ഒടുവിൽ പ്രണവ് അതു നേടി; ഈ സ്വർണം ദാദാക്ക്​

കൊ​ച്ചി: എ​റ​ണാ​കു​ളം മ​ഹാ​രാ​ജാ​സ് കോ​ള​ജ് ഗ്രൗ​ണ്ടി​ൽ തി​ങ്ക​ളാ​ഴ്ച ആ​രം​ഭി​ച്ച ദേ​ശീ​യ ഫെ​ഡ​റേ​ഷ​ന്‍ സീ​നി​യ​ര്‍ അ​ത്‌​ല​റ്റി​ക് ചാ​മ്പ്യ​ന്‍ഷി​പ്പി​ലെ ഏ​റ്റ​വും ഗ്ലാ​മ​ർ ഇ​ന​മാ​യ 100 മീ​റ്റ​ർ ഓ​ട്ടം തു​ട​ങ്ങും മു​മ്പേ എ​ല്ലാ​വ​രു​ടെ​യും ക​ണ്ണു​ക​ൾ ദേ​ശീ​യ റെ​ക്കോ​ഡ് ജേ​താ​വ് ഗു​രീ​ന്ദ​ർ​വീ​ർ സി​ങ്, ദേ​ശീ​യ ഗെ​യിം​സി​ൽ റെ​ക്കോ​ഡോ​ടെ സ്വ​ർ​ണം സ്വ​ന്ത​മാ​ക്കി​യ അ​നി​മേ​ഷ് കു​ജൂ​ർ എ​ന്നി​വ​രി​ലേ​ക്കാ​യി​രു​ന്നു. എ​ന്നാ​ൽ, വി​സി​ൽ മു​ഴ​ങ്ങി ട്രാ​ക്കി​ൽ തീ​പാ​റി​യ​തോ​ടെ ക​ഥ മാ​റി.

അ​നി​മേ​ഷി​നെ ര​ണ്ടാം സ്ഥാ​ന​ത്തേ​ക്കും ഗു​രീ​ന്ദ​ർ​വീ​റി​നെ അ​വ​സാ​ന സ്ഥാ​ന​ത്തേ​ക്കും തെ​റി​പ്പി​ച്ച് 10.27 സെ​ക്ക​ൻ​ഡ് വേ​ഗ​ത്തി​ൽ റെ​യി​ൽ​വേ​സി​ന്‍റെ പ്ര​ണ​വ് പ്ര​മോ​ദ് ഗു​ര​വി​ന് അ​ട്ടി​മ​റി ജ​യം. ആ ​ജ​യ​ത്തി​നു പി​ന്നി​ൽ ഒ​രു മ​ധു​ര​നൊ​മ്പ​ര​ത്തി​ന്‍റെ ക​ഥ​യു​ണ്ട്... പ​ല​ത​വ​ണ ദേ​ശീ​യ മ​ത്സ​ര​ങ്ങ​ളി​ൽ ര​ണ്ടാം​സ്ഥാ​നം കൊ​ണ്ട് തൃ​പ്തി​പ്പെ​ടേ​ണ്ടി വ​ന്ന ഒ​രാ​ളു​ടെ സ​ന്തോ​ഷ​ക്ക​ണ്ണീ​രി​ന്‍റെ ക​ഥ. ആ​ദ്യ​മാ​യി ദേ​ശീ​യ മീ​റ്റി​ൽ നേ​ടു​ന്ന​തി​ന്‍റെ സ​ന്തോ​ഷം പൂ​ർ​ണ​മാ​യി ആ​ഘോ​ഷി​ക്കാ​ൻ പ​റ്റി​യൊ​രു മാ​ന​സി​കാ​വ​സ്ഥ​യി​ലാ​യി​രു​ന്നി​ല്ല പ്ര​ണ​വ്.

കാ​ര​ണം, അ​ങ്ങു​ദൂ​രെ മ​ഹാ​രാ​ഷ്ട്ര​യി​ലെ പു​ണെ​യി​ൽ ത​ന്‍റെ ദാ​ദാ (മു​ത്ത​ച്ഛ​ൻ) പ്രാ​യാ​ധി​ക്യ​ത്തെ തു​ട​ർ​ന്ന് ഗു​രു​ത​രാ​വ​സ്ഥ​യി​ൽ തീ​വ്ര​പ​രി​ച​ര​ണ വി​ഭാ​ഗ​ത്തി​ൽ ക​ഴി​യു​ക​യാ​ണ്. ത​ന്‍റെ നേ​ട്ടം ദാ​ദാ ആ​യ ഹ​രി ഗു​ര​വി​നാ​ണ് പ്ര​ണ​വ് സ​മ​ർ​പ്പി​ക്കു​ന്ന​ത്. 85കാ​ര​നാ​യ അ​ദ്ദേ​ഹം വേ​ഗം ആ​രോ​ഗ്യ​വാ​നാ​യി തി​രി​ച്ചു​വ​ര​ണേ എ​ന്ന പ്രാ​ർ​ഥ​ന​യാ​ണ് പു​ണെ ഡി​വി​ഷ​ന​ൽ റെ​യി​ൽ​വേ മാ​നേ​ജ​ർ ഓ​ഫി​സി​ൽ ജോ​ലി ചെ​യ്യു​ന്ന ഈ ​യു​വാ​വി​നു​ള്ള​ത്.

താ​ൻ ജ​നി​ച്ചു​വ​ള​ർ​ന്ന നാ​ട്ടി​ലൊ​ന്നും പ​രി​ശീ​ല​ന​ത്തി​ന് സൗ​ക​ര്യ​മി​ല്ലാ​തി​രു​ന്ന അ​നു​ഭ​വ​വും പ്ര​ണ​വ് പ​ങ്കു​വെ​ക്കു​ന്നു. പ​രി​ശീ​ല​ന ട്രാ​ക്കി​ൽ സ്കൂ​ട്ട​റോ​ടി​ക്കു​ക​യാ​ണ് ആ​ളു​ക​ൾ. ഇ​തേ​ക്കു​റി​ച്ച് പൊ​ലീ​സി​ൽ പ​രാ​തി​പ്പെ​ട്ട​പ്പോ​ൾ അ​വ​ർ ത​ന്നോ​ട് ഒ​ച്ച​വെ​ച്ചു. സ്കൂ​ളി​ലൊ​ന്നും കാ​ര്യ​മാ​യി പ്രോ​ത്സാ​ഹ​ന​വും കി​ട്ടി​യി​ല്ല.

18ാം വ​യ​സ്സി​ലാ​ണ് പ്ര​ഫ​ഷ​ന​ലാ​യി പ​രി​ശീ​ല​നം തു​ട​ങ്ങി​യ​തെ​ന്നും നി​ത്യേ​ന 80 കി​ലോ​മീ​റ്റ​ർ പ​രി​ശീ​ല​ന​ത്തി​ന്​ മാ​ത്രം യാ​ത്ര ചെ​യ്തി​ട്ടു​ണ്ടെ​ന്നും പ്ര​ണ​വ് പ​റ​യു​ന്നു. മാ​താ​പി​താ​ക്ക​ളാ​യ പ്ര​മോ​ദ് ഗു​രാ​വ്, സു​വ​ർ​ണ ഗു​രാ​വ്, കോ​ച്ച് അ​ര​വി​ന്ദ് സാ​വ​ൻ, സു​ഹൃ​ത്തു​ക്ക​ൾ, സ​ഹ​പ്ര​വ​ർ​ത്ത​ക​ർ തു​ട​ങ്ങി​യ​വ​രു​ടെ പി​ന്തു​ണ​യാ​ണ് പ്ര​ണ​വി​ന്‍റെ ഊ​ർ​ജം.