ലു​സൈ​ലി​ലെ മെ​സ്സി​യെ​യും വാം​ഖ​ഡെ​യി​ലെ സ​ചി​നെ​യും​പോ​ലെ കോ​ഹ്‍ലി​യും പൂ​ർ​ണ​നാ​യി​രി​ക്കു​ന്നു

"അസാ​ധ്യം; അ​തൊ​രു ഫ്ര​ഞ്ച് വാ​ക്ക​ല്ല’’ നെ​പ്പോ​ളി​യ​ൻ ബോ​ണ​പ്പാ​ർ​ട്ടി​ന്‍റെ ഇൗ ​വാ​ച​ക​ത്തെ ലോ​കം ‘‘ന​ത്തി​ങ് ഈ​സ് ഇം​പോ​സി​ബി​ൾ’’ എ​ന്ന് വി​വ​ർ​ത്ത​നം ചെ​യ്തു. 16ാം വ​യ​സ്സി​ൽ ഫ്രാ​ൻ​സി​ന്‍റെ സ​ബ് ലെ​ഫ്റ്റ​ന​ന്‍റ് ആ​യി​രു​ന്ന നെ​പ്പോ​ളി​യ​ൻ പി​ന്നീ​ട് അ​തേ രാ​ജ്യ​ത്തി​ന്‍റെ ച​ക്ര​വ​ർ​ത്തി​യാ​യി. ഫ്രാ​ൻ​സി​ന്‍റെ നി​ല​നി​ൽ​പ്പി​നാ​യി യൂ​റോ​പ്പി​നെ മു​ഴു​വ​ൻ അ​യാ​ൾ അ​ട​ക്കി ഭ​രി​ച്ചു.

യൂ​റോ​പ്യ​ൻ ശ​ക്തി​ക​ൾ പ​ല​ത​വ​ണ സം​ഘം ചേ​ർ​ന്ന് യു​ദ്ധ​ത്തി​നി​റ​ങ്ങി​യി​ട്ടും അ​യാ​ളു​ടെ സാ​മ്രാ​ജ്യ​ത്തെ തൊ​ടാ​ൻ പോ​ലു​മാ​യി​ല്ല. പീ​ഡ്മോ​ണി​ലും ലോ​ഡി​യി​ലും മാ​ൺ​ടു​വാ​യി​ലും ഈ​ജി​പ്തി​ലും അ​യാ​ൾ വി​ജ​യ​ത്തേ​രി​ലേ​റി. എ​ന്നാ​ൽ, വാ​ട്ട​ർ ലൂ ​യു​ദ്ധ​ത്തി​ൽ മാ​ത്രം നെ​പ്പോ​ളി​യ​ന് അ​ടി​തെ​റ്റി.

ക​ഴി​ഞ്ഞ ദി​വ​സം രാ​ത്രി വ​രെ ക്രി​ക്ക​റ്റ് ഇ​തി​ഹാ​സം വി​രാ​ട് കോ​ഹ്‌​ലി​യും ഒ​രു നെ​പ്പോ​ളി​യ​നാ​യി​രു​ന്നു. കാ​ല​ത്തി​ന് ക​ളി ജീ​വി​തം കൊ​ണ്ടൊ​രു വ​സ​ന്തം സ​മ്മാ​നി​ച്ചി​ട്ടും ഐ.​പി.​എ​ൽ രാ​വു​ക​ൾ അ​യാ​ളു​ടെ വാ​ട്ട​ർ​ലൂ ആ​യി. സാ​മ്രാ​ജ്യ​ങ്ങ​ൾ വെ​ട്ടി​പ്പി​ടി​ച്ച രാ​ജാ​വ് അ​ടി​യ​റ​വ് പ​റ​യു​ന്ന വാ​ർ​ട്ട​ർ​ലൂ.

2008ലെ ​അ​ണ്ട​ർ 19 ലോ​ക​ക​പ്പ് വി​ജ​യി​ച്ച നാ​യ​ക​നാ​യി​രു​ന്നു കോ​ഹ്‌​ലി. പി​ന്നാ​ലെ​യെ​ത്തി​യ ആ​ദ്യ ഐ.​പി.​എ​ൽ താ​ര​ലേ​ല​ത്തി​ൽ ഡ​ൽ​ഹി​ക്കാ​രാ​യ താ​ര​ത്തെ ഡ​ൽ​ഹി ഡെ​യ​ർ​ഡെ​വി​ൾ​സ് സ്വ​ന്ത​മാ​ക്കു​മെ​ന്നാ​ണ് എ​ല്ലാ​വ​രും പ്ര​തീ​ക്ഷി​ച്ച​ത്. എ​ന്നാ​ൽ, പ്ര​തീ‍ക്ഷ​ക​ളെ അ​സ്ഥാ​ന​ത്താ​ക്കി ഡ​ൽ​ഹി പ്ര​ദീ​പ് സാം​ഗ്വാ​നെ സൈ​ൻ ചെ​യ്തു. അ​തോ​ടെ 12 ല‍ക്ഷ​ത്തി​ന് കോ​ഹ്‌​ലി റോ​യ​ൽ ച​ല​ഞ്ചേ​ഴ്സ് ബാം​ഗ്ലൂ​രി​ന്‍റെ കൂ​ടാ​ര​ത്തി​ലെ​ത്തി. പി​ന്നീ​ട് ഇ​ന്ത്യ​ൻ ടീ​മി​ൽ അ​ര​ങ്ങേ​റി​യ താ​രം ക്രീ​സി​ൽ മാ​യാ​ജാ​ല​ങ്ങ​ൾ തീ​ർ​ത്തു.

പ​തി​യെ പ​തി​യെ അ​യാ​ൾ ക്രീ​സി​ലെ രാ​ജാ​വാ​യി മാ​റി. എ​ല്ലാ നേ​ട്ട​ങ്ങ​ളും വെ​ട്ടി​പ്പി​ടി​ച്ചു. ലോ​ക​കി​രീ​ട​ങ്ങ​ളി​ലും ഐ.​സി.​സി ട്രോ​ഫി​ക​ളി​ലും മു​ത്ത​മി​ട്ടു. പ​ക്ഷേ, ഐ.​പി.​എ​ൽ കി​രീ​ട​ത്തി​ന്‍റെ പ​കി​ട്ട് മാ​ത്രം അ​യാ​ളു​ടെ ഷോ​ക്കേ​സി​ൽ ഒ​ഴി​ഞ്ഞു​കി​ട​ന്നു. നി​ര​വ​ധി ത​വ​ണ ക്രൂ​ര​മാ​യാ​ണ് പ​രാ​ജ​യ​ങ്ങ​ൾ ഏ​റ്റു​വാ​ങ്ങി​യ​ത്. മ​റ്റു​ചി​ല​പ്പോ​ൾ ക​പ്പി​നും ചു​ണ്ടി​നു​മി​ട​യി​ലു​ള്ള ദൂ​ര​ത്തി​ൽ മോ​ഹ​ങ്ങ​ൾ പൊ​ലി​ഞ്ഞു. 2009ലും 2011​ലും 2016ലും ​കി​രീ​ട​ത്തി​ന് തൊ​ട്ട​രി​കി​ൽ അ​വ​ർ വീ​ണു​പോ​യി.

ഐ.​പി.​എ​ല്ലി​ലെ എ​ക്കാ​ല​ത്തെ​യും മി​ക​ച്ച റ​ൺ​സ്കോ​റ​റാ​യി നി​ല​കൊ​ള്ളു​മ്പോ​ഴും കി​രീ​ട​മെ​ന്ന സ്വ​പ്നം അ​യാ​ളു​ടെ ഉ​റ​ക്കം കെ​ടു​ത്തി. അ​ങ്ങ​നെ​യെ​ത്ര വേ​ട്ട​യാ​ട​ലു​ക​ൾ ക​ഴി​ഞ്ഞു പോ​യി. അ​ങ്ങ​നെ​യെ​ത്ര മു​റി​വു​ക​ളി​ൽ വി​യ​ർ​പ്പു​ക​ല​ർ​ന്ന ഉ​പ്പി​ന്റെ നീ​റ്റ​ലൊ​ഴു​കി തീ​ർ​ന്നു പോ​യി.

ക​ളി മൈ​താ​ന​ത്തൊ​രു ഇ​തി​ഹാ​സം തീ​ർ​ത്തി​ട്ടും അ​യാ​ൾ​ക്കു​വേ​ണ്ടി ഒ​രു ദി​നം വ​ന്നു പോ​യി​ല്ലെ​ങ്കി​ൽ കാ​ലം നാ​ളെ​യു​ടെ ചോ​ദ്യ​ങ്ങ​ൾ​ക്കെ​ങ്ങ​നെ മ​റു​പ​ടി പ​റ​യാ​നാ​ണ്..? ആ ​ചോ​ദ്യ​ത്തി​ന് കാ​ലം ത​ന്നെ ഉ​ത്ത​രം ന​ൽ​കി​യി​രി​ക്കു​ന്നു. അ​യാ​ൾ ആ​ഗ്ര​ഹ​ത്തെ പു​ൽ​കി​യി​രി​ക്കു​ന്നു. അ​യാ​ളു​ടെ ക​ണ്ണു​ക​ളി​ലെ തി​ള​ക്കം കാ​ണാ​ൻ​വേ​ണ്ടി മാ​ത്രം ഉ​റ​ക്ക​മി​ള​ച്ച പാ​തി​രാ​വു​ക​ൾ​ക്ക് അ​റു​തി​യാ​യി​രി​ക്കു​ന്നു. ലു​സൈ​ലി​ലെ മെ​സ്സി​യെ​യും, വാം​ഖ​ഡെ​യി​ലെ സ​ചി​നെ​യും പോ​ലെ അ​യാ​ളും പൂ​ർ​ണ​നാ​യി​രി​ക്കു​ന്നു.