കോ​വി​ഡി​ന്റെ ഏ​റ്റ​വും വ​ലി​യ പ്ര​ത്യാ​ഘാ​തം

കോ​വി​ഡ് മ​ഹാ​മാ​രി സ​മ്പ​ദ് വ്യ​വ​സ്ഥ​ക്കും ആ​രോ​ഗ്യ​ത്തി​നും ഏ​ൽ​പി​ച്ച ആ​ഘാ​ത​ങ്ങ​ളെ​ക്കു​റി​ച്ച് നാം ​നി​ര​ന്ത​ര ച​ർ​ച്ച​ക​ൾ ന​ട​ത്തു​ന്നു​ണ്ട്. ഒ​ര​ള​വോ​ളം കോ​വി​ഡ് ഭീ​ഷ​ണി​യെ അ​തി​ജ​യി​ച്ചു​വെ​ന്നും ലോ​കം വി​ശ്വ​സി​ക്കു​ന്നു. എ​ന്നാ​ൽ, മ​ഹാ​മാ​രി​യു​ടെ ബാ​ക്കി​പ​ത്ര​മെ​ന്നോ​ണം കു​മി​ഞ്ഞു​കൂ​ടി​യ ബ​യോ മെ​ഡി​ക്ക​ൽ മാ​ലി​ന്യ​ങ്ങ​ളെ ശ​രി​യാം​വി​ധം കൈ​കാ​ര്യം ചെ​യ്യു​ന്ന​തി​ൽ രാ​ജ്യം പ​രാ​ജ​യ​പ്പെ​ട്ടു, വി​ശി​ഷ്യാ ജാ​ഗ്ര​ത​യോ​ടെ കോ​വി​ഡി​നെ നേ​രി​ട്ട് പെ​രു​മ നേ​ടി​യ കേ​ര​ളം. ഇ​തി​​ന്റെ ഫ​ല​മാ​യി ഉ​പ​യോ​ഗി​ച്ച മാ​സ്കു​ക​ളും കൈ​യു​റ​ക​ളു​മെ​ല്ലാം പൊ​തു സ്ഥ​ല​ങ്ങ​ളി​ൽ പ​ര​ന്നു. സി​റി​ഞ്ചു​ക​ളും യൂ​റി​ൻ ബാ​ഗു​ക​ളും കെ​ട്ടി​യെ​റി​യു​ന്ന വേ​സ്റ്റു​ക​ളി​ല​ട​ക്കം കാ​ണ​പ്പെ​ട്ടു. വാ​ക്സി​നേ​ഷ​ൻ യ​ജ്ഞ​ത്തി​നു ശേ​ഷം ല​ക്ഷ​ക്ക​ണ​ക്കി​ന്​ സി​റി​ഞ്ചു​ക​ളാ​ണ്​ ഒ​ഴി​വാ​ക്ക​പ്പെ​ട്ട​ത്.

സം​സ്ഥാ​ന സ​ർ​ക്കാ​റി​​ന്റെ ‘ഹ​രി​ത കേ​ര​ള മി​ഷ​ൻ’ ത​യാ​റാ​ക്കി​യ മാ​ർ​ഗ നി​ർ​ദേ​ശ​ങ്ങ​ൾ പൊ​തു​ജ​ന​ങ്ങ​ളി​ലേ​ക്ക്​ വേ​ണ്ട​വി​ധം എ​ത്തി​യി​ല്ല. വ​ലി​യൊ​ര​ള​വ് മാ​ലി​ന്യം ന​ഗ​ര​മാ​ലി​ന്യ​ത്തി​ൽ കൂ​ട്ടി​ക്ക​ല​ർ​ത്തി സം​സ്ക​ര​ണ​ത്തി​നെ​ന്ന പേ​രി​ൽ കൊ​ണ്ടു​പോ​യി പ​ല​യി​ട​ങ്ങ​ളി​ലാ​യി ത​ള്ളി. ഇ​പ്പോ​ൾ ബ​ഹി​ർ​ഗ​മി​ക്കു​ന്ന വി​ഷ​പ്പു​ക​യി​ൽ കോ​വി​ഡ് മാ​ലി​ന്യ​വും ഉ​ണ്ടാ​വി​ല്ലെ​ന്ന് ക​രു​താ​ൻ ഒ​രു നി​ർ​വാ​ഹ​വു​മി​ല്ല.

ആ​ദ്യ ഏ​ഴു​മാ​സ​ങ്ങ​ളി​ൽ മാ​ത്രം ഇ​ന്ത്യ​യി​ലൊ​ട്ടാ​കെ 33,000 ട​ൺ കോ​വി​ഡ്​ അ​നു​ബ​ന്ധ മാ​ലി​ന്യം സൃ​ഷ്ടി​ക്ക​പ്പെ​ട്ടെ​ന്നാ​ണ് കേ​ന്ദ്ര മ​ലി​നീ​ക​ര​ണ നി​യ​ന്ത്ര​ണ ബോ​ർ​ഡി​ന്റെ ക​ണ​ക്ക്. അ​ക്കാ​ല​ത്ത് മ​ഹാ​രാ​ഷ്ട്ര​യി​ലാ​യി​രു​ന്നു കൂ​ടു​ത​ലെ​ങ്കി​ൽ 2021 മേ​യ് ആ​കു​മ്പോ​ഴേ​ക്ക് പ്ര​തി​ദി​നം 23.7 ട​ൺ മാ​ലി​ന്യ​വു​മാ​യി കേ​ര​ള​മാ​യി മു​ന്നി​ൽ; ര​ണ്ടാം സ്ഥാ​ന​ത്ത് ഗു​ജ​റാ​ത്തും (പ്ര​തി​ദി​നം 21.98 ട​ൺ). മാ​ലി​ന്യ സം​സ്‌​ക​ര​ണ​ത്തി​ന്​ ഏ​റ്റ​വും കൂ​ടു​ത​ൽ യൂ​നി​റ്റു​ക​ളു​ള്ള സം​സ്ഥാ​ന​മാ​ണ് മ​ഹാ​രാ​ഷ്ട്ര, ഗു​ജ​റാ​ത്തി​ലു​മു​ണ്ട് സം​വി​ധാ​ന​ങ്ങ​ൾ, എ​ന്നാ​ൽ കേ​ര​ള​ത്തി​ന്റെ കാ​ര്യ​മോ? രാ​ജ്യ​ത്ത്​ 198 പൊ​തു ബ​യോ​മെ​ഡി​ക്ക​ൽ മാ​ലി​ന്യ സം​സ്‌​ക​ര​ണ കേ​ന്ദ്ര​ങ്ങ​ളാ​ണു​ള്ള​ത്. ഒ​രേ​യൊ​രു പൊ​തു സം​സ്​​ക​ര​ണ​കേ​ന്ദ്ര​മാ​ണ്​ സം​സ്​​ഥാ​ന​ത്ത്​ ഉ​ണ്ടാ​യി​രു​ന്ന​ത്. ഐ.​എം.​എ​യു​ടെ ‘ഇ​മേ​ജ്’​മാ​​ത്രം! പി​ന്നീ​ട് ​കൊ​ച്ചി​യി​​ലെ അ​മ്പ​ല​മേ​ടി​ൽ കേ​ര​ള എ​ൻ​വി​റോ ഇ​ൻ​ഫ്രാ​സ്ട്ര​ക്ച​ർ ലി​മി​റ്റ​ഡ് (KEIL) 15 ട​ണ്ണോ​ളം മാ​ത്രം ശേ​ഷി​യു​ള്ള പ്ലാ​ന്റ് തു​റ​ന്നു.

ആ​ശു​പ​ത്രി മാ​ലി​ന്യ സം​സ്​​ക​ര​ണ​ത്തി​ൽ സ്വ​തേ ക​ടു​ത്ത അ​ലം​ഭാ​വം പു​ല​ർ​ത്തു​ന്ന​തി​നി​ടെ​ പു​തി​യ മാ​ലി​ന്യ​ങ്ങ​ൾ കു​ന്നു​കൂ​ടി​യ​തോ​ടെ പ്ര​തി​സ​ന്ധി രൂ​ക്ഷ​മാ​യി​. രാ​ജ്യം നേ​രി​ടു​ന്ന ഈ ​പു​തി​യ സാ​ഹ​ച​ര്യ​ത്തെ കേ​ന്ദ്ര മ​ലി​നീ​ക​ര​ണ നി​യ​ന്ത്ര​ണ ബോ​ര്‍ഡി​ല്‍ ശാ​സ്ത്ര​ജ്ഞ​നാ​യി​രു​ന്ന മ​ഹീ​ന്ദ്ര പാ​ണ്ഡെ വി​ല​യി​രു​ത്തി​യ​ത് ഇ​ങ്ങ​നെ: വൈ​റ​സി​നെ അ​ക​റ്റാ​ൻ ജ​നം സാ​നി​റ്റൈ​സ​റും മ​റ്റ് ശു​ചീ​ക​ര​ണ ലാ​യ​നി​ക​ളും ഉ​പ​യോ​ഗി​ക്കാ​ൻ തു​ട​ങ്ങി​യ​തോ​ടെ ത​ന്നെ മ​ലി​ന​ജ​ല​ത്തി​ലെ രാ​സ​വ​സ്തു​ക്ക​ളു​ടെ അ​ള​വ് കൂ​ടി. ആ​ശു​പ​ത്രി​ക​ളി​ലും ക്ലി​നി​ക്കു​ക​ളി​ലും മാ​ത്രം ഉ​പ​യോ​ഗി​ച്ചി​രു​ന്ന മാ​സ്​​കും പ്ലാ​സ്റ്റി​ക്, റ​ബ​ർ കൈ​യു​റ​ക​ളും എ​ല്ലാ​വ​രും ഉ​പ​യോ​ഗി​ക്കാ​ൻ തു​ട​ങ്ങി​യെ​ങ്കി​ലും അ​വ​യെ എ​ങ്ങ​നെ സം​സ്‌​ക​രി​ക്ക​ണം എ​ന്ന് ധാ​ര​ണ ഇ​ല്ലാ​ത്ത പൊ​തു​ജ​ന​ങ്ങ​ൾ അ​വ മ​റ്റു മാ​ലി​ന്യ​ങ്ങ​ൾ​ക്കൊ​പ്പം വ​ലി​ച്ചെ​റി​യാ​ൻ തു​ട​ങ്ങി. മാ​ലി​ന്യ ശേ​ഖ​ര​ണ​ത്തി​ലേ​ർ​പ്പെ​ടു​ന്ന​വ​ർ​ക്ക് പ​ല പ​ക​ര്‍ച്ച​വ്യാ​ധി​ക​ളും പ​ട​രു​ന്ന​തി​നു​ള്ള സാ​ധ്യ​ത ഇ​ത്​ വ​ർ​ധി​പ്പി​ച്ചു. മാ​സ്‌​കു​ക​ളും കൈ​യു​റ​ക​ളും ധ​രി​ക്കു​ന്ന​തി​നെ പ്രോ​ത്സാ​ഹി​പ്പി​ച്ച സ​ർ​ക്കാ​റു​ക​ൾ അ​വ ഉ​പ​യോ​ഗ​ശേ​ഷം എ​ങ്ങ​നെ ഫ​ല​പ്ര​ദ​മാ​യി സം​സ്‌​ക​രി​ക്കാം എ​ന്ന​തി​നെ​ക്കു​റി​ച്ച് വേ​ണ്ട​വി​ധം നി​ർ​ദേ​ശ​ങ്ങ​ൾ ന​ൽ​കി​യി​ല്ല.

ഈ ​കാ​ല​യ​ള​വി​ല്‍ ര​ക്ത​വും മ​റ്റ് സാ​മ്പ്ളു​ക​ളും വീ​ടു​ക​ളി​ൽ എ​ത്തി ശേ​ഖ​രി​ക്കു​ന്ന​ത് സ​ര്‍വ സാ​ധാ​ര​ണ​മാ​യി. പ​തി​വ് വീ​ട്ടു​മാ​ലി​ന്യ​ങ്ങ​ള്‍ക്കൊ​പ്പം പ​ഞ്ഞി​യും ബാ​ന്‍ഡേ​ജു​ക​ളും സി​റി​ഞ്ചു​ക​ളും പോ​ലു​ള്ള​വ​യും ഇ​ടം​പി​ടി​ച്ചു’. മ​ഹീ​ന്ദ്ര പാ​ണ്ഡെ സൂ​ചി​പ്പി​ച്ച സു​പ്ര​ധാ​ന കാ​ര്യം, കോ​വി​ഡ്​ ജാ​ഗ്ര​ത​യി​ലെ​വി​ടെ​യും അ​തി​ന്റെ മാ​ലി​ന്യ നി​ർ​മാ​ർ​ജ​ന​ത്തെ കു​റി​ച്ചു​ള്ള ജാ​ഗ്ര​ത ഉ​ണ്ടാ​യി​ല്ല എ​ന്ന​താ​ണ്.

ച​ട്ട​ങ്ങ​ളു​ണ്ട്, പാ​ലി​ക്കാ​റി​ല്ല

അ​പ​ക​ട​ക​ര​മാ​യ​തും അ​പ​ക​ട സാ​ധ്യ​ത​യി​ല്ലാ​ത്ത​തു​മാ​യ ബ​യോ മെ​ഡി​ക്ക​ൽ വേ​സ്​​റ്റു​ക​ൾ പ​ര​സ്​​പ​രം ക​ല​രാ​തെ വേ​ർ​തി​രി​ക്കു​ക​യാ​ണ് കേ​ന്ദ്രീ​കൃ​ത മാ​ലി​ന്യ സം​സ്ക​ര​ണ​ത്തി​ലെ ആ​ദ്യ​പ​ടി. എ​ല്ലാത്ത​രം മാ​ലി​ന്യ​ങ്ങ​ളും കൂ​ട്ടി​ക്ക​ല​ർ​ത്തു​േ​മ്പാ​ൾ അ​പ​ക​ട​ക​ര​മ​ല്ലാ​ത്ത പൊ​തു​മാ​ലി​ന്യ​ങ്ങ​ൾ പോ​ലും പ്ര​ശ്ന​കാ​രി​ക​ളാ​വും. പ​രി​മി​ത​മാ​യെ​ങ്കി​ലും ഉ​ള്ള നി​ർ​മാ​ർ​ജ​ന സം​വി​ധാ​ന​ങ്ങ​ളു​ടെ പ്ര​വ​ർ​ത്ത​നം പാ​ടെ താ​ളം​തെ​റ്റു​ന്ന​തി​നും ഈ ​കൂ​ട്ടി​ക്ക​ല​ർ​ത്ത​ൽ വ​ഴി​വെ​ക്കും. ഇ​തി​ന് ത​ട​യി​ടാ​ൻ നാ​ട്ടി​ൽ വ്യ​വ​സ്ഥ​ക​ളി​ല്ലാ​ഞ്ഞി​ട്ട​ല്ല. ആ​ശു​പ​ത്രി മാ​ലി​ന്യ​വു​മാ​യി ബ​ന്ധ​പ്പെ​ട്ട് മൂ​ന്നു പ​തി​റ്റാ​ണ്ട്​ മു​മ്പു ത​ന്നെ ഇ​ന്ത്യ​യി​ൽ നി​യ​മം പ്രാ​ബ​ല്യ​ത്തി​ൽ വ​ന്നി​ട്ടു​ണ്ട്.

1998ലെ ​ബ​യോ മെ​ഡി​ക്ക​ൽ വേ​സ്റ്റ് മാ​നേ​ജ്മെൻറ് ആ​ൻ​ഡ് ഹാ​ൻ​ഡ്‍ലി​ങ് റൂ​ൾ​സ് വി​പു​ല​പ്പെ​ടു​ത്തി 2016ൽ ​ബ​യോ​മെ​ഡി​ക്ക​ൽ വേ​സ്റ്റ് മാ​നേ​ജ്മെൻറ് റൂ​ൾ​സ് നി​ല​വി​ൽ വ​ന്നു. ഫ​ല​പ്ര​ദ​മാ​യ സം​സ്​​ക​ര​ണ​ത്തി​ന്​ ബാ​ർ കോ​ഡ്​ /ക​ള​ർ കോ​ഡ്​ സം​വി​ധാ​നം ഇ​തി​ൽ നി​ഷ്ക​ർ​ഷി​ക്കു​ന്നു. അ​താ​യ​ത് മ​ഞ്ഞ, ചു​വ​പ്പ്, വെ​ള്ള, നീ​ല നി​റ​ങ്ങ​ളി​ലു​ള്ള ബാ​ഗു​ക​ളി​ലാ​യി ഉ​റ​വി​ട​ത്തി​ൽ ത​ന്നെ ആ​ശു​പ​ത്രി മാ​ലി​ന്യം ത​രം​തി​രി​ക്ക​ണം. ആ​ശു​പ​ത്രി​ക​ൾ, ന​ഴ്സി​ങ് ഹോ​മു​ക​ൾ, ക്ലി​നി​ക്കു​ക​ൾ, ഡി​സ്​​പെ​ൻ​സ​റി​ക​ൾ, വെ​റ്റ​റി​ന​റി സ്ഥാ​പ​ന​ങ്ങ​ൾ, അ​നി​മ​ൽ ഹൗ​സു​ക​ൾ, പാ​ത്തോ​ള​ജി​ക്ക​ൽ ല​ബോ​റ​ട്ട​റി​ക​ൾ, ഏ​തെ​ങ്കി​ലും രൂ​പ​ത്തി​ൽ ബ​യോ മെ​ഡി​ക്ക​ൽ മാ​ലി​ന്യ​ങ്ങ​ൾ ഉ​ൽ‌​പാ​ദി​പ്പി​ക്കു​ന്ന, ശേ​ഖ​രി​ക്കു​ന്ന, സ്വീ​ക​രി​ക്കു​ന്ന, സം​ഭ​രി​ക്കു​ന്ന, ഗ​താ​ഗ​തം-​സം​സ്ക​ര​ണം- നീ​ക്കം​ചെ​യ്യ​ൽ ന​ട​ത്തു​ന്ന സ്ഥാ​പ​ന​ങ്ങ​ളും വ്യ​ക്തി​ക​ളും ഈ ​നി​യ​മ​ങ്ങ​ൾ പാ​ലി​ക്ക​ണം.

ര​ക്ത​ബാ​ങ്കു​ക​ൾ, ആ​യു​ഷ് ആ​ശു​പ​ത്രി​ക​ൾ, ക്ലി​നി​ക്ക​ൽ സ്ഥാ​പ​ന​ങ്ങ​ൾ, ഗ​വേ​ഷ​ണ-​വി​ദ്യാ​ഭ്യാ​സ സ്ഥാ​പ​ന​ങ്ങ​ൾ, ര​ക്ത​ദാ​നം, പ​രി​ശോ​ധ​ന, പ്ര​തി​രോ​ധ കു​ത്തി​വെ​പ്പ്, ശ​സ്ത്ര​ക്രി​യ എ​ന്നി​വ​ക്കാ​യി സം​ഘ​ടി​പ്പി​ക്കു​ന്ന ക്യാ​മ്പു​ക​ൾ, സ്കൂ​ളു​ക​ളു​ടെ പ്ര​ഥ​മ​ശു​ശ്രൂ​ഷ മു​റി​ക​ൾ, ഫോ​റ​ൻ​സി​ക് ല​ബോ​റ​ട്ട​റി​ക​ൾ, ഗ​വേ​ഷ​ണ ലാ​ബു​ക​ൾ എ​ന്നി​വ​യി​ലെ​ല്ലാം നി​യ​മം ബാ​ധ​ക​മാ​ണ്. മ​നു​ഷ്യ​നും പ​രി​സ്​​ഥി​തി​ക്കും ഒ​രു പ്ര​തി​സ​ന്ധി​യും സൃ​ഷ്ടി​ക്കാ​തെ ഉ​ത്ത​ര​വാ​ദി​ത്ത​ത്തോ​ടെ മാ​ലി​ന്യ​ങ്ങ​ൾ സം​സ്ക​രി​ക്ക​ണ​മെ​ന്ന നി​യ​മം നി​ല​നി​ൽ​ക്കെ രാ​ജ്യ​ത്തെ ആ​ശു​പ​ത്രി മാ​ലി​ന്യ​ത്തി​​ന്റെ 30 ശ​ത​മാ​ന​ത്തോ​ള​വും സം​സ്​​ക​രി​ക്കാ​തെ പു​റ​ന്ത​ള്ള​പ്പെ​ടു​ന്നു​വെ​ന്നാ​ണ്​ കേ​ന്ദ്ര പ​രി​സ്​​ഥി​തി മ​ന്ത്രാ​ല​യം പു​റ​ത്തു​വി​ടു​ന്ന ക​ണ​ക്കു​ക​ൾ.

(തു​ട​രും)