ഗ​ർ​ഭ​സ്ഥ ശി​ശു​വി​ന്റെ ത​ല​ച്ചോ​റി​ൽ വ​രെ മൈ​ക്രോ​പ്ലാ​സ്റ്റി​ക്

മൈ​ക്രോപ്ലാ​സ്റ്റി​ക് എ​ന്ന, അ​തി​സൂ​ക്ഷ്മ പ്ലാ​സ്റ്റി​ക് അ​വ​ശി​ഷ്ട​ങ്ങ​ൾ അ​മ്മ​യു​ടെ ഗ​ർ​ഭ​പാ​ത്ര​ത്തി​ൽ പ്ലാ​സ​ന്റ​യും മ​റി​ക​ട​ന്ന് ഗ​ർ​ഭ​സ്ഥ ശി​ശു​വി​ന്റെ ത​ല​ച്ചോ​ർ മു​ത​ലു​ള്ള പ്ര​ധാ​ന ശ​രീ​ര​ഭാ​ഗ​ങ്ങ​ളിൽ വരെ എത്തുന്നുവെന്ന് ഞെ​ട്ടി​ക്കു​ന്ന ക​ണ്ടെ​ത്ത​ൽ. ഗ​ർ​ഭി​ണി​യി​ൽ​നി​ന്ന് ഗ​ർ​ഭ​സ്ഥ ശി​ശു​വി​ലേ​ക്ക് മൈ​​ക്രോപ്ലാ​സ്റ്റി​ക് കൈ​മാ​റ​പ്പെ​ടു​മെ​ന്നും ത​ല, ഹൃ​ദ​യം, ശ്വാ​സ​കോ​ശം തു​ട​ങ്ങി​യ​വ​ക്ക് ദോ​ഷം വ​രു​ത്തു​മെ​ന്നും യു.​എ​സ് ന്യൂ​ജ​ഴ്സി​യി​ലെ റ​ട്ട്ഗേ​ഴ്സ് സ​ർ​വ​ക​ലാ​ശാ​ല​യി​ൽ ന​ട​ന്ന പ​ഠ​നം മു​ന്ന​റി​യി​പ്പു ന​ൽ​കു​ന്നു. പോ​ളി​മൈ​ഡ്-12 (PA-12) എ​ന്ന മൈ​ക്രോ പ്ലാ​സ്റ്റി​ക്കു​മാ​യി ഗ​ർ​ഭി​ണി​യാ​യ പ​രീ​ക്ഷ​ണ എ​ലി​ക്ക് സ​മ്പ​ർ​ക്കം സൃ​ഷ്ടി​ച്ച​പ്പോ​ൾ അ​തി​ന്റെ ഗ​ർ​ഭ​സ്ഥ ശി​ശു​വി​ന്റെ ശ്വാ​സ​കോ​ശം, ഹൃ​ദ​യം, ക​ര​ൾ, വൃ​ക്ക, ത​ല​ച്ചോ​ർ എ​ന്നി​വ​യി​ലെ​ല്ലാം പോ​ളി​മൈ​ഡ് -12 ക​ണ്ടെ​ത്തി.

മൈ​ക്രോപ്ലാ​സ്റ്റി​ക് എ​വി​ടെ​യും

അ​ഞ്ചു മി​ല്ലി​മീ​റ്റ​റി​ൽ താ​ഴെ മാ​ത്രം വ​ലു​പ്പ​മു​ള്ള പ്ലാ​സ്റ്റി​ക് ത​രി​ക​ളാ​ണ് മൈ​ക്രോപ്ലാ​സ്റ്റി​ക്. ശ്വ​സി​ക്കു​ന്ന വാ​യു​വി​ലും ക​ഴി​ക്കു​ന്ന ഭ​ക്ഷ​ണ​ത്തി​ലും ​വെ​ള്ള​ത്തി​ലു​മെ​ല്ലാം ഇ​തു​ണ്ട്. ശ്വാ​സ​കോ​ശം വ​ഴി​യും ആ​മാ​ശ​യം വ​ഴി​യു​മെ​ല്ലാം മൈ​ക്രോപ്ലാ​സ്റ്റി​ക് ശ​രീ​ര​ത്തി​ലെ​ത്താം. കോ​ശാ​വ​ര​ണ​ങ്ങ​ൾ വ​രെ മ​റി​ക​ട​ന്ന് ര​ക്ത​ത്തി​ൽ ക​ല​രു​ക​യും അ​തു​വ​ഴി നി​ർ​ണാ​യ​ക ആ​ന്ത​രി​ക അ​വ​യ​വ​ങ്ങ​ളി​ലെ​ത്തു​ക​യും ചെ​യ്യു​ന്നു.

കു​ഞ്ഞു​ങ്ങ​ളു​ടെ വ​ള​ർ​ച്ച​യു​ടെ ഘ​ട്ട​ങ്ങ​ളി​ൽ ഇ​വ അ​വ​യ​വ പ്ര​വ​ർ​ത്ത​ന​ത്തെ​യും കോ​ശ​വ​ള​ർ​ച്ച​യെ​യും ബാ​ധി​ക്കു​ന്നു. ന​വ​ജാ​ത ശി​ശു​വി​ലും ഗ​ർ​ഭ​സ്ഥ ശി​ശു​വി​ലും​വ​രെ ഇ​ത് ക​ണ്ടെ​ത്തു​ന്ന​ത് ആ​ശ​ങ്ക​യു​ള​വാ​ക്കു​ന്ന​താ​ണെ​ന്ന് ഗ​വേ​ഷ​ക​ർ പ​റ​യു​ന്നു. പ്ലാ​സ​ന്റ ആ​വ​ര​ണ​വും ക​ട​ന്നു​വ​രു​ന്ന മൈ​ക്രോപ്ലാ​സ്റ്റി​ക്കു​മാ​യി ഭ്രൂ​ണ​ത്തി​നു വ​രെ ​പൊ​രു​തേ​ണ്ടി​വ​രു​ന്നു. മാ​താ​വ് ശ്വ​സ​ന​ത്തി​ലൂ​ടെ​യും ഭ​ക്ഷ​ണ​ത്തി​ലൂ​ടെ​യും ഗ​ർ​ഭാ​വ​സ്ഥ​യി​ലും പ്ര​സ​വ​സ​മ​യ​ത്ത് ഉ​പ​യോ​ഗി​ക്കു​ന്ന ഉ​പ​ക​ര​ണ​ങ്ങ​ൾ വ​ഴി വ​രെ പ്ലാ​സ്റ്റി​ക് ഉ​ള്ളി​ലെ​ത്തു​ന്നു​ണ്ട്.

മൈ​ക്രോപ്ലാ​സ്റ്റി​ക്കി​ന്റെ ആ​പ​ത്ത്

• ശ​രീ​ര​വീ​ക്ക​വും പ്ര​തി​രോ​ധ സം​വി​ധാ​ന​ത്തെ ത​കി​ടം മ​റി​ക്കു​ന്ന പ്ര​വ​ർ​ത്ത​ന​വും മൈ​ക്രോപ്ലാ​സ്റ്റി​ക് സൃ​ഷ്ടി​ക്കു​ന്നു.
• ഒ​ട്ടു​മി​ക്ക മൈ​ക്രോപ്ലാ​സ്റ്റി​ക്കി​ലും ഫാ​ലേ​റ്റ്സ്, ബി​സ്ഫ​നോ​ൾ എ (BPA) ​തു​ട​ങ്ങി​യ രാ​സ​വ​സ്തു​ക്ക​ളു​ണ്ടാ​കും. ഇ​വ വ​ള​ർ​ച്ച, ഉ​പാ​പ​ച​യ പ്ര​ക്രി​യ, പ്ര​ത്യു​ൽ​പാ​ദ​ന സം​വി​ധാ​നം, ബു​ദ്ധി​വി​കാ​സം തു​ട​ങ്ങി​യ കു​ട്ടി​ക​ളു​ടെ വി​വി​ധ പ്ര​വ​ർ​ത്ത​ന​ങ്ങ​ളെ ബാ​ധി​ക്കും.
• മൈ​ക്രോപ്ലാ​സ്റ്റി​ക്കു​ക​ളു​ടെ അ​ടി​ഞ്ഞു​കൂ​ട​ൽ അ​വ​യ​വ​നാ​ശം സൃ​ഷ്ടി​ക്കും. മൃ​ഗ​ങ്ങ​ളി​ൽ ന​ട​ന്ന പ​രീ​ക്ഷ​ണ​ങ്ങ​ളി​ൽ ഇ​ത് തെ​ളി​ഞ്ഞ​താ​ണ്.
• മൈ​ക്രോപ്ലാ​സ്റ്റി​ക്കു​മാ​യും അ​നു​ബ​ന്ധ രാ​സ​പ​ദാ​ർ​ഥ​ങ്ങ​ളു​മാ​യു​ള്ള ദീ​ർ​ഘ​കാ​ല സ​മ്പ​ർ​ക്കം അ​ർ​ബു​ദ​സാ​ധ്യ​ത വ​ർ​ധി​പ്പി​ക്കു​ന്നു​വെ​ന്ന് പ​ഠ​ന​ങ്ങ​ൾ പ​റ​യു​ന്നു.