ര​ഞ്ജി ട്രോഫിയിൽ പു​തു കേ​ര​ള​പ്പി​റ​വി

തി​രു​വ​ന​ന്ത​പു​രം: ലോ​ക​ത്തി​ലെ ഏ​റ്റ​വും വ​ലി​യ ആ​ഭ്യ​ന്ത​ര ക്രി​ക്ക​റ്റ് ടൂ​ർ​ണ​മെ​ന്‍റു​ക​ളി​ൽ ഒ​ന്നാ​യ ര​ഞ്ജി ട്രോ​ഫി​യി​ൽ ഈ ​സീ​സ​ണി​ൽ ഒ​രു തോ​ൽ​വി​പോ​ലും വ​ഴ​ങ്ങാ​തെ ഫൈ​ന​ലി​ലേ​ക്ക് പ്ര​വേ​ശി​ച്ച സ​ചി​ൻ ബേ​ബി​യെ​യും കൂ​ട്ട​രെ​യും അ​ക്ഷ​രം തെ​റ്റാ​തെ ന​മു​ക്ക് വി​ളി​ക്കാം... ‘ചാ​മ്പ്യ​ൻ​സ്’. 1934-35ൽ ​ആ​രം​ഭി​ച്ച ര​ഞ്ജി ട്രോ​ഫി​യി​ൽ 1957ലാ​ണ് കേ​ര​ളം ബാ​റ്റു​മാ​യി ഇ​റ​ങ്ങു​ന്ന​ത്. അ​തും പ​ഴ​യ തി​രു​വി​താം​കൂ​ര്‍-​കൊ​ച്ചി ടീം ​കേ​ര​ള ക്രി​ക്ക​റ്റ് ടീം ​ആ​യി പേ​രെ​ടു​ത്ത​ശേ​ഷം. ആ​ദ്യ സീ​സ​ണി​ല്‍ മ​ദ്രാ​സി​നും മൈ​സൂ​രു​വി​നും ആ​ന്ധ്ര​ക്കും ഹൈ​ദ​രാ​ബാ​ദി​നു​മെ​തി​രെ എ​ട്ടു​നി​ല​യി​ൽ പൊ​ട്ടി. ര​ഞ്ജി​യി​ല്‍ ശ്ര​ദ്ധേ​യ​മാ​യ പ്ര​ക​ട​നം ന​ട​ത്താ​ന്‍ കേ​ര​ളം പി​ന്നെ​യും നാ​ല്​ പ​തി​റ്റാ​ണ്ടോ​ളം കാ​ത്തി​രി​ക്കേ​ണ്ടി​വ​ന്നു.

1994-95ല്‍ ​കെ.​എ​ന്‍. അ​ന​ന്ത​പ​ത്മ​നാ​ഭ​ന്‍റെ നേ​തൃ​ത്വ​ത്തി​ലി​റ​ങ്ങി​യ ടീം ​ദ​ക്ഷി​ണ​മേ​ഖ​ല വി​ജ​യി​ക​ളാ​യി പ്രീ ​ക്വാ​ര്‍ട്ട​റി​ലെ​ത്തി. 2007-08 സീ​സ​ണി​ല്‍ പ്ലേ​റ്റ് ലീ​ഗി​ലേ​ക്ക് ക​ട​ന്നു. പ്ലേ​റ്റ് ഗ്രൂ​പ്പി​ൽ​നി​ന്ന് മു​ന്നേ​റാ​ൻ കേ​ര​ള​ത്തി​ന് പി​ന്നെ​യും വ​ർ​ഷ​ങ്ങ​ൾ കാ​ത്തി​രി​ക്കേ​ണ്ടി​വ​ന്നു. പ്ലേ​റ്റ് ഗ്രൂ​പ്പി​ലെ ക​ളി​ക​ൾ​കൊ​ണ്ടു​മാ​ത്രം കേ​ര​ള​താ​ര​ങ്ങ​ളു​ടെ പ്ര​ക​ട​ന​ങ്ങ​ൾ ദേ​ശീ​യ സെ​ല​ക്ട​ർ​മാ​രു​ടെ ശ്ര​ദ്ധ​യി​ലെ​ത്തി​ല്ലെ​ന്ന്​ മ​ന​സ്സി​ലാ​ക്കി​യ അ​ന്ന​ത്തെ കെ.​സി.​എ പ്ര​സി​ഡ​ന്‍റും മു​ൻ ബി.​സി.​സി.​ഐ വൈ​സ് പ്ര​സി​ഡ​ന്‍റു​മാ​യി​രു​ന്ന ടി.​സി. മാ​ത്യു​വി​ന്‍റെ ഇ​ട​പെ​ട​ലാ​ണ് കേ​ര​ള ക്രി​ക്ക​റ്റി​ന്‍റെ ത​ല​വ​ര​മാ​റ്റു​ന്ന​ത്. അ​ദ്ദേ​ഹം മ​റു​നാ​ട​ൻ താ​ര​ങ്ങ​ൾ​ക്കാ​യി വാ​തി​ലു​ക​ൾ മ​ല​ർ​ക്കെ തു​റ​ന്നി​ട്ടു.

ശ്രീ​ല​ങ്ക​ൻ ക്രി​ക്ക​റ്റ് ടീ​മി​നെ ലോ​ക ചാ​മ്പ്യ​ന്മാ​രാ​ക്കി​യ ക്രി​ക്ക​റ്റ് പ​രി​ശീ​ല​ക​ൻ ആ​സ്ട്രേ​ലി​യ​ക്കാ​ര​നാ​യ ഡേ​വ് വാ​ട്ട്മോ​റി​നെ കേ​ര​ള ക്രി​ക്ക​റ്റി​ന്‍റെ പ​രി​ശീ​ല​ക സ്ഥാ​ന​ത്തേ​ക്ക് കൊ​ണ്ടു​വ​ന്നു. തു​ച്ഛ ശ​മ്പ​ള​ത്തി​ൽ ഇ​ന്ത്യ​യി​ലെ ഒ​രു പ്രാ​ദേ​ശി​ക ടീ​മി​ന്‍റെ പ​രി​ശീ​ല​ക​നാ​കാ​ൻ ത​യാ​റാ​യ വാ​ട്മോ​റി​ന്‍റെ തീ​രു​മാ​നം ലോ​ക ക്രി​ക്ക​റ്റി​നെ​പ്പോ​ലും ഞെ​ട്ടി​ച്ചു.

കേ​ര​ള ക്രി​ക്ക​റ്റി​ലെ പ്ര​തി​ഭ​ക​ളു​ടെ സ​മ്പ​ത്ത് തി​രി​ച്ച​റി​ഞ്ഞ വാ​ട്മോ​ർ ഗ്രീ​ൻ​ഫീ​ൽ​ഡി​ലെ മ​ണ്ണി​ലി​ട്ട് കേ​ര​ള ക്രി​ക്ക​റ്റി​നെ വ​ള​ർ​ത്തി​യെ​ടു​ക്കു​ക​യാ​യി​രു​ന്നു. കേ​ര​ളം പോ​ലൊ​രു ചെ​റു​ടീ​മി​ൽ ക​ളി​ക്കാ​ൻ ല​ക്ഷ​ങ്ങ​ൾ വാ​ഗ്ദാ​നം ന​ൽ​കി​യി​ട്ടും പ​ല മ​റു​നാ​ട​ൻ താ​ര​ങ്ങ​ളും വ​ന്നി​ല്ല. ക്വാ​ർ​ട്ട​ർ ബ​ർ​ത്തു​പോ​ലും ഉ​റ​പ്പി​ല്ലാ​ത്ത ടീ​മി​ൽ ക​ളി​ച്ച​തു​കൊ​ണ്ട് പ്ര​ക​ട​നം മെ​ച്ച​പ്പെ​ടി​ല്ലെ​ന്നും ദേ​ശീ​യ സെ​ല​ക്ട​ർ​മാ​രു​ടെ ശ്ര​ദ്ധ​യി​ൽ​പെ​ടി​ല്ലെ​ന്നും പ​റ​ഞ്ഞ് പ​ല​രും കേ​ര​ള​ത്തി​ന്‍റെ ക്ഷ​ണം നി​ര​സി​ച്ചു.

മി​ക​ച്ച പ്ര​ക​ട​നം ന​ട​ത്തി​യി​ട്ടും ഇ​ന്ത്യ​ൻ ടീ​മി​ലേ​ക്ക് നി​ര​ന്ത​രം ത​ഴ​യ​പ്പെ​ട്ട മ​ധ്യ​പ്ര​ദേ​ശ് ഓ​ൾ റൗ​ണ്ട​ർ ജ​ല​ജ് സ​ക്സേ​ന മാ​ത്രം കേ​ര​ള​ത്തി​ന് കൈ​കൊ​ടു​ത്തു. അ​ന​ന്ത​പ​ത്മ​നാ​ഭ​നും ശ്രീ​കു​മാ​ര​ന്‍ നാ​യ​രും സു​നി​ല്‍ ഒ​യാ​സി​സും ശ്രീ​ശാ​ന്തു​മൊ​ക്കെ തെ​ളി​ച്ച വ​ഴി​യി​ല്‍ സ​ഞ്ജു​വും ബേ​സി​ല്‍ ത​മ്പി​യും സ​ചി​ന്‍ ബേ​ബി​യും രോ​ഹ​ൻ പ്രേ​മും സി​ജോ​മോ​ൻ ജോ​സ​ഫും അ​ട​ങ്ങു​ന്ന ചു​ണ​ക്കു​ട്ടി​ക​ള്‍ക്കൊ​പ്പം മാ​ച്ച് വി​ന്ന​റാ​യ സ​ക്‌​സേ​ന​യും ചേ​ർ​ന്ന​തോ​ടെ 2017 മു​ത​ൽ കേ​ര​ളം ര​ഞ്ജി​യി​ൽ ക​റു​ത്ത​കു​തി​ര​ക​ളാ​യി.

ഒ​ന്നോ ര​ണ്ടോ പ്ര​തി​ഭ​ക​ളെ ആ​ശ്ര​യി​ച്ചി​രു​ന്നി​ട​ത്തു​നി​ന്ന് ഒ​രു ടീ​മാ​യി ക​ളി​ക്കാ​ൻ വാ​ട്മോ​ർ കേ​ര​ള​ത്തെ പ​ഠി​പ്പി​ച്ച​തോ​ടെ 2017ൽ ​കേ​ര​ളം ആ​ദ്യ​മാ​യി ര​ഞ്ജി ട്രോ​ഫി​യി​ൽ ക്വാ​ർ​ട്ട​റി​ൽ ക​യ​റി. 2018-19 സീ​സ​ണി​ൽ ഗു​ജ​റാ​ത്തി​നെ അ​ട്ടി​മ​റി​ച്ച് സെ​മി ഫൈ​ന​ലി​ലേ​ക്ക് കേ​ര​ളം അ​ടി​ച്ചു​ക​യ​റി​യ​തോ​ടെ സ​ഞ്ജു സാം​സ​ണി​ന് പി​ന്നാ​ലെ കേ​ര​ള​ത്തി​ലെ പ​ല താ​ര​ങ്ങ​ളും ദേ​ശീ​യ ശ്ര​ദ്ധ​നേ​ടി.

വാ​ട്മോ​ർ പ​ടി​യി​റ​ങ്ങി​യ​തോ​ടെ കേ​ര​ള​ത്തി​ന്‍റെ ക​ഷ്ട​കാ​ല​വും തു​ട​ങ്ങി. ക​ഴി​ഞ്ഞ അ​ഞ്ച് വ​ര്‍ഷ​മാ​യി ര​ഞ്ജി​യി​ല്‍ കാ​ര്യ​മാ​യ നേ​ട്ടം കൊ​യ്യാ​തി​രു​ന്ന കേ​ര​ളം, അ​മ​യ് ഖു​റാ​സി​യ എ​ന്ന മ​ധ്യ​പ്ര​ദേ​ശു​കാ​ര​നാ​യ പ​രി​ശീ​ല​ക​ന്‍റെ ത​ന്ത്ര​ങ്ങ​ളി​ലൂ​ടെ​യാ​ണ് ഇ​ത്ത​വ​ണ ച​രി​ത്ര ഫൈ​ന​ൽ ഉ​റ​പ്പി​ച്ച​ത്. അ​തും ഗു​ജ​റാ​ത്തി​നെ അ​വ​രു​ടെ സ്വ​ന്തം ത​ട്ട​ക​ത്തി​ൽ പൊ​ളി​ച്ച​ടു​ക്കി​ക്കൊ​ണ്ട്.