അ​വ​രി​പ്പോ​ൾ എ​ങ്ങ​നെ ജീ​വി​ക്കു​ന്നു​വെ​ന്ന​റി​യു​മോ?

ഉ​രു​ൾ​ദു​ര​ന്ത​ത്തി​ൽ ജീ​വ​ൻ​ ബാ​ക്കി​യാ​യെ​ങ്കി​ലും പൂ​ക്കാ​ട്ടി​ൽ അ​ബു​വും വി​ജ​യ​നു​മെ​ല്ലാം ദു​രി​ത​ക്ക​യം ഇ​നി​യും താ​ണ്ടി​യി​ട്ടി​ല്ല. നാ​ട്ടി​ലെ പ്ര​മാ​ണി​യാ​യി​രു​ന്ന അ​ബു​വി​ന് ആ ​രാ​ത്രി​യി​ൽ ന​ഷ്ട​മാ​യ​ത് ല​ക്ഷ​ങ്ങ​ളു​ടെ സ്വ​ത്തു​വ​ക​ക​ളാ​യി​രു​ന്നു. ഇ​പ്പോ​ൾ, 11 പേ​ര​ട​ങ്ങു​ന്ന കു​ടും​ബ​വു​മാ​യി വാ​ട​ക​വീ​ടു​ക​ൾ മാ​റി ക​ഴി​യു​ക​യാ​ണ് ഈ ​വ​യോ​ധി​ക​ൻ. ആ​ഴ്ച​യി​ൽ മൂ​ന്ന് ദി​വ​സം ഡ​യാ​ലി​സി​സും വേ​ണം. മി​ക​ച്ച ക്ഷീ​ര ക​ർ​ഷ​ക​നു​ള്ള അ​വാ​ർ​ഡ് നേ​ടി​യ വി​ജ​യ​ന്റെ അ​നു​ഭ​വ​വും മ​റ്റൊ​ന്ന​ല്ല. വ​രു​മാ​നം പൂ​ർ​ണ​മാ​യും നി​ല​ച്ച് സ​ന്ന​ദ്ധ സം​ഘ​ട​ന​ക​ളു​​ടെ​യും മ​റ്റും തണലിൽ അ​തി​ജീ​വ​ന​ത്തി​നാ​യു​ള്ള പു​തി​യ വ​ഴി​ക​ൾ തേ​ടു​ക​യാ​ണ് ഇ​വ​ർ. ഇതുപോലെ എത്രയോ പേർ. സ​ർ​ക്കാ​ർ ഇ​വ​രെ കാണുന്നു​ണ്ടോ?

2024 ജൂ​​​ലൈ 30 അ​ർ​ധ​രാ​ത്രി​വ​രെ ചൂ​ര​ൽ​മ​ല​യി​ലെ പ്ര​മാ​ണി​മാ​രി​ൽ ഒ​രാ​ളാ​യി​രു​ന്നു പൂ​ക്കാ​ട്ടി​ൽ അ​ബു​ക്ക. ഏ​ത് അ​ശ​ര​ണ​രും അ​ഗ​തി​ക​ളു​മൊ​ക്കെ ആ​ദ്യം തേ​ടി​ച്ചെ​ല്ലു​ന്ന വീ​ട്. സ​ഹാ​യം തേ​ടി ആ​രു ചെ​ന്നാ​ലും വെ​റും​കൈ​യോ​ടെ അ​ബു​ക്ക മ​ട​ക്കി​യ​യ​ക്കാ​റി​ല്ലെ​ന്ന് അ​നു​ഭ​വ​സ്ഥ​ർ. ചൂ​ര​ൽ​മ​ല ടൗ​ണി​ൽ റോ​ഡി​ന് അ​പ്പു​റ​വും ഇ​പ്പു​റ​വു​മാ​യി നി​ര​വ​ധി പീ​ടി​ക​മു​റി​ക​ളു​ള്ള ര​ണ്ടു കെ​ട്ടി​ട​ങ്ങ​ളു​ടെ ഉ​ട​മ. മാ​സ​വാ​ട​ക മാ​​ത്രം അ​ര​ല​ക്ഷ​ത്തി​ലേ​റെ. കൃ​ഷി​ഭൂ​മി​യി​ലെ ആ​ദാ​യം വേ​റെ​യും.

ഷോ​പ്പി​ങ് കോം​പ്ല​ക്സി​ന് പി​ന്നി​ലു​ള്ള വീ​ട്ടി​ൽ ഭാ​ര്യ​യും മ​ക്ക​ളും പേ​ര​ക്കി​ടാ​ങ്ങ​ളു​മൊ​ക്കെ​യാ​യി സ​ന്തോ​ഷ​ക​ര​മാ​യ ജീ​വി​തം. ചു​മ​ലി​ലേ​റ്റി ന​ട​ന്നു​ള്ള പാ​ത്ര​ക്ക​ച്ച​വ​ട​വും പി​ന്നീ​ട് ഹാ​ർ​ഡ് വെ​യ​ർ, ബേ​ക്ക​റി ബി​സി​ന​സു​മ​ട​ക്കം ന​ന്നാ​യി അ​ധ്വാ​നി​ച്ച് കെ​ട്ടി​പ്പ​ടു​ത്താ​ണ് ആ ​ജീ​വി​തം പ​ച്ച​പി​ടി​ച്ച​ത്.

11 മാ​സ​ത്തി​നു​ശേ​ഷം ഞ​ങ്ങ​ൾ തേ​ടി​യെ​ത്തു​മ്പോ​ൾ അ​ബു​ക്ക തി​ന​പു​ര​ത്തെ വാ​ട​ക വീ​ട്ടി​ലാ​ണ്. പാ​ല​വ​യ​ലി​ലെ വാ​ട​ക​വീ​ട്ടി​ൽ​നി​ന്ന് ഇ​ങ്ങോ​ട്ടേ​ക്ക് താ​മ​സം മാ​റി കു​റ​ച്ചു ദി​വ​സ​ങ്ങ​ൾ മാ​ത്ര​മേ ആ​യി​ട്ടു​ള്ളൂ. ശാ​രീ​രി​ക​മാ​യി ഏ​റെ ക്ഷീ​ണി​ച്ച​വ​ശ​ൻ. ഡ​യാ​ലി​സി​സ് ക​ഴി​ഞ്ഞ് വ​ന്നേ​ത​യു​ള്ളൂ.

ഒ​രു രാ​വ് ഇ​രു​ട്ടി​വെ​ളു​ക്കു​മ്പോ​ഴേ​ക്കാ​ണ് ആ ​ജീ​വി​തം കീ​ഴ്മേ​ൽ മ​റി​ഞ്ഞ​ത്. ക​ഴി​ഞ്ഞ വ​ർ​ഷം ജൂ​ലൈ 30 നു​ണ്ടാ​യ മ​ഹാ​ദു​ര​ന്ത​ത്തി​ൽ പൂ​ക്കാ​ട്ടി​ൽ അ​ബു​ക്ക എ​ല്ലാം ന​ഷ്ട​പ്പെ​ട്ട​വ​നാ​യി. ക​ട​മു​റി​ക​ള​ട​ങ്ങു​ന്ന കെ​ട്ടി​ട​ങ്ങ​ൾ ര​ണ്ടും മ​ല​വെ​ള്ള​പ്പാ​ച്ചി​ലി​ൽ ത​ക​ർ​ന്ന​ടി​ഞ്ഞു. ഒ​പ്പം വീ​ടും. അ​തി​ലെ​ല്ലാ​മു​പ​രി​യാ​യി, ത​ന്റെ ഉ​യ​ർ​ച്ച​താ​ഴ്ച​ക​ളി​ൽ കൂ​ടെ​നി​ന്ന പ്രി​യ​പ്പെ​ട്ട ഭാ​ര്യ​യെ​യും ആ ​മ​ല​വെ​ള്ള​പ്പാ​ച്ചി​ൽ ക​വ​ർ​ന്നെ​ടു​ത്തു. അ​വ​രു​ടെ മൃ​ത​ശ​രീ​രം പോ​ലും ക​ണ്ടു​കി​ട്ടി​യി​ല്ല. ഭാ​ര്യ​യു​മൊ​ത്ത് മു​റി​യി​ൽ നി​ൽ​ക്കു​മ്പോ​ഴാ​യി​രു​ന്നു ഞൊ​ടി​യി​ട​യി​ൽ അ​വ​രെ ഉ​രു​ൾ ത​ട്ടി​യെ​ടു​ത്ത​ത്.

മ​ക്ക​ളും കൊ​ച്ചു​മ​ക്ക​ളു​മൊ​ക്കെ​യാ​യി 11 പേ​രാ​ണ് അ​ബു​ക്ക​യു​ടെ വാ​ട​ക​വീ​ട്ടി​ൽ. ഒ​ര​ർ​ഥ​ത്തി​ൽ നാ​ലു കു​ടും​ബ​ങ്ങ​ളാ​ണ് ഈ ​വീ​ട്ടി​ൽ ക​ഴി​യു​ന്ന​ത്. മാ​സ​വാ​ട​ക 10000 രൂ​പ​യാ​ണ്. സ​ർ​ക്കാ​ർ ന​ൽ​കു​ന്ന​ത് 6000 രൂ​പ​യും. പാ​ല​വ​യ​ലി​ലെ 12000 രൂ​പ​യി​ൽ​നി​ന്ന് വാ​ട​ക ര​ണ്ടാ​യി​രം കു​റ​ഞ്ഞു​കി​ട്ടി​യ​പ്പോ​ൾ ഒ​ന്നു​മാ​ലോ​ചി​ക്കാ​തെ തി​ന​പു​ര​ത്തേ​ക്ക് മാ​റു​ക​യാ​യി​രു​ന്നു.

ബി​ൽ​ഡി​ങ് അ​സോ​സി​ഷേ​യ​ൻ ന​ൽ​കി​യ 25000 രൂ​പ​യൊ​ഴി​കെ ഉ​രു​ളെ​ടു​ത്തു​പോ​യ സ്വ​ത്തു​ക്ക​ൾ​ക്ക് ഒ​രു ന​ഷ്ട​പ​രി​ഹാ​ര​വും അ​ബു​ക്ക​ക്ക് കി​ട്ടി​യി​ട്ടി​ല്ല. സ​ർ​ക്കാ​ർ​ത​ല​ത്തി​ൽ എ​ന്തെ​ങ്കി​ലും ന​ഷ്ട​പ​രി​ഹാ​രം ല​ഭി​ച്ചി​രു​ന്നെ​ങ്കി​ൽ എ​ന്നു ക​രു​തി മു​ട്ടാ​ത്ത വാ​തി​ലു​ക​ളി​ല്ല. ഈ ​രോ​ഗാ​വ​സ്ഥ​യി​ലും ആ 67​കാ​ര​ൻ തി​രു​വ​ന​ന്ത​പു​ര​ത്ത് പോ​യി മു​ഖ്യ​മ​ന്ത്രി​ക്കു​വ​രെ പ​രാ​തി ന​ൽ​കി​യി​രു​ന്നു. മ​ന്ത്രി ഒ.​ആ​ർ. കേ​ളു വ​ഴി​യാ​ണ് മു​ഖ്യ​മ​ന്ത്രി​ക്ക് പ​രാ​തി ന​ൽ​കി​യ​ത്. ജി​ല്ലാ ക​ല​ക്ട​റെ ക​ണ്ട് ബു​ദ്ധി​മു​ട്ടു​ക​ളെ​ല്ലാം ബോ​ധി​പ്പി​ച്ചി​രു​ന്നു. ‘വീ​ടി​ന്റെ പ്ര​ശ്ന​ങ്ങ​ളെ​ല്ലാം ക​ഴി​യ​ട്ടെ, എ​ന്നി​ട്ട് മ​റ്റു​ള്ള​തൊ​ക്കെ നോ​ക്കാം’ എ​ന്നാ​യി​രു​ന്നു ക​ല​ക്ട​റു​ടെ മ​റു​പ​ടി. നി​യ​മ​പ​ര​മാ​യി ന​ഷ്ട​പ​രി​ഹാ​രം ന​ൽ​കാ​ൻ അ​ധി​കൃ​ത​ർ​ക്ക് ബാ​ധ്യ​ത​യൊ​ന്നു​മി​ല്ലാ​ത്ത​തി​നാ​ൽ സ​ർ​ക്കാ​റി​ന്റെ സൗ​മ​ന​സ്യ​ത്തി​ന് കാ​ത്തു​നി​ൽ​ക്കു​ക​യേ വ​ഴി​യു​ള്ളൂ.

‘ആ​ഴ്ച​യി​ൽ മൂ​ന്നു ഡ​യാ​ലി​സി​സി​ന് പോ​ക​ണം. വൈ​ത്തി​രി​യി​ൽ പോ​യി വ​ര​ണ​മെ​ങ്കി​ൽ ഓ​ട്ടോ​ക്കൂ​ലി​യാ​യി 800 രൂ​പ വ​രും. ഇ​പ്പോ​ൾ ഒ​രു രൂ​പ​പോ​ലും വ​രു​മാ​ന​മി​ല്ല. ന​ഷ്ട​പ്പെ​ട്ടു​പോ​യ സ്വ​ത്തു​ക്ക​ൾ​ക്ക് ആ​ശ്വാ​സ​ധ​ന​മാ​യി വ​ല്ല​തും കി​ട്ടി​യി​രു​ന്നെ​ങ്കി​ൽ ഏ​റെ സ​ഹാ​യ​ക​മാ​യേ​നേ’ -ന​ഷ്ട​പ​രി​ഹാ​ര​ത്തെ​ക്കു​റി​ച്ച് അ​ധി​കൃ​ത​ർ ഒ​ന്നും പ​റ​യു​ന്നി​ല്ലെ​ന്ന് സ​ങ്ക​ട​ത്തോ​ടെ അ​ബു​ക്ക പ​റ​യു​ന്നു.

മൂ​ത്ത മ​ക​ൻ മു​നീ​ർ തൊ​ള്ളാ​യി​രം ക​ണ്ടി​യി​ൽ ജീ​പ്പ് ഡ്രൈ​വ​റാ​യി​രു​ന്നു. ഉ​രു​ൾ​പൊ​ട്ട​ൽ ദു​ര​ന്ത​ത്തി​ൽ ഗു​രു​ത​ര പ​രി​ക്കു​ക​ളു​മാ​യി ത​ല​നാ​രി​ഴ​ക്ക് ര​ക്ഷ​പ്പെ​ട്ട മു​നീ​റി​ന് ഇ​പ്പോ​ൾ ജീ​പ്പ് ഓ​ടി​ക്കാ​ൻ വ​യ്യ. ര​ണ്ടാ​മ​ത്തെ മ​ക​ൻ അ​ബ്ദു​ൽ സ​മ​ദ് നേ​ര​ത്തേ ഒ​രു വാ​ഹ​നാ​പ​ക​ട​ത്തി​ൽ ഗു​രു​ത​ര പ​രി​ക്കേ​റ്റ് ചി​കി​ത്സ​യി​ലാ​ണ്. മ​റ്റൊ​രു മ​ക​ൻ അ​ബ്ദു​ൽ അ​സീ​സ്. ഒ​രു മ​ക​ളു​മു​ണ്ട് അ​ബു​ക്ക​ക്ക്.

പ​ഴ​യ​കാ​ല ഫു​ട്ബാ​ൾ താ​ര​മാ​യി​രു​ന്നു അ​ബു​ക്ക. ടെ​ലി​വി​ഷ​നി​ൽ ഫു​ട്ബാ​ൾ ക​ളി​ക​ൾ കാ​ണു​ന്ന​താ​യി​രു​ന്നു ജീ​വി​ത​ത്തി​ലെ ഇ​ഷ്ട​പ്പെ​ട്ട ​നേ​ര​മ്പോ​ക്കു​ക​ളി​ലൊ​ന്ന്. സ​മ്പാ​ദ്യ​മെ​ല്ലാം ഉ​രു​ളെ​ടു​ത്ത് ക്ഷ​ണ​ത്തി​ൽ ദ​രി​ദ്ര​നാ​യി മാ​റി​യ​തോ​ടെ ടി.​വി പോ​ലു​മി​ല്ലാ​താ​യി. വാ​ട​ക​വീ​ട്ടി​ൽ എ​ല്ലാ ദുഃ​ഖ​ങ്ങ​ൾ​ക്കു​മൊ​പ്പം ന​ഷ്ട​ങ്ങ​ൾ​ക്കു​മൊ​പ്പം ഹ​താ​ശ​നാ​യി ക​ഴി​യു​ന്ന അ​ബു​ക്ക വൈ​കാ​തെ സ​ർ​ക്കാ​ർ ക​ണ്ണു​തു​റ​ക്കു​മെ​ന്ന പ്ര​തീ​ക്ഷ​യി​ലാ​ണി​പ്പോ​ഴും.

ഒ​​രൊ​റ്റ നി​മി​ഷ​ത്തി​ൽ എ​ല്ലാം പോ​യി

താ​ഴെ അ​ര​പ്പ​റ്റ​യി​ലെ ആ ​വാ​ട​ക വീ​ട്ടി​ലേ​ക്ക് ക​ട​ക്കു​മ്പോ​ൾ ആ​ദ്യം ശ്ര​ദ്ധ​യി​ൽ​പെ​ടു​ന്ന​ത് വാ​തി​ലി​നോ​ട് തൊ​ട്ടു​ള്ള മേ​ശ​യി​ൽ കാ​ണു​ന്ന ബ​ഹു​മ​തി​ഫ​ല​ക​ങ്ങ​ളാ​ണ്. വി​ജ​യ് നി​വാ​സി​ൽ വി​ജ​യ​നെ തേ​ടി​യെ​ത്തി​യ, മി​ക​ച്ച ക്ഷീ​ര ക​ർ​ഷ​ക​നു​ള്ള പു​ര​സ്കാ​ര​ങ്ങ​ൾ. ഇ​നി കൃ​ത്യം ഒ​രു വ​ർ​ഷം മാ​ത്രം മു​മ്പ​ത്തെ ക​ഥ​യി​ലേ​ക്ക്...​മു​ണ്ട​ക്കൈ​യി​ലെ ഫ​ല​ഭൂ​യി​ഷ്ഠ​മാ​യ ര​ണ്ട​ര​യേ​ക്ക​ർ സ്ഥ​ലം. കാ​പ്പി, ഏ​ലം, കു​രു​മു​ള​ക് തു​ട​ങ്ങി​യ വി​ള​ക​ൾ. ക​റ​വ​യു​ള്ള പ​ത്തി​ലേ​റെ പ​ശു​ക്ക​ൾ. പ​രാ​ധീ​ന​ത​ക​ളി​ൽ​നി​ന്നാ​ണ് വി​ജ​യ​നും കു​ടും​ബ​വും സ​മൃ​ദ്ധി​യി​ലേ​ക്ക് ത​ഴ​ച്ചു​വ​ള​ർ​ന്ന​ത്. മ​ണ്ണി​ലി​റ​ങ്ങി​യു​ള്ള അ​ധ്വാ​നം മാ​ത്ര​മാ​യി​രു​ന്നു കൈ​മു​ത​ൽ.

മം​ഗ​ലാ​പു​രം ഉ​ഡു​പ്പി​യി​ൽ​നി​ന്ന് ചെ​റു​പ്പ​ത്തി​ലേ ചൂ​ര​ൽ​മ​ല​യി​ലെ​ത്തി​യ​താ​ണ് വി​ജ​യ​ൻ. എ​സ്റ്റേ​റ്റി​ൽ ജോ​ലി​ക്ക് ക​യ​റി. ഭാ​ര്യ ത​ങ്ക​യും എ​സ്റ്റേ​റ്റി​ൽ തൊ​ഴി​ലാ​ളി​യാ​യി​രു​ന്നു. തോ​ട്ടം തൊ​ഴി​ലാ​ളി​യാ​യി ജോ​ലി നോ​ക്കു​ന്ന​തി​നി​ട​യി​ലും സ്ഥ​ലം പാ​ട്ട​ത്തി​നെ​ടു​ത്ത് ഇ​ഞ്ചി​യും വാ​ഴ​യു​മൊ​ക്കെ ന​ട്ടാ​ണ് ജീ​വി​തം ക​രു​പ്പി​ടി​പ്പി​ച്ച​ത്. എ​സ്റ്റേ​റ്റ് പാ​ടി​യി​ലാ​യി​രു​ന്നു ആ​ദ്യം താ​മ​സം. വി​യ​ർ​പ്പൊ​ഴു​ക്കു​ക​യ​ല്ലാ​തെ കു​റു​ക്കു​വ​ഴി​ക​ളൊ​ന്നു​മു​ണ്ടാ​യി​രു​ന്നി​ല്ല വി​ജ​യ​നും കു​ടും​ബ​ത്തി​നും. വ​ർ​ഷാ​വ​ർ​ഷം വ​ലി​യ തു​ക​ക്ക് ഏ​ല​വും കു​രു​മു​ള​കു​മൊ​ക്കെ വി​റ്റു.

മ​ണ്ണി​ൽ പ​ണി​യെ​ടു​ത്താ​ലും പൊ​ന്നു​വി​ള​യു​മെ​ന്ന് മ​ന​സ്സി​ലാ​യ​തോ​ടെ, ചു​ര​മി​റ​ങ്ങി കൊ​ച്ചി​യി​ൽ ജോ​ലി​ക്കു​പോ​യ ഏ​ക മ​ക​ൻ വി​പി​നെ കു​ടും​ബം തി​രി​ച്ചു​വി​ളി​ച്ചു. വി​പി​നും മാ​താ​പി​താ​ക്ക​ൾ​ക്ക് കൂ​ട്ടാ​യി മ​ണ്ണി​ലി​റ​ങ്ങി​യ​തോ​ടെ മു​ണ്ട​ക്കൈ പ്ര​ദേ​ശ​ത്തെ ഏ​റ്റ​വും മി​ക​ച്ച ക​ർ​ഷ​ക​കു​ടും​ബ​മെ​ന്ന വി​ശേ​ഷ​ണ​ത്തി​ലേ​ക്ക് അ​വ​ർ ക​ഠി​നാ​ധ്വാ​ന​ത്തി​​ന്റെ വെ​ള്ള​വും വ​ള​വു​​മൊ​ഴി​ച്ചു.

ദി​വ​സം 50 ലി​റ്റ​റോ​ളം പാ​ൽ അ​ള​ക്കു​മാ​യി​രു​ന്നു. പ്ര​ദേ​ശ​ത്തെ ഒ​രു​പാ​ട് വീ​ടു​ക​ളി​ൽ ഞ​ങ്ങ​ളാ​ണ് പാ​ൽ വി​ത​ര​ണം ചെ​യ്തി​രു​ന്ന​ത്. സ്വ​പ്ന​ങ്ങ​ളൊ​ക്കെ​യും യാ​ഥാ​ർ​ഥ്യ​മാ​യി​രു​ന്ന നാ​ളു​ക​ളാ​ണ് അ​തെ​ന്ന് വി​പി​ൻ പ​റ​യു​ന്നു. ആ​ഗ്ര​ഹി​ക്കു​ന്ന​തൊ​ക്കെ സ്വ​ന്ത​മാ​ക്കി. സ​ന്തോ​ഷ​ത്തോ​ടെ മു​ന്നോ​ട്ടു​പോ​കു​ന്ന നാ​ളു​ക​ൾ​ക്കി​ട​യി​ലാ​ണ് ആ ​ജൂ​ലൈ 30 ക​ട​ന്നു​വ​ന്ന​ത്. പു​ല​ർ​ച്ചെ ഒ​രു നാ​ടി​നെ​യൊ​ന്നാ​കെ ഇ​ല്ലാ​താ​ക്കി​യ മ​ല​വെ​ള്ള​പ്പാ​ച്ചി​ൽ ഇ​ര​ച്ചെ​ത്തി​യ​പ്പോ​ൾ ജീ​വി​തം മാ​ത്രം വാ​രി​പ്പി​ടി​ച്ച് ര​ക്ഷ​പ്പെ​ടു​ക​യാ​യി​രു​ന്നു.

ഒ​രു പു​രു​ഷാ​യു​സ്സി​ൽ വി​ജ​യ​നും കു​ടും​ബ​വും അ​ധ്വാ​നി​ച്ചു​ണ്ടാ​ക്കി​യ​തെ​ല്ലാം ഒ​ലി​ച്ചു​പോ​യി. കു​റ​ച്ചു​ദി​വ​സം മു​മ്പ് ഏ​ലം വി​റ്റ് വീ​ട്ടി​ൽ കൊ​ണ്ടു​വെ​ച്ച​ത​ട​ക്ക​മു​ള്ള ഏ​ഴു ല​ക്ഷം രൂ​പ​യും 60 പ​വ​നു​മെ​ല്ലാം ഉ​രു​ളെ​ടു​ത്തു. പ​ശു​ക്ക​ളും ക​ന്നു​കു​ട്ടി​ക​ളു​മെ​ല്ലാം മ​ര​ണ​പ്പാ​ച്ചി​ലി​ൽ ഒ​ഴു​കി​യി​ല്ലാ​താ​യി. ഇ​ട്ടി​രു​ന്ന വ​സ്ത്ര​ങ്ങ​ള​ല്ലാ​തെ ഒ​ന്നും ബാ​ക്കി​യാ​യി​ല്ല. കാ​ലി​ൽ ചെ​രി​പ്പു പോ​ലു​മു​ണ്ടാ​യി​രു​ന്നി​ല്ല.

ഇ​പ്പോ​ൾ താ​ഴെ അ​ര​പ്പ​റ്റ​യി​ലെ പ​ഴ​യൊ​രു ഓ​ടി​ട്ട വീ​ട്ടി​ലാ​ണ് വാ​ട​ക​ക്ക് താ​മ​സം. ജീ​വി​തം ഭ​ദ്ര​മാ​യ​പ്പോ​ഴും എ​സ്റ്റേ​റ്റ് തൊ​ഴി​ലാ​ളി​യെ​ന്ന വൈ​കാ​രി​ക മേ​ൽ​വി​ലാ​സം ക​ള​യാ​ൻ ഒ​രു​ക്ക​മ​ല്ലാ​തി​രു​ന്ന വി​ജ​യ​ൻ ഇ​ക്ക​ഴി​ഞ്ഞ മാ​ർ​ച്ചി​ലാ​ണ് റി​ട്ട​യ​ർ ചെ​യ്ത​ത്. വി​പി​ൻ ഇ​പ്പോ​ൾ സു​ൽ​ത്താ​ൻ ബ​ത്തേ​രി​യി​ൽ ഒ​രു റി​​സോ​ർ​ട്ടി​ൽ ജോ​ലി​ക്കാ​ര​നാ​ണ്. ആ​ഴ്ച​യി​ൽ ഒ​ന്നോ ര​ണ്ടോ ദി​വ​സം മാ​ത്ര​മാ​വും ജോ​ലി.

ക്ഷീ​ര​ക​ർ​ഷ​ക​നെ​ന്ന​ത് ആ​സ്വ​ദി​ച്ചു​ചെ​യ്ത​താ​യി​രു​ന്നു. ആ ​വേ​ഷം വീ​ണ്ടും എ​ടു​ത്ത​ണി​ഞ്ഞു. വാ​ട​ക വീ​ടി​ന​ടു​ത്ത കൊ​ച്ചു​സ്ഥ​ല​ത്ത് താ​ൽ​ക്കാ​ലി​ക തൊ​ഴു​ത്തു​കെ​ട്ടി പ​ശു​ക്ക​ളെ വ​ള​ർ​ത്താ​ൻ സ്ഥ​ല​മു​ട​മ അ​നു​വാ​ദം ന​ൽ​കി​യ​തി​നാ​ൽ വീ​ണ്ടും പ​ശു​വ​ള​ർ​ത്ത​ലി​ലേ​ക്ക്. പീ​പ്പി​ൾ​സ് ഫൗ​ണ്ടേ​ഷ​ൻ മൂ​ന്നും ജം​ഇ​യ്യ​തു​ൽ ഉ​ല​മാ​യേ ഹി​ന്ദ് ര​ണ്ടും പ​ശു​ക്ക​ളെ ന​ൽ​കി. മു​മ്പ് സ്വ​ന്ത​മാ​യി പു​ല്ല് വ​ള​ർ​ത്തി​യാ​ണ് പ​ശു​ക്ക​ളെ പോ​റ്റി​യി​രു​ന്ന​തെ​ങ്കി​ൽ ഇ​പ്പോ​ൾ പു​ല്ലെ​ല്ലാം പ​ണം കൊ​ടു​ത്ത് വാ​ങ്ങ​ണം. ആ​ഴ്ച​യി​ൽ 2500 രൂ​പ​യോ​ളം അ​തി​ന് വേ​ണം.

വീ​ണ്ടു​മൊ​രി​ക്ക​ൽ​കൂ​ടി പ്ര​തീ​ക്ഷ​ക​ളെ​ല്ലാം ത​ളി​ർ​ക്കു​മെ​ന്ന് വി​ജ​യ​നും കു​ടും​ബ​വും മോ​ഹി​ക്കു​ന്നു​ണ്ട്. അ​തു ന​ട​ന്നാ​ലും ഇ​ല്ലെ​ങ്കി​ലും. അ​സം​സ്കൃ​ത വ​സ്തു​ക്ക​ളെ​ല്ലാം പ​ണം​കൊ​ടു​ത്ത് വാ​ങ്ങു​ന്ന ഇ​പ്പോ​ഴ​ത്തെ ക്ഷീ​ര​കൃ​ഷി വ​ലി​യ ലാ​ഭ​മൊ​ന്നു​മി​ല്ലെ​ന്ന് അ​വ​ർ​ക്ക​റി​യാ​മെ​ങ്കി​ലും പ​ഴ​യ സ​മൃ​ദ്ധി​യി​ലേ​ക്കു​ള്ള പ്ര​തീ​ക്ഷ​ക​ളാ​ണ് അ​തി​ന് ആ​ധാ​രം.

ദു​ര​ന്ത​മേ​ൽ​പി​ച്ച ആ​ഘാ​ത വ​ഴി​ക​ൾ

ദു​ര​ന്ത​ബാ​ധി​ത​ർ അ​വ​ർ​ക്കേ​റ്റ ആ​ഘാ​തം പീ​പ്പി​ൾ​സ് ഫൗ​ണ്ടേ​ഷ​ൻ സ​ർ​വേ​യി​ൽ അ​വ​രു​ടെ മു​ൻ​ഗ​ണ​ന​യു​ടെ​യും അ​ടി​യ​ന്ത​ര ആ​വ​ശ്യ​ക​ത​യു​ടെ​യും അ​ടി​സ്ഥാ​ന​ത്തി​ൽ രേ​ഖ​പ്പെ​ടു​ത്തി​യി​ട്ടു​ണ്ട്. ഒ​രാ​ൾ​ക്കു​ത​ന്നെ പ​ല​ത​ര​ത്തി​ൽ ദു​ര​ന്ത​ത്തി​​ന്റെ ആ​ഘാ​തം ഉ​ണ്ടാ​യി​ട്ടു​ണ്ട്. ദു​ര​ന്ത​ബാ​ധി​ത​ർ​ക്കേ​റ്റ മൊ​ത്തം ആ​ഘാ​ത​ങ്ങ​ളു​ടെ 37.4 ശ​ത​മാ​ന​വും (371) വീ​ട് ന​ഷ്ട​പ്പെ​ട്ട​തു വ​ഴി​യാ​ണ്. അ​തി​ജീ​വി​ത​രു​ടെ ഏ​റ്റ​വും അ​ടി​യ​ന്ത​ര​മാ​യ ആ​ശ​ങ്ക​യും ഇ​തേ​ച്ചൊ​ല്ലി​യാ​ണ്. ഇ​തി​നു പി​ന്നാ​ലെ വ​രു​ന്ന​ത് വ​സ്തു​വ​ക​ക​ളു​ടെ നാ​ശ​ന​ഷ്ട​മാ​ണ്.

പ്ര​ത്യേ​കി​ച്ച് കൃ​ഷി​ഭൂ​മി​യു​ടെ നാ​ശ​ന​ഷ്ടം. അ​തി​ജീ​വി​ത​ർ​ക്കേ​റ്റ ക​ന​ത്ത നാ​ശ​ന​ഷ്ട​ത്തി​ന്റെ 28.4 ശ​ത​മാ​നം (282) ഇ​തി​ൽ​പെ​ടു​ന്നു. പ്ര​ദേ​​ശ​ത്ത് കൃ​ഷി മു​ഖ്യ​മാ​യി ജീ​വി​ച്ചി​രു​ന്ന​വ​രൊ​ക്കെ കൃ​ഷി​ഭൂ​മി താ​ര​ത​മ്യേ​ന ന​ന്നാ​യി പ​രി​പാ​ലി​ച്ചി​രു​ന്ന​വ​രും അ​വ​യി​ൽ​നി​ന്ന് മെ​ച്ച​പ്പെ​ട്ട ആ​ദാ​യം നേ​ടി​യെ​ടു​ത്ത​വ​രു​മാ​യി​രു​ന്നു. ക​ട​ക​ളും വ്യാ​പാ​ര​വും ന​ഷ്ട​മാ​യി ആ​ഘാ​തം സം​ഭ​വി​ച്ച​വ​ർ 42 പേ​രാ​ണ് -4.2 ശ​ത​മാ​നം. തൊ​ഴി​ലും ജീ​വി​ത​മാ​ർ​ഗ​വും പോ​യ​തു​വ​ഴി ക​ന​ത്ത ആ​ഘാ​ത​മേ​റ്റെ​​ന്ന് പ​റ​യു​ന്ന​വ​ർ 107 പേ​രാ​ണ് (108 ശ​ത​മാ​നം).