അ​വ​സ​ര​വാ​ദ രാ​ഷ്ട്രീ​യ​ത്തി​ന്റെ അ​ന​ന്ത​ര​ഫ​ലം

നി​യ​മ​സ​ഭാ തെ​ര​ഞ്ഞെ​ടു​പ്പി​ന് വെ​റും ഒ​മ്പ​ത് ദി​വ​സ​ങ്ങ​ൾ ബാ​ക്കി​യി​രി​ക്കെ ഭ​ര​ണം തു​ട​രാ​നും തി​രി​ച്ചു​പി​ടി​ക്കാ​നും സ​ർ​വ​ശ​ക്തി​യും സം​ഭ​രി​ച്ച് പൊ​രു​തു​ന്ന സംസ്ഥാനത്തെ മു​ന്ന​ണി​ക​ളു​ടെ ആ​രോ​പ​ണ പ്ര​ത്യാ​രോ​പ​ണ യു​ദ്ധം അ​വ​സ​ര​വാ​ദ രാ​ഷ്ട്രീ​യ​ത്തി​ന്റെ പാ​ര​മ്യ​ത അ​നാ​വ​ര​ണം ചെ​യ്യു​ന്നു എ​ന്ന സ​ത്യം തു​റ​ന്നു​പ​റ​യാ​തെ​വ​യ്യ. അ​ട​വു​ന​യം എ​ന്ന് പേ​രി​ട്ട് ത​ത്ത്വ​ദീ​ക്ഷ തൊ​ട്ടു​തീ​ണ്ടി​യി​ട്ടി​ല്ലാ​ത്ത നി​ല​പാ​ടു​ക​ൾ പാ​ർ​ട്ടി​ക​ളു​ടെ​യും മു​ന്ന​ണി​ക​ളു​ടെ​യും കാ​ര്യ​ത്തി​ൽ പു​തു​മ​യു​ള്ള​ത​ല്ലെ​ങ്കി​ലും ഓ​രോ തെ​ര​ഞ്ഞെ​ടു​പ്പ് ക​ഴി​യും​തോ​റും പൂ​ർ​വാ​ധി​കം പ്ര​ക​ട​മാ​വു​ക​യാ​ണ് ന്യാ​യീ​ക​ര​ണ​ത്തി​ന്റെ അ​ർ​ഥ​ശൂ​ന്യ​ത. ഏ​റ്റ​വും പു​തി​യ​ത് എ​സ്.​ഡി.​പി.​ഐ​യു​ടെ പി​ന്തു​ണ​യു​ടെ കാ​ര്യ​ത്തി​ൽ മ​തേ​ത​ര​ത്വ​ത്തി​ന്റെ പേ​രി​ൽ മ​റ്റാ​രെ​യും​കാ​ൾ ആ​ണ​യി​ടു​ന്ന ഇ​ട​തു​മു​ന്ന​ണി​യു​ടെ, വി​ശി​ഷ്യാ സി.​പി.​എ​മ്മി​ന്റെ അ​ഴ​കൊ​ഴ​മ്പ​ൻ സമീപന​ങ്ങ​ളാ​ണ്. ഒരു മ​ന്ത്രി ജ​ന​വി​ധി തേ​ടു​ന്ന മ​ണ്ഡ​ല​ത്തി​ൽ സി.​പി.​എം ത​ങ്ങ​ളു​ടെ പി​ന്തു​ണ തേ​ടി​യെന്നും കഴിഞ്ഞ തെരഞ്ഞെടുപ്പിൽ അദ്ദേഹത്തെ പിന്തുണച്ചുവെന്നും എ​സ്.​ഡി.​പി.​ഐ​ സം​സ്ഥാ​ന പ്ര​സി​ഡ​ന്റ് നടത്തിയ അവകാശവാദം നിഷേധിച്ച് മുഖ്യമന്ത്രി പറഞ്ഞത് ‘‘രാ​ജ്യ​വ്യാ​പ​ക​മാ​യി ബി.​ജെ.​പി നി​ല​പാ​ട്​ മു​ന്നി​ൽ​വെ​ച്ച്​ അ​വ​ർ ജ​യി​ക്ക​രു​തെ​ന്ന് ആ​ഗ്ര​ഹി​ക്കു​ന്ന ഒ​രു​പാ​ട് ആ​ളു​ക​ൾ കേ​ര​ള​ത്തി​ലു​ണ്ട്. ബി.​ജെ.​പി​യെ ഞ​ങ്ങ​ൾ ശ​ക്ത​മാ​യി എ​തി​ർ​ത്ത്​ നി​ല​കൊ​ണ്ട​പ്പോ​ൾ സാ​ധാ​ര​ണ​ഗ​തി​യി​ൽ രാ​ഷ്ട്രീ​യ​മാ​യി യോ​ജി​പ്പി​ല്ലാ​ത്ത​വ​രും സ​ഹ​ക​രി​ക്കാ​ത്ത​വ​രു​മാ​യ ചി​ല​ർ ബി.​ജെ.​പി​യെ പ​രാ​ജ​യ​പ്പെ​ടു​ത്താ​ൻ ഞ​ങ്ങ​ൾ​ക്ക് വോ​ട്ട് ചെ​യ്തി​ട്ടു​ണ്ടാ​കാം. അ​ത് ഏ​തെ​ങ്കി​ലും ക​രാ​റി​ന്റെ ഭാ​ഗ​മ​ല്ല’’ എന്നാണ്.

സമാനമായ സാഹചര്യം അതിശക്തമായിരുന്ന 2024ലെ ​ലോ​ക്സ​ഭാ തെ​ര​ഞ്ഞെ​ടു​പ്പി​ലും തു​ട​ർ​ന്നു​വ​ന്ന പാ​ല​ക്കാ​ട്, നി​ല​മ്പൂ​ർ നി​യ​മ​സ​ഭാ ഉ​പ​തെ​ര​ഞ്ഞെ​ടു​പ്പു​ക​ളി​ലും ത​ദ്ദേ​ശ തെ​ര​ഞ്ഞെ​ടു​പ്പി​ലും ‘‘മ​ത​തീ​വ്ര​വാ​ദ ഭീ​ക​ര’’ സം​ഘ​ട​ന​യാ​യ ജ​മാ​അ​ത്തെ ഇ​സ്‍ലാ​മി​യു​മാ​യി യു.​ഡി.​എ​ഫ് സ​ഖ്യ​മു​ണ്ടാ​ക്കി എ​ന്ന് മു​ഖ്യ​മ​ന്ത്രി പി​ണ​റാ​യി​യും മ​ന്ത്രി​മാ​രും സി.​പി.​എ​മ്മി​ലെ പ്ര​മു​ഖ​രും ഇ​ട​ത​ട​വി​ല്ലാ​തെ വി​ളി​ച്ചു​കൂ​വി​യി​രു​ന്ന​താ​ണ്. അ​പ്പോ​ഴൊ​ക്കെ എ​സ്.​ഡി.​പി.​ഐ​യെ ചേ​ർ​ത്തു​പ​റ​യു​ന്ന​തി​ലും ഇ​ട​തു​മു​ന്ന​ണി നേ​താ​ക്ക​ളും വ​ക്താ​ക്ക​ളും ഒ​ട്ടു​മേ വീ​ഴ്ച​വ​രു​ത്തി​യി​രു​ന്നി​ല്ല. ഈ തെ​ര​ഞ്ഞെ​ടു​പ്പു​ക​ളി​ലൊ​ന്നും ജ​മാ​അ​ത്ത് മ​ത്സ​ര​രം​ഗ​ത്തു​ണ്ടാ​യി​രു​​ന്നി​ല്ലെ​ങ്കി​ലും അ​തി​ന്റെ പി​ൻ​ബ​ല​മു​ണ്ടെ​ന്ന് ക​രു​ത​പ്പെ​ടു​ന്ന വെ​ൽ​ഫെ​യ​ർ പാ​ർ​ട്ടി​യു​ടെ പി​ന്തു​ണ​യെ​ച്ചൊ​ല്ലി​യാ​ണ് സം​സ്ഥാ​ന​മാ​കെ കാ​ടി​ള​ക്കി​യ​ത്. ആ​സ​ന്ന​മാ​യ നി​യ​മ​സ​ഭാ തെ​ര​ഞ്ഞെ​ടു​പ്പ് പ്ര​ചാ​ര​ണം കൊ​ടു​മ്പി​രി​കൊ​ള്ളു​​മ്പോ​ഴും ജ​മാ​അ​ത്ത് പി​ന്തു​ണ​യെ​ന്നാ​രോ​പി​ച്ച് ഇ​ട​തു​മു​ന്ന​ണി നേ​താ​ക്ക​ളും പ്ര​ചാ​ര​ക​രും മാ​ധ്യ​മ​ങ്ങ​ളും യു.​ഡി.​എ​ഫി​നെ പ്ര​തി​ക്കൂ​ട്ടി​ൽ ക​യ​റ്റാ​തി​രി​ക്കു​ന്നി​ല്ല. ഈ ​ഇ​ര​ട്ട​ത്താ​പ്പി​ൽ​നി​ന്ന് ജ​നം എ​ന്ത് മ​ന​സ്സി​ലാ​ക്ക​ണം​?

രാ​ജ്യം നേ​രി​ടു​ന്ന അ​ഭൂ​ത​പൂ​ർ​വ​മാ​യ വെ​ല്ലു​വി​ളി ഹി​ന്ദു​ത്വ ഫാ​ഷി​സ​ത്തി​ന്റേ​താ​ണെ​ന്ന് വൈ​കി​യെ​ങ്കി​ലും തി​രി​ച്ചറി​ഞ്ഞ് മ​റ്റു വൈ​രു​ധ്യ​ങ്ങ​ളും അ​ഭി​പ്രാ​യ​ഭി​ന്ന​ത​ക​ളും മാ​റ്റി​വെ​ച്ച് മ​ത​നി​ര​പേ​ക്ഷ ജ​നാ​ധി​പ​ത്യ​ത്തി​ന്റെ ഭൂ​മി​ക​യി​ൽ എ​ൻ.​ഡി.​എ​ക്കെ​തി​രെ ഒ​റ്റ​ക്കെ​ട്ടാ​യി പൊ​രു​താ​നാ​ണ് ദേ​ശീ​യ​ത​ല​ത്തി​ൽ ഇ​ൻ​ഡ്യ മു​ന്ന​ണി നി​ല​വി​ൽവ​ന്ന​ത്. പ്രാ​ദേ​ശി​ക​ത​ല​ത്തി​ൽ പ​ല​കാ​ര​ണ​ങ്ങ​ളാ​ൽ ഈ ​ഐ​ക്യം നി​ല​നി​ർ​ത്താ​നാ​യി​ല്ലെ​ങ്കി​ലും ദേ​ശീ​യ​ത​ല​ത്തി​ൽ പാ​ർ​ല​മെ​ന്റി​ന​ക​ത്തും പു​റ​ത്തും അ​തി​ന്റെ ശാ​ക്തീ​ക​ര​ണ​വും പ്ര​സ​ക്തി​യും നി​ഷേ​ധി​ക്ക​പ്പെ​ട്ടി​ട്ടി​ല്ല. ഓ​രോ പാ​ർ​ല​മെ​ന്റ് സ​മ്മേ​ള​ന​ത്തി​ലും പു​തി​യ​പു​തി​യ ജ​നാ​ധി​പ​ത്യ വി​രു​ദ്ധ, മ​ത​ന്യൂ​ന​പ​ക്ഷ വി​രു​ദ്ധ ബി​ല്ലു​ക​ളു​മാ​യി മു​ന്നോ​ട്ടു​പോ​വു​ന്ന എ​ൻ.​ഡി.​എ​ക്കെ​തി​രെ അ​തി​ശ​ക്ത​മാ​യി അ​ണി​നി​ര​ക്കേ​ണ്ട നി​മി​ഷ​ങ്ങ​ളാ​ണ് പി​ന്നി​ട്ടു​കൊ​ണ്ടി​രി​ക്കു​ന്ന​ത്. ഇ​ത്ത​ര​മൊ​രു സ​ന്ദി​ഗ്ധ സാ​ഹ​ച​ര്യ​ത്തി​ൽ മ​ത​ന്യൂ​ന​പ​ക്ഷ സം​ഘ​ട​ന​ക​ളെ​ക്കൂ​ടി കൂ​ടെ​ക്കൂ​ട്ടി മു​ന്നോ​ട്ടു​പോ​വു​ന്ന​തി​ന് പ​ക​രം അ​ടി​സ്ഥാ​ന​ര​ഹി​ത​മാ​യ ആ​രോ​പ​ണ​ങ്ങ​ളും ഫാ​ഷി​സ്റ്റ് പ്ര​ചാ​ര​ണ​ത്തി​ലെ വ്യാ​ജ​ങ്ങ​ളും അ​പ്പ​ടി ഏ​റ്റെ​ടു​ത്ത് അ​വ​യെ അ​ക​റ്റി​നി​ർ​ത്താ​നും മാ​റ്റിനി​ർ​ത്താ​നു​മു​ള്ള മ​തേ​ത​ര പാ​ർ​ട്ടി​ക​ളു​ടെ വ്യ​ഗ്ര​ത ആ​ർ​ക്കാ​ണ് ഗു​ണം​ചെ​യ്യു​ക എ​ന്ന് ഒ​രു​നി​മി​ഷം ആ​ലോ​ചി​ക്കു​ന്ന​ത് ന​ന്ന്. ജ​നാ​ധി​പ​ത്യ ഇ​ന്ത്യ​യി​ൽ മ​ത​രാ​ഷ്ട്ര​വാ​ദ​മോ ഹി​ന്ദു​ത്വ​ത്തി​നെ​തി​രെ മു​സ്‍ലിം വ​ർ​ഗീ​യ​ത​യോ ഉ​യ​ർ​ത്തി​പ്പി​ടി​ക്കു​ന്ന ഒ​രു കൂ​ട്ടാ​യ്മ​യും ഇ​ല്ലെ​ന്ന് വ​സ്തു​നി​ഷ്ഠ​മാ​യ അ​ന്വേ​ഷ​ണം നടത്തിയാൽ വ്യ​ക്ത​മാ​കും. സംഘടനകളോട് ആ​ദ​ർ​ശ​പ​ര​മോ ആ​ശ​യ​പ​ര​മോ ആ​യ വി​യോ​ജി​പ്പു​ക​ൾ തീ​ർ​ച്ച​യാ​യും ഉ​ണ്ടാ​വും. പ​ക്ഷേ, അ​തി​ന്റെ പേ​രി​ൽ ഫാഷി​സ്റ്റ് പ്ര​ചാ​ര​ണ​ങ്ങ​ൾ ഏ​റ്റു​പി​ടി​ക്കു​ന്ന​തും മ​ത​നി​ര​പേ​ക്ഷ​ത​ക്ക് പ​ക​രം ഇ​സ്‍ലാ​മോ​ഫോ​ബി​ക്കാ​യ സ​മീ​പ​ന​ങ്ങ​ൾ സ്വീ​ക​രി​ക്കു​ന്ന​തും ഫാ​ഷി​സ​ത്തെ ശ​ക്തി​പ്പെ​ടു​ത്തു​ക​യേ ചെ​യ്യൂ. അ​താ​ണി​പ്പോ​ൾ കേ​ര​ള​ത്തി​ൽ സം​ഭ​വി​ച്ചു​കൊ​ണ്ടി​രി​ക്കു​ന്ന​തും. ഇ​ന്ന​ലെ​വ​രെ ഭൂ​രി​പ​ക്ഷ വോ​ട്ടു​ക​ളെ ഉ​ന്നം​വെ​ച്ച് സി.​പി.​എ​മ്മും സ​ഹ​ പാ​ർ​ട്ടി​ക​ളും പൊട്ടിച്ച മു​സ്‍ലിം വി​രു​ദ്ധ പൊ​യ് വെ​ടി​ക​ളാ​ണ് ഇ​ന്നി​പ്പോ​ൾ ബി.​ജെ.​പി ആ​യു​ധ​മാ​ക്കി​ക്കൊ​ണ്ടി​രി​ക്കു​ന്ന​ത്. ന്യൂ​ന​പ​ക്ഷ വ​ർ​ഗീ​യ​ത​യു​ടെ നേ​രെ ത​ങ്ങ​ൾ മൃ​ദു​ന​യം സ്വീ​ക​രി​ച്ചാ​ൽ ഭൂ​രി​പ​ക്ഷ വ​ർ​ഗീ​യ​ത ശ​ക്തി​പ്പെ​ടു​മെ​ന്ന സ്ഥി​രം ന്യാ​യ​വാ​ദം ഇ​പ്പോ​ൾ തി​രി​ച്ച​ടി​ക്കു​ന്ന​ത് ക​ണ്ടി​ല്ലെ​ന്നു ന​ടി​ച്ചി​ട്ട് കാ​ര്യ​മി​ല്ല. എ​ൽ.​ഡി.​എ​ഫും യു.​ഡി.​എ​ഫും ഒ​രു​പോ​ലെ ‘‘മു​സ്‍ലിം തീ​വ്ര​വാ​ദി’’​ക​ളെ ​ചേ​ർ​ത്തു​പി​ടി​ക്കു​മ്പോ​ൾ ത​ങ്ങ​ൾ മാ​ത്ര​മാ​ണ് അ​വ​ർ​ക്കെ​തി​രെ പൊ​രു​തു​ന്ന​തെ​ന്ന് ആ​ക്രോ​ശി​ക്കാ​ൻ ഫാ​ഷി​സ്റ്റു​ക​ൾ​ക്ക് അ​വ​സ​രം ല​ഭി​ച്ചി​രി​ക്കു​ന്നു. എ​സ്.​ഡി.​പി.​ഐ​ച്ചൊ​ല്ലി​യു​ള്ള പോ​ർ​വി​ളി​ക​ളും സംഘ്പരിവാർ ഫാഷിസ്റ്റുകൾക്കാ​ണ് ഗു​ണ​ക​ര​മാ​വു​ക എ​ന്ന​തി​ൽ സം​ശ​യ​മി​ല്ല.