ഇ​ട​തു​പ​ക്ഷം ആ​ർ​ക്കൊ​പ്പ​മാ​ണ്​?

ഏ​താ​നും മാ​സ​ങ്ങ​ളാ​യി കേ​ര​ള​ത്തി​ന്‍റെ സാ​മൂ​ഹി​കാ​ന്ത​രീ​ക്ഷ​ത്തി​ൽ എ​ന്താ​ണ്​ ന​ട​ന്നു​കൊ​ണ്ടി​രി​ക്കു​ന്ന​ത്​? കേ​ര​ളം ഭ​രി​ക്കു​ന്ന​ത്​ മ​​ത​നി​ര​പേ​ക്ഷ​ത​യു​ടെ അ​വ​കാ​ശ​വാ​ദം അ​ധ​ര/​അ​ക്ഷ​ര​വ്യാ​യാ​മ​മാ​ക്കി​യ ക​മ്യൂ​ണി​സ്റ്റു​ക​ൾ ന​യി​ക്കു​ന്ന ഇ​ട​തു​മു​ന്ന​ണി​യാ​ണ്. കേ​ര​ള​ത്തി​ലെ സാ​മൂ​ഹി​ക​ ന​വോ​ത്ഥാ​ന​ത്തി​ന്‍റെ കു​ത്ത​ക​​ക്കാ​രാ​യ അ​വ​രു​ടെ ഭ​ര​ണ​ത്തി​ൽ ന​വോ​ത്ഥാ​നം ഊ​ർ​ജി​ത​പ്പെ​ടു​ത്താ​ൻ പ്ര​ത്യേ​ക​സ​മി​തി സം​ഘ​ടി​പ്പി​ച്ചി​ട്ടു​ണ്ട്. മ​നു​ഷ്യ​ച്ച​ങ്ങ​ല​യും മ​തി​ലു​മൊ​ക്കെ പ​ണി​തു​വ​രു​ന്നു​മു​ണ്ട്. എ​ന്നാ​ൽ, ഇ​ട​തു​ഭ​ര​ണം ര​ണ്ടാ​മൂ​ഴം തി​ക​ക്കാറാ​കു​മ്പോ​ൾ ആ ​ച​ങ്ങ​ല​യി​ലും മ​തി​ലി​ന​ക​ത്തും ത​ള​ച്ചി​ടേ​ണ്ട എ​ല്ലാ വി​ഷ, വി​ധ്വം​സ​ക ​ശ​ക്തി​ക​ളും ഇ​ഴ​ഞ്ഞു ​പു​റ​ത്തു​വ​രു​ന്ന​താ​ണ്​ കാ​ണു​ന്ന​ത്. അ​വ​രെ കൂ​ട്ടി​ല​ട​ക്കേ​ണ്ട ഭ​ര​ണ​ത്തി​ലു​ള്ള​വ​രാ​ക​ട്ടെ, കു​ഴ​ലൂ​തി കു​ഴ​ലൂ​തി അ​വരെ അ​ഴി​ഞ്ഞാ​ടാ​ൻ അ​ര​​ങ്ങ​ത്തേ​ക്ക്​ ​​​തെ​ളി​ച്ചു​കൊ​ണ്ടു​വ​രുക​യും ചെ​യ്യു​ന്നു. ഗ്ര​ഹ​ണ​ത്തി​ന്​ വി​ഷ​ജീ​വി​ക​ൾ നി​ർ​ബാ​ധം പു​റ​ത്തി​റ​ങ്ങു​മ​ത്രേ. അ​തെ​ന്താ​യാ​ലും കേ​ര​ള​ രാ​ഷ്ട്രീ​യ​ത്തി​ൽ ഇ​ട​തി​നു ഗ്ര​ഹ​ണം സം​ഭ​വി​ച്ചു​കൊ​ണ്ടി​രി​ക്കെ, വ​ർ​ഗീ​യ​വൈ​താ​ളി​ക​ർ നി​ര​ന്ത​രം സ​മൂ​ഹ​ത്തി​ൽ തി​ടംവെ​ച്ചു​ വ​ള​രു​ക​യാ​ണ്.

സം​ഘ്​​പ​രി​വാ​ർ ഫാ​ഷി​സ​ത്തി​ന്‍റെ നി​യ​ന്ത്ര​ണ​ത്തി​ൽ അ​മ​ർ​ന്നു​ക​ഴി​ഞ്ഞ ഇ​ന്ത്യ​യി​ൽ അ​ധി​കാ​ര​രാ​ഷ്ട്രീ​യ​ക്ക​ട​ക​ളി​ൽ ഡി​മാ​ൻഡു​ള്ള ച​ര​ക്ക്​ ഇ​സ്​​ലാ​​മോ​ഫോ​ബി​യ അ​ഥ​വാ മു​സ്​​ലിം​ വി​രോ​ധ​മാ​ണ്. മുസ്‌ലിം വിരുദ്ധ വി​ഷ​വ​മ​ന​ക്കാ​ർ​ക്കും വി​ദ്വേ​ഷ​പ്ര​ചാ​ര​ക​ർ​ക്കു​മാ​ണ്​ രാ​ഷ്ട്രീ​യ​ത്തി​ലും സ​മൂ​ഹ​മ​ണ്ഡ​ല​ത്തി​ലും മാ​ധ്യ​മ​ങ്ങ​ളി​ലു​മൊ​ക്കെ ഇ​പ്പോ​ൾ സ്വീ​കാ​ര്യ​ത. എ​ല്ലാ​വ​രും ചേ​ർ​ന്ന്​ കേ​ര​ള​ത്തെ നൂ​റ്റാ​ണ്ടു പി​റ​കി​ലേ​ക്ക്​ കെ​ട്ടി​വ​ലി​ക്കു​ക​യാ​ണ്. 133 വ​ർ​ഷ​ങ്ങ​ൾ​ക്കുമു​മ്പാ​ണ്, 1892ൽ ​മ​ത, ജാ​തി​ വ​ർ​ഗീ​യ​ത​യു​ടെ മ​ലി​നീ​ക​ര​ണ​ത്തി​ൽ ചീ​ഞ്ഞു​നാ​റു​ന്ന കേ​ര​ള​ത്തെ സ്വാ​മി വി​വേ​കാ​ന​ന്ദ​ൻ ഭ്രാ​ന്താ​ല​യ​മെ​ന്നു വി​ശേ​ഷി​പ്പി​ച്ച​ത്. ജാ​തി​യി​ല്ലാ വി​ളം​ബ​ര​ത്തി​ലൂ​ടെ ശ്രീ​നാ​രാ​യ​ണ​ഗു​രു ന​ട​ത്തി​യ മ​നു​ഷ്യ​ത്വ ​പ്ര​ഖ്യാ​പ​ന​ത്തി​നും നൂ​റ്റാ​ണ്ടൊ​ന്നു പി​ന്നി​ട്ടു. അ​വ​രു​ടെ വി​മ​ർ​ശനം കേ​ൾ​ക്കാ​നും തി​രു​ത്താ​നും സാ​മൂ​ഹി​ക​ പ്ര​തി​ബ​ദ്ധ​രും നി​സ്വാ​ർ​ഥ​രു​മാ​യ രാ​ഷ്ട്രീ​യ, സ​മു​ദാ​യ നേ​തൃ​ത്വ​മു​ള്ള​തു​കൊ​ണ്ട്​ കേ​ര​ളം വി​വേ​കാ​ന​ന്ദ​ൻ ആ​ക്ഷേ​പി​ച്ച ഭ്രാ​ന്താ​ല​യ​ത്തി​ൽ​നി​ന്നു ന​വോ​ത്ഥാ​ന​ത്തി​ലേ​ക്ക്​ യാ​ത്ര​ചെ​യ്​​തെ​ത്തി. അ​​പ്പോ​ഴും പ​ഴ​യ ജീ​ർ​ണ​ത​ക​ൾ തൂ​ത്താ​ൽ പോ​കാ​ത്ത​ത്ര ത​ല​ക്കു​പി​ടി​ച്ച​വ​രു​ണ്ടാ​യി​രു​ന്നു.

ന​വോ​ത്ഥാ​ന​ത്തി​ന്‍റെ നേ​ര​വ​കാ​ശം പ​തി​ച്ചെ​ടു​ക്കാ​ൻ വ​ന്ന ഇ​ട​തു​പ്ര​സ്ഥാ​ന നേ​തൃ​ത്വ​ത്തി​നുപോ​ലും അ​തി​ൽനി​ന്ന് ര​ക്ഷ​പ്പെ​ടാ​ൻ ക​ഴി​ഞ്ഞി​ല്ലെ​ന്ന്​ മു​ഖ്യ​മ​ന്ത്രി​പ​ദ​ത്തി​ൽനി​ന്ന് ജാ​തി, ലിം​ഗ​ഭേ​ദം മൂ​ലം അ​ക​റ്റി​നി​ർ​ത്ത​പ്പെ​ട്ടെ​ന്ന കെ.​ആ​ർ. ഗൗ​രി​യ​മ്മ​യു​ടെ ആ​ക്ഷേ​പം തു​റ​ന്നു​കാ​ട്ടി​യി​ട്ടു​ണ്ട്. എ​ങ്കി​ലും മ​ത ജാ​തി വ​ർ​ഗീ​യ​ ചി​ന്ത​ക​ൾ​ക്കുമേ​ൽ പ്ര​ബു​ദ്ധ​ത​യുടെ മേ​ൽ​മു​ണ്ടു ചു​റ്റി പെ​രു​മ ന​ടി​ക്കാ​ൻ കേ​ര​ള​ത്തി​നാ​യി​ട്ടു​ണ്ട്. സം​ഘ്​​പ​രി​വാ​റി​ന്​ സം​ഘ​ബ​ല​ത്തി​ൽ രാ​ജ്യ​ത്ത്​ മു​ൻ​തൂ​ക്ക​മു​ള്ള സം​സ്ഥാ​ന​മാ​യി​ട്ടുകൂ​ടി നി​യ​മ​നി​ർ​മാ​ണാ​ധി​കാ​ര​ത്തി​ന്‍റെ നാ​ല​യ​ല​ത്തേ​ക്ക്​ അ​വ​രെ അ​ടു​പ്പി​ക്കാ​ൻ കേ​ര​ളം അ​റ​ച്ചു​നി​ൽ​ക്കു​ന്ന​ത്​ ഈ ​നാ​ട്യ​ത്തി​ന്‍റെ​ മ​റ​യി​ലാ​ണ്. ചാ​ര​ത്തി​ൽ പൊ​തി​ഞ്ഞ ഈ ​വം​ശ​വെ​റി​യു​ടെ ക​ന​ൽ ഊ​തി​ക്ക​ത്തി​ക്കാ​ൻ വി​ധ്വം​സ​ക​ശ​ക്തി​ക​ൾ ഇ​റ​ങ്ങി​ത്തി​രി​ച്ചി​ട്ടു​ണ്ട്. രാ​ഷ്ട്രീ​യ, സ​മു​ദാ​യ, മാ​ധ്യ​മ​രം​ഗ​ങ്ങ​ളി​ലെ പ​ഴ​യ കു​ല​പ​തി​ക​ളു​ടെ ക​ന​ക​സിം​ഹാ​സ​ന​ങ്ങ​ളി​ൽ ക​യ​റി​യി​രി​ക്കു​ന്ന ഈ ​അ​ൽ​പ​ന്മാ​രു​ടെ ശും​ഭ​ത്വം വി​ല​കെ​ടു​ത്തു​ന്ന​ത്​ കേ​ര​ള​ത്തെ​യാ​ണ്, മ​ല​യാ​ളി​യു​ടെ മ​നു​ഷ്യ​ത്വ​ത്തെ​യാ​ണ്.

വെ​ള്ളാ​പ്പ​ള്ളി​യെ​പ്പോ​ലെ ല​ജ്ജ​യി​ല്ലാ​ത്ത​വ​ർ​ക്ക്​ എ​ന്തു​മാ​വാം. എ​ന്നാ​ൽ, ഭ​രി​ക്കു​ന്ന​വ​രി​ൽ നി​ന്നും അ​വ​രു​ടെ നേ​താ​ക്ക​ളി​ൽ നി​ന്നും പ്ര​തീ​ക്ഷി​ക്ക​പ്പെ​ടു​ന്ന​ത്​ അ​ത​ല്ല​ല്ലോ. ഉ​ടു​ക്കാ​ത്ത ഭ്രാ​ന്തി​നെ നി​ല​ക്കു​നി​ർ​ത്തേ​ണ്ട അ​വ​രെ​ന്താ​ണ്​ ചെ​യ്യേ​ണ്ട​ത്​? അ​തി​നെ പ​ട്ടു​പു​ത​പ്പി​ച്ച്​ വ​ണ​ങ്ങു​ക​​യോ അ​തോ, അ​ത്ത​ര​ക്കാ​രെ നി​യ​മ​ത്തി​ന്‍റെ വ​ഴി​ക്ക്​ ന​ട​ത്തു​കയോ? നേ​രി​ന്‍റെ​യും ന്യാ​യ​ത്തി​ന്‍റെ​യും പ​ക്ഷ​ത്തെ​ന്ന്​ ക​രു​തി​പ്പോ​ന്ന ഇ​ട​തു​പ​ക്ഷം നി​ർ​ഭാ​ഗ്യ​വ​ശാ​ൽ ഇ​പ്പോ​ൾ ആ​ദ്യ​വ​ഴി​ക്കാ​ണ്. കോ​ഴി​ക്കോ​ട്ടെ മാ​ൻ​ഹോ​ളി​ൽ കു​ടു​ങ്ങി​യ മ​നു​ഷ്യ​ജീ​വ​നെ ര​ക്ഷ​പ്പെ​ടു​ത്തി ര​ക്ത​സാ​ക്ഷി​യാ​യ നൗ​ഷാ​ദി​നെ​തി​രെ​യ​ട​ക്കം മ​ത​ദ്വേ​ഷ​ത്തി​ൽ അ​പ​ഹ​സി​ച്ച വെ​ള്ളാ​പ്പ​ള്ളി ന​​ടേ​ശ​നെ മ​നു​ഷ്യ​ത്വ​വും വെ​ളി​വു​മി​ല്ലാ​ത്ത, കേ​ര​ള​ത്തി​ലെ തൊ​ഗാ​ഡി​യ എ​ന്നു വി​ശേ​ഷി​പ്പി​ച്ച​താ​ണ്​ പി​ണ​റാ​യി വി​ജ​യ​ൻ. എ​ന്നാ​ൽ, മു​ഖ്യ​മ​ന്ത്രി​യാ​യ പി​ണ​റാ​യി ന​വോ​ത്ഥാ​ന മൂ​ല്യ സം​ര​ക്ഷ​ണ​സ​മി​തി ഉ​ണ്ടാ​ക്കി​യ​പ്പോ​ൾ ചെ​യ​ർ​മാ​നാ​യി ക​ണ്ട​ത്​ അ​തേ ദേ​ഹ​ത്തെ. ഇ​ട​തു​സ​ർ​ക്കാ​റി​ന്‍റെ പ​ഥ്യം തി​രി​ച്ച​റി​ഞ്ഞാ​വ​ണം നി​ല​മ്പൂ​ർ ഉ​പ​തെ​ര​ഞ്ഞെ​ടു​പ്പ്​ കാ​ല​ത്ത്​ മു​സ്​​ലിം​ സ​മു​ദാ​യ​​ത്തെ അ​ദ്ദേ​ഹം തെ​റി​യ​ഭി​ഷേ​കം ന​ട​ത്തി. അ​തു​ക​ഴി​ഞ്ഞ്​ മു​ഖ്യ​മ​ന്ത്രി അ​ദ്ദേ​ഹ​ത്തെ ആ​ശിർ​വ​ദി​ക്കാ​ൻ പാ​ഞ്ഞെ​ത്തി. കു​മാ​രനാ​ശാ​നുംമേ​ലെ പ്ര​തി​ഷ്ഠി​ച്ചു പ​ട്ടു​പു​ത​പ്പി​ച്ചാ​യി​രു​ന്നു ആ ​ആ​ദ​രം. സ​ർ​ക്കാ​ർ പി​ന്തു​ണ​യാ​യ​തോ​ടെ വി​ഷ​നാ​വി​നു മൂ​ർ​ച്ച​കൂ​ടി.

നി​മി​ഷ​പ്രി​യ​യു​ടെ ജീ​വ​ൻ ര​ക്ഷ​പ്പെ​ടു​ത്താ​ൻ ശ്ര​മി​ച്ച കാ​ന്ത​പു​രം അ​ബൂ​ബ​ക്ക​ർ മു​സ്​​ലി​യാ​ർ​ക്കു​നേ​രെ കു​തി​ര​ക​യ​റ്റം. മു​സ്​​ലിം​ക​ൾ പെ​റ്റു​കൂ​ട്ടു​ന്നു​വെ​ന്ന ഭീ​ഷ​ണി ചൂ​ണ്ടി ഹി​ന്ദു​ക്ക​ൾ​ക്ക്​ പ്രൊ​ഡ​ക്​​ഷ​ൻ ചല​ഞ്ച്. സാ​ത്വി​ക മു​സ്​​ലിം ​സം​ഘ​ട​ന​യാ​യ സ​മ​സ്ത​ക്കും ശ​കാ​രം. അ​തി​നും കി​ട്ടി ര​ണ്ടു സി.​പി.​എം മ​ന്ത്രി​മാ​രു​ടെ പ​ട്ടു​പു​ത​പ്പി​ക്ക​ൽ. ഒ​രു​നാ​ൾ വി​​ദ്വേ​ഷ​ വി​സ​ർ​ജ​നം, പി​​റ്റേ​ന്നാ​ൾ സ​ർ​ക്കാ​ർ​വ​ക ആ​ശി​ർ​വാ​ദം എ​ന്ന നി​ല​യി​ലെ​ത്തി ഇ​ട​തി​ന്‍റെ വ​ല​തു​വി​സ്മ​യ​ങ്ങ​ൾ. ഒ​ടു​വി​ൽ ബാ​ല​ൻ​സി​നെ​ന്നോ​ണം ഒ​രു വ​ഴു​വ​ഴു​പ്പ​ൻ പ്ര​സ്താ​വ​ന​യി​റ​ക്കി പാ​ർ​ട്ടി, ആ​ളു​ടെ പേ​രു​പോ​ലും പ​റ​യാ​തെ. ര​ണ്ടു​നാ​ൾ മു​മ്പ്​ സ്കൂ​ൾ സ​മ​യ​മാ​റ്റ​ത്തി​ൽ സ​മ​സ്​​ത അ​ധ്യ​ക്ഷ​ൻ ജി​ഫ്രി ത​ങ്ങ​ളെ വി​ര​ട്ടി​യ ആ​വേ​ശ​മൊ​ന്നും നി​യ​മം കൈ​യി​ലെ​ടു​ത്ത​യാ​ൾ​ക്കെ​തി​രെ ക​ണ്ടി​ല്ല.

വെ​ള്ളാ​പ്പ​ള്ളി​യു​ടെ കൂ​റ്​ കേ​ര​ള​ത്തി​ന​റി​യാം. എ​ന്നാ​ൽ, അ​ദ്ദേ​ഹ​മ​ട​ക്ക​മു​ള്ള​വ​രു​ടെ വി​ദ്വേ​ഷ​വ​മ​ന​ത്തി​ന്​ കോ​ളാ​മ്പി പി​ടി​ച്ചു​കൊ​ടു​ക്കു​ന്ന ഇ​ട​തു​പ​ക്ഷം വാ​സ്ത​വ​ത്തി​ൽ ആ​ർ​ക്കൊ​പ്പ​മാ​ണ്​?