നി​ല​മ്പൂ​ർ ന​ൽ​കു​ന്ന പാ​ഠം

ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ളി​ലേ​ക്കും നി​യ​മ​സ​ഭ​യി​ലേ​ക്കു​മു​ള്ള തെ​ര​ഞ്ഞെ​ടു​പ്പ് അ​ടു​ത്തി​രി​ക്കെ കേ​വ​ല​മൊ​രു ഉ​പ​തെ​ര​ഞ്ഞെ​ടു​പ്പാ​യ​ല്ല നി​ല​മ്പൂ​രി​ലെ മ​ത്സ​ര​ത്തെ ജ​നം ക​ണ്ട​ത്. കേ​ര​ള​ത്തി​ൽ നാ​ളി​തു​വ​രെ കാ​ണാ​ത്ത കോ​ളി​ള​ക്ക​ങ്ങ​ൾ സൃ​ഷ്ടി​ക്കു​ക​യും വീ​റും വാ​ശി​യും പ്ര​ക​ട​മാ​വു​ക​യും ചെ​യ്ത തെ​ര​ഞ്ഞെ​ടു​പ്പ് പ​ല​തി​ന്റെ​യും ഉ​ര​ക​ല്ലാ​യി​രു​ന്നു.

വ​ട​ക്കേ ഇ​ന്ത്യ​ൻ സ്റ്റേ​റ്റു​ക​ളി​ൽ ബി.​ജെ.​പി​യും കൂ​ട്ടാ​ളി​ക​ളും നി​ര​ന്ത​ര​മാ​യി പ​യ​റ്റി​വ​രു​ന്ന വ​ർ​ഗീ​യ ധ്രു​വീ​ക​ര​ണ അ​ട​വു​ക​ൾ പു​രോ​ഗ​മ​ന​ത്തി​ന്റെ​യും മ​തേ​ത​ര​ത്വ​ത്തി​ന്റെ​യും പ​താ​ക​വാ​ഹ​ക​രെ​ന്ന് സ​മൂ​ഹം ധ​രി​ച്ച​വ​ർ​ത​ന്നെ ഏ​റ്റെ​ടു​ക്കു​ന്ന​തു​കൂ​ടി ക​ണ്ട തെ​ര​ഞ്ഞെ​ടു​പ്പാ​യി​രു​ന്നു നി​ല​മ്പൂ​രി​ലേ​ത്. അ​ടു​ത്തി​ടെ ന​ട​ന്ന തെ​ര​ഞ്ഞെ​ടു​പ്പു​ക​ളി​ലെ​ല്ലാം ഈ ​ത​ന്ത്രം പേ​ർ​ത്തും പേ​ർ​ത്തും പ​യ​റ്റി​ക്കൊ​ണ്ടി​രി​ക്കു​ന്ന​തി​നാ​ൽ കേ​വ​ലം ഒ​രു അ​ബ​ദ്ധ​മാ​യി ഇ​തി​നെ ത​ള്ളി​ക്ക​ള​യാ​നാ​വി​ല്ല. രാ​ഷ്ട്രീ​യ​ത്തി​ൽ ഇ​ന്ന​ല​ത്തെ ശ​ത്രു ഇ​ന്ന​ത്തെ ബ​ന്ധു​വും ഇ​ന്ന​ത്തെ ബ​ന്ധു നാ​ള​ത്തെ ശ​ത്രു​വു​മാ​യി​ത്തീ​രു​ന്ന​ത് സ്വാ​ഭാ​വി​ക​മാ​ണ്. എ​ന്നാ​ൽ, തെ​ര​ഞ്ഞെ​ടു​പ്പു​ക​ളി​ൽ നാ​ല് വോ​ട്ടു​നേ​ടാ​ൻ കേ​ര​ള​ത്തി​ന്റെ സാ​മൂ​ഹി​ക അ​ന്ത​രീ​ക്ഷ​ത്തി​നും സാ​മു​ദാ​യി​ക സൗ​ഹാ​ർ​ദ​ത്തി​നും മാ​ര​ക​മാ​യ പോ​റ​ലേ​ൽ​പി​ക്കു​ന്ന പ്ര​വ​ർ​ത്ത​ന​ങ്ങ​ൾ ആ​രു​ടെ ഭാ​ഗ​ത്തു​നി​ന്നു​ണ്ടാ​യാ​ലും മാ​പ്പ​ർ​ഹി​ക്കാ​ത്ത​താ​ണ്. ഭ​ര​ണ​നേ​ട്ട​ങ്ങ​ളും കേ​ന്ദ്ര​സ​ർ​ക്കാ​റി​ന്റെ അ​വ​ഗ​ണ​ന​യും കൃ​ത്യ​മാ​യി പ​റ​യേ​ണ്ട മു​ഖ്യ​മ​ന്ത്രി​പോ​ലും പ​ങ്കെ​ടു​ത്ത തെ​ര​ഞ്ഞെ​ടു​പ്പ് പൊ​തു​യോ​ഗ​ങ്ങ​ളി​ലെ​ല്ലാം എ​ന്താ​ണ് മു​ഖ്യ​മാ​യും ഉ​ന്ന​യി​ച്ച​തെ​ന്ന​ത് ഞെ​ട്ട​ലോ​ടെ മാ​ത്ര​മേ ഓ​ർ​ക്കാ​ൻ ക​ഴി​യു​ക​യു​ള്ളൂ!

കേ​ര​ളീ​യ സ​മൂ​ഹ​ത്തി​ലെ ഗ​ണ്യ​മാ​യ ഒ​രു​വി​ഭാ​ഗം അ​താ​ത് കാ​ല​ങ്ങ​ളി​ലെ രാ​ഷ്ട്രീ​യ സാ​ഹ​ച​ര്യം നോ​ക്കി വി​ധി​യെ​ഴു​തു​ന്ന​വ​രാ​ണ്. ന്യൂ​ന​പ​ക്ഷ​ങ്ങ​ളും അ​ങ്ങ​നെ​ത​ന്നെ, മു​സ്‍ലിം​ക​ൾ പ്ര​ത്യേ​കി​ച്ചും. അ​തു​കൊ​ണ്ടാ​ണ് തെ​ര​ഞ്ഞെ​ടു​പ്പു​ക​ൾ മാ​റി​മാ​റി വ​രു​മ്പോ​ൾ വി​ജ​യി​ക്കു​ന്ന മു​ന്ന​ണി​ക​ളും മാ​റി​ക്കൊ​ണ്ടി​രി​ക്കു​ന്ന​ത്. എ​ന്നാ​ൽ, വി​ജ​യം ത​ങ്ങ​ൾ​ക്ക​ല്ലാ​ത്ത​പ്പോ​ഴെ​ല്ലാം വ​ർ​ഗീ​യ​ശ​ക്തി​ക​ളു​ടെ വി​ജ​യ​മാ​യി ചി​ത്രീ​ക​രി​ക്കു​ന്ന​ത് വോ​ട്ട​ർ​മാ​രെ മു​ഴു​വ​ൻ അ​വ​ഹേ​ളി​ക്ക​ലാ​ണ്. കേ​ര​ള​ത്തി​ലെ ഇ​ട​തു വ​ല​തു മു​ന്ന​ണി​ക​ളോ അ​വ​ർ​ക്ക് പ​ല​പ്പോ​ഴാ​യി പി​ന്തു​ണ ന​ൽ​കി​യി​ട്ടു​ള്ള​വ​രോ ആ​രും​ത​ന്നെ വ​ർ​ഗീ​യ​വാ​ദി​ക​ളോ ഭീ​ക​ര​വാ​ദി​ക​ളോ അ​ല്ലെ​ന്ന് കേ​ര​ളീ​യ​സ​മൂ​ഹ​ത്തി​ന് മു​ഴു​വ​ൻ പ​ക​ൽ​വെ​ളി​ച്ചം​പോ​ലെ വ്യ​ക്ത​മാ​യി​രി​ക്കെ എ​ന്തി​നാ​ണ് കു​ളം ക​ല​ക്കാ​ൻ ശ്ര​മി​ക്കു​ന്ന​ത്. വ​യ​നാ​ട്ടി​ൽ രാ​ഹു​ൽ ഗാ​ന്ധി​യും പ്രി​യ​ങ്ക ഗാ​ന്ധി​യും വി​ജ​യി​ച്ച​പ്പോ​ഴും പാ​ല​ക്കാ​ട് രാ​ഹു​ൽ മാ​ങ്കൂ​ട്ട​ത്തി​ലും ഇ​പ്പോ​ൾ നി​ല​മ്പൂ​രി​ൽ ഷൗ​ക്ക​ത്തും വി​ജ​യി​ച്ച​പ്പോ​ഴും മു​സ്‍ലിം വ​ർ​ഗീ​യ​ത​യു​ടെ വി​ജ​യ​മാ​ണെ​ന്ന് ആ​ക്ഷേ​പി​ച്ച​ത് എ​ന്തി​ന്റെ​യ​ടി​സ്ഥാ​ന​ത്തി​ലാ​ണെ​ന്ന് ബ​ന്ധ​പ്പെ​ട്ട​വ​ർ ന​ന്നാ​യി വി​ശ​ദീ​ക​രി​ക്കേ​ണ്ട​തു​ണ്ട്. ഭൂ​രി​പ​ക്ഷ വ​ർ​ഗീ​യ​ത​യെ​യും ന്യൂ​ന​പ​ക്ഷ വ​ർ​ഗീ​യ​ത​യേ​യും ഒ​രു​പോ​ലെ ത​ങ്ങ​ൾ എ​തി​ർ​ക്കു​ന്നു​വെ​ന്ന് പ​റ​യു​ന്ന​ത് എ​ങ്ങ​നെ​യാ​ണ് ശ​രി​യാ​വു​ന്ന​ത്? ഓ​രോ സം​ഘ​ട​ന​യു​ടെ​യും പ്ര​ഖ്യാ​പി​ത നി​ല​പാ​ടു​ക​ളും നാ​ളി​തു​വ​രെ​യു​ള്ള പ്ര​വ​ർ​ത്ത​ന​ങ്ങ​ളും വി​ല​യി​രു​ത്തി വേ​ണ​മ​ല്ലോ വ​ർ​ഗീ​യ​ത​യു​ടെ അ​ള​വ് നി​ർ​ണ​യി​ക്കേ​ണ്ട​ത്. മ​ല​പ്പു​റം ജി​ല്ല​യെ​യും ജ​ന​ങ്ങ​ളെ​യും സം​ബ​ന്ധി​ച്ച് നി​ല​മ്പൂ​രി​ൽ വെ​ള്ളാ​പ്പ​ള്ളി ന​ടേ​ശ​ൻ ന​ട​ത്തി​യ അ​വ​ഹേ​ള​ന​പ​ര​മാ​യ പ്ര​സം​ഗം സം​ബ​ന്ധി​ച്ച് എ​ന്തെ​ങ്കി​ലും എ​തി​രാ​യി മൊ​ഴി​ഞ്ഞി​ല്ലെ​ന്ന് മാ​ത്ര​മ​ല്ല ദി​വ​സ​ങ്ങ​ൾ​ക്ക​കം മു​ഖ്യ​മ​ന്ത്രി​ത​ന്നെ അ​ദ്ദേ​ഹ​ത്തെ പൊ​ന്നാ​ട​ചാ​ർ​ത്തി ആ​ദ​രി​ക്കു​ന്ന​താ​ണ് കേ​ര​ള ജ​ന​ത ക​ണ്ട​ത്!' തെ​ര​ഞ്ഞെ​ടു​പ്പി​ന് ഒ​രു ദി​വ​സം​മാ​ത്രം ബാ​ക്കി​യു​ള്ള​പ്പോ​ൾ ആ​ർ.​എ​സ്.​എ​സു​മാ​യി മു​ൻ​കാ​ല​ത്ത് കൂ​ട്ടു​കൂ​ടി​യി​ട്ടു​ണ്ടെ​ന്ന് പാ​ർ​ട്ടി സെ​ക്ര​ട്ട​റി​ത​ന്നെ സ​മ്മ​തി​ച്ച​തും വെ​റും നാ​ക്ക്പി​ഴ​യാ​ണെ​ന്ന് ക​രു​താ​ൻ​വ​യ്യ!

വി​ജ​യി​ച്ചെ​ങ്കി​ലും യു.​ഡി.​എ​ഫും ഏ​റെ പാ​ഠ​ങ്ങ​ൾ നി​ല​മ്പൂ​രി​ലെ ഫ​ല​ത്തി​ൽ​നി​ന്ന് പ​ഠി​ക്കാ​നു​ണ്ട്. ഒ​രു മു​ന്ന​ണി​യു​ടെ​യും പി​ന്തു​ണ​യി​ല്ലാ​തെ​യും പ്ര​ച​ണ്ഡ​മാ​യ പ്ര​ചാ​ര​ണ​ങ്ങ​ൾ ഇ​ല്ലാ​തെ​യും പി.​വി. അ​ൻ​വ​ർ എ​ങ്ങ​നെ​യാ​ണ് ഇ​രു​പ​തി​നാ​യി​ര​ത്തോ​ളം വോ​ട്ടു​ക​ൾ സ​മാ​ഹ​രി​ച്ച​തെ​ന്ന് ചി​ന്തി​ക്കേ​ണ്ട​തു​ണ്ട്. രാ​ജി​വെ​ക്കു​ന്ന​തി​ന് കാ​ര​ണ​മാ​യി അ​ൻ​വ​ർ ഉ​യ​ർ​ത്തി​യ വി​ഷ​യ​ങ്ങ​ളാ​ണ് ജ​നം അം​ഗീ​ക​രി​ച്ച​തെ​ന്നാ​ണ് ഫ​ലം വ്യ​ക്ത​മാ​ക്കു​ന്ന​ത്. അ​ൻ​വ​റി​ന്റെ വാ​ക്കും ശൈ​ലി​യും ഒ​രു മു​ന്ന​ണി​ക്കും എ​ളു​പ്പ​ത്തി​ൽ ഉ​ൾ​ക്കൊ​ള്ളാ​ൻ ക​ഴി​യു​ന്ന​ത​ല്ലെ​ന്ന വ​സ്തു​ത ഏ​വ​ർ​ക്കു​മ​റി​യാം. നി​ല​മ്പൂ​രി​ൽ എം. ​സ്വ​രാ​ജി​നെ​പ്പോ​ലെ ഇ​ന്ന് കേ​ര​ള​ത്തി​ൽ ഇ​ട​തു​പ​ക്ഷ​ത്തി​ന് ല​ഭി​ക്കാ​വു​ന്ന മ​റ്റൊ​രു സ്ഥാ​നാ​ർ​ഥി​യി​ല്ല. അ​തു​പോ​ലെ യു.​ഡി.​എ​ഫും ഇ​ത്ര​ത്തോ​ളം എ​ണ്ണ​യി​ട്ട യ​ന്ത്രം​പോ​ലെ പ​ഴു​ത​ട​ച്ച് പ്ര​വ​ർ​ത്തി​ച്ച മ​റ്റൊ​രു തെ​ര​ഞ്ഞെ​ടു​പ്പും അ​ടു​ത്ത​കാ​ല​ത്തെ​ങ്ങും ഉ​ണ്ടാ​യി​ട്ടി​ല്ല. എ​ന്നി​ട്ടും ഇ​രു​മു​ന്ന​ണി​ക​ളെ​യും ഞെ​ട്ടി​ച്ച് അ​ൻ​വ​ർ നേ​ടി​യ വോ​ട്ടു​ക​ൾ അ​ൻ​വ​റി​ന് വ്യ​ക്തി​പ​ര​മാ​യി ല​ഭി​ച്ച​ത​ല്ല. മ​റി​ച്ച് അ​ൻ​വ​ർ ഉ​ന്ന​യി​ച്ച വി​ഷ​യ​ങ്ങ​ളോ​ടു​ള്ള ജ​ന​ങ്ങ​ളു​ടെ ഐ​ക്യ​ദാ​ർ​ഢ്യ​മാ​യി​രു​ന്നു. ആ​ഭ്യ​ന്ത​ര​വ​കു​പ്പി​ലെ സം​ഘ്പ​രി​വാ​ർ മേ​ധാ​വി​ത്വ​വും മ​ല​പ്പു​റം ജി​ല്ല​യെ പൈ​ശാ​ചി​ക വ​ത്ക​രി​ക്കാ​നു​ള്ള ആ​സൂ​ത്രി​ത​മാ​യ ശ്ര​മ​ങ്ങ​ളും മ​റ്റ് ജ​ന​കീ​യ വി​ഷ​യ​ങ്ങ​ളും പ്ര​തി​പ​ക്ഷ​ത്തേ​ക്കാ​ളു​പ​രി ഉ​ച്ച​ത്തി​ൽ വി​ളി​ച്ചു​പ​റ​ഞ്ഞ​ത് അ​ൻ​വ​റാ​യി​രു​ന്നു. വ​ർ​ഗീ​യ​ത വ​ള​ർ​ത്താ​നു​ള്ള സം​ഘ്പ​രി​വാ​ർ ശ​ക്തി​ക​ളു​ടെ​യും ‘കാ​സ’​പോ​ലു​ള്ള പ്ര​തി​ലോ​മ ശ​ക്തി​ക​ളു​ടെ​യും വി​ദ്വേ​ഷ പ്ര​ചാ​ര​ണ​ങ്ങ​ൾ​ക്കും ഹി​ഡ​ൻ അ​ജ​ണ്ട​ക​ൾ​ക്കു​മെ​തി​രി​ൽ നാ​വു​ളു​ക്കാ​തെ സം​സാ​രി​ക്കാ​ൻ ക​ഴി​യേ​ണ്ട​തു​ണ്ട്. പാ​ല​ക്കാ​ട്, നി​ല​മ്പൂ​ർ തെ​ര​ഞ്ഞെ​ടു​പ്പു​ക​ളി​ലാ​ണ് ആ​ർ​ജ​വ​ത്തോ​ടെ ഫാ​ഷി​സ്റ്റ് വി​രു​ദ്ധ നി​ല​പാ​ടു​ക​ൾ സ്വീ​ക​രി​ക്കാ​നും പ​റ​യാ​നും നേ​താ​ക്ക​ൾ സ​ന്ന​ദ്ധ​മാ​കു​ന്ന​ത്. അ​ത് ജ​നം ആ​ഗ്ര​ഹി​ക്കു​ക​യും അം​ഗീ​ക​രി​ക്കു​ക​യും ചെ​യ്യു​ന്നു​വെ​ന്ന​താ​ണ് തെ​ര​ഞ്ഞെ​ടു​പ്പ് ഫ​ല​ങ്ങ​ൾ ന​ൽ​കു​ന്ന സൂ​ച​ന​ക​ൾ. അ​തി​നാ​ൽ അ​മി​ത ആ​ത്മ​വി​ശ്വാ​സ​ത്തെ​ക്കാ​ൾ ആ​ത്മ​പ​രി​ശോ​ധ​ന​യി​ൽ ഊ​ന്നി​നി​ന്നു​വേ​ണം തു​ട​ർ​പ്ര​വ​ർ​ത്ത​ന​ങ്ങ​ളും ചി​ട്ട​പ്പെ​ടു​ത്താ​ൻ. കേ​ര​ള​ത്തി​ൽ മാ​റി​മാ​റി വ​രു​ന്ന ഇ​ട​ത്-​ഐ​ക്യ​മു​ന്ന​ണി ഭ​ര​ണ​ങ്ങ​ളാ​ണ് കേ​ര​ള​ത്തി​നെ​ന്നും ഗു​ണ​ക​ര​മാ​യി​ട്ടു​ള്ള​ത്. ഇ​വ ര​ണ്ടി​ൽ ഏ​തൊ​ന്ന് ക്ഷ​യി​ക്കു​ന്ന​തും കേ​ര​ള​ത്തി​ന് ഗു​ണ​ക​ര​മ​ല്ല. കാ​ര​ണം അ​വി​ടെ നേ​ട്ട​മു​ണ്ടാ​ക്കു​ന്ന​ത് വ​ർ​ഗീ​യ​ത​യു​ടെ മൊ​ത്ത​ക്ക​ച്ച​വ​ട​ക്കാ​രാ​യ ബി.​ജെ.​പി​യും കൂ​ട്ടാ​ളി​ക​ളു​മാ​ണ്. അ​തി​നാ​ൽ​ത​ന്നെ ഇ​രു​മു​ന്ന​ണി​ക​ളോ​ടും ജ​ന​കീ​യ​പ​ക്ഷ​ത്ത് നി​ന്നു​കൊ​ണ്ട് നി​ഷ്പ​ക്ഷ​മാ​യി സം​വ​ദി​ക്കേ​ണ്ട​ത് പ്ര​ബു​ദ്ധ ജ​ന​ത​യു​ടെ ബാ​ധ്യ​ത​യാ​ണ്.

മു​സ്‍ലിം സം​ഘ​ട​ന​ക​ളും ഇ​ക്കാ​ര്യ​ത്തി​ൽ ഉ​ണ​ർ​ന്ന് പ്ര​വ​ർ​ത്തി​ച്ചെ​ങ്കി​ലേ മ​തി​യാ​കൂ. ശാ​ഖാ​പ​ര​മാ​യും ആ​ശ​യ​പ​ര​മാ​യും വി​യോ​ജി​ക്കു​മ്പോ​ഴും നീ​തി​ബോ​ധ​വും മാ​ന്യ​ത​യും കൈ​വി​ട്ടു​കൂ​ടാ. ഓ​രോ രാ​ഷ്ട്രീ​യ പാ​ർ​ട്ടി​യും അ​താ​തു കാ​ല​ത്തെ വോ​ട്ടു​നേ​ട്ട​ത്തി​നും രാ​ഷ്ട്രീ​യ ലാ​ഭ​ത്തി​നു​മാ​യി ഓ​രോ​രോ സം​ഘ​ട​ന​ക​ളെ ക്രൂ​ശി​ക്കു​മ്പോ​ൾ ബ​ന്ധ​പ്പെ​ട്ട​വ​രു​ടെ ഗു​ഡ് സ​ർ​ട്ടി​ഫി​ക്ക​റ്റ് കി​ട്ടാ​നാ​യി അ​ബ​ദ്ധ​ജ​ടി​ല​മാ​യ പ്ര​സ്താ​വ​ന​ക​ളും ആ​ത്മ​ഹ​ത്യാ​പ​ര​മാ​യ നി​ല​പാ​ടു​ക​ളു​മാ​യി രം​ഗ​ത്തി​റ​ങ്ങു​ന്ന​ത് ഒ​ട്ടും ഭൂ​ഷ​ണ​മ​ല്ല! നി​ങ്ങ​ളെ​ക്കാ​ൾ പ്ര​ബു​ദ്ധ​രാ​യ അ​ണി​ക​ളാ​ണ് എ​ല്ലാ സം​ഘ​ട​ന​ക​ളി​ലും ഇ​ന്നു​ള്ള​തെ​ന്ന തി​രി​ച്ച​റി​വ് നേ​തൃ​ത്വ​ങ്ങ​ൾ​ക്ക് ഉ​ണ്ടാ​യേ​തീ​രൂ! അ​തു​പോ​ലെ സാ​മു​ദാ​യി​ക സൗ​ഹാ​ർ​ദ​വും സ​മാ​ധാ​ന​പ​ര​മാ​യ അ​ന്ത​രീ​ക്ഷ​വും നി​ല​നി​ർ​ത്താ​നും വ​ള​ർ​ത്തി​യെ​ടു​ക്കാ​നും എ​ന്ത് ക​ഠി​ന​ത്യാ​ഗ​ത്തി​നും സ​ന്ന​ദ്ധ​മാ​യേ തീ​രൂ.

കേ​ര​ളം മ​തേ​ത​ര​ത്വ​ത്തി​ന്റെ​യും ശാ​ന്തി​യു​ടെ​യും പ​ച്ച​ത്തു​രു​ത്താ​യി എ​ന്നും നി​ല​കൊ​ള്ളു​വാ​ൻ ന​മു​ക്ക് കൂ​ട്ടാ​യി പ​രി​ശ്ര​മി​ക്കാം.

(കേ​ര​ള മു​സ്‍ലിം ജ​മാ​അ​ത്ത് ഫെ​ഡ​റേ​ഷ​ൻ ഓ​ർ​ഗ​നൈ​സി​ങ് സെ​ക്ര​ട്ട​റി​യും മു​സ്‍ലിം എം​പ്ലോ​യീ​സ് ക​ൾ​ച്ച​റ​ൽ അ​സോ​സി​യേ​ഷ​ൻ (മെ​ക്ക) സെ​ക്ര​ട്ട​റി​യു​മാ​ണ് ലേ​ഖ​ക​ൻ)