ഇവർക്കും ജീവിക്കണം

മ​ണ്ണി​ലെ ഏ​റ്റ​വും ദൗ​ർ​ഭാ​ഗ്യ​വാ​ന്മാ​ർ. മ​ര​ണ​ത്തി​ന്റെ ഭീ​ക​ര​താ​ണ്ഡ​വ​ത്താ​ൽ മ​ന​സ്സു ത​ക​ർ​ക്ക​പ്പെ​ട്ട​വ​ർ. ദു​ര​ന്തം അ​തി​ന്റെ പ​ര​കോ​ടി​യി​ൽ രൗ​ദ്ര​വേ​ഷം കെ​ട്ടി​യാ​ടി​യ​പ്പോ​ൾ പ്ര​ഹ​ര​മേ​റ്റു വി​ങ്ങി​യ ഹൃ​ദ​യ​ങ്ങ​ൾ. ഉ​റ്റ​വ​രു​ടെ കൂ​ട്ട​വി​യോ​ഗ​ത്താ​ൽ, ഒ​റ്റ​​പ്പെ​ട്ട​വ​ന്റെ ദൈ​ന്യ​ത​യാ​ർ​ന്ന തു​രു​ത്തി​ലേ​ക്ക് വി​ധി ആ​ട്ടി​റ​ക്കി​യ ഇ​വ​രാ​യി​രു​ന്നു ഒ​രു​വ​ർ​ഷം മു​മ്പ് ന​മ്മു​ടെ ക​ണ്ണീ​രി​ലേ​റെ​യും ക​വ​ർ​ന്നെ​ടു​ത്ത​വ​ർ.

ഇ​വ​രെ​ച്ചൊ​ല്ലി​യാ​യി​രു​ന്നു ന​മ്മ​ൾ ക​ര​ഞ്ഞു​ക​ല​ങ്ങി​യ​ത്. കു​ടും​ബ​ത്തി​ന്റെ സ്നേ​ഹ​ക്കൂ​ട്ടി​ൽ പ്രി​യ​പ്പെ​​ട്ട​വ​രൊ​ക്കെ ന​ഷ്ട​മാ​യ​തോ​ടെ എ​ങ്ങ​നെ പി​ടി​ച്ചു​നി​ൽ​ക്കു​മെ​ന്ന് ന​മ്മ​ൾ ആ​ശ​ങ്ക​പ്പെ​ട്ട​തും ഇ​വ​രെ​യോ​ർ​ത്താ​ണ്. അ​വ​രി​ൽ ശ്രു​തി​യും നൗ​ഫ​ലും പ്ര​ണ​വും മ​ൻ​സൂ​റും ര​മ്യ​യും മു​ബീ​ന​യു​മു​ണ്ട്. അ​ഭി​ജി​ത്തി​നെ​യും ആ​തി​ര​യെ​യും മു​ഹ​മ്മ​ദ് ഹാ​നി​യെ​യും പോ​ലു​ള്ള​വ​രു​ണ്ട്. അ​വ​രെ കൈ​പി​ടി​ക്ക​ണ​മെ​ന്നും വീ​ഴാ​തെ കാ​ക്ക​ണ​മെ​ന്നും ന​മ്മ​ൾ ഒ​ന്നി​ച്ചാ​ണ് പ്രാ​ർ​ഥി​ച്ച​തും ആ​ഗ്ര​ഹി​ച്ച​തു​മെ​ല്ലാം.

ഒ​രു വ​ർ​ഷം പി​ന്നി​ടു​മ്പോ​ൾ ആ ​പ്രാ​ർ​ഥ​ന​ക​ൾ സ​ഫ​ല​മാ​യി​ട്ടി​ല്ല. ഉ​റ്റ​വ​രെ​ല്ലാ​വ​രും പോ​യി ഏ​ക​രാ​യ ഇ​വ​ർ​ക്ക് ജോ​ലി ന​ൽ​കാ​ൻ സ​ർ​ക്കാ​ർ സ​ന്ന​ദ്ധ​മാ​ക​ണ​മെ​ന്ന ആ​വ​ശ്യ​ങ്ങ​ൾ​ക്ക് എ​തി​ര​ഭി​പ്രാ​യ​ങ്ങ​ൾ ഏ​റെ​യു​ണ്ടാ​കാ​നി​ട​യി​ല്ല. ഇ​വ​രി​ൽ ശ്രു​തി​ക്ക് സ​ർ​ക്കാ​ർ ജോ​ലി​യു​ടെ സു​ര​ക്ഷാ​ക​രം നീ​ട്ടി​യി​ട്ടു​ണ്ട്. മ​റ്റു​ള്ള​വ​ർ ഇ​​പ്പോ​ഴും അ​തി​നാ​യി കൈ​നീ​ട്ടി​​ക്കൊ​ണ്ടി​രി​ക്കു​ന്നു. ആ ​വി​ളി അ​ധി​കൃ​ത​ർ കേ​ൾ​ക്കാ​തി​രു​ന്നു​കൂ​ടാ...​ ക​ഠി​ന​വ്യ​ഥ​യി​ൽ ജീ​വി​തം ത​ള്ളി​നീ​ക്കു​ന്ന ഇ​വ​ർ​ക്കും ​ശ്രു​തി​യെ​പ്പോ​ലെ ആ ​ജോ​ലി​യെ​ങ്കി​ലും ഒ​രാ​ശ്വാ​സ​മാ​ക​ട്ടെ..

ര​മ്യ​യെ കൈ​വി​ട​രു​ത്

ഉ​രു​ൾ​ദു​ര​ന്ത​ത്തി​ൽ ര​മ്യ മ​ഹേ​ഷി​ന് ന​ഷ്ട​മാ​യ​ത് ഭ​ർ​ത്താ​വ് മ​​ഹേ​ഷി​നെ​യും മ​ക​ൾ ആ​രാ​ധ്യ​യെ​യും ഭ​ർ​തൃ​മാ​താ​പി​താ​ക്ക​ളെ​യും. ര​മ്യ​ക്കും മ​ക​ൻ അ​വ്യ​ക്തി​നും ദു​ര​ന്ത​ത്തി​ൽ ഗു​രു​ത​ര​മാ​യി പ​രി​ക്കേ​റ്റി​രു​ന്നു. ഒ​രു വ​ർ​ഷം പി​ന്നി​ടു​മ്പോ​ഴും ഇ​രു​വ​രും ചി​കി​ത്സ തു​ട​രു​ന്നു​ണ്ട്. പാ​ല​ക്കാ​ട് ത​ന്റെ സ്വ​ദേ​ശ​മാ​യ മു​ണ്ടൂ​രി​ലാ​ണ് ര​മ്യ മ​ക​നു​മൊ​പ്പം താ​മ​സം. അ​വ്യ​ക്ത് കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ഒ​രു​മാ​സം ചി​കി​ത്സ​യി​ലാ​യി​രു​ന്നു. ര​മ്യ മേ​പ്പാ​ടി​യി​ലെ സ്വ​കാ​ര്യ ആ​ശു​പ​ത്രി​യി​ലും ഒ​രു​മാ​സം ചി​കി​ത്സ​യി​ലു​ണ്ടാ​യി​രു​ന്നു.

ര​മ്യ​ക്ക് കാ​ലി​നും ചു​മ​ലി​നു​മൊ​ക്കെ ഗു​രു​ത​ര​മാ​യി പ​രി​ക്കേ​റ്റി​ട്ടു​ണ്ട്. ത​ല​ക്ക് ശ​സ്ത്ര​ക്രി​യ ക​ഴി​ഞ്ഞു. അ​ടു​ത്ത​മാ​സം മേ​പ്പാ​ടി​യി​ലെ ഹോ​സ്പി​റ്റ​ലി​ൽ ചെ​ക്ക​പ്പി​നു പോ​ക​ണം. ഒ​രു സ​ർ​ജ​റി​യും​കൂ​ടി വേ​ണ്ടി​വ​രു​മെ​ന്നാ​ണ് പ​റ​ഞ്ഞി​ട്ടു​ള്ള​ത്.

ര​മ്യ പ്ല​സ് ടു ​ക​ഴി​ഞ്ഞ് ഐ.​ടി.​ഐ പാ​സാ​യി​ട്ടു​ണ്ട്. ഹെ​ൽ​ത്ത് ഇ​ൻ​സ്​​പെ​ക്ട​ർ കോ​ഴ്സും പാ​സാ​യി. സ്വ​കാ​ര്യ സ്ഥാ​പ​ന​ത്തി​ൽ ക​മ്പ്യൂ​ട്ട​ർ കോ​ഴ്സും പ​ഠി​ച്ചി​രു​ന്നു. എ​ല്ലാം ന​ഷ്ട​മാ​യ ദു​ര​ന്ത​ത്തി​ൽ സ​ർ​ട്ടി​ഫി​ക്ക​റ്റു​ക​ളും ന​ഷ്ട​മാ​യി. അ​പേ​ക്ഷ കൊ​ടു​ത്ത​തി​ൽ പ്ല​സ് ടു ​സ​ർ​ട്ടി​ഫി​ക്ക​റ്റ് കി​ട്ടി​യി​ട്ടു​ണ്ട്. ജോ​ലി അ​ത്യാ​വ​ശ്യ​മാ​ണ്. ഇ​തു​വ​രെ അ​തേ​ക്കു​റി​ച്ച് തീ​രു​മാ​ന​മാ​യി​ട്ടി​ല്ല. മൈ​ക്രോ​പ്ലാ​നി​ൽ ജോ​ലി ആ​വ​ശ്യം പ​റ​ഞ്ഞ് അ​പേ​ക്ഷ കൊ​ടു​ത്ത​ത് ഒ​ഴി​ച്ചാ​ൽ മ​റ്റി​ട​ങ്ങ​ളി​ലൊ​ന്നും അ​പേ​ക്ഷ കൊ​ടു​ക്കാ​ൻ ക​ഴി​ഞ്ഞി​ട്ടി​ല്ല. സ​ർ​ക്കാ​ർ ക​നി​യു​മെ​ന്നാ​ണ് പ്ര​തീ​ക്ഷ.

പ്ര​ണ​വി​ന് വേ​ണം, ജോ​ലി

ദു​ര​ന്ത​ത്തി​ൽ ​കു​ടും​ബ​ത്തി​ലെ പ്രി​യ​പ്പെ​ട്ട​വ​രെ​യെ​ല്ലാം ന​ഷ്ട​മാ​യ പ്ര​ണ​വ് ഒ​റ്റ​ക്കാ​ണെ​ങ്കി​ലും ജീ​വി​തം ക​രു​പ്പി​ടി​പ്പി​ക്കാ​നു​ള്ള ത​ത്ര​പ്പാ​ടി​ലാ​ണ്. മു​ണ്ട​ക്കൈ​യി​ൽ ദു​ര​ന്തം ക​ശ​ക്കി​യെ​റി​ഞ്ഞ പു​ഞ്ചി​രി​മ​ട്ട​ത്താ​യി​രു​ന്നു പ്ര​ണ​വി​ന്റെ വീ​ട്. അ​ച്ഛ​ൻ നാ​രാ​യ​ണ​നും അ​മ്മ ശാ​ന്ത​യും അ​നി​യ​ത്തി പ്ര​തി​ഭ​യു​മ​ട​ങ്ങു​ന്ന സ​ന്തു​ഷ്ട കു​ടും​ബം. ഉ​രു​ൾ ദു​ര​ന്തം മാ​താ​പി​താ​ക്ക​ളെ​യും സ​ഹോ​ദ​രി​യെ​യും ത​ട്ടി​യെ​ടു​ത്ത​പ്പോ​ൾ ജീ​വി​ത​ത്തി​ൽ പ്ര​ണ​വ് ഒ​റ്റ​ക്കാ​യി.

സു​ൽ​ത്താ​ൻ ബ​ത്തേ​രി സെ​ന്റ് മേ​രീ​സ് കോ​ള​ജി​ൽ​നി​ന്ന് ബി.​​കോം പാ​സാ​യ പ്ര​ണ​വ് ​സു​ൽ​ത്താ​ൻ ബ​ത്തേ​രി​യി​ലെ ഒ​രു റി​സോ​ർ​ട്ടി​ൽ ജോ​ലി ​നോ​ക്കു​ക​യാ​യി​രു​ന്നു. ദു​ര​ന്ത​സ​മ​യ​ത്ത് വീ​ട്ടി​ൽ ഇ​ല്ലാ​തി​രു​ന്ന​തു​കൊ​ണ്ടു​മാ​ത്രം ര​ക്ഷ​പ്പെ​ട്ട 22കാ​ര​ൻ ഇ​പ്പോ​ൾ കോ​ഴി​ക്കോ​ട്ടെ സ്വ​കാ​ര്യ സ്ഥാ​പ​ന​ത്തി​ൽ ലോ​ജി​സ്റ്റി​ക്സി​ൽ ആ​റു​മാ​സ​ത്തെ കോ​ഴ്സ് ചെ​യ്യു​ക​യാ​ണ്. ന​ഗ​ര​ത്തി​ൽ വാ​ട​ക​ക്ക് താ​മ​സി​ച്ച് പ​ഠി​ക്കു​ന്നു; ഇ​പ്പോ​ൾ ര​ണ്ടു​മാ​സ​മാ​യി. ദു​ര​ന്ത​ത്തി​നു​ശേ​ഷം രേ​ഖ​ക​ൾ ശ​രി​യാ​ക്കാ​നും മ​റ്റു​മാ​യി പ​ത്തു മാ​സ​ത്തോ​ളം വ​യ​നാ​ട്ടി​ൽ ത​ന്നെ​യാ​യി​രു​ന്നു.

എ​ല്ലാം ന​ഷ്ട​മാ​യ ത​നി​ക്ക് സ​ർ​ക്കാ​ർ ജോ​ലി ​ന​ൽ​കു​ക​യാ​ണെ​ങ്കി​ൽ അ​തേ​റെ സ​ഹാ​യ​ക​മാ​കു​മെ​ന്ന് പ്ര​ണ​വ് പ​റ​യു​ന്നു. ദു​ര​ന്ത​ത്തി​ൽ തീ​ർ​ത്തും ഒ​റ്റ​പ്പെ​ട്ട​തി​നാ​ൽ സ​ർ​ക്കാ​ർ ജോ​ലി ല​ഭി​ച്ച ശ്രു​തി​യെ​പ്പോ​ലെ ആ​രു​മി​ല്ലാ​ത്ത ഒ​രാ​ളാ​ണി​ന്ന് ഞാ​നും. റ​വ​ന്യൂ മ​ന്ത്രി വ​യ​നാ​ട്ടി​ൽ വ​ന്ന​പ്പോ​ൾ ഇ​ക്കാ​ര്യം ഉ​ന്ന​യി​ച്ച് അ​പേ​ക്ഷ ന​ൽ​കി​യി​രു​ന്നു. അ​പേ​ക്ഷ കൈ​പ്പ​റ്റി​യെ​ന്ന് ഒ​രു അ​റി​യി​പ്പ് വ​ന്ന ശേ​ഷം അ​തേ​ക്കു​റി​ച്ച് ഒ​ന്നു​മ​റി​യി​ല്ല. സ​ർ​ക്കാ​ർ പ​രി​ഗ​ണി​ക്കു​മെ​ന്നു​ത​ന്നെ​യാ​ണ് പ്ര​തീ​ക്ഷ​യെ​ന്നും പ്ര​ണ​വ് പ​റ​ഞ്ഞു.

ദു​ര​ന്ത​ബാ​ധി​ത​രി​ൽ പ​ല​ർ​ക്കും സ​ന്ന​ദ്ധ സം​ഘ​ട​ന​ക​ളും മ​റ്റും വി​വി​ധ സ​ഹാ​യ​ങ്ങ​ളു​മാ​യി കൈ​ത്താ​ങ്ങാ​യെ​ങ്കി​ലും പ്ര​ണ​വി​ന് അ​തു​മു​ണ്ടാ​യി​രു​ന്നി​ല്ല. മാ​ധ്യ​മ​ങ്ങ​ളു​ടെ മു​മ്പാ​കെ​യൊ​ന്നും താ​ൻ പ്ര​ത്യ​ക്ഷ​പ്പെ​ട്ടി​രു​ന്നി​ല്ലെ​ന്ന് പ്ര​ണ​വ് പ​റ​യു​ന്നു.

അ​യാ​ളു​ടെ ജീ​വി​ത​ചി​ത്ര​ത്തി​ൽ ബാ​ക്കി​യാ​യ​ത്...

മ​ൻ​സൂ​റി​ന്റെ മ​ന​സ്സി​ൽ മാ​ത്ര​മ​ല്ല, മൊ​ബൈ​ലി​ൽ ഫോ​ണി​ന്റെ ഗാ​ല​റി​യി​ലും നി​റ​യെ മ​ക്ക​ളു​ടെ ചി​ത്ര​ങ്ങ​ളാ​ണ്. 18 വ​യ​സ്സു​ള്ള മ​ക​ൻ മു​ന​വ്വി​റും പ​ത്തു വ​യ​സ്സു​ള്ള മ​ക​ൾ റി​ൻ​ഷ ഫാ​ത്തി​മ​യു​ടെ​യും വി​വി​ധ ഭാ​വ​ത്തി​ലും വേ​ഷ​ത്തി​ലും നി​ൽ​ക്കു​ന്ന ചി​ത്ര​ങ്ങ​ൾ. ഒ​പ്പം ഭാ​ര്യ ന​സീ​റ​യും ഉ​മ്മ പാ​ത്തു​മ്മ​യും ഓ​ട്ടി​സം ബാ​ധി​ച്ച സ​ഹോ​ദ​രി സു​മ​യ്യ​യും. എ​ല്ലാ​വ​രെ​യും ഉ​രു​ളെ​ടു​ത്ത​പ്പോ​ൾ ജീ​വി​ത​ചി​ത്ര​ത്തി​ൽ ബാ​ക്കി​യാ​യ​ത് എ​ട​ത്തൊ​ടി മ​ൻ​സൂ​ർ എ​ന്ന 42കാ​ര​ൻ മാ​ത്രം.

ചൂ​ര​ൽ​മ​ല ഹൈ​സ്കൂ​ൾ റോ​ഡി​ലാ​യി​രു​ന്നു മ​ൻ​സൂ​റി​ന്റെ വീ​ട്. നി​ർ​മാ​ണ തൊ​ഴി​ലാ​ളി​യാ​യ മ​ൻ​സൂ​ർ മ​ഴ കാ​ര​ണം നാ​ട്ടി​ൽ ജോ​ലി​യി​ല്ലാ​ത്ത​തി​നാ​ൽ കു​ടും​ബം പോ​റ്റാ​ൻ കൊ​ടു​വ​ള്ളി​യി​ൽ ഹോ​ട്ട​ൽ ജോ​ലി​ക്ക് പോ​യ​താ​യി​രു​ന്നു. ജൂ​​ലൈ 30ന് ​മ​ര​ണം ആ​ർ​ത്ത​ല​ച്ചെ​ത്തി​യ​പ്പോ​ൾ ആ ​വീ​ട്ടി​ലെ ഒ​രാ​ൾ​ക്കു​പോ​ലും ര​ക്ഷ​പ്പെ​ടാ​നാ​യി​ല്ല. ഒ​റ്റ രാ​ത്രി കൊ​ണ്ട് ആ​രു​മി​ല്ലാ​ത്ത​വ​നാ​യി മ​ൻ​സൂ​ർ മാ​റി.

എ​ല്ലാം ത​ക​ർ​ന്ന് ചു​രം ക​യ​റി​യെ​ത്തി​യ മ​ൻ​സൂ​ർ പ്രി​യ​പ്പെ​ട്ട​വ​രു​ടെ മ​യ്യി​ത്തു​ക​ൾ ഖ​ബ​റ​ട​ക്കു​ന്ന​തി​ന്റെ തി​ര​ക്കി​ലാ​യി​രു​ന്നു. ഭാ​ര്യ​യു​ടെ സ്വ​ദേ​ശ​മാ​യ പി​ണ​ങ്ങോ​ടാ​ണ് അ​വ​രെ​യും മ​ക​നെ​യും ഖ​ബ​റ​ട​ക്കി​യ​ത്. ഉ​മ്മ​യെ​യും പെ​ങ്ങ​ളെ​യും പു​ത്തു​മ​ല​യി​ലെ പൊ​തു ഖ​ബ​ർ​സ്ഥാ​നി​ലും. മ​ക​ൾ നെ​ല്ലി​മു​ണ്ട ഖ​ബ​ർ​സ്ഥാ​നി​ലാ​ണ് നി​ത്യ​നി​ദ്ര പൂ​കു​ന്ന​ത്. മ​റ്റൊ​രു കു​ടും​ബം അ​വ​രു​ടെ മ​ക​ളെ​ന്ന ധാ​ര​ണ​യി​ൽ മ​റ​മാ​ടി​യ മ​യ്യി​ത്ത് പി​ന്നീ​ട് ഡി.​എ​ൻ.​എ പ​രി​ശോ​ധ​ന വ​ന്ന​പ്പോ​ൾ റി​ൻ​ഷ​യു​ടേ​താ​ണെ​ന്ന് തെ​ളി​യു​ക​യാ​യി​രു​ന്നു.

പ്രി​യ​പ്പെ​ട്ട​വ​രെ​യൊ​ക്കെ ന​ഷ്ട​മാ​യ മ​ൻ​സൂ​ർ അ​വ​രു​ടെ അ​ന്ത്യ​യാ​ത്ര​ക​ളൊ​ക്കു​ന്ന തി​ര​ക്കി​ലാ​യ​തു​കൊ​ണ്ടു​ത​ന്നെ വാ​ർ​ത്ത​ക​ളി​ലൊ​ന്നും നി​റ​ഞ്ഞി​രു​ന്നി​ല്ല. ത​ക​ർ​ന്നു​പോ​യ അ​യാ​ൾ പി​ന്നീ​ട് മാ​ധ്യ​മ​ങ്ങ​ൾ​ക്കു​മു​ന്നി​​ലെ​ത്തി​യു​മി​ല്ല. അ​തു​കൊ​ണ്ടു​ത​ന്നെ വ​ലി​യ സ​ഹാ​യ​ങ്ങ​​ളൊ​ന്നും മ​ൻ​സൂ​റി​ന് ല​ഭി​ച്ചി​ട്ടി​ല്ല. ര​ണ്ടു വ​ർ​ഷം മു​മ്പ് മ​ര​ത്തി​ൽ​നി​ന്ന് വീ​ണ് പ​രി​ക്കു​പ​റ്റി​യ മ​ൻ​സൂ​റി​ന് ഭാ​രി​ച്ച ജോ​ലി​ക​​ളൊ​ക്കെ ഇ​​പ്പോ​ൾ ബു​ദ്ധി​മു​ട്ടാ​ണ്. സ​ർ​ക്കാ​ർ ജോ​ലി ല​ഭി​ച്ചി​​രു​ന്നെ​ങ്കി​ൽ എ​ന്ന് മ​ൻ​സൂ​ർ അ​തി​യാ​യി ആ​ഗ്ര​ഹി​ക്കു​ന്ന​തും അ​തു​കൊ​ണ്ടാ​ണ്.

ദു​രി​താ​ശ്വാ​സ നി​ധി​യി​ലെ​ത്തി​യ​ത് 772 കോടി, ചെ​ല​വാ​ക്കി​യ​ത് 91.74 കോടി

മു​ണ്ട​ക്കൈ-​ചൂ​ര​ൽ​മ​ല ദു​ര​ന്ത​വു​മാ​യി ബ​ന്ധ​പ്പെ​ട്ട് മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​യ്ക്ക് സ​മാ​ഹ​രി​ച്ച​തും ദു​ര​ന്ത​ബാ​ധി​ത​രു​ടെ വി​വി​ധ ആ​വ​ശ്യ​ങ്ങ​ൾ​ക്കാ​യും പു​ന​ര​ധി​വാ​സ പ​ദ്ധ​തി​ക​ൾ​ക്കാ​യും സ​ർ​ക്കാ​ർ ചി​ല​വ​ഴി​ച്ചി​ട്ടു​ള്ള​തു​മാ​യ തു​ക​യു​ടെ വി​ശ​ദ​വി​വ​ര​ങ്ങ​ൾ www.donation.cmdrf.kerala.gov.in എ​ന്ന വെ​ബ് സൈ​റ്റി​ൽ ല​ഭ്യ​മാ​ണെ​ന്നാ​ണ് ഔ​ദ്യോ​ഗി​ക അ​റി​യി​പ്പ്. ഈ ​സൈ​റ്റി​ലെ വി​വ​ര​ങ്ങ​ൾ അ​നു​സ​രി​ച്ച് 772.11 കോ​ടി രൂ​പ വ​യ​നാ​ട് ഉ​രു​ൾ​പൊ​ട്ട​ൽ ദു​രി​താ​ശ്വാ​സ നി​ധി​യി​ലേ​ക്ക് ല​ഭി​ച്ച​പ്പോ​ൾ 91.74 കോ​ടി രൂ​പ​യാ​ണ് ആ ​അ​ക്കൗ​ണ്ടി​ലെ ചെ​ല​വു​ക​ണ​ക്കു​ക​ൾ.

തൊഴിൽ വലിയൊരു പ്രശ്നം

ഒ​രു മ​ഹാ​ദു​ര​ന്ത​ത്തി​നു​ശേ​ഷം അ​തി​ജീ​വി​ത​ർ എ​ങ്ങ​നെ ജീ​വി​ച്ചു​പോ​കു​ന്നെ​ന്ന​ത് അ​ധി​കൃ​ത​രെ അ​ലോ​സ​ര​പ്പെ​ടു​ത്തു​ന്ന ഒ​ന്നാ​യി​രി​ക്ക​ണം. നി​യ​മ​ത്തി​ന്റെ​യും കീ​ഴ്വ​ഴ​ക്ക​ങ്ങ​ളു​ടെ​യും കാ​ർ​ക്ക​ശ്യ​ക്ക​ണ​ക്കു​ക​ൾ​ക്ക​പ്പു​റം മാ​നു​ഷി​ക​മാ​യ ദ​യാ​വാ​യ്പി​ന്റെ​യും പ​രി​ഗ​ണ​ന​ക​ളു​ടേ​തും കൂ​ടി​യാ​യി​രി​ക്ക​ണം ഇ​ത്ര വ​ലി​യൊ​രു ദു​ര​ന്ത​മു​ഖ​ത്ത് ഔ​ദ്യോ​ഗി​ക പു​ന​ര​ധി​വാ​സം പോ​ലെ​ത​ന്നെ പ്ര​ധാ​ന​മാ​ണ് ഇ​വ​രു​ടെ തൊ​ഴി​ൽ സം​ബ​ന്ധി​യാ​യ കാ​ര്യ​ങ്ങ​ളും ഭാ​വി​ജീ​വി​ത​വും. ദു​രി​താ​ശ്വാ​സ ഫ​ണ്ടി​ൽ​നി​ന്ന് ഈ ​ല​ക്ഷ്യ​ത്തി​നാ​യി തു​ക ചെ​ല​വ​ഴി​ച്ചാ​ൽ അ​തൊ​രി​ക്ക​ലും അ​ധി​ക​പ്പ​റ്റാ​വി​ല്ല. പ​ക്ഷേ, മു​ണ്ട​ക്കൈ ഉ​രു​ൾ​പൊ​ട്ട​ലി​ൽ അ​തു​ണ്ടാ​യി​ട്ടി​ല്ല.

തൊ​ഴി​ൽ ന​ഷ്ട​പ്പെ​ട്ട​വ​ന് തൊ​ഴി​ലൊ​രു​ക്കി​ക്കൊ​ടു​ക്കു​ന്ന​തി​ന് ശ്ര​മ​ങ്ങ​ളു​ണ്ടാ​യി​ട്ടി​ല്ല. പീ​പ്പി​ൾ​സ് ഫൗ​ണ്ടേ​ഷ​ൻ നൂ​റി​ന​ടു​ത്ത് പേ​ർ​ക്ക് സ്ഥി​രം സം​വി​ധാ​ന​മാ​യി തൊ​ഴി​ലി​നു​ള്ള സം​വി​ധാ​ന​ങ്ങ​ൾ ഒ​രു​ക്കി​ക്കൊ​ടു​ത്തി​ട്ടു​ണ്ട്. ജം​ഇ​യ്യ​ത് ഉ​ല​മാ​യേ ഹി​ന്ദ് മു​പ്പ​തോ​ളം പേ​ർ​ക്ക് ചെ​റു​ക​ട​ക​ളും മ​റ്റു​മാ​യി തൊ​ഴി​ലെ​ടു​ത്ത് ജീ​വി​ക്കാ​നു​ള്ള സൗ​ക​ര്യ​ങ്ങ​ൾ ഒ​രു​ക്കി​യി​ട്ടു​ണ്ട്. കെ.​എ​ൻ.​എ​മ്മും എ​സ്.​വൈ.​എ​സും ഉ​ൾ​പ്പെ​ടെ പ​ല സം​ഘ​ട​ന​ക​ളും ഇ​തി​നാ​യി രം​ഗ​ത്തെ​ത്തി​യി​ട്ടു​ണ്ട്. എ​ന്നാ​ൽ, തൊ​ഴി​ൽ ന​ൽ​കു​ന്ന കാ​ര്യ​ത്തി​ൽ സ​ർ​ക്കാ​ർ ഒ​ന്നും ചെ​യ്തി​ട്ടി​ല്ല.

ദു​ര​ന്ത​ത്തി​നു​ശേ​ഷം താ​ൽ​ക്കാ​ലി​ക​മാ​യി വാ​ട​ക വീ​ടു​ക​ളി​ൽ പു​ന​ര​ധി​വ​സി​പ്പി​ക്ക​പ്പെ​ട്ട അ​തി​ജീ​വി​ത​രു​ടെ തൊ​ഴി​ൽ​പ​ര​മാ​യ ക​ണ​ക്കു​ക​ളി​ലൂ​ടെ ക​ണ്ണോ​ടി​ക്കാം. ഉ​രു​ൾ​പൊ​ട്ട​ലി​നു മു​മ്പ് ഈ 491 ​കു​ടും​ബ​ങ്ങ​ളി​ൽ 63.7 ശ​ത​മാ​നം പേ​ർ കൂ​ലി​പ്പ​ണി​ക്കാ​രാ​യി​രു​ന്നു. എ​സ്റ്റേ​റ്റു​ക​ളി​ലെ ജോ​ലി​ക്കാ​രാ​ണ് ഈ 313​ൽ ഏ​റെ​യും. താ​ൽ​ക്കാ​ലി​ക ജോ​ലി ചെ​യ്യു​ന്ന​വ​ർ 91 ​പേ​ർ -18.5 ശ​ത​മാ​നം. കൃ​ഷി​യെ ആ​ശ്ര​യി​ച്ചു ക​ഴി​യു​ന്ന​വ​ർ 13 പേ​രും ക​ച്ച​വ​ട​ക്കാ​ർ 34 പേ​രു​മാ​ണ്. എ​ന്നാ​ൽ, ദു​ര​ന്ത​ത്തി​നു​ശേ​ഷം തീ​ർ​ത്തും വ്യ​ത്യ​സ്ത​മാ​യ സാ​ഹ​ച​ര്യ​ങ്ങ​ളി​ലേ​ക്ക് ഒ​റ്റ​പ്പെ​ട്ട രീ​തി​യി​ൽ പ​റി​ച്ചു​ന​ടേ​ണ്ടി വ​ന്ന​തോ​ടെ ക​ണ​ക്കു​ക​ൾ കീ​ഴ്മേ​ൽ മ​റി​ഞ്ഞു. 491 കു​ടും​ബ​ങ്ങ​ളി​ൽ 230 എ​ണ്ണ​ത്തി​നും തൊ​ഴി​ലി​ല്ലാ​ത്ത അ​വ​സ്ഥ​യാ​ണു​ള്ള​ത് -(46.8 ശ​ത​മാ​നം). ജോ​ലി​യു​ള്ള​ത് 178 പേ​ർ​ക്കു മാ​ത്രം (36.3 ശ​ത​മാ​നം).

ദു​ര​ന്ത​ത്തി​നു മു​മ്പ് ജോ​ലി ഉ​ണ്ടാ​യി​രു​ന്ന​തും എ​ന്നാ​ൽ, ദു​ര​ന്ത​ശേ​ഷം ജോ​ലി ന​ഷ്ട​മാ​യ​വ​രു​മാ​യ ആ​ളു​ക​ളു​ടെ എ​ണ്ണം 170 ആ​ണെ​ന്ന് ​പീ​പ്ൾ​സ് ഫൗ​ണ്ടേ​ഷ​ൻ സ​ർ​വേ​യി​ൽ ചൂ​ണ്ടി​ക്കാ​ട്ടു​ന്നു. 49.5 ശ​ത​മാ​നം പേ​ർ​ക്ക് ജോ​ലി ന​ഷ്ട​പ്പെ​ട്ടി​ട്ടി​ല്ല. 40.3 ശ​ത​മാ​നം കു​ടും​ബ​ങ്ങ​ളി​ൽ ഒ​രാ​ൾ​ക്ക് മാ​ത്ര​മാ​ണ് ജോ​ലി​യു​ള്ള​ത്. 8.8 ശ​ത​മാ​നം കു​ടും​ബ​ങ്ങ​ളി​ൽ ര​ണ്ടു​പേ​ർ​ക്ക് ജോ​ലി ഉ​ള്ള​പ്പോ​ൾ 4.2 ശ​ത​മാ​നം കു​ടും​ബ​ങ്ങ​ളി​ൽ മൂ​ന്നു​പേ​ർ​ക്ക് ജോ​ലി​യു​ണ്ട്.

എ​ന്നാ​ൽ, 41.2 ശ​ത​മാ​നം പേ​ർ​ക്കും ദു​ര​ന്ത​ത്തി​നു മു​മ്പു​ണ്ടാ​യി​രു​ന്ന ജോ​ലി​യ​ല്ല ഇ​പ്പോ​ഴു​ള്ള​ത്. ഇ​തി​ൽ 60 ശ​ത​മാ​നം പേ​ർ​ക്കും പ​ഴ​യ ജോ​ലി ന​ഷ്ട​മാ​യ​താ​ണ് കാ​ര​ണം. 26.2 ശ​ത​മാ​നം പേ​ർ​ക്ക് തൊ​ഴി​ലി​ടം അ​ട​ച്ച​തു​കൊ​ണ്ടോ ന​ശി​ച്ചു​പോ​യ​തു​കൊ​ണ്ടോ ആ​ണ് ജോ​ലി മാ​റേ​ണ്ടി​വ​ന്ന​ത്. 23.8 ശ​ത​മാ​നം പേ​ർ​ക്ക് ആ​രോ​ഗ്യം ക്ഷ​യി​ച്ച​താ​ണ് കാ​ര​ണം. ജോ​ലി മാ​റ്റ​ത്തി​ൽ 39 ശ​ത​മാ​നം ആ​ളു​ക​ളും സം​തൃ​പ്ത​ര​ല്ലെ​ന്നാ​ണ് പീ​പ്ൾ​സ് ഫൗ​ണ്ടേ​ഷ​ൻ സ​ർ​വേ​യി​ൽ ദു​ര​ന്ത​ബാ​ധി​ത​രു​ടെ പ്ര​തി​ക​ര​ണം.

​ഇ​രു​ട്ടി​ലാ​യ ടാ​ക്സി ഡ്രൈ​വ​ർ​മാ​ർ

വ​യ​നാ​ട്ടി​ലെ മ​റ്റു മേ​ഖ​ല​ക​ളെ അ​പേ​ക്ഷി​ച്ച് ടൂ​റി​സം​കൊ​ണ്ട് താ​ര​ത​മ്യേ​ന കൂ​ടു​ത​ൽ പേ​ർ ഉ​പ​ജീ​വ​നം ക​ണ്ടെ​ത്തു​ന്ന പ്ര​ദേ​ശ​മാ​ണ് ചൂ​ര​ൽ​മ​ല-​മു​ണ്ട​ക്കൈ. ടാ​ക്സി ഡ്രൈ​വ​ർ​മാ​രാ​ണ് ആ ​മേ​ഖ​ല​യി​ലെ വ​ലി​യൊ​രു തൊ​ഴി​ൽ​വി​ഭാ​ഗം. തൊ​ള്ളാ​യി​രം ക​ണ്ടി മേ​ഖ​ല​യി​ലെ ടൂ​റി​സ്റ്റ് സം​ബ​ന്ധി​യാ​യും റി​സോ​ർ​ട്ടു​ക​ളി​ലാ​യു​മൊ​ക്കെ ഓ​ടു​ന്ന 250 സ്ഥി​രം ടാ​ക്സി ഡ്രൈ​വ​ർ​മാ​രു​ണ്ട്. അ​വ​രു​ടെ​യെ​ല്ലാം തൊ​ഴി​ൽ പൂ​ർ​ണ​മാ​യും ന​ഷ്ട​പ്പെ​ട്ടി​രി​ക്കു​ക​യാ​ണ്. ഒ​രു വ​ർ​ഷ​മാ​യി​ട്ടും അ​തൊ​ന്നും പു​നഃ​സ്ഥാ​പി​ക്കാ​നാ​യി​ട്ടി​ല്ല. അ​തി​നു​ള്ള മി​നി​മം സം​ഗ​തി​ക​ളൊ​ന്നും ചെ​യ്തി​ട്ടി​ല്ല. ഒ​രു വേ​ന​ൽ മൊ​ത്തം അ​വ​ർ ഇ​രു​ട്ടി​ലാ​യി​രു​ന്നു.

(തുടരും)