ൾ പ​രി​ഹ​രി​ക്കാ​ൻ പി​ന്നീ​ട്​ കാ​ലാ​കാ​ല​ങ്ങ​ളി​ൽ നി​യ​മ ഭേ​ദ​ഗ​തി​ക​ളു​ണ്ടാ​യി. അ​തെ​ല്ലാം അ​ത​തു കാ​ല​ഘ​ട്ട​ത്തി​ലെ മു​സ്‌​ലിം പ​ണ്ഡി​ത​ന്മാ​രു​മാ​യു​ള്ള ച​ർ​ച്ച​ക​ളു​ടെ​യും, ഗു​ണ​കാം​ക്ഷി​ക​ളു​ടെ ന​ന്മ​യാ​ർ​ന്ന നി​ർ​ദേ​ശ​ങ്ങ​ളു​ടെ​യും വെ​ളി​ച്ച​ത്തി​ലാ​യി​രു​ന്നു. സ​മൂ​ഹ ന​ന്മ​ക്കു​വേ​ണ്ടി സ​മ​ർ​പ്പി​ത​മാ​യ വ​സ്തു​വ​ക​ക​ൾ അ​ന്യാ​ധീ​ന​പ്പെ​ട്ടു​പോ​കാ​തെ സം​ര​ക്ഷി​ക്കു​ന്ന​തി​നും, അ​ന്യാ​ധീ​ന​പ്പെ​ട്ട വ​സ്തു​വ​ക​ക​ൾ തി​രി​ച്ചെ​ടു​ക്കു​ന്ന​തി​നും, അ​തു സ​മൂ​ഹ ന​ന്മ​ക്കാ​യി ഉ​പ​യോ​ഗ​പ്പെ​ടു​ത്തു​ന്ന​തി​നും അ​തു സ​ഹാ​യ​ക​മാ​യി.

2025 ലെ ​വ​ഖ​ഫ് ഭേ​ദ​ഗ​തി​യി​ലൂ​ടെ, നാ​ളി​തു​വ​രെ പ​രി​​പോ​ഷി​പ്പി​ക്ക​പ്പെ​ട്ട വ​ഖ​ഫ് വ​സ്തു​ക്ക​ളു​ടെ നി​യ​മ​പ​രി​ര​ക്ഷ ഇ​ല്ലാ​താ​വു​ക​യും വ​ഖ​ഫ് സ്വ​ത്തു​ക്ക​ൾ കൈ​യേ​റ്റ​ക്കാ​ർ​ക്ക് വ​ക​വെ​ച്ചു​കൊ​ടു​ക്ക​പ്പെ​ടു​ക​യും ചെ​യ്യു​ന്നു. സ്വ​ത്തു​ക്ക​ൾ വ​ഖ​ഫ് ചെ​യ്യു​ന്ന​തി​ൽ നി​യ​ന്ത്ര​ണ​ങ്ങ​ൾ കൊ​ണ്ടു​വ​ന്ന​ത് വി​ശ്വാ​സി​ക​ളു​ടെ മ​ത സ്വാ​ത​ന്ത്ര​ത്തി​ന്മേ​ലു​ള്ള ക​ട​ന്നു​ക​യ​റ്റ​മാ​ണ്. വ​ഖ​ഫ് സ്വ​ത്തു​ക്ക​ളു​ടെ സം​ര​ക്ഷ​ണ​ത്തി​ന് മു​സ്‌​ലിം പ​ങ്കാ​ളി​ത്തം നി​ഷേ​ധി​ക്കു​ന്ന വ്യ​വ​സ്ഥ​ക​ൾ അ​ന്യാ​യ​വും നീ​തി നി​ഷേ​ധ​വു​മാ​ണ്.​ഇ​ത്ത​രം മൗ​ലി​കാ​വ​കാ​ശ​നി​ഷേ​ധം വ​ക​വെ​ച്ചു​കൊ​ടു​ത്താ​ൽ, നാ​ളെ മ​റ്റു ന്യൂ​ന​പ​ക്ഷ​ങ്ങ​ളു​ടെ സ​മാ​ന അ​വ​കാ​ശ​ങ്ങ​ൾ ക​വ​രാ​ർ വ​ർ​ഗീ​യ​ശ​ക്തി​ക​ൾ മ​ടി​ക്കി​ല്ല.

ഭ​ര​ണ​ഘ​ട​ന​യു​ടെ ആ​മു​ഖം വി​ളം​ബ​രം ചെ​യ്യു​ന്ന മ​തേ​ത​ര​ത്വ​ത്തി​ന്റെ അ​സ്തി​ത്വ​ത്തെ​യും, അ​ടി​ത്ത​റ​യെ​യും ഇ​ള​ക്കു​ന്ന ഇ​ത്ത​രം ഭേ​ദ​ഗ​തി​ക​ൾ അ​ർ​ഹി​ക്കു​ന്ന ഗൗ​ര​വ​ത്തോ​ടെ ​ചെ​റു​ക്കാ​ത്ത പ​ക്ഷം നാ​ടി​ന്​ സം​ഭ​വി​ക്കു​ന്ന ഛിദ്ര​ത​ക്ക് നാ​മാ​യി​രി​ക്കും ഉ​ത്ത​ര​വാ​ദി​ക​ളെ​ന്ന് പ​റ​യാ​തെ​വ​യ്യ. ഓ​രോ ഇ​ന്ത്യ​ക്കാ​രും ഭ​ര​ണ​ഘ​ട​ന​യോ​ടു​ള്ള പ്ര​തി​പ​ത്തി പ്ര​ക​ട​മാ​ക്കേ​ണ്ട സ​മ​യ​മാ​ണി​ത്​; ഭ​ര​ണ​ഘ​ട​ന​യെ സം​ര​ക്ഷി​ക്കാ​ൻ ഇ​റ​ങ്ങി​പ്പു​റ​പ്പെ​ടേ​ണ്ട നി​ർ​ണാ​യ​ക സ​ന്ദ​ർ​ഭം.