വ​രൂ, ഈ ​വ​രാ​ന്ത​യി​ലെ രോ​ഗി​ക​ളെ​ കാണൂ

രോ​ഗി​ക​ൾ​ക്കി​ട​യി​ൽ ജീ​വി​ക്കു​ന്ന, അ​വ​രു​ടെ വേ​ദ​ന​ക​ളും സ​ങ്ക​ട​ങ്ങ​ളും നി​ത്യേ​ന കാ​ണു​ന്ന ജ​ന​കീ​യ ആ​രോ​ഗ്യ പ്ര​വ​ർ​ത്ത​ക​ർ​ക്ക്​ ന​മ്മു​ടെ ആ​ശു​പ​ത്രി​ക​ളു​ടെ ദു​ര​വ​സ്​​ഥ കാ​ണു​​മ്പോ​ൾ വി​ഷ​മം തോ​ന്നും, പ്ര​ശ്​​ന​ത്തി​ന്​ പ​രി​ഹാ​രം കാ​ണാ​ൻ അ​ധി​കാ​ര​മു​ള്ള​വ​രോ​ട്​ പ​ല​വു​രു പ​റ​ഞ്ഞി​ട്ടും ഒ​രു മാ​റ്റ​വും കാ​ണാ​തെ​യാ​വു​​മ്പോ​ൾ പു​റം​ലോ​ക​ത്തോ​ട്​ വി​ളി​ച്ചു പ​റ​യു​ന്ന​തും സ്വാ​ഭാ​വി​കം. ഭ​ര​ണ​ക​ക്ഷി​യു​ടെ സ​ഹ​യാ​ത്രി​ക​നാ​യ ഡോ​ക്​​ട​ർ ഗു​ണ​കാം​ക്ഷ​യോ​ടെ ന​ട​ത്തി​യ വി​സി​ൽ ബ്ലോ​വി​ങ്ങി​നെ കേ​ര​ള​ത്തി​​ന്റെ ശ​ത്രു​ക്ക​ൾ​ക്ക്​ സ​ഹാ​യ​ക​മാ​വു​ന്ന പ്ര​വൃ​ത്തി​യെ​ന്ന മ​ട്ടി​ലാ​ണ്​ മു​ഖ്യ​മ​ന്ത്രി​യും പാ​ർ​ട്ടി ​സെ​ക്ര​ട്ട​റി​യും വി​ല​യി​രു​ത്തി​യ​ത്.

മെ​ഡി​ക്ക​ൽ കോ​ള​ജു​ക​ൾ​ക്കു​ള്ള ഫ​ണ്ടി​ൽ സ​ർ​ക്കാ​ർ ക​ടു​ത്ത വെ​ട്ട്​ വ​രു​ത്തി​യ​തു​മൂ​ലം സൗ​ക​ര്യ​ങ്ങ​ളും ഉ​പ​ക​ര​ണ​ങ്ങ​ളും ചി​കി​ത്സ​യും കി​ട്ടാ​തെ അ​സു​ഖം വ​ഷ​ളാ​യി ദ​രി​ദ്ര​രും ഇ​ട​ത്ത​ര​ക്കാ​രു​മാ​യ രോ​ഗി​ക​ൾ ക​ടം​വാ​ങ്ങി​യും കി​ട​പ്പാ​ടം വി​റ്റും വ​ൻ തു​ക ക​ണ്ടെ​ത്തി സ്വ​കാ​ര്യ ആ​ശു​പ​ത്രി​ക​ളി​ൽ ചി​കി​ത്സ ​തേ​ടേ​ണ്ടി വ​രു​ന്ന സാ​ഹ​ച​ര്യ​മാ​ണ്​ ​കേ​ര​ള​ത്തി​​ന്റെ വ​ർ​ത്ത​മാ​ന​കാ​ല ആ​രോ​ഗ്യ മോ​ഡ​ൽ. കെ​ട്ടി​ട ഉ​ദ്​​ഘാ​ട​ന​ങ്ങ​ൾ​ക്കോ ആ​രോ​ഗ്യ ദി​നാ​ഘോ​ഷ പ​രി​പാ​ടി​ക്കോ മാ​ത്രം സ​ർ​ക്കാ​ർ ആ​ശു​പ​ത്രി​ക​ളി​ലും മെ​ഡി​ക്ക​ൽ കോ​ള​ജി​ലും വ​ന്നി​റ​ങ്ങു​ന്ന മ​ന്ത്രി​മാ​രും സ​ർ​ക്കാ​ർ ഉ​ന്ന​ത​രും ഇ​നി​യെ​ങ്കി​ലും ഈ ​അ​വ​സ്​​ഥ തി​രി​ച്ച​റി​യ​ണം.

മെ​ഡി​ക്ക​ൽ കോ​ള​ജ്​ വി​ക​സ​നം ത​ട​യു​ന്ന​താ​ര്​?

മെ​ഡി​ക്ക​ല്‍ കോ​ള​ജു​ക​ളു​ടെ വി​ക​സ​ന​ത്തി​നാ​യി 217.4 കോ​ടി രൂ​പ വ​ക​യി​രു​ത്തി​യി​രു​ന്നു എ​ന്ന​ത് ​നേ​രാ​ണ്. പ​ക്ഷേ, ഇ​ത് 157.37 കോ​ടി​യാ​ക്കി വെ​ട്ടി​ക്കു​റ​ച്ചു. മെ​ഡി​ക്ക​ല്‍ കോ​ള​ജി​ന് കീ​ഴി​ലെ ഡെ​ന്റ​ല്‍ കോ​ള​ജു​ക​ളു​ടെ വി​ക​സ​ന​ത്തി​നാ​യി നീ​ക്കി​വെ​ച്ച 22.79 കോ​ടി രൂ​പ ഏ​താ​ണ്ട് മൂ​ന്നി​ലൊ​ന്നാ​ക്കി വെ​ട്ടി​ക്കു​റ​ച്ച്​ 8.65 കോ​ടി രൂ​പ മാ​ത്ര​മാ​ണ് അ​നു​വ​ദി​ച്ച​ത്. മെ​ഡി​ക്ക​ല്‍ വി​ദ്യാ​ഭ്യാ​സ വ​കു​പ്പി​നു കീ​ഴി​ലെ ന​ഴ്‌​സി​ങ് കോ​ള​ജു​ക​ള്‍ക്കു​ള്ള ഫ​ണ്ട്​ 13.78 കോ​ടി രൂ​പ എ​ന്ന​ത് 5.09 കോ​ടി​യാ​ക്കി​യാ​ണ് പു​നഃ​ക്ര​മീ​ക​രി​ച്ച​ത്. ആ​രോ​ഗ്യ വ​കു​പ്പി​നു​കീ​ഴി​ല്‍ ര​ക്ത​ബാ​ങ്കു​ക​ളു​ടെ പ്ര​വ​ര്‍ത്ത​ന​ത്തി​ന് അ​നു​വ​ദി​ച്ച 30 കോ​ടി രൂ​പ 15.5 കോ​ടി രൂ​പ​യാ​ക്കി വെ​ട്ടി​ക്കു​റ​ച്ച​താ​യും സാ​മ്പ​ത്തി​ക വ​ര്‍ഷ​ത്തി​ന്റെ അ​വ​സാ​ന മാ​സ​മാ​യ മാ​ര്‍ച്ചി​ലെ ആ​രോ​ഗ്യ വ​കു​പ്പി​ന്റെ ക​ണ​ക്കു​ക​ള്‍ വ്യ​ക്ത​മാ​ക്കു​ന്നു.

അ​ർ​ബു​ദ ചി​കി​ത്സ​യി​ലും ക​ടും​വെ​ട്ട്​

മെ​ഡി​ക്ക​ല്‍ കോ​ള​ജ് ആ​ശു​പ​ത്രി​ക​ളു​ടെ​യും ജി​ല്ല-താ​ലൂ​ക്ക് ആ​ശു​പ​ത്രി​ക​ളു​ടെ​യും മാ​ത്ര​മ​ല്ല സം​സ്ഥാ​ന​ത്തെ കാ​ന്‍സ​ര്‍ സെ​ന്റ​റു​ക​ള്‍ക്ക് അ​നു​വ​ദി​ച്ച ഫ​ണ്ടും സ​ര്‍ക്കാ​ര്‍ വെ​ട്ടി​ക്കു​റ​ച്ചു. തി​രു​വ​ന​ന്ത​പു​രം റീ​ജ​ന​ല്‍ കാ​ന്‍സ​ര്‍ സെ​ന്റ​റി​ന് (ആ​ർ.​സി.​സി) അ​നു​വ​ദി​ച്ച 73 കോ​ടി രൂ​പ പി​ന്നീ​ട് പ​കു​തി​യാ​ക്കി വെ​ട്ടി​ക്കു​റ​ച്ചു. 36.5 കോ​ടി രൂ​പ മാ​ത്ര​മാ​ണ് ആ​ർ.​സി.​സി​ക്ക് ക​ഴി​ഞ്ഞ സാ​മ്പ​ത്തി​ക വ​ര്‍ഷം ന​ല്‍കി​യ​ത്. മ​ല​ബാ​ര്‍ കാ​ന്‍സ​ര്‍ സെ​ന്റ​റി​നു​ള്ള (എം.​സി.​സി) ഫ​ണ്ടും പ​കു​തി​യാ​ക്കി. കൊ​ച്ചി​ന്‍ കാ​ന്‍സ​ര്‍ റി​സ​ര്‍ച് സെ​ന്റ​റി​ന് അ​നു​വ​ദി​ച്ച 14.5 കോ​ടി രൂ​പ​യി​ല്‍ സാ​മ്പ​ത്തി​ക വ​ര്‍ഷാ​വ​സാ​നം ന​ല്‍കി​യ​ത് 9.3 കോ​ടി രൂ​പ മാ​ത്ര​മാ​ണ്. ഇ​തു​പോ​ലെ ഇ​ന്ത്യ​ന്‍ ഇ​ന്‍സ്റ്റി​റ്റ്യൂ​ട്ട് ഓ​ഫ് ഡ​യ​ബ​റ്റി​ക്‌​സി​ന് അ​നു​വ​ദി​ച്ച ഫ​ണ്ടി​ലും വെ​ട്ടി​ക്കു​റ​വു വ​രു​ത്തി​യ​താ​യാ​ണ് ക​ണ​ക്കു​ക​ള്‍.

നോ​ക്കു​കു​ത്തി​യാ​യി മാ​സ്റ്റ​ർ​പ്ലാ​ൻ

തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ന്‍റെ സ​മ​ഗ്ര വി​ക​സ​നം ല​ക്ഷ്യ​മി​ട്ടാ​ണ്​ 2018ൽ 717 ​കോ​ടി​യു​ടെ മാ​സ്റ്റ​ർ​പ്ലാ​ൻ പ്ര​ഖ്യാ​പി​ച്ച​ത്. ന​വീ​ന സ​ജ്ജീ​ക​ര​ണ​ങ്ങ​ളോ​ടെ പു​തി​യ കെ​ട്ടി​ട​ങ്ങ​ൾ നി​ർ​മി​ക്ക​ൽ, ഇ​പ്പോ​ഴു​ള്ള കെ​ട്ടി​ട​ങ്ങ​ളു​ടെ പു​തു​ക്കി​പ്പ​ണി​യ​ൽ, 350 കോ​ടി​ക്ക് അ​ത്യാ​ധു​നി​ക ഉ​പ​ക​ര​ണ​ങ്ങ​ൾ വാ​ങ്ങ​ൽ, റോ​ഡു​ക​ളു​ടെ ന​വീ​ക​ര​ണം, റേ​ഡി​യോ​ള​ജി, പാ​തോ​ള​ജി, ബ​യോ​മെ​ഡി​ക്ക​ൽ വി​ഭാ​ഗ​ങ്ങ​ളു​ടെ ന​വീ​ക​ര​ണം, മൊ​ബൈ​ല്‍ ഡി​ജി​റ്റ​ല്‍ റേ​ഡി​യോ​ഗ്ര​ഫി, സി.​ടി സ്‌​കാ​ന്‍, മൊ​ബൈ​ല്‍ എ​ക്‌​സ്‌​റേ മെ​ഷീ​ന്‍, എം.​ആ​ര്‍.​ഐ മെ​ഷീ​ന്‍ തു​ട​ങ്ങി​യ​വ സ്ഥാ​പി​ക്ക​ൽ എ​ന്നി​വ​യും ഇ​തി​ൽ ഉ​ൾ​പ്പെ​ടു​ന്നു. എ​ന്നാ​ൽ, പ്ര​ഖ്യാ​പി​ച്ച് എ​ഴു​വ​ർ​ഷ​മാ​യി​ട്ടും ഇ​തു​വ​രെ 60 കോ​ടി ചെ​ല​വി​ട്ട്​ കോ​ള​ജ് വ​ള​പ്പി​നു​ള്ളി​ൽ ഒ​രു മേ​ൽ​പാ​ലം പ​ണി​യു​ക​യും റോ​ഡു​ക​ൾ ന​വീ​ക​രി​ക്കു​ക​യും മാ​ത്ര​മാ​ണ് ചെ​യ്​​ത​ത്. അ​ത്യാ​ധു​നി​ക ലാ​ബ് സ​ജ്ജീ​ക​ര​ണം, സ്ത്രീ​ക​ളു​ടെ​യും കു​ട്ടി​ക​ളു​ടെ​യും ആ​ശു​പ​ത്രി​യി​ൽ ന​വ​ജാ​ത ശി​ശു​ക്ക​ൾ​ക്കാ​യി പ്ര​ത്യേ​ക ബ്ലോ​ക്ക് എ​ന്നി​വ​ക്കാ​യി 198 കോ​ടി​യു​ടെ പ​ദ്ധ​തി​ക്ക് അം​ഗീ​കാ​രം ല​ഭി​ച്ചെ​ങ്കി​ലും കാ​ര്യ​മാ​യി ഒ​ന്നും ന​ട​ന്നി​ല്ല.

ചു​വ​പ്പു​നാ​ട ജീ​വ​ൻ വെ​ക്കു​ന്ന​ത്

ഡോ.​ഹാ​രി​സി​ന്റെ ആ​രോ​പ​ണം വി​ര​ൽ​ചൂ​ണ്ടു​ന്ന​ത് ഹോ​സ്പി​റ്റ​ൽ വി​ക​സ​ന സൊ​സൈ​റ്റി (എ​ച്ച്.​ഡ‌ി.​എ​സ്)​യി​ലേ​ക്കാ​ണ്. ആ​ശു​പ​ത്രി​യു​ടെ ദൈ​നം​ദി​ന പ്ര​വ​ർ​ത്ത​ന​ങ്ങ​ൾ​ക്ക് ആ​വ​ശ്യ​മാ​യ ഫ​ണ്ട് ല​ഭ്യ​മാ​ക്കു​ന്ന​ത് ക​ല​ക്ട​ർ ചെ​യ​ർ​മാ​നാ​യ ഈ ​സം​വി​ധാ​ന​മാ​ണ്.

യൂ​റോ​ള​ജി, ബ​യോ​കെ​മി​സ്ട്രി, റോ​ഡി​യോ​ള​ജി വ​കു​പ്പു​ക​ളു​ടെ പ്ര​വ​ർ​ത്ത​നം താ​ളം​തെ​റ്റി​ക്കു​ന്ന​തി​ൽ എ​ച്ച്.​ഡി.​എ​സ് വ​ഹി​ക്കു​ന്ന പ​ങ്ക്​ കു​പ്ര​സി​ദ്ധ​മാ​ണ്. സി.​ടി,എം.​ആ​ർ.​ഐ യ​ന്ത്ര​ങ്ങ​ളു​ടെ അ​റ്റ​കു​റ്റ​പ്പ​ണി​യും അ​നു​ബ​ന്ധ ഉ​പ​ക​ര​ണ​ങ്ങ​ൾ ഉ​റ​പ്പാ​ക്കു​ന്ന​തി​ലും എ​ച്ച്.​ഡി.​എ​സ് വ​ലി​യ അ​ലം​ഭാ​വ​മാ​ണ് പു​ല​ർ​ത്തു​ന്ന​ത്. ഇ​തു കാ​ര​ണ​മാ​ണ്​ ല​ബോ​റ​ട്ട​റി പ​രി​ശോ​ധ​ന​ക​ൾ​ക്കും സ്കാ​നി​ങ്ങി​നും നി​ർ​ധ​ന രോ​ഗി​ക​ൾ സ്വ​കാ​ര്യ ലാ​ബു​ക​ളെ ആ​ശ്ര​യി​ക്കേ​ണ്ടി​വ​രു​ന്ന​ത്. കാ​ത്ത് ലാ​ബു​ക​ൾ​ക്ക് ആ​വ​ശ്യ​മാ​യ ഉ​പ​ക​ര​ണ​ങ്ങ​ളു​ടെ വി​ത​ര​ണ​വും ഇ​ക്കൂ​ട്ട​ർ പ്ര​തി​സ​ന്ധി​യി​ലാ​ക്കി​യി​ട്ടു​ണ്ട്. ആ​ശു​പ​ത്രി​യു​ടെ സൂ​പ്ര​ണ്ടാ​ണ് എ​ച്ച്.​ഡി.​എ​സ് സെ​ക്ര​ട്ട​റി. ഇ​തു കൂ​ടാ​തെ ഡി.​എം.​ഇ ഓ​ഫി​സി​ലെ സീ​നി​യ​ർ സൂ​പ്ര​ണ്ടി​ന്റെ നേ​തൃ​ത്വ​ത്തി​ൽ 11 ജീ​വ​ന​ക്കാ​രാ​ണു​ള്ള​ത്.

ഇ​വി​ടെ ഫ​യ​ൽ നീ​ക്ക​മെ​ല്ലാം വ​ഴി​പാ​ട് പോ​ലെ​യെ​ന്നാ​ണ് പ്ര​ധാ​ന പ​രാ​തി. ഡോ. ​ഹാ​രി​സി​നെ പോ​ലു​ള്ള​വ​രു​ടെ ക​ത്തു​ക​ൾ ചു​വ​പ്പു​നാ​ട​യി​ൽ കെ​ട്ടി​വെ​ക്കും. ശ​സ്ത്ര​ക്രി​യ​ക്ക് ഉ​പ​ക​ര​ണ​മി​ല്ലെ​ന്ന ക​ത്ത് അ​ടി​യ​ന്ത​ര സ്വ​ഭാ​വ​മു​ള്ള​താ​യ​തി​നാ​ൽ എ​ച്ച്.​ഡി.​എ​സ് സൂ​പ്ര​ണ്ടോ ആ​ശു​പ​ത്രി സൂ​പ്ര​ണ്ടോ ഇ​ട​പെ​ട്ടാ​ൽ അ​തി​വേ​ഗം ക​ല​ക്ട​റു​ടെ തീ​രു​മാ​നം ഉ​റ​പ്പാ​ക്കാം. പ​ക്ഷേ, പാ​വ​ങ്ങ​ളു​ടെ ജീ​വ​ന്​ വി​ല​ക​ൽ​പി​ക്കാ​ത്ത​തി​നാ​ൽ അ​തി​നൊ​ന്നും മെ​ന​ക്കെ​ടി​ല്ല. എ​ച്ച്.​ഡി.​എ​സ് ഓ​ഫി​സി​ന്റെ ഭാ​ഗ​ത്ത് നി​ന്നു​ണ്ടാ​യ ഗു​രു​ത​ര വീ​ഴ്ച​യാ​ണ് ഇ​പ്പോ​ൾ ആ​രോ​ഗ്യ വ​കു​പ്പി​ന് ഒ​ന്നാ​കെ ക​ള​ങ്ക​മാ​യി​രി​ക്കു​ന്ന​ത്.

എ​ച്ച്.​ഡി.​എ​സ് ഓ​ഫി​സി​ൽ മൂ​ന്നു​വ​ർ​ഷം പൂ​ർ​ത്തി​യാ​ക്കി​വ​രെ മാ​റ്റാ​ൻ മ​ന്ത്രി​യും ക​ല​ക്ട​റും നി​ർ​ദേ​ശം ന​ൽ​കി​യെ​ങ്കി​ലും ന​ട​പ്പാ​യി​ല്ല. 20 വ‌​ർ​ഷ​ത്തോ​ള​മാ​യി മൂ​ന്ന് ​പ്ര​ബ​ല​രാ​ണ്​ ഇ​വി​ടെ കാ​ര്യ​ങ്ങ​ൾ നി​യ​ന്ത്രി​ക്കു​ന്ന​ത്. മെ​ഡി​ക്ക​ൽ കോ​ള​ജി​ലെ ഡോ​ക്ട​ർ​മാ​ർ​ക്കും മീ​തെ​യാ​ണ് ഇ​വ​ർ.

(അ​വ​സാ​നി​ച്ചു)