‘അതിന് ഞങ്ങൾ വോട്ടു ചെയ്യാനൊന്നും പോണില്ല, എന്തിനാ വോട്ട് ചെയ്തിട്ട്?’ -എത്ര മലയാളികൾ എസ്.ഐ.ആറിൽനിന്ന് പുറത്താകുമെന്ന് അറിയാനിരിക്കുന്നേയുള്ളൂവെന്ന് സുദേഷ് എം. രഘു

കൊച്ചി: വോ​ട്ട​ർ പ​ട്ടി​ക പ്ര​ത്യേ​ക തീ​വ്ര പ​രി​ഷ്‍ക​ര​ണം (എ​സ്.​ഐ.​ആ​ർ) നടപ്പാക്കിയാൽ ‘സാക്ഷരരും പ്രബുദ്ധരുമായ’ എത്ര മലയാളികൾ ഇതിൽനിന്നു പുറത്തുപോകും എന്നത് അറിയാനിരിക്കുന്നേയുള്ളൂ എന്ന് ആക്ടിവിസ്റ്റ് സുദേഷ് എം. രഘു. ദലിത്-പിന്നാക്ക-മുസ്‍ലിം കുടുംബങ്ങളിൽ നിന്നുള്ളവരാകും സ്വാഭാവികമാവും ഇതിൽ നിന്നെല്ലാം പുറത്തുപോവുക എന്നും അദ്ദേഹം പറയുന്നു.

‘വോട്ടേഴ്സ് ലിസ്റ്റിൽ പേരുണ്ടോ എന്നു നോക്കിയോ? എന്നു ചോദിച്ചപ്പോൾ ഇന്നലെ രണ്ടു സ്ത്രീകൾ എന്നോട് പറഞ്ഞത്, അതിന് ഞങ്ങൾ വോട്ടു ചെയ്യാനൊന്നും പോണില്ല, എന്തിനാ വോട്ട് ചെയ്തിട്ട്? എന്നാണ്. ‘വോട്ട് ചെയ്യുകയോ ചെയ്യാതിരിക്കുകയോ ചെയ്യ്. വോട്ടേഴ്സ് ലിസ്റ്റിൽ പേരില്ലെങ്കിൽ നിങ്ങൾ ഇൻഡ്യൻ പൌരന്മാർ(പൌരികൾ) അല്ലാതാകും’ എന്നു പറഞ്ഞപ്പോഴാണ് അവർ ഞെട്ടിയത്. എത്രപേർ ഇങ്ങനെയൊരു സംഗതി കേരളത്തിൽ നടക്കുന്നുണ്ട് എന്നറിഞ്ഞിട്ടുണ്ടാകും? എത്ര പേർ വോട്ടേഴ്സ് ലിസ്റ്റ് പരിശോധിക്കും?

വോട്ടേഴ്സ് ലിസ്റ്റിൽ പേരു ചേർക്കാൻ ബി എൽ ഓ മാർ വരുമെന്നോ വന്നാൽത്തന്നെ അതു ശരിയായി ചെയ്യുമെന്നോ ചെയ്താൽത്തന്നെ വോട്ടേഴ്സ് ലിസ്റ്റിൽ ഉൾപ്പെടുത്തുമെന്നോ ഒക്കെ കണ്ടറിയേണ്ട കാര്യങ്ങളാണ്. "നിരക്ഷരരായ" ബിഹാറികൾ മാത്രമല്ല, സാക്ഷരരും "പ്രബുദ്ധരു"മായ എത്ര മലയാളികൾ ഇതിൽനിന്നു പുറത്തുപോകും എന്നത് അറിയാനിരിക്കുന്നേയുള്ളൂ. ദലിത്-പിന്നാക്ക-മുസ്ലിം കുടുംബങ്ങളിൽ നിന്നുള്ളവരാകും സ്വാഭാവികമാവും ഇതിൽ നിന്നെല്ലാം പുറത്തുപോവുക എന്നു പറയേണ്ടതില്ലല്ലോ. 'സാമൂഹികമായും വിദ്യാഭ്യാസപരമായും പിന്നാക്കം'(SEBC) എന്ന് അക്കൂട്ടരെ വിശേഷിപ്പിക്കുന്നത് ഇതുകൊണ്ടൊക്കെ തന്നെയാണ്’ -സുദേഷ് എം. രഘു ഫേസ്ബുക് കുറിപ്പിൽ പറഞ്ഞു.

ചെ​റി​യൊ​രു അ​ശ്ര​ദ്ധ​ മതി, വോ​ട്ട​ർ​പ​ട്ടി​ക​യി​ൽ നി​ന്ന് പു​റ​ത്താ​കും; ഇ​ന്ത്യ​ൻ പൗ​ര​ൻ എ​ന്ന അ​സ്തി​ത്വവും ഇ​ല്ലാ​താ​കും

ബി​ഹാ​റി​ൽ 68.66 ല​ക്ഷം വോ​ട്ട​ർ​മാ​രു​ടെ പേ​രു​ക​ൾ വോ​ട്ട​ർ പ​ട്ടി​ക​യി​ൽ നി​ന്ന് നീ​ക്കം ചെ​യ്യാ​നും 21 ല​ക്ഷം വോ​ട്ട​ർ​മാ​രു​ടെ പേ​രു​ക​ൾ കൂ​ട്ടി​ച്ചേ​ർ​ക്കാ​നും ഇ​ട​വ​രു​ത്തി​യ വോ​ട്ട​ർ പ​ട്ടി​ക പ്ര​ത്യേ​ക തീ​വ്ര പ​രി​ഷ്‍ക​ര​ണം (എ​സ്.​ഐ.​ആ​ർ) കേ​​ന്ദ്ര തെ​ര​ഞ്ഞെ​ടു​പ്പ് ക​മീ​ഷ​ൻ അ​തു​പോ​ലെ ത​ന്നെ വ​ള​രെ ധി​റു​തി​പി​ടി​ച്ച് യു​ദ്ധ​കാ​ലാ​ടി​സ്ഥാ​ന​ത്തി​ലാ​ണ് കേ​ര​ള​ത്തി​ലും ന​ട​പ്പാ​ക്കു​ന്ന​ത്.

എ​സ്.​ഐ.​ആ​ർ കേ​സി​ൽ സു​പ്രീം​കോ​ട​തി വി​ധി വ​രു​ന്ന​തു​വ​രെ കാ​ത്തു​നി​ൽ​ക്കാ​നോ, വോ​ട്ട​ർ പ​ട്ടി​ക​യി​ൽ സാ​ധാ​ര​ണ പോ​ലെ രാ​ഷ്ട്രീ​യ പാ​ർ​ട്ടി​ക​ൾ പേ​ര് ചേ​ർ​ത്തു​കൊ​ള്ളു​മെ​ന്ന് ക​രു​താ​നോ, തെ​ര​​ഞ്ഞെ​ടു​പ്പ് ക​മീ​ഷ​ൻ നി​യോ​ഗി​ച്ച ബൂ​ത്തു​ത​ല ഓ​ഫി​സ​ർ (ബി.​എ​ൽ.​ഒ) മൂ​ന്ന് പ്രാ​വ​ശ്യം വീ​ട്ടി​ലെ​ത്തു​മെ​ന്ന് വി​ശ്വ​സി​ച്ചി​രി​ക്കാ​നോ ഇ​നി സ​മ​യ​മി​ല്ല. ചെ​റി​യൊ​രു അ​ശ്ര​ദ്ധ​യോ അ​ലം​ഭാ​വ​മോ സം​ഭ​വി​ച്ചാ​ൽ വോ​ട്ട​ർ​പ​ട്ടി​ക​യി​ൽ നി​ന്ന് പു​റ​ത്താ​കു​ക മാ​ത്ര​മാ​യി​രി​ക്കി​ല്ല അ​ന​ന്ത​ര ഫ​ലം. മ​റി​ച്ച് ഒ​രു ഇ​ന്ത്യ​ൻ പൗ​ര​ൻ എ​ന്ന നി​ല​ക്കു​ള്ള അ​സ്തി​ത്വം ത​ന്നെ ഇ​ല്ലാ​താ​കു​ക​യാ​ണ് ചെ​യ്യു​ക.

കേരളത്തിൽ രണ്ടു പട്ടിക; ഒന്നിൽ പേ​രു​ണ്ടെ​ന്ന് കരുതി ര​ണ്ടാ​മ​ത്തെ പ​ട്ടി​ക​യി​ൽ പേ​രു​ണ്ടാ​ക​ണ​മെ​ന്നി​ല്ല

നി​യ​മ​സ​ഭാ, ലോ​ക്സ​ഭാ തെ​ര​ഞ്ഞെ​ടു​പ്പു​ക​ൾ​ക്കാ​യി കേ​ന്ദ്ര തെ​ര​ഞ്ഞെ​ടു​പ്പ് ക​മീ​ഷ​ന്റെ മേ​ൽ​നോ​ട്ട​ത്തി​ൽ ത​യാ​റാ​ക്കു​ന്ന ഒ​രു വോ​ട്ട​ർ പ​ട്ടി​ക​യും പ​ഞ്ചാ​യ​ത്ത് തെ​ര​ഞ്ഞെ​ടു​പ്പി​നാ​യി സം​സ്ഥാ​ന തെ​ര​ഞ്ഞെ​ടു​പ്പ് ക​മീ​ഷ​ന്റെ മേ​ൽ​നോ​ട്ട​ത്തി​ൽ ത​യാ​റാ​ക്കു​ന്ന മ​റ്റൊ​രു വോ​ട്ട​ർ പ​ട്ടി​ക​യും കേ​ര​ള​ത്തി​ലു​ണ്ട്. ഒ​രു വോ​ട്ട​ർ പ​ട്ടി​ക​യി​ൽ പേ​രു​ണ്ടെ​ന്ന കാ​ര​ണ​ത്താ​ൽ ര​ണ്ടാ​മ​ത്തെ വോ​ട്ട​ർ പ​ട്ടി​ക​യി​ൽ പേ​രു​ണ്ടാ​യി​​​ക്കൊ​ള്ള​ണ​മെ​ന്നി​ല്ല. എ​സ്.​ഐ.​ആ​ർ ന​ട​പ്പാ​ക്കു​ന്ന​ത് നി​യ​മ​സ​ഭാ, ലോ​ക്സ​ഭാ തെ​ര​ഞ്ഞെ​ടു​പ്പു​ക​ൾ​ക്കാ​യി ത​യാ​റാ​ക്കു​ന്ന വോ​ട്ട​ർ പ​ട്ടി​ക​യി​ലാ​ണ്.

നി​ല​വി​ലു​ള്ള ഈ ​പ​ട്ടി​ക മ​ര​വി​പ്പി​ച്ച് എ​സ്.​ഐ.​ആ​റി​ലൂ​ടെ ഉ​ണ്ടാ​ക്കു​ന്ന പ​ട്ടി​ക​യാ​യി​രി​ക്കും 2026 ജ​നു​വ​രി ഒ​ന്ന് മു​ത​ൽ പ്രാ​ബ​ല്യ​ത്തി​ലു​ണ്ടാ​കു​ക. അ​തി​നു​ള്ള അ​ടി​സ്ഥാ​ന പ്ര​മാ​ണ​മാ​യി ക​ണ​ക്കാ​ക്കി​യ കേ​ര​ള​ത്തി​ലെ 2002ലെ ​വോ​ട്ട​ർ പ​ട്ടി​ക സം​സ്ഥാ​ന തെ​ര​ഞ്ഞെ​ടു​പ്പ് ക​മീ​ഷ​ൻ ഒ​ക്ടോ​ബ​ർ 28ന് ​വെ​ബ്സൈ​റ്റി​ൽ പ്ര​സി​ദ്ധീ​ക​രി​ച്ചി​ട്ടു​ണ്ട്.

പട്ടികയിൽ പേര് ചേർക്കാൻ എന്തുചെയ്യണം?

 Step-1

ആ​ദ്യം നോ​ക്കേ​ണ്ട​ത് 2002ലെ ​വോ​ട്ട​ർ പ​ട്ടി​ക

https://www.ceo.kerala.gov.in/electoral-roll-sir-2002 എ​ന്ന ലി​ങ്കി​ൽ അ​മ​ർ​ത്തി​യാ​ൽ 2002ൽ ​കേ​ര​ള​ത്തി​ൽ നി​ല​വി​ലു​ണ്ടാ​യി​രു​ന്ന എ​ല്ലാ നി​യ​മ​സ​ഭാ മ​ണ്ഡ​ല​ങ്ങ​ളി​ലെ​യും മു​ഴു​വ​ൻ ബൂ​ത്തു​ക​ളി​ലെ​യും വോ​ട്ട​ർ പ​ട്ടി​ക ല​ഭി​ക്കും. അ​തി​ൽ ന​മ്മു​ടെ​യോ ന​മ്മു​ടെ മാ​താ​പി​താ​ക്ക​ളു​ടെ​യോ വോ​ട്ട് ഉ​ണ്ടോ ഇ​ല്ലേ എ​ന്ന​റി​യ​ണം. ആ​ദ്യം ജി​ല്ല ഏ​തെ​ന്ന് നോ​ക്കി അ​തി​ലും​ശേ​ഷം ആ ​ജി​ല്ല​യി​ലെ ഏ​ത് നി​യ​മ​സ​ഭാ മ​ണ്ഡ​ല​മാ​ണോ അ​തി​ലും ക്ലി​ക്ക് ചെ​യ്യു​ക. തു​ട​ർ​ന്ന് ആ ​മ​ണ്ഡ​ല​ത്തി​ലെ ഏ​ത് പോ​ളി​ങ് ബൂ​ത്തി​ലാ​യി​രു​​ന്നു വോ​ട്ട് എ​ന്ന് നോ​ക്കി അ​തി​ൽ ക്ലി​ക്ക് ചെ​യ്താ​ൽ ആ ​ബൂ​ത്തി​ലെ വോ​ട്ട​ർ പ​ട്ടി​ക ല​ഭി​ക്കും.

സം​സ്ഥാ​ന​ത്ത് 2002നു​ശേ​ഷം നി​യ​മ​സ​ഭാ മ​ണ്ഡ​ല​ങ്ങ​ളു​ടെ പു​ന​ർ നി​ർ​ണ​യം ന​ട​ന്ന​തി​നാ​ൽ പു​തു​താ​യി വ​ന്ന നി​യ​മ​സ​ഭാ മ​ണ്ഡ​ല​ങ്ങ​ളി​ലെ വോ​ട്ട​ർ​മാ​ർ 2002ൽ ​ത​ങ്ങ​ളു​ടെ വോ​ട്ട് ഉ​ണ്ടാ​യി​രു​ന്ന​ത് ഏ​ത് നി​യ​മ​സ​ഭാ മ​ണ്ഡ​ല​ത്തി​​ലാ​ണോ അ​തി​ലാ​ണ് ക്ലി​ക്ക് ചെ​യ്യേ​ണ്ട​ത്.

2002-2004 കാ​ല​യ​ള​വി​ൽ കേ​ര​ള​ത്തി​നു​പു​റ​ത്ത് മ​റ്റേ​തെ​ങ്കി​ലും സം​സ്ഥാ​ന​ത്ത് വോ​ട്ടു​ണ്ടാ​യി​രു​ന്ന​വ​ർ ആ ​സം​സ്ഥാ​ന​ത്തി​ന്റെ CEOയു​ടെ വെ​ബ്സൈ​റ്റി​ലാ​ണ് ത​ങ്ങ​ളു​​ടെ പേ​ര് തി​ര​യേ​ണ്ട​ത്.

 Step-2

ബി.​എ​ൽ.​ഒ​യെ ക​ണ്ടെ​ത്തി നേ​രി​ൽ ബ​ന്ധ​പ്പെ​ടു​ക

കേ​ര​ള​ത്തി​ലെ ഓ​രോ വോ​ട്ട​റും ത​ങ്ങ​ളു​ടെ​യോ മാ​താ​പി​താ​ക്ക​ളു​ടെ​യോ പേ​ര് 2002ലെ ​വോ​ട്ട​ർ​പ​ട്ടി​ക​യി​ലു​ണ്ടോ എ​ന്ന് നോ​ക്കി, ഉ​ണ്ടെ​ങ്കി​ലും ഇ​ല്ലെ​ങ്കി​ലും ത​ങ്ങ​ൾ നി​ല​വി​ൽ താ​മ​സി​ക്കു​ന്ന പ​രി​ധി​യി​ലു​ള്ള ബൂ​ത്തി​നാ​യി തെ​ര​ഞ്ഞെ​ടു​പ്പ് ക​മീ​ഷ​ൻ ചു​മ​ത​ല​പ്പെ​ടു​ത്തി​യ ബി.​എ​ൽ.​ഒ (ബൂ​ത്ത് ത​ല ഓ​ഫി​സ​ർ) ആ​രാ​ണെ​ന്ന് ക​ണ്ടെ​ത്തി ബ​ന്ധ​പ്പെ​ട​ണം. https://www.ceo.kerala.gov.in/blo എ​ന്ന ലി​ങ്കി​ൽ ക്ലി​ക്ക് ചെ​യ്താ​ൽ സം​സ്ഥാ​ന​ത്തെ മു​ഴു​വ​ൻ ബി.​​എ​ൽ.​ഒ​മാ​രു​ടെ​യും വി​വ​രം ല​ഭി​ക്കും. അ​തി​ൽ ജി​ല്ല​യും നി​യ​മ​സ​ഭാ മ​ണ്ഡ​ല​വും ബൂ​ത്തും ഏ​തെ​ന്ന് തി​ര​ഞ്ഞെ​ടു​ത്താ​ൽ ബി.​എ​ൽ.​ഒ​യു​ടെ പേ​രും മൊ​ബൈ​ൽ ന​മ്പ​റും കി​ട്ടും.

 Step-3

എ​ന്യൂ​മ​റേ​ഷ​ൻ ഫോം ​പൂ​രി​പ്പി​ച്ച് സ​മ​ർ​പ്പി​ക്കു​ക

ബി.​എ​ൽ.​ഒ​യു​മാ​യി ബ​ന്ധ​പ്പെ​ട്ട് എ​ന്യൂ​മ​റേ​ഷ​ൻ ഫോം ​വാ​ങ്ങി പൂ​രി​പ്പി​ച്ച് ന​ൽ​കു​ക​യാ​ണ് അ​ടു​ത്ത പ​ടി. എ​സ്.​ഐ.​ആ​റി​ൽ ഏ​റ്റ​വും പ്ര​ധാ​ന​പ്പെ​ട്ട​തും ഒ​ഴി​ച്ചു​കൂ​ടാ​നാ​വാ​ത്ത​തു​മാ​യ ന​ട​പ​ടി​യും ഇ​താ​ണ്. ന​വം​ബ​ർ 4 ചൊ​വ്വാ​ഴ്ച മു​ത​ൽ ഡി​സം​ബ​ർ 4 വ്യാ​ഴാ​ഴ്ച വ​രെ ഒ​രു മാ​സം സ​മ​യം മാ​ത്ര​മാ​ണ് ഇ​തി​നു​ള്ള​ത്. അ​തി​നാ​ൽ എ​ന്യൂ​മ​റേ​ഷ​ൻ ഫോം ​ബി.​എ​ൽ.​ഒ വീ​ട്ടി​ൽ കൊ​ണ്ടു​വ​രു​ന്ന​തും കാ​ത്തി​രി​ക്കാ​തെ കേ​ര​ള​ത്തി​ന്റെ മു​ഖ്യ തെ​ര​ഞ്ഞെ​ടു​പ്പ് ഓ​ഫി​സ​റു​ടെ വെ​ബ്സൈ​റ്റി​ൽ (https://www.ceo.kerala.gov.in/ ) നി​ന്ന് ന​വം​ബ​ർ 4 തൊ​ട്ട് ഡൗ​ൺ​ലോ​ഡ് ചെ​യ്യാം. പൂ​രി​പ്പി​ച്ച അ​പേ​ക്ഷ​യു​ടെ ര​ണ്ട് കോ​പ്പി​ക​ളി​ലൊ​ന്ന് ബി.​എ​ൽ.​ഒ​ക്ക് ന​ൽ​കി ര​ണ്ടാ​മ​ത്തെ കോ​പ്പി അ​ക്നോ​ള​ജ്മെ​ന്റ് ആ​യി ബി.​എ​ൽ.​ഒ​യു​ടെ ഒ​പ്പി​ട്ട് വാ​ങ്ങി അ​പേ​ക്ഷ​ക​ൻ സൂ​ക്ഷി​ക്ക​ണം.

പു​തു​താ​യി വോ​ട്ട​ർ പ​ട്ടി​ക​യി​ൽ ചേ​ർ​ക്കാ​ൻ അ​പേ​ക്ഷ ന​ൽ​കു​ന്ന​വ​ർ ഫോം -6​ഉം, താ​മ​സ​സ്ഥ​ലം മാ​റ്റാ​നോ വി​വ​ര​ങ്ങ​ൾ തി​രു​ത്താ​നോ ഉ​ള്ള​വ​ർ ഫോം-8​ഉം ആ​ണ് പൂ​രി​പ്പി​ച്ച് ന​ൽ​കേ​ണ്ട​ത്. അ​തോ​ടൊ​പ്പം ക​മീ​ഷ​ൻ നി​ർ​ദേ​ശി​ച്ച അ​നു​ബ​ന്ധ ഫോ​മി​ൽ ഡി​ക്ല​റേ​ഷ​നും ന​ൽ​ക​ണം. ഓ​ൺ​ലൈ​ൻ വ​ഴി സ​മ​ർ​പ്പി​ക്കു​ന്ന അ​പേ​ക്ഷ​ക​ളും അ​നു​ബ​ന്ധ രേ​ഖ​ക​ളും ബി.​എ​ൽ.​ഒ​മാ​ർ വീ​ടു​ക​ളി​ലെ​ത്തി പ​രി​ശോ​ധി​ക്കും. തു​ട​ർ​ന്ന് എ​ല്ലാ ഫോ​മു​ക​ളി​ലെ​യും വി​വ​ര​ങ്ങ​ൾ ‘ബി.​എ​ൽ.​ഒ ആ​പ്’/‘​ഇ.​സി.​ഐ നെ​റ്റ്’ വ​ഴി അ​പ് ലോ​ഡ് ചെ​യ്ത് ഇ.​ആ​ർ.​ഒ​ക്ക് സ​മ​ർ​പ്പി​ക്കും.

 Step-4

2002ലെ ​വോ​ട്ട​ർ പ​ട്ടി​ക​യി​ൽ പേ​രി​ല്ലാ​ത്ത​വ​ർ ചെ​യ്യേ​ണ്ട​ത്

2002ലെ ​വോ​ട്ട​ർ പ​ട്ടി​ക​യി​ൽ ത​ങ്ങ​ളു​ടെ​യോ മാ​താ​പി​താ​ക്ക​ളു​ടെ​യോ പേ​രു​ള്ള​വ​ർ അ​തി​ന്റെ വി​ശ​ദാം​ശ​ങ്ങ​ളും പേ​രി​ല്ലാ​ത്ത​വ​ർ ത​ങ്ങ​ൾ ഇ​ന്ത്യ​ൻ പൗ​ര​ന്മാ​രാ​ണെ​ന്ന് തെ​ളി​യി​ക്കാ​ൻ തെ​ര​ഞ്ഞെ​ടു​പ്പ് ക​മീ​ഷ​ൻ ആ​വ​ശ്യ​പ്പെ​ട്ട 12 രേ​ഖ​ക​ളി​ൽ ഏ​തെ​ങ്കി​ലും ഒ​ന്നി​ന്റെ പ​ക​ർ​പ്പും എ​ന്യൂ​മ​റേ​ഷ​ൻ ഫോ​മി​നൊ​പ്പം ന​ൽ​ക​ണം. അ​വ​രെ മൂ​ന്നാ​യി ത​രം തി​രി​ച്ചി​രി​ക്കു​ന്നു.

1987 ജൂ​ലൈ ഒ​ന്നി​നു​മു​മ്പ് ജ​നി​ച്ച​വ​ർ

ഇ​വ​ർ സ്വ​ന്തം ജ​ന​ന തീ​യ​തി​യും ജ​ന​ന സ്ഥ​ല​വും തെ​ളി​യി​ക്കു​ന്ന രേ​ഖ സ​മ​ർ​പ്പി​ക്ക​ണം.

1987 ജൂ​ലൈ ഒ​ന്നി​നും 2004 ഡി​സം​ബ​ർ

ര​ണ്ടി​നു​മി​ട​യി​ൽ ജ​നി​ച്ച​വ​ർ

ഇ​വ​ർ സ്വ​ന്തം ജ​ന​ന തീ​യ​തി​യും ജ​ന​ന സ്ഥ​ല​വും തെ​ളി​യി​ക്കു​ന്ന രേ​ഖ കൂ​ടാ​തെ മാ​താ​വി​ന്റെ​യോ പി​താ​വി​ന്റെ​യോ ഏ​തെ​ങ്കി​ലു​മൊ​രാ​ളു​ടെ ജ​ന​ന തീ​യ​തി​യും ജ​ന​ന സ്ഥ​ല​വും തെ​ളി​യി​ക്കു​ന്ന രേ​ഖ​യും സ​മ​ർ​പ്പി​ക്ക​ണം.

2004 ഡി​സം​ബ​ർ ര​ണ്ടി​നു​ശേ​ഷം ജ​നി​ച്ച​വ​ർ

ഇ​വ​ർ സ്വ​ന്തം ജ​ന​ന തീ​യ​തി​യും ജ​ന​ന സ്ഥ​ല​വും തെ​ളി​യി​ക്കു​ന്ന രേ​ഖ കൂ​ടാ​തെ ര​ക്ഷി​താ​ക്ക​ളി​ൽ മാ​താ​വി​ന്റെ​യും പി​താ​വി​ന്റെ​യും ജ​ന​ന തീ​യ​തി​യും ജ​ന​ന സ്ഥ​ല​വും തെ​ളി​യി​ക്കു​ന്ന രേ​ഖ​യും സ​മ​ർ​പ്പി​ക്ക​ണം. ര​ക്ഷി​താ​ക്ക​ളി​ൽ ഒ​രാ​ൾ ഇ​ന്ത്യ​ൻ പൗ​ര​ൻ അ​​ല്ലെ​ങ്കി​ൽ ജ​ന​ന സ​മ​യ​ത്തു​ള്ള ര​ക്ഷി​താ​വി​ന്റെ വി​സ​യു​ടെ​യും പാ​സ്​​പോ​ർ​ട്ടി​ന്റെ​യും പ​ക​ർ​പ്പ് ന​ൽ​ക​ണം.

 Step-5

ബി.​എ​ൽ.​ഒ അ​പ് ലോ​ഡ് ചെ​യ്ത​ത് ഇ.​ആ​ർ.​ഒ വോ​ട്ട​ർ പ​ട്ടി​ക​യി​ലാ​ക്കും

ഓ​രോ ബൂ​ത്തി​ൽ​നി​ന്നും ബി.​എ​ൽ.​ഒ​മാ​ർ രേ​ഖ​ക​ൾ സ​ഹി​തം അ​പ് ലോ​ഡ് ചെ​യ്ത അ​പേ​ക്ഷ​ക​ൾ വോ​ട്ട​ർ പ​ട്ടി​ക​യി​ലാ​ക്കു​ന്ന ഉ​ത്ത​ര​വാ​ദി​ത്തം ഓ​രോ നി​യ​മ​സ​ഭാ മ​ണ്ഡ​ല​ത്തി​ന്റെ​യും ചു​മ​ത​ല​യു​ള്ള ഇ.​ആ​ർ.​ഒ നി​ർ​വ​ഹി​ക്കും. ഒ​രു ബൂ​ത്തി​ൽ പ​ര​മാ​വ​ധി 1200 പേ​രെ ഉ​ൾ​ക്കൊ​ള്ളു​ന്ന ത​ര​ത്തി​ലാ​ണ് ഇ​നി ബൂ​ത്തു​ക​ളു​ണ്ടാ​വു​ക. അ​തി​ൽ കൂ​ടു​ത​ൽ വോ​ട്ട​ർ​മാ​രു​ണ്ടെ​ങ്കി​ൽ പു​തി​യ ബൂ​ത്തു​ക​ളു​ണ്ടാ​ക്കി പു​നഃ​ക്ര​മീ​ക​രി​ക്കു​ന്ന​തി​നു​ള്ള നി​ർ​ദേ​ശം ജി​ല്ല തെ​ര​ഞ്ഞെ​ടു​പ്പ് ഓ​ഫി​സ​ർ(​ഡി.​ഇ.​ഒ)​ക്ക് സ​മ​ർ​പ്പി​ക്ക​ണം.

ഒ​രേ കു​ടും​ബ​ത്തി​ലും അ​യ​ൽ​ക്കൂ​ട്ട​ത്തി​ലും ഭ​വ​ന സ​മു​ച്ച​യ​ങ്ങ​ളി​ലു​മു​ള്ള​വ​രെ ഒ​രേ ബൂ​ത്തി​ലാ​ക്കാ​ൻ ശ്ര​ദ്ധി​ക്ക​ണം. ജി​ല്ല തെ​ര​ഞ്ഞെ​ടു​പ്പ് ഓ​ഫി​സ​ർ (ഡി.​ഇ.​ഒ) ബൂ​ത്ത് നേ​രി​ൽ​വ​ന്ന് പ​രി​ശോ​ധി​ക്കു​ക​യും രാ​ഷ്​​ട്രീ​യ പാ​ർ​ട്ടി​ക​ളു​മാ​യി കൂ​ടി​യാ​ലോ​ച​ന ന​ട​ത്തു​ക​യും ചെ​യ്യ​ണം. തു​ട​ർ​ന്ന് സം​സ്ഥാ​ന തെ​ര​ഞ്ഞെ​ടു​പ്പ് ക​മീ​ഷ​ൻ അം​ഗീ​കാ​രം ന​ൽ​കി​യ ശേ​ഷം മാ​ത്ര​മേ പു​തി​യ ബൂ​ത്തു​ക​ൾ അ​നു​വ​ദി​ക്കാ​വൂ.

 Step-6

ഡി​സം​ബ​ർ ഒ​മ്പ​തി​ന് ക​ര​ട് വോ​ട്ട​ർ പ​ട്ടി​ക നോ​ക്ക​ണം

ബി.​എ​ൽ.​ഒ​മാ​ർ നേ​രി​ട്ടും ഓ​ൺ​ലൈ​നാ​യും അം​ഗീ​കാ​രം ന​ൽ​കി​യ വോ​ട്ട​ർ​മാ​രെ ഉ​ൾ​പ്പെ​ടു​ത്തി ബൂ​ത്ത് തി​രി​ച്ച് പ​ട്ടി​ക​യി​ലാ​ക്കി ഡി​സം​ബ​ർ ഒ​മ്പ​തി​ന് ചൊ​വ്വാ​ഴ്ച ക​ര​ട് വോ​ട്ട​ർ പ​ട്ടി​ക പ്ര​സി​ദ്ധീ​ക​രി​ക്കും. ക​ര​ട് വോ​ട്ട​ർ പ​ട്ടി​ക​യി​ൽ ത​ങ്ങ​ളു​ടെ പേ​ർ ഉ​ൾ​പ്പെ​ട്ടി​ട്ടു​ണ്ടെ​ന്ന് ഓ​രോ വോ​ട്ട​റും സ്വ​ന്തം നി​ല​ക്ക് ഉ​റ​പ്പു​വ​രു​ത്ത​ണം. ബൂ​ത്തു​ക​ളു​ടെ പു​നഃ​ക്ര​മീ​ക​ര​ണം മൂ​ലം നി​ല​വി​ലു​ള്ള ബൂ​ത്തി​ലെ വോ​ട്ട​ർ പ​ട്ടി​ക​യി​ൽ പേ​ർ ക​ണ്ടി​ല്ലെ​ങ്കി​ലും മ​റ്റേ​തെ​ങ്കി​ലും ബൂ​ത്തി​ന്റെ പ​ട്ടി​ക​യി​ൽ ഉ​ൾ​പ്പെ​ടു​ത്തി​യി​ട്ടു​ണ്ടോ എ​ന്ന് നോ​ക്ക​ണം.

 Step-7

പ​രാ​തി​യും ആ​ക്ഷേ​പ​വും 2026 ജ​നു​വ​രി എ​ട്ടു​വ​രെ

ഡി​സം​ബ​ർ 9 മു​ത​ൽ 2026 ജ​നു​വ​രി 8 വ​രെ​യാ​ണ് ക​ര​ട് വോ​ട്ട​ർ പ​ട്ടി​ക​യി​ൽ നി​ന്ന് വെ​ട്ടി​മാ​റ്റി​യ​തി​നെ​തി​രാ​യ പ​രാ​തി​ക​ളും വ്യാ​ജ​മാ​യി കൂ​ട്ടി​ച്ചേ​ർ​ത്ത​തി​നെ​തി​രാ​യ ആ​ക്ഷേ​പ​ങ്ങ​ളും സ​മ​ർ​പ്പി​ക്കേ​ണ്ട​ത്.

 Step-8

പ​രാ​തി​ക​ളി​ൽ നോ​ട്ടീ​സും ഹി​യ​റി​ങ്ങും പ​രി​ശോ​ധ​ന​യും

ഡി​സം​ബ​ർ 9 മു​ത​ൽ 2026 ജ​നു​വ​രി 31 വ​രെ ക​ര​ട് വോ​ട്ട​ർ പ​ട്ടി​ക​​ക്കെ​തി​രാ​യ പ​രാ​തി​ക​ളി​ലും ആ​ക്ഷേ​പ​ങ്ങ​ളി​ലും ഓ​രോ നി​യ​മ​സ​ഭാ മ​ണ്ഡ​ല​ത്തി​ലു​മു​ള്ള ഇ.​ആ​ർ.​ഒ ​നോ​ട്ടീ​സ് അ​യ​ക്കും. തു​ട​ർ​ന്ന് ഹി​യ​റി​ങ് ന​ട​ത്തി രേ​ഖ​ക​ൾ പ​രി​ശോ​ധി​ച്ച് ഇ.​ആ​ർ.​ഒ ഒ​രു തീ​രു​മാ​ന​മെ​ടു​ത്ത് ആ​വ​ശ്യ​മു​ള്ള​ത് കൊ​ള്ളു​ക​യും അ​ല്ലാ​ത്ത​വ ത​ള്ളു​ക​യും ചെ​യ്യും. ഇ.​ആ​ർ.​ഒ​മാ​രു​ടെ ന​ട​പ​ടി​ക​ൾ തീ​ർ​ത്ത് അ​ന്തി​മ വോ​ട്ട​ർ പ​ട്ടി​ക ത​യാ​റാ​ക്കാ​ൻ ഫെ​ബ്രു​വ​രി മൂ​ന്നി​ന് കേ​ന്ദ്ര തെ​ര​ഞ്ഞെ​ടു​പ്പ് ക​മീ​ഷ​ന്റെ അ​നു​മ​തി തേ​ടും.

 Step-9

ഫെ​ബ്രു​വ​രി ഏ​ഴി​ന് അ​ന്തി​മ വോ​ട്ട​ർ പ​ട്ടി​ക

എ​സ്.​ഐ.​ആ​ർ ന​ട​പ​ടി​ക​ൾ പൂ​ർ​ത്തി​യാ​ക്കി കേ​ര​ള​ത്തി​ന്റെ അ​ന്തി​മ വോ​ട്ട​ർ പ​ട്ടി​ക 2026 ഫെ​ബ്രു​വ​രി ഏ​ഴി​ന് പ്ര​സി​ദ്ധീ​ക​രി​ക്കും. അ​തി​ൽ​നി​ന്ന് പു​റ​ത്താ​യ​വ​ർ ​എ​ന്ന​ന്നേ​ക്കു​മാ​യി വോ​ട്ട​വ​കാ​ശ​മി​ല്ലാ​ത്ത​വ​രാ​കും.

 Step-10

അ​വ​സാ​ന അ​പ്പീ​ലി​ന് ര​ണ്ട് അ​വ​സ​ര​ങ്ങ​ൾ

അ​ന്തി​മ പ​ട്ടി​ക​ക്കു​മേ​ലു​ള്ള അ​പ്പീ​ലു​മാ​യി ഇ.​ആ​ർ.​ഒ​യെ സ​മീ​പി​ക്ക​ണം. ഇ.​ആ​ർ.​ഒ​യു​ടെ തീ​രു​മാ​ന​ത്തി​നെ​തി​രാ​യ അ​പ്പീ​ൽ മു​ഖ്യ തെ​ര​ഞ്ഞെ​ടു​പ്പ് ഓ​ഫി​സ​ർ​ക്കാ​ണ് ന​ൽ​കേ​ണ്ട​ത്. ര​ണ്ട് അ​പ്പീ​ലും ത​ള്ളി​യാ​ൽ പി​ന്നെ ക​മീ​ഷ​ന്റെ ഭാ​ഗ​ത്തു​നി​ന്നും വോ​ട്ട​ർ പ​ട്ടി​ക​യി​ൽ പേ​രു​ചേ​ർ​ക്കു​ന്ന​തി​നു​ള്ള വ​ഴി​യ​ട​യും.