ഇ​ന്ത്യ​യെ കാ​ണാ​ൻ എ​ങ്ങ​നെ?

‘സ്ക്വ​ഡ്ര​ന്റ് ലീ​ഡ​ർ രാ​കേ​ഷ് ശ​ർ​മ, രാ​ജ്യം മു​ഴു​വ​നും നി​ങ്ങ​ളെ ശ്ര​ദ്ധി​ക്കു​ക​യാ​ണ്. ഇ​ത് ഒ​രു ഐ​തി​ഹാ​സി​ക ചു​വ​ടു​വെ​പ്പാ​ണ്. ഈ ​ഒ​രു പ്ര​വ​ർ​ത്ത​ന​ത്തി​ലൂ​ടെ ബ​ഹി​രാ​കാ​ശ​ത്തെ​ക്കു​റി​ച്ച് കൂ​ടു​ത​ൽ പ​ഠി​ക്കാ​ൻ ന​മ്മു​ടെ രാ​ജ്യ​ത്തി​ന് സാ​ധി​ക്കു​മെ​ന്ന് പ്ര​തീ​ക്ഷി​ക്കു​ന്നു. താ​ങ്ക​ളോ​ടെ​നി​ക്ക് കു​റേ ചോ​ദ്യ​ങ്ങ​ൾ ചോ​ദി​ക്ക​ണ​മെ​ന്നു​ണ്ട്, എ​ന്നാ​ലും ചി​ല​ത് മാ​ത്ര​മേ ഇ​പ്പോ​ൾ ചോ​ദി​ക്കു​ന്നു​ള്ളൂ.

മു​ക​ളി​ൽ​നി​ന്ന് നോ​ക്കു​മ്പോ​ൾ ഇ​ന്ത്യ​യെ എ​ങ്ങ​നെ​യാ​ണ് താ​ങ്ക​ൾ​ക്ക് കാ​ണാ​ൻ ക​ഴി​യു​ന്ന​ത്?’

രാ​കേ​ഷ് ശ​ർ​മ മ​റു​പ​ടി പ​റ​യു​ന്നു,

‘സം​ശ​യ​മി​ല്ലാ​തെ എ​നി​ക്ക് പ​റ​യാ​ൻ ക​ഴി​യും, സാ​രേ ജ​ഹാ​ൻ സേ ​അ​ച്ഛാ...’

1984 ഏ​പ്രി​ൽ മൂ​ന്നി​ന് ഡ​ൽ​ഹി​യി​ലെ ദൂ​ര​ദ​ർ​ശ​ൻ സ്റ്റു​ഡി​യോ​യി​ലി​രു​ന്ന് ഇ​ന്ത്യ​യു​ടെ അ​ന്ന​ത്തെ പ്ര​ധാ​ന​മ​ന്ത്രി ഇ​ന്ദി​ര ഗാ​ന്ധി, റ​ഷ്യ​ൻ ബ​ഹി​രാ​കാ​ശ നി​ല​യ​ത്തി​ലു​ള്ള ഇ​ന്ത്യ​യു​ടെ ആ​ദ്യ ബ​ഹി​രാ​കാ​ശ സ​ഞ്ചാ​രി രാ​കേ​ഷ് ശ​ർ​മ​യു​മാ​യി സം​സാ​രി​ച്ച​താ​ണി​ത്. അ​തി​നു​ശേ​ഷം പ​ല​രും ഇ​ന്ത്യ​യെ ബ​ഹി​രാ​കാ​ശ നി​ല​യ​ത്തി​ലി​രു​ന്ന് ക​ണ്ടു. വീ​ണ്ടും മ​റ്റൊ​രു ഇ​ന്ത്യ​ക്കാ​ര​ൻ ബ​ഹി​രാ​കാ​ശ നി​ല​യ​ത്തി​ലി​രു​ന്ന് ഇ​ന്ത്യ​യെ കാ​ണാ​നൊ​രു​ങ്ങു​ക​യാ​ണ്.

ഫ്ലോ​റി​ഡ​യി​ലെ കെ​ന്ന​ഡി സ് ​പേ​സ് സെ​ന്റ​റി​ൽ​നി​ന്ന് സ് ​പേ​സ് എ​ക്സി​ന്റെ ഡ്രാ​ഗ​ൺ പേ​ട​കം നാ​ല് യാ​ത്രി​ക​രെ​യും വ​ഹി​ച്ചു​കൊ​ണ്ടു​ള്ള ആ​ക്സി​യോം ദൗ​ത്യ​വു​മാ​യി (എ.​എ​ക്സ് -4) രാ​ജ്യാ​ന്ത​ര ബ​ഹി​രാ​കാ​ശ നി​ല​യ​ത്തി​ലെ​ത്തു​മ്പോ​ൾ അ​ത് ഇ​ന്ത്യ​ക്കാ​ർ​ക്ക് ഏ​റെ അ​ഭി​മാ​നി​ക്കാ​വു​ന്ന മ​റ്റൊ​രു നി​മി​ഷം​കൂ​ടി​യാ​വു​ക​യാ​ണ്. കൂ​ടെ, ഇ​ന്ത്യ​ൻ ശാ​സ്ത്ര​രം​ഗ​ത്തി​ന് ഒ​രു വ​ലി​യ റെ​ക്കോ​ഡും. രാ​ജ്യാ​ന്ത​ര ബ​ഹി​രാ​കാ​ശ നി​ല​യ​ത്തി​ലെ​ത്തു​ന്ന (ഐ.​എ​സ്.​എ​സ്) ആ​ദ്യ ഇ​ന്ത്യ​ക്കാ​ര​നാ​യി ശു​ഭാ​ൻ​ഷു ശു​ക്ല മാ​റാ​നൊ​രു​ങ്ങു​ക​യാ​ണ്.

ഈ ​ദൗ​ത്യ​ത്തി​ന്റെ പൈ​ല​റ്റ് ആ​ണ് ശു​ഭാ​ൻ​ഷു ശു​ക്ല. നാ​സ​യു​ടെ​യും ഐ.​എ​സ്.​ആ​ർ.​ഒ​യു​ടെ​യും ആ​ക്സി​യോം സ് ​പേ​സി​ന്റെ​യും സം​യു​ക്ത ദൗ​ത്യ​മാ​ണ് എ.​എ​ക്സ് -4. സോ​യൂ​സ് ബ​ഹി​രാ​കാ​ശ പേ​ട​ക​ത്തി​ല്‍ രാ​കേ​ഷ് ശ​ര്‍മ ബ​ഹി​രാ​കാ​ശ​ത്തു പോ​യി നാ​ലു പ​തി​റ്റാ​ണ്ടു ക​ഴി​ഞ്ഞാ​ണ് ശു​ഭാൻഷുവി​ന്റെ ഈ ​യാ​ത്ര. ഇ​ന്ത്യ​യു​ടെ അ​ഭി​മാ​ന പ​ദ്ധ​തി​യാ​യ ഗ​ഗ​ന്‍യാ​ൻ ദൗ​ത്യ​സം​ഘ​ത്തി​ലെ അം​ഗം​കൂ​ടി​യാ​ണ് ശു​ഭാ​ൻ​ഷു. മ​നു​ഷ്യ​രെ ബ​ഹി​രാ​കാ​ശ​ത്ത​യ​ക്കാ​നു​ള്ള ഗ​ഗ​ൻ​യാ​ൻ ദൗ​ത്യ​ത്തി​ല്‍ ശു​ഭാ​ൻ​ഷു​വി​ന്റെ ഈ ​യാ​ത്രാ അ​നു​ഭ​വ​ങ്ങ​ൾ മു​ത​ൽ​ക്കൂ​ട്ടാ​വു​മെ​ന്ന് ഐ.​എ​സ്.​ആ​ർ.​ഒ ക​രു​തു​ന്നു.

നാ​സ​യു​ടെ മു​ൻ ബ​ഹി​രാ​കാ​ശ സ​ഞ്ചാ​രി പെ​ഗ്ഗി വി​റ്റ്സ​ൻ, ഹം​ഗ​റി​യു​ടെ ടി​ബോ​ർ ക​പു, പോ​ള​ണ്ടി​ന്റെ സാ​വോ​സ് ഉ​സ്‌​ന​ൻ​സ്‌​കി നി​സ്‌​നീ​വ്സ്‌​കി എ​ന്നി​വ​രാ​ണ് എ.​എ​ക്സ് -4 ദൗ​ത്യ​ത്തി​ലെ മ​റ്റു​ള്ള​വ​ർ. പെ​ഗ്ഗി വി​റ്റ്സ​നാ​ണ് ദൗ​ത്യ​ത്തി​ന്റെ ക​മാ​ൻ​ഡ​ർ.

ഏ​ഴ് പ​രീ​ക്ഷ​ണ​ങ്ങ​ൾ​ക്കാ​കും ഐ.​എ​സ്.​ആ​ർ.​ഒ എ.​എ​ക്സ് -4 ദൗ​ത്യ​ത്തി​ൽ ശ്ര​ദ്ധ​കൊ​ടു​ക്കു​ക​യെ​ന്നാ​ണ് വി​വ​രം. ബ​ഹി​രാ​കാ​ശ നി​ല​യ​ത്തി​ൽ ഭ​ക്ഷ്യ​വി​ത്തു​ക​ളു​ടെ വ​ള​ർ​ച്ച​യും വി​ള​വും സം​ബ​ന്ധി​ച്ചാ​യി​രി​ക്കും ഒ​രു പ​ഠ​നം. ഭ​ക്ഷ​ണ​ത്തി​ലൂ​ടെ ഉ​ള്ളി​ലെ​ത്തു​ന്ന മൈ​ക്രോ ആ​ൽ​ഗെ​യെ മൈ​ക്രോ​ഗ്രാ​വി​റ്റി ബാ​ധി​ക്കു​ന്ന​തെ​ങ്ങ​നെ, ബ​ഹി​രാ​കാ​ശ യാ​ത്രി​ക​ർ​ക്കാ​യു​ള്ള ഭ​ക്ഷ​ണ​ത്തി​നു​ള്ള വി​ത്തു​ക​ൾ മു​ള​പ്പി​ക്കാ​നാ​കു​മോ, സൂ​ക്ഷ്മ ജ​ല​ജീ​വി​ക​ളു​ടെ അ​തി​ജീ​വ​നം തു​ട​ങ്ങി​യ​വ​യാ​കും പ​ഠ​ന​ത്തി​ൽ ചി​ല​ത്.

ഉ​ത്ത​ർ​പ്ര​ദേ​ശി​ലെ ല​ഖ്‌​നോ സ്വ​ദേ​ശി​യാ​ണ് ശു​ഭാ​ൻ​ഷു ശു​ക്ല. സ്‌​കൂ​ൾ വി​ദ്യാ​ഭ്യാ​സം പൂ​ർ​ത്തി​യാ​ക്കി​യ​ശേ​ഷം എ​ൻ.‌​ഡി.‌​എ പ​രീ​ക്ഷ​യി​ൽ വി​ജ​യി​ച്ച് സൈ​നി​ക പ​രി​ശീ​ല​നം പൂ​ർ​ത്തി​യാ​ക്കി. 2005ലാ​ണ് നാ​ഷ​ന​ൽ ഡി​ഫ​ൻ​സ് അ​ക്കാ​ദ​മി​യി​ൽ​നി​ന്ന് ക​മ്പ്യൂ​ട്ട​ർ സ​യ​ൻ​സി​ൽ ബി​രു​ദം നേ​ടു​ന്ന​ത്. ശേ​ഷം ഫ്ല​യി​ങ് ബ്രാ​ഞ്ചി​ലേ​ക്ക് തി​ര​ഞ്ഞെ​ടു​ക്ക​പ്പെ​ട്ട ശു​ക്ല ഇ​ന്ത്യ​ൻ എ​യ​ർ​ഫോ​ഴ്സ് അ​ക്കാ​ദ​മി​യി​ൽ പ​രി​ശീ​ല​നം പൂ​ർ​ത്തി​യാ​ക്കി. 2006 ജൂ​ണി​ൽ ഇ​ന്ത്യ​ൻ എ​യ​ർ​ഫോ​ഴ്സി​ന്റെ ഫൈ​റ്റ​ർ സ്ട്രീ​മി​ൽ ഫ്ല​യി​ങ് ഓ​ഫി​സ​റാ​യി പ്ര​വ​ർ​ത്ത​നം തു​ട​ങ്ങി. വ്യോ​മ​സേ​ന​യി​ൽ ഗ്രൂ​പ്പ് ക്യാ​പ്റ്റ​നാ​ണ് അ​ദ്ദേ​ഹം.

ഇ​ന്ത്യ​യെ സം​ബ​ന്ധി​ച്ചി​ട​ത്തോ​ളം ശു​ഭാ​ൻ​ഷു ശു​ക്ല​യു​ടെ ദൗ​ത്യം ഒ​രു സു​പ്ര​ധാ​ന കു​തി​ച്ചു​ചാ​ട്ട​മാ​ണ്. സോ​വി​യ​റ്റ് സോ​യൂ​സ് ബ​ഹി​രാ​കാ​ശ പേ​ട​ക​ത്തി​ൽ രാ​കേ​ഷ് ശ​ർ​മ പ​റ​ന്ന​തി​നു​ശേ​ഷം, മ​നു​ഷ്യ ബ​ഹി​രാ​കാ​ശ യാ​ത്ര​യി​ലേ​ക്കു​ള്ള ഇ​ന്ത്യ​യു​ടെ ആ​ദ്യ തി​രി​ച്ചു​വ​ര​വാ​ണി​ത്. അ​തി​നു​മ​പ്പു​റം ശ​ർ​മ​യു​ടെ ദൗ​ത്യ​ത്തി​ൽ​നി​ന്ന് വ്യ​ത്യ​സ്ത​മാ​യി, ശു​ക്ല​യു​ടെ യാ​ത്ര, അ​തി​വേ​ഗം വ​ള​ർ​ന്നു​കൊ​ണ്ടി​രി​ക്കു​ന്ന ബ​ഹി​രാ​കാ​ശ രം​ഗ​ത്തെ ആ​ഗോ​ള സ​ഹ​ക​ര​ണ​ത്തി​ന്റെ​യും വാ​ണി​ജ്യ​വ​ത്ക​ര​ണ​ത്തി​ന്റെ​യും പു​ത്ത​ൻ അ​ധ്യാ​യം ര​ചി​ക്കു​ക കൂ​ടി​യാ​ണ്.