‘ന്യൂ​യോ​ർ​ക്കി​ലെ ഭൂ​തം’ യു.​എ​സ് രാ​ഷ്ട്രീ​യ​ത്തെ വി​ഴു​ങ്ങു​മോ?

“ന്യൂ​യോ​ർ​ക്കി​ൽ ഒ​രു ഭൂ​തം വി​ഹ​രി​ക്കു​ന്നു.” കാ​ൾ മാ​ർ​ക്സി​ന്റെ പ്ര​ശ​സ്ത​മാ​യ ആ​ഖ്യാ​ന​ത്തി​ൽ നി​ന്നു​ള്ള വ​രി​യു​ദ്ധ​രി​ച്ചു​കൊ​ണ്ടാ​ണ് കൊ​ളം​ബി​യ സ​ർ​വ​ക​ലാ​ശാ​ല​യി​ലെ പ്ര​ഫ.​ഹ​മീ​ദ് ദാ​ബാ​ഷി ത​ന്റെ പു​തി​യ ലേ​ഖ​നം ആ​രം​ഭി​ക്കു​ന്ന​ത്. ന​വം​ബ​റി​ല്‍ ന​ട​ക്കാ​നി​രി​ക്കു​ന്ന ന്യൂ​യോ​ർ​ക് മേ​യ​ർ തെ​ര​ഞ്ഞെ​ടു​പ്പി​ല്‍ ഡെ​മോ​ക്രാ​റ്റി​ക് സ്ഥാ​നാ​ർ​ഥി​യാ​യി മ​ത്സ​രി​ക്കു​ന്ന സു​ഹ്രാ​ൻ മം​ദാ​നി​യെ​ക്കു​റി​ച്ചാ​ണ് പ്ര​സ്തു​ത പ​രാ​മ൪​ശം. മു​പ്പ​ത്തി​മൂ​ന്നു​കാ​ര​നാ​യ, ദ​ക്ഷി​ണേ​ഷ്യ​ൻ വം​ശ​ജ​നും മു​സ്‍ലി​മു​മാ​യ മം​ദാ​നി​ക്കെ​തി​രെ ലോ​ക​മൊ​ട്ടു​ക്കു​ള്ള തീ​വ്ര വ​ല​തു​പ​ക്ഷ വം​ശീ​യ​വാ​ദി​ക​ള്‍ ഉ​റ​ഞ്ഞു​തു​ള്ളു​ന്ന​തി​ന്റെ ന്യാ​യാ​ന്യാ​യ​ങ്ങ​ള്‍ പ​രി​ശോ​ധി​ക്കു​ക​യാ​ണ​ദ്ദേ​ഹം. ഇ​ത് വെ​റു​മൊ​രു മേ​യ൪ സ്ഥാ​നാ​ർ​ഥി​ക്കെ​തി​രാ​യ രാ​ഷ്ട്രീ​യ വി​മ​ർ​ശ​നം മാ​ത്ര​മ​ല്ലെ​ന്നും അ​മേ​രി​ക്ക​ൻ രാ​ഷ്ട്രീ​യ​ത്തി​ൽ അ​ടി​യു​റ​ച്ചി​രി​ക്കു​ന്ന സ​യ​ണി​സ്റ്റ് സ്വാ​ധീ​ന​ത്തെ വെ​ല്ലു​വി​ളി​ക്കു​ന്ന പു​തി​യ പ്ര​വ​ണ​ത​യു​ടെ പ്ര​തീ​ക​മാ​ണെ​ന്നും അ​ദ്ദേ​ഹം സ്ഥാ​പി​ക്കു​ന്നു.

സു​ഹ്റാ​ൻ മം​ദാ​നി: അ​ടി​മു​ടി രാ​ഷ്ട്രീ​യം

ന്യൂ​യോ​ർ​ക്കി​ന്റെ ഉ​ദാ​ര​വാ​ദ പ്ര​വ​ണ​ത​ക​ളെ പ്ര​തി​നി​ധാ​നം​ചെ​യ്യു​ന്ന ന്യൂ​യോ​ർ​ക് ടൈം​സ് പ​ത്രം മു​ത​ൽ ട്രം​പ് താ​ന്ത്രി​ക​ത​യു​ടെ അ​ധീ​ന​ത​യി​ലു​ള്ള മേ​ക്ക് അ​മേ​രി​ക്ക ഗ്രേ​റ്റ് എ​ഗൈ​ൻ (MAGA) റി​പ്പ​ബ്ലി​ക്ക​ൻ​സ് വ​രെ മം​ദാ​നി​ക്കെ​തി​രെ ഐ​ക്യ​പ്പെ​ട്ടി​രി​ക്കു​ന്നു. ‘ക​മ്യൂ​ണി​സ്റ്റ് ഭ്രാ​ന്ത​ൻ,’ ‘ഭ​യ​ങ്ക​ര​മാ​യ ശ​ബ്ദ​മു​ള്ള​വ൯,’ ‘അ​സ​ഹ്യ​മാ​യ മു​ഖ​മു​ള്ള​വ൯,’ ‘ബു​ദ്ധി​യി​ല്ലാ​ത്ത​വ​ൻ’ തു​ട​ങ്ങി​യ പ​ദ​പ്ര​യോ​ഗ​ങ്ങ​ളി​ലൂ​ടെ ട്രം​പ് നേ​രി​ട്ടാ​ണ് മം​ദാ​നി​യെ നി​ര​ന്ത​രം അ​പ​കീ​ർ​ത്തി​പ്പെ​ടു​ത്താ​ൻ ശ്ര​മി​ക്കു​ന്ന​ത്. എ​ന്നാ​ൽ, എ​ല്ലാ​റ്റി​നെ​യും ശാ​ന്ത​മാ​യും കൃ​ത്യ​മാ​യ ന​യ​നി​ല​പാ​ടു​ക​ളു​ടെ പി​ൻ​ബ​ല​ത്തോ​ടെ​യും അ​ദ്ദേ​ഹം നേ​രി​ടു​ന്നു​വെ​ന്ന​ത് എ​തി​രാ​ളി​ക​ളെ കൂ​ടു​ത​ൽ അ​സ്വ​സ്ഥ​രാ​ക്കു​ന്നു.

ഫ​ല​സ്തീ​ൻ മു​ഖ്യ​വി​ഷ​യ​മാ​കു​മ്പോ​ള്‍

2024ലെ ​പ്ര​സി​ഡ​ന്റ് തെ​ര​ഞ്ഞെ​ടു​പ്പി​ൽ ട്രം​പ് വീ​ണ്ടും അ​ധി​കാ​ര​ത്തി​ലെ​ത്തി​യ​തോ​ടെ, ഡെ​മോ​ക്രാ​റ്റി​ക് പാ​ർ​ട്ടി വ​ലി​യൊ​രു പ്ര​തി​സ​ന്ധി​യെ അ​ഭി​മു​ഖീ​ക​രി​ക്കു​ക​യാ​യി​രു​ന്നു. 1992ല്‍ ​ബി​ല്‍ ക്ലി​ന്റ​ണി​ന്റെ തെ​ര​ഞ്ഞെ​ടു​പ്പ് വി​ജ​യ​ത്തി​ന് നേ​തൃ​ത്വം ന​ല്‍കി​യ ത​ല​മു​തി൪​ന്ന ഡെ​മോ​ക്രാ​റ്റാ​യ ജെ​യിം​സ് കാ​ർ​വി​ല്ലി​ന്റെ “ഡെ​മോ​ക്രാ​റ്റു​ക​ൾ ച​വി​ട്ടേ​റ്റ് കി​ട​ക്കു​ക​യും മ​രി​ച്ചു​പോ​യ​തു​പോ​ലെ ന​ടി​ക്കു​ക​യും വേ​ണം” (Democrats should roll over and play dead) എ​ന്ന പ്ര​സ്താ​വ​ന അ​തി​ന്റെ ഗൗ​ര​വം വ്യ​ക്ത​മാ​ക്കു​ന്നു. ഈ ​പ​രാ​ജ​യ ബോ​ധ​ത്തി​ന്റെ പാ​താ​ള​ത്തി​ല്‍നി​ന്ന് ഉ​യ​ർ​ന്നു​വ​ന്ന നേ​താ​വാ​ണ് മം​ദാ​നി. 2024ലെ ​തെ​ര​ഞ്ഞെ​ടു​പ്പി​ല്‍ ക​മ​ല ഹാ​രി​സി​ന്റെ പ്ര​ചാ​ര​ണ വേ​ദി​ക​ളി​ല്‍ ഒ​രൊ​റ്റ ഫ​ല​സ്തീ​നി​ക്കും ഇ​ടം ന​ൽ​കാ​തി​രു​ന്ന​ത്, പാ​ർ​ട്ടി​യു​ടെ സ​മ്പൂ​ർ​ണ സ​യ​ണി​സ്റ്റ് വി​ധേ​യ​ത്വ​ത്തെ തു​റ​ന്നു​കാ​ണി​ച്ച സം​ഭ​വ​മാ​യി​രു​ന്നു. എ​ന്നാ​ൽ, മം​ദാ​നി​യാ​വ​ട്ടെ ഫലസ്തീൻ ജനതയെ ഹൃദയപൂർവം പിന്തുണക്കുന്നു. സ​യ​ണി​സ്റ്റ് യാ​ഥാ​സ്ഥി​തി​ക​ത​ക്കും വം​ശീ​യ​ത​ക്കു​മെ​തി​രെ മ​ടി​യേ​തു​മി​ല്ലാ​തെ തു​റ​ന്ന നി​ല​പാ​ട് സ്വീ​ക​രി​ക്കു​ന്നു.

ജൂ​ത-​മു​സ്‍ലിം ഐ​ക്യ​ത്തി​ന്റെ പ്ര​തീ​കം

മം​ദാ​നി​യു​ടെ വി​ജ​യം യാ​ദൃ​ച്ഛി​ക​മ​ല്ലെ​ന്നും യ​ഹൂ​ദ​ർ എ​ന്ന നി​ല​യി​ൽ വം​ശ​ഹ​ത്യ​ക്കും അ​തി​ക്ര​മ​ത്തി​നും കൂ​ട്ടു​നി​ല്‍ക്കാ​ൻ ത​യാ​റ​ല്ലാ​ത്ത ധാ​രാ​ളം പേ​ർ അ​ദ്ദേ​ഹ​ത്തി​നൊ​പ്പ​മാ​ണെ​ന്നും മാ​ധ്യ​മ​പ്ര​വ​ർ​ത്ത​ക​ൻ പീ​റ്റ​ർ ബൈ​നാ​ർ​ട്ട് പ​റ​യു​ന്നു. പു​തി​യ ത​ല​മു​റ, സ​യ​ണി​സ്റ്റ് വം​ശീ​യോ​ന്മൂ​ല​ന പ​ദ്ധ​തി​ക​ളെ ചോ​ദ്യം ചെ​യ്യു​ക​യും ഫ​ല​സ്തീ​നി​ക​ള​നു​ഭ​വി​ക്കു​ന്ന പീ​ഡ​ന​ങ്ങ​ളെ​ക്കു​റി​ച്ച് പ​റ​ഞ്ഞു​കൊ​ണ്ടി​രി​ക്കു​ക​യും ചെ​യ്യു​ന്നു.

ഡെ​മോ​ക്രാ​റ്റു​ക​ൾ​ക്കി​ട​യി​ൽ 60 ശ​ത​മാ​നം പേ​ർ ഫ​ല​സ്തീ​നോ​ടാ​ണ് അ​നു​ക​മ്പ പ്ര​ക​ടി​പ്പി​ക്കു​ന്ന​തെ​ന്ന് വ്യ​ക്ത​മാ​ക്കു​ന്ന പു​തി​യ സി.​എ​ൻ.​എ​ൻ സ​ർ​വേ ഇ​സ്രാ​യേ​ലി​നോ​ടു​ള്ള അ​നു​ഭാ​വം ച​രി​ത്ര​ത്തി​ലെ ഏ​റ്റ​വും താ​ഴ്ന്ന നി​ല​യി​ലേ​ക്ക് ഇ​ടി​ഞ്ഞ​താ​യും ചൂ​ണ്ടി​ക്കാ​ട്ടു​ന്നു. സി.​എ​ൻ.​എ​ന്നി​ലെ വി​ശ​ക​ല​ന വി​ദ​ഗ്ധ​ൻ ഹാ​രി എ​ന്റ​ൻ ഇ​തി​നെ ‘വ​ലി​യ മാ​റ്റം’ (sea change) എ​ന്നാ​ണ് വി​ശേ​ഷി​പ്പി​ച്ച​ത്. സു​ഹ്രാ​ൻ മം​ദാ​നി വെ​റു​മൊ​രു മേ​യ​ർ സ്ഥാ​നാ​ർ​ഥി​യ​ല്ല. ഭൂ​രി​ഭാ​ഗം ‍ഡെ​മോ​ക്രാ​റ്റു​ക​ളാ​ല്‍ തെ​ര​ഞ്ഞെ​ടു​ക്ക​പ്പെ​ട്ടു​വ​ന്ന അ​ദ്ദേ​ഹ​ത്തി​ന്റെ സാ​ന്നി​ധ്യം ത​ന്നെ വ​ലി​യൊ​രു രാ​ഷ്ട്രീ​യ പ്ര​സ്താ​വ​ന​യാ​ണ്.

വ​ർ​ഗീ​യ​ത​യെ മ​റി​ക​ട​ക്കു​ന്ന വ​ർ​ഗ പോ​രാ​ട്ടം

പ്ര​മു​ഖ ജൂ​ത-​അ​മേ​രി​ക്ക​ൻ ചി​ന്ത​ക​നാ​യ നോ​ർ​മ​ൻ ഫ്ലി​ങ്ക​സ്റ്റൈ​ൻ അ​ഭി​പ്രാ​യ​പ്പെ​ടു​ന്ന​ത് മം​ദാ​നി​യു​ടെ പ്ര​ചാ​ര​ണം പ്ര​ധാ​ന​മാ​യും ഒ​രു ക്ലാ​സ് പോ​രാ​ട്ട​മാ​ണെ​ന്നാ​ണ്. യു.​എ​സ് രാ​ഷ്ട്രീ​യ​ത്തി​ല്‍ പ്ര​മു​ഖ ഡെ​മോ​ക്രാ​റ്റ് നേ​താ​വും സെ​ന​റ്റ​റു​മാ​യ ബെ​ർ​ണി സാ​ൻ​ഡേ​ഴ്സ് തു​ട​ങ്ങി​വെ​ച്ച പോ​രാ​ട്ട​ങ്ങ​ളു​മാ​യി സാ​മ്യ​മു​ണ്ടെ​ങ്കി​ലും മം​ദാ​നി​യു​ടേ​ത് വെ​റും സ്വ​ത്വ​രാ​ഷ്ട്രീ​യ​മ​ല്ലെ​ന്ന് ഫ്ലി​ങ്ക​സ്റ്റൈ​ൻ പ​റ​യു​ന്നു. മു​സ്‍ലിം പ​ശ്ചാ​ത്ത​ല​ത്തെ മു​ൻ​നി​ർ​ത്തി അ​ദ്ദേ​ഹ​ത്തെ വ​ർ​ഗീ​യ​മാ​യും മ​ത​പ​ര​മാ​യ വ​ഴി​യി​ലൂ​ടെ​യു​മൊ​ക്കെ എ​തി​രി​ടാ​ൻ ശ​ത്രു​ക്ക​ള്‍ ത​ന്ത്ര​ങ്ങ​ള്‍ മെ​ന​യു​ന്നു​ണ്ടെ​ങ്കി​ലും അ​ത് തി​രി​ച്ച​ടി​ക്കാ​നു​ള്ള സാ​ധ്യ​ത ഏ​റെ​യാ​ണ്. പ​ക്ഷേ, അ​ദ്ദേ​ഹ​ത്തെ എ​തി​ർ​ക്കു​ന്ന ഡെ​മോ​ക്രാ​റ്റു​ക​ളും റി​പ്പ​ബ്ലി​ക്ക​ൻ​സും സം​യു​ക്ത​മാ​യി മം​ദാ​നി​യു​ടെ ക്ലാ​സ് പോ​രാ​ട്ട​ത്തെ മ​റ​ച്ച് ഐ​ഡ​ന്റി​റ്റി പൊ​ളി​റ്റി​ക്‌​സാ​യി മാ​റ്റു​ക​യെ​ന്ന ത​ന്ത്രം തു​ട൪​ന്നും പ​യ​റ്റു​ക​ത​ന്നെ ചെ​യ്യു​മെ​ന്ന് ഫ്ലി​ങ്ക​സ്റ്റൈ​ൻ നി​രീ​ക്ഷി​ക്കു​ന്നു.

എ​ന്താ​യാ​ലും അ​മേ​രി​ക്ക​യി​ലി​പ്പോ​ള്‍ കാ​റ്റ് മാ​റി​വീ​ശു​ക​ത​ന്നെ​യാ​ണ്. സൗ​ജ​ന്യ ബ​സ് സ​ർ​വി​സ്, സൗ​ജ​ന്യ ശി​ശു​ര​ക്ഷ, ന​ഗ​ര​സ​ഭ​യു​ടെ കീ​ഴി​ല്‍ മി​ത​മാ​യ വി​ല​ക്ക് അ​വ​ശ്യ​സാ​ധ​ന​ങ്ങ​ള്‍ ല​ഭ്യ​മാ​ക്കു​ന്ന പ​ല​വ്യ​ഞ്ജ​ന ഷോ​പ്പ്, കോ​ടീ​ശ്വ​ര വ്യാ​പാ​രി​ക​ളി​ല്‍നി​ന്ന് കൂ​ടു​ത​ല്‍ നി​കു​തി തു​ട​ങ്ങി​യ ഉ​റ​ച്ച നി​ല​പാ​ടു​ക​ളു​ടെ പേ​രി​ല്‍ മം​ദാ​നി​യെ പി​ന്തു​ണ​ക്കു​ന്ന ശ​ക്ത​മാ​യ യു​വ​ത​ല​മു​റ രം​ഗ​ത്തു​ണ്ട്. മം​ദാ​നി പ്ര​തി​നി​ധാ​നം​ചെ​യ്യു​ന്ന​ത് ഒ​രു പു​തി​യ യു​ഗ​ത്തി​ന്റെ തു​ട​ക്ക​മാ​ണ്, സ​യ​ണി​സ്റ്റ് സ്വാ​ധീ​ന ശ​ക്തി​ക​ള്‍ക്കും എ​ന്നും സ​മൂ​ഹ​ത്തി​ന്റെ മേ​ല്‍ ആ​ധി​പ​ത്യം വാ​ണ​രു​ള​ണ​മെ​ന്ന് താ​ല്‍പ​ര്യ​മു​ള്ള വ​രേ​ണ്യ​വ​ർ​ഗ​ത്തി​നു​മെ​തി​രാ​യ രാ​ഷ്ട്രീ​യ ജ​നാ​ധി​പ​ത്യ പ്ര​തി​രോ​ധ​മാ​ണ് അ​ദ്ദേ​ഹം ഉ​യ൪​ത്തു​ന്ന​ത്.