അ​നീ​തി​ക്കെ​തി​രെ പൊ​രു​തി​യ ന​വാ​ബ്

എ​ൺ​പ​തു​ക​ളു​ടെ തു​ട​ക്ക​ത്തി​ൽ ത​ല​സ്ഥാ​ന​ന​ഗ​രി​യി​ലെ എ​ന്റെ നി​യ​മ പ​ഠ​ന​കാ​ലം. മാ​ധ്യ​മ പ്ര​വ​ർ​ത്ത​ക സു​ഹൃ​ത്ത് ടി.​പി. ചെ​റൂ​പ്പ​യോ​ടൊ​പ്പം എം.​എ​ൽ.​എ ഹോ​സ്റ്റ​ലി​ലാ​ണ​ന്ന് താ​മ​സം. അ​വി​ടെ വെ​ച്ചാ​ണ് ന​വാ​ബ് രാ​ജേ​ന്ദ്ര​ൻ എ​ന്ന ടി.​ഇ. രാ​ജേ​ന്ദ്ര​നെ പ​രി​ച​യ​പ്പെ​ടു​ന്ന​ത്. മെ​ലി​ഞ്ഞ് നീ​ണ്ട് കു​ഴ​ൽ​പോ​ലു​ള്ള ദേ​ഹ​ത്ത് ഞാ​ണ് കി​ട​ക്കു​ന്ന കൊ​ലു​ന്ന​നെ​യു​ള്ള ജു​ബ്ബ, പാ​ദം ക​ഴി​ഞ്ഞും താ​ഴോ​ട്ടി​റ​ങ്ങിക്കിടക്കുന്ന മു​ഷി​ഞ്ഞ ഇ​ര​ട്ട മു​ണ്ട്, അ​ല​ങ്കോ​ല​മാ​യി​ക്കി​ട​ക്കു​ന്ന ത​ല​മു​ടി,ക​ഴു​ത്തി​ലൊ​രു രു​ദ്രാ​ക്ഷ മാ​ല​,വീ​തി​യേ​റി​യ ക​ട്ടി​ക്ക​ണ്ണ​, കാ​ൽ മു​ട്ടോ​ള​മെ​ത്തു​ന്ന തോ​ൾ സ​ഞ്ചി,സ​ഞ്ചി​യി​ൽ നി​റ​യെ ഹ​ജൂ​ർ ക​ച്ചേ​രി​യി​ലേ​തു​പോ​ലെ ക​ട​ലാ​സ് മ​ട​ക്കു​ക​ൾ- ഇ​ത്ര​യു​മാ​യി​രു​ന്നു ആ മനുഷ്യന്റെ ഏ​ക​ദേ​ശ ബാ​ഹ്യ​രൂ​പം.

പ​യ്യ​ന്നൂ​രി​ലെ പ്ര​ഗ​ല്ഭ അ​ഭി​ഭാ​ഷ​ക​ൻ കു​ഞ്ഞി​രാ​മ പൊ​തു​വാ​ളി​ന്റെ​യും ഭാ​ർ​ഗ​വി​യ​മ്മ​യു​ടെ​യും മ​ക​നാ​യി 1950 ലാ​ണ് ജ​ന​നം. പി​താ​വ് തൃ​ശൂ​രി​ലേ​ക്ക് പ്ര​വ​ർ​ത്ത​ന മ​ണ്ഡ​ലം മാ​റ്റി​യ​പ്പോ​ൾ രാ​ജേ​ന്ദ്ര​നും തൃ​ശൂ​ർ​ക്കാ​ര​നാ​യി. പൊ​തു​വാ​ൾ പ​തി​യെ തൃ​ശൂ​രി​ന്റെ പൊ​തു​മ​ണ്ഡ​ല​ത്തി​ൽ നി​റ​ഞ്ഞു. ക​ണ്ണൂ​ർ ജി​ല്ല​യി​ൽ​നി​ന്ന് ത​ന്നെ​യാ​ണ് പി​ൽ​കാ​ല​ത്ത് കോ​ൺ​ഗ്ര​സ് രാ​ഷ്ട്രീ​യ​ത്തി​ലെ ലീ​ഡ​റും ന​വാ​ബി​ന്റെ വ്യ​വ​ഹാ​ര​ങ്ങ​ളി​ലെ നി​ത്യ​എ​തി​രാ​ളി​യു​മാ​യി മാ​റി​യ കെ. ​ക​രു​ണാ​ക​ര​നും തൃ​ശൂ​രി​ൽ എ​ത്തി​പ്പെ​ടു​ന്ന​ത്.

നീ​തി നി​ഷേ​ധ​ത്തി​നെ​തി​രെ പോ​രാ​ടാ​നു​ള്ള ധീ​ര​ത ചെ​റു​പ്രാ​യ​ത്തി​ലേ രാ​ജേ​ന്ദ്ര​നു​ണ്ടാ​യി​രു​ന്നു. ആ​ദ​ർ​ശാ​ത്മ​ക പ​ത്ര​പ്ര​വ​ർ​ത്ത​ന​ത്തി​ൽ വ​ഴി​കാ​ട്ടി പി​താ​വ് ത​ന്നെ​യാ​യി​രു​ന്നു. ആ​ദ്യം ന​ട​ത്തി​യ പ​ത്രം ബാ​ധ്യ​ത​യെ​ത്തു​ട​ർ​ന്ന് അ​ട​ച്ചു. ശേ​ഷം ‘ന​വാ​ബ്’എന്ന പേരിൽ പ്രസിദ്ധീകരണം ആ​രം​ഭി​ച്ച​തോ​ടെ​യാ​ണ് രാ​ജേ​ന്ദ്ര​ൻ ന​വാ​ബ് രാ​ജേ​ന്ദ്ര​നാ​യ​ത്. ചെ​റു​തും വ​ലു​തു​മാ​യ ഒ​ട്ടേ​റെ നീ​തി നി​ഷേ​ധ​വും അ​ഴി​മ​തി​യും രാ​ഷ്ട്രീ​യ അ​വി​ഹി​ത​ങ്ങ​ളും സ്വ​ജ​ന പ​ക്ഷ​പാ​ത​ങ്ങ​ളും ന​വാ​ബി​ൽ ക​ത്തു​ന്ന റി​പ്പോ​ർ​ട്ടു​ക​ളാ​യി. അ​തി​നൊ​ക്കെ പ്ര​ക്ഷോ​ഭ​ത്തി​ന്റെ വീ​ര്യ​മു​ണ്ടാ​യി​രു​ന്നു. കോ​ൺ​ഗ്ര​സ് നേ​താ​വാ​യി​രു​ന്ന എ.​സി. ജോ​സി​നെ​തി​രെ ടൈ​റ്റാ​നി​യ​വു​മാ​യി ബ​ന്ധ​പ്പെ​ട്ട അ​ഴി​മ​തി ആ​രോ​പ​ണ​ങ്ങ​ൾ ‘ന​വാ​ബി​’ലൂ​ടെ രാ​ജേ​ന്ദ്ര​ൻ പ്ര​ശ്ന​വ​ത്ക​രി​ച്ച​ത് ‘ദ ​ഹി​ന്ദു’ ഉ​ൾ​പ്പെ​ടെ​യു​ള്ള മു​ഖ്യ​ധാ​രാ പ​ത്ര​ങ്ങ​ൾ പി​ന്നീ​ട് പ്രാ​ധാ​ന്യ​പൂ​ർ​വം ഏ​റ്റെ​ടു​ത്തു. അതു കഴിഞ്ഞാണ് ക​രു​ണാ​ക​ര​ൻ ഉ​ൾ​പ്പെ​ട്ട അ​ഴി​മ​തി വാ​ർ​ത്ത​യാ​ക്കു​ന്ന​ത്.

തൃ​ശൂ​രി​ൽ കാ​ർ​ഷി​ക ഗ​വേ​ഷ​ണ സ​ർ​വ​ക​ലാ​ശാ​ല സ്ഥാ​പി​ക്കാ​ൻ മ​ണ്ണു​ത്തി​യി​ലെ ത​ട്ടി​ൽ എ​സ്റ്റേ​റ്റി​ന്റെ 936 ഏ​ക്ക​ർ ഭൂ​മി ര​ണ്ടു​കോ​ടി രൂ​പ​ക്ക് ഏ​റ്റെ​ടു​ക്കാ​ൻ അ​ച്യു​ത​മേ​നോ​ൻ മ​ന്ത്രി​സ​ഭ തീ​രു​മാ​നി​ച്ചി​രു​ന്നു. ഭൂ​മി ഏ​റ്റെ​ടു​പ്പി​ൽ അ​ഴി​മ​തി ആ​രോ​പി​ക്ക​പ്പെ​ട്ട​തി​നെ​ത്തു​ട​ർ​ന്ന് സ​ർ​ക്കാ​ർ നി​യോ​ഗി​ച്ച ക​മീ​ഷ​ൻ ഈ ​ഭൂ​മി​ക്ക് 35 ല​ക്ഷം രൂ​പ​പോ​ലും വി​ല വ​രു​ന്നി​ല്ലെ​ന്ന് ക​ണ്ടെ​ത്തി. എ​സ്റ്റേ​റ്റ് ഏ​റ്റെ​ടു​ക്കു​ന്ന​തി​ന് ആ​ഭ്യ​ന്ത​ര​മ​ന്ത്രി ക​രു​ണാ​ക​ര​ൻ ര​ണ്ടു​ല​ക്ഷം രൂ​പ കൈ​ക്കൂ​ലി വാ​ങ്ങി​യെ​ന്ന് 1972 ഏ​പ്രി​ൽ ല​ക്ക​ത്തി​ൽ ന​വാ​ബ് വാ​ർ​ത്ത പ്ര​സി​ദ്ധീ​ക​രി​ച്ചു. തൃ​ശൂ​ർ ഡി.​സി.​സി പ്ര​സി​ഡ​ന്റ് എം.​വി. അ​ബൂ​ബ​ക്ക​റി​ന് പ​ണം ന​ൽ​കാ​ൻ ക​രു​ണാ​ക​ര​ൻ നി​ർ​ദേ​ശി​ച്ച​താ​യി പേ​ഴ്‌​സ​ണ​ൽ അ​സി​സ്റ്റ​ന്റ് ഗോ​വി​ന്ദ​ൻ എ​സ്റ്റേ​റ്റ് മാ​നേ​ജ​ർ ജോ​ണി​ന​യ​ച്ച ക​ത്തി​ന്റെ കോ​പ്പി​യും തെ​ളി​വാ​യി രാ​ജേ​ന്ദ്ര​ൻ പ്ര​സി​ദ്ധീ​ക​രി​ച്ചു- ഒ​രു പ​ക്ഷേ, അ​ദ്ദേ​ഹ​ത്തി​ന്റെ ജീ​വി​തം​ത​ന്നെ ത​കി​ടം മ​റി​ച്ച​ത് ഈ ​വാ​ർ​ത്ത​യും ക​ത്തു​മാ​യി​രു​ന്നു. ക​ത്ത് ക​ണ്ടെ​ത്തു​ന്ന​തി​നാ​യി അ​ന്ന​ത്തെ എ​സ്.​പി ജ​യ​റാം പ​ടി​ക്ക​ലി​ന്റെ നേ​തൃ​ത്വ​ത്തി​ൽ രാ​ജേ​ന്ദ്ര​നെ ക​സ്റ്റ​ഡി​യി​ലെ​ടു​ത്ത് നി​ര​ന്ത​ര പീ​ഡ​ന​ങ്ങ​ൾ​ക്ക് വി​ധേ​യ​മാ​ക്കി. ആ​ദ്യം കോ​ട​തി ഇ​ട​പെ​ട്ട് വി​ട്ട​യ​ച്ചെ​ങ്കി​ലും ജ​യ​റാം പ​ടി​ക്ക​ലി​ന്റെ സം​ഘം അ​ദ്ദേ​ഹ​ത്തെ വീ​ണ്ടും നി​യ​മ​വി​രു​ദ്ധ​മാ​യി ക​സ്റ്റ​ഡി​യി​ലെ​ടു​ത്തു. നി​ർ​ബ​ന്ധി​ച്ച് മ​ദ്യം കു​ടി​പ്പി​ച്ച് പൊ​ലീ​സ് ന​ട​ത്തി​യ ​മ​ർ​ദ​ന​ങ്ങ​ൾ​ക്കി​ട​യി​ൽ ക​ത്ത് സി.​പി.​എം സം​സ്ഥാ​ന സെ​ക്ര​ട്ടേ​റി​യ​റ്റം​ഗം അ​ഴീ​ക്കോ​ട​ൻ രാ​ഘ​വ​ന്റെ കൈ​വ​ശ​മു​ണ്ടെ​ന്ന് ന​വാ​ബി​ന് പ​റ​യേ​ണ്ടി​വ​ന്നു. കൊ​ടി​യ മ​ർ​ദ​ന​ത്തി​ൽ പൊ​ലീ​സ് ന​വാ​ബി​ന്റെ പ​ല്ലു​ക​ൾ ത​ല്ലി​ക്കൊ​ഴി​ച്ചു, ശ​രീ​രം ത​ച്ചു​ട​ച്ചു. വ​ലി​യ സ​ന്നാ​ഹ​ങ്ങ​ളോ​ടെ പൊ​ലീ​സ് അ​ഴീ​ക്കോ​ട​ന്റെ ക​ണ്ണൂ​ർ പ​ള്ളി​ക്കു​ന്നി​ലെ ​വീട്ടിലേക്ക് കു​തി​ച്ചെ​ത്തി. ഇ​ത്ത​രം രേ​ഖ​ക​ളൊ​ന്നും വീ​ട്ടി​ൽ സൂ​ക്ഷി​ക്കാ​റി​ല്ലെ​ന്നും പാ​ർ​ട്ടി ഓ​ഫി​സി​ലു​ണ്ടാ​വു​മെ​ന്നും വേ​ണ​മെ​ങ്കി​ൽ ത​ന്നെ​യും ഇ.​എം.​എ​സി​നെ​യും അ​റ​സ്റ്റ് ചെ​യ്തോ​ളൂ എ​ന്നും ച​ങ്കൂ​റ്റ​ത്തോ​ടെ പ​റ​ഞ്ഞു അ​ഴീ​ക്കോ​ട​ൻ. ന​വാ​ബി​നെ പൊ​ലീ​സ് അ​ന്യാ​യ​മാ​യി ക​സ്റ്റ​ഡി​യി​ൽ​വെ​ച്ച് പീ​ഡി​പ്പി​ക്കു​ന്ന വി​വ​രം അ​ഴീ​ക്കോ​ട​ൻ അ​ടു​ത്ത​ദി​വ​സം വാ​ർ​ത്ത​സ​മ്മേ​ള​നം ന​ട​ത്തി ലോ​ക​ത്തെ അ​റി​യി​ക്കു​ക​യും ചെ​യ്തു. ‘ന​വാ​ബ്’ പ്ര​സി​ദ്ധീ​ക​രി​ച്ച വാ​ർ​ത്ത ത​നി​ക്ക് അ​പ​കീ​ർ​ത്തി​ക​ര​മാ​ണെ​ന്ന് കാ​ണി​ച്ച് ക​രു​ണാ​ക​ര​ന്റെ പി.​എ ന​ൽ​കി​യ മാ​ന​ന​ഷ്ട​ക്കേ​സ് പ​രി​ഗ​ണി​ച്ച കോ​ട​തി ക​ത്തി​ന്റെ അ​സ്സ​ൽ പ​ക​ർ​പ്പ് ഹാ​ജ​രാ​ക്കാ​ൻ രാ​ജേ​ന്ദ്രനോ​ട് നി​ർ​ദേ​ശി​ച്ചു. ക​ത്ത് കോ​ട​തി​യി​ൽ ഹാ​ജ​രാ​ക്കു​മെ​ന്ന് പ​ര​സ്യ​മാ​യി പ്ര​ഖ്യാ​പി​ച്ച് പ​ത്തു​നാ​ൾ തി​ക​യും മു​മ്പ് 1972 സെ​പ്റ്റം​ബ​ർ 23ന് ​രാ​ത്രി അ​ഴീ​ക്കോ​ട​ൻ കൊ​ല്ല​പ്പെ​ട്ടു.

ഭ​ര​ണ​കൂ​ട​ത്തി​നെ​തി​രെ​യു​ള്ള സം​ഘ​ർ​ഷ​ത്തി​നി​ട​യി​ൽ ന​വാ​ബ് പ​ത്രം പൂ​ട്ടേ​ണ്ടി​വ​ന്നു. പ​ക്ഷേ, പോ​രാ​ട്ട​ങ്ങ​ൾ​ക്ക് വി​രാ​മ​മി​ടാ​ൻ ന​വാ​ബ് രാ​ജേ​ന്ദ്ര​ൻ ഒ​രു​ക്ക​മാ​യി​രു​ന്നി​ല്ല. കെ. ​ക​രു​ണാ​ക​ര​നെ​തി​രെ ഒ​ട്ടേ​റെ കേ​സു​ക​ൾ അ​ദ്ദേ​ഹം പൊ​തു​താ​ൽ​പ​ര്യ ഹ​ര​ജി​യാ​യി ന​ൽ​കി​യി​ട്ടു​ണ്ട്. പ്ര​സ്താ​വ​ന​യി​ലും പ്ര​വ​ർ​ത്ത​ന​ങ്ങ​ളി​ലും സം​ഭ​വി​ക്കു​ന്ന സ്ഖ​ലി​ത​ങ്ങ​ളെ മു​ൻ​നി​ർ​ത്തി ക​രു​ണാ​ക​ര​ന്റെ മാ​ന​സി​കാ​വ​സ്ഥ പ​രി​ശോ​ധി​ക്ക​ണ​മെ​ന്ന് പോ​ലും പ​രാ​തി ന​ൽ​കി. പ​ക​രം, ശ​ല്യ​ക്കാ​ര​നാ​യ വ്യ​വ​ഹാ​രി​യാ​യി പ്ര​ഖ്യാ​പി​പ്പി​ക്കാ​ൻ ക​രു​ണാ​ക​ര​നും ശ്ര​മം ന​ട​ത്തി. ഈ ​ഹ​ര​ജി ത​ള്ളി​ക്കൊ​ണ്ട് അ​ഴി​മ​തി​ക്കെ​തി​രെ തി​രു​ത്ത​ൽ ശ​ക്തി​ക​ളാ​യി പ്ര​വ​ർ​ത്തി​ക്കു​ന്ന ഇ​തു​പോ​ലു​ള്ള ആ​ളു​ക​ൾ സ​മൂ​ഹ​ത്തി​ന് ആ​വ​ശ്യ​മാ​ണെ​ന്ന ജ​സ്റ്റി​സ് സു​കു​മാ​ര​ൻ പു​റ​പ്പെ​ടു​വി​ച്ച മാ​നു​ഷി​ക മൂ​ല്യ​ങ്ങ​ളെ ഉ​യ​ർ​ത്തി​പ്പി​ടി​ക്കു​ന്ന വി​ധി പ്ര​ഖ്യാ​പ​നം ന​വാ​ബി​ന്റെ പോ​രാ​ട്ട​ങ്ങ​ൾ​ക്ക് ഊ​ർ​ജ​മേ​റ്റി. പി​ന്നീ​ട​ങ്ങോ​ട്ട് സ​മൂ​ഹ​ത്തി​ന് ബോ​ധ്യ​പ്പെ​ടു​മാ​റു​ള്ള നി​ര​വ​ധി വ്യ​വ​ഹാ​ര​ങ്ങ​ളു​മാ​യി രാ​ജേ​ന്ദ്ര​ൻ മു​ന്നോ​ട്ടു​ത​ന്നെ പോ​യി. കോ​ൺ​ഗ്ര​സ് നേ​താ​വും ക​രു​ണാ​ക​ൻ മ​ന്ത്രി​സ​ഭ​യി​ൽ അം​ഗ​വു​മാ​യി​രു​ന്ന എം.​പി. ഗം​ഗാ​ധ​ര​ൻ പ്രാ​യ​പൂ​ർ​ത്തി​യാ​വാ​ത്ത മ​ക​ളെ വി​വാ​ഹം ക​ഴി​പ്പി​ച്ച​യ​ച്ച​തി​നെ​തി​രാ​യ വ്യ​വ​ഹാ​രം അ​തി​ലൊ​ന്ന് മാ​ത്രം. ആ ​കേ​സാ​ണ് ഗം​ഗാ​ധ​ര​ന്റെ രാ​ജി​ക്കും രാ​ഷ്ട്രീ​യ വ​ന​വാ​സ​ത്തി​നും കാ​ര​ണ​മാ​യ​ത്. ജാ​ത​കം നോ​ക്കി വ​യ​സ്സ് തി​രു​ത്താ​നും വ​സ്തു പ്ര​മാ​ണ​ങ്ങ​ൾ നി​ര​ത്തി മ​ക​ളു​ടെ പ്രാ​യ​പൂ​ർ​ത്തി സ്ഥാ​പി​ക്കാ​നു​മു​ള്ള ഗം​ഗാ​ധ​ര​ന്റെ ശ്ര​മ​ങ്ങ​ളെ, ഇ​രു​ത്തം വ​ന്ന ഒ​രു നി​യ​മ​ജ്ഞ​ന്റെ ഗാം​ഭീ​ര്യ​ത്തോ​ടെ രാ​ജേ​ന്ദ്ര​ൻ കു​ട​ഞ്ഞെ​റി​ഞ്ഞു.

വീ​ടോ ക​യ​റി​ക്കി​ട​ക്കാ​ൻ ഒ​രു മു​റി​യോ​പോ​ലും സ്വ​ന്ത​മാ​യി ഉ​ണ്ടാ​ക്കി​യി​ല്ല ന​വാ​ബ്. അ​ദ്ദേ​ഹം മേ​ൽ​വി​ലാ​സ​മാ​യി ന​ൽ​കി​യ​ത്, ന​വാ​ബ് രാ​ജേ​ന്ദ്ര​ൻ, കേ​ര​ള ഹൈ​കോ​ട​തി വ​രാ​ന്ത, കൊ​ച്ചി എ​ന്നാ​യി​രു​ന്നു. ത​പാ​ൽ വ​കു​പ്പ് ക​ത്തു​ക​ളും രേ​ഖ​ക​ളു​മെ​ല്ലാം ആ ​വി​ലാ​സ​ത്തി​ൽ തെ​റ്റാ​തെ കൊ​ണ്ടെ​ത്തി​ക്കു​ക​യും ചെ​യ്തി​രു​ന്നു. സ​മ​ഗ്ര സം​ഭാ​വ​ന​ക​ൾ​ക്ക് മാ​ന​വ​സേ​വ ട്ര​സ്റ്റ് പു​ര​സ്കാ​ര​മാ​യി ന​ൽ​കി​യ ര​ണ്ടു​ല​ക്ഷം രൂ​പ​യി​ൽ​നി​ന്ന് ആ​യി​രം രൂ​പ മാ​ത്ര​മെ​ടു​ത്ത് ബാ​ക്കി തു​ക എ​റ​ണാ​കു​ളം ജ​ന​റ​ൽ ആ​ശു​പ​ത്രി​ക്ക് ആ​ധു​നി​ക മോ​ർ​ച്ച​റി നി​ർ​മി​ക്കാ​നാ​യി ന​ൽ​കി അ​ദ്ദേ​ഹം.

സ്വ​ന്ത​മാ​യി കേ​സു​ക​ൾ വാ​ദി​ക്കാ​നും പ​രാ​തി​ക​ൾ എ​ഴു​തി സ​മ​ർ​പ്പി​ക്കാ​നും വി​ദ​ഗ്ധ​നാ​യി​രു​ന്നു ന​വാ​ബ്. ഒ​രു നി​യ​മ​ജ്ഞ​ന്റെ ചാ​രു​ത പ​ല​പ്പോ​ഴും അ​ദ്ദേ​ഹം ത​യാ​റാ​ക്കു​ന്ന പ​രാ​തി​ക​ളി​ൽ നി​ഴ​ലി​ച്ചു. അ​ഴി​മ​തി​ക്കും ധൂ​ർ​ത്തി​നും എ​തി​രെ​യു​ള്ള പോ​രാ​ട്ട​ത്തി​ന്റെ ച​രി​ത്ര​മാ​ണ് രാ​ജേ​ന്ദ്ര​ന്റേ​ത്. നി​ര​വ​ധി അ​ഴി​മ​തി​ക്ക​ഥ​ക​ൾ അ​ദ്ദേ​ഹം പു​റ​ത്തു​കൊ​ണ്ടു​വ​ന്നു.

തൊ​ണ്ണൂ​റു​ക​ളു​ടെ തു​ട​ക്ക​ത്തി​ൽ പ​യ്യ​ന്നൂ​രി​ലേ​ക്കു​ള്ള യാ​ത്രാ​മ​ധ്യേ ഒ​രി​ക്ക​ൽ രാ​ജേ​ന്ദ്ര​ൻ എ​ന്റെ വീ​ട്ടി​ൽ വ​ന്നു. പി​ന്നീ​ട് 2002ൽ ​അ​വി​ചാ​രി​ത​മാ​യി തിരുവനന്തപുരം മ്യൂസിയത്തിൽ വെച്ച് കാണുമ്പോഴാണ് അ​ർ​ബു​ദം അ​ദ്ദേ​ഹ​ത്തെ ഗ്ര​സി​ച്ചു​കൊ​ണ്ടി​രി​ക്കു​ന്ന വി​വ​രം അ​റി​ഞ്ഞ​ത്. പോ​രാ​ട്ട​ങ്ങ​ളു​ടെ വി​ര​ഹാ​ഗ്ര​ത്തി​ലാ​ണ് താ​നെ​ന്ന് ന​വാ​ബ് അ​ന്ന് സൂ​ചി​പ്പി​ക്കു​ക​യും ചെ​യ്തു. വൈ​കാ​തെ 2003 ഒ​ക്ടോ​ബ​ർ പ​ത്തി​ന്, സ​മാ​ന​ത​ക​ളേ​റെ​യി​ല്ലാ​ത്ത ആ ​പോ​രാ​ളി ലോ​ക​ത്തോ​ട് വി​ട​പ​റ​ഞ്ഞു.

മൃ​ത​ദേ​ഹം മെ​ഡി​ക്ക​ൽ വി​ദ്യാ​ർ​ഥി​ക​ളു​ടെ പ​ഠ​നാ​വ​ശ്യ​ത്തി​ന് ന​ൽ​ക​ണ​മെ​ന്നാ​യി​രു​ന്നു അ​ദ്ദേ​ത്തി​ന്റെ ഒ​സ്യ​ത്ത്. പോ​സ്റ്റ്മോ​ർ​ട്ട​ത്തി​നു​ശേ​ഷം എം​ബാം ചെ​യ്ത മൃ​ത​​ദേ​ഹം തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് അ​നാ​ട്ട​മി വി​ഭാ​ഗ​ത്തി​ന്‌ കൈ​മാ​റി​യെ​ങ്കി​ലും ശ​രീ​രം അ​ഴു​കു​ക​യും തു​ട​ർ​ന്ന് ര​ഹ​സ്യ​മാ​യി മ​റ​വ് ചെ​യ്യു​ക​യു​മാ​യി​രു​ന്നു. മ​ര​ണ​ശേ​ഷം പോ​ലും പ​ല​രും ആ പോരാളിയെ ഭ​യ​പ്പെ​ട്ടി​രു​ന്നു എ​ന്നു​വേ​ണം ക​രു​താ​ൻ. മാ​ധ്യ​മ-​മ​നു​ഷ്യാ​വ​കാ​ശ മേ​ഖ​ല​യി​ൽ ന​വാ​ബി​നെ​പ്പോ​ലു​ള്ള ധീ​ര​രെ തേ​ടു​ക​യാ​ണ് കാ​ലം.