ബംഗളൂരുവിനെ വീഴ്ത്തി ഈസ്റ്റ് ബംഗാൾ

ബംഗളൂരു: ഐ.എസ്.എല്ലിൽ ഈസ്റ്റ് ബംഗാളിന് രണ്ടാം ജയം. ബംഗളൂരു എഫ്.സിയെയാണ് കൊൽക്കത്തക്കാർ ഏകപക്ഷീയമായ ഒരു ഗോളിന് അട്ടിമറിച്ചത്.

മുൻ ബംഗളൂരു താരം ക്ലെയ്റ്റൺ സിൽവയാണ് 69ാം മിനിറ്റിൽ ഗോൾ നേടിയത്. ഇതോടെ ബംഗളൂരുവിനെ പിന്തള്ളി ഈസ്റ്റ് ബംഗാൾ എട്ടാംസ്ഥാനത്തേക്ക് കയറി. ഈസ്റ്റ് ബംഗാളിന് ആറു കളികളിൽ ആറു പോയന്റാണുള്ളത്. അഞ്ചു മത്സരങ്ങളിൽ നാലു പോയന്റുമായി ബംഗളൂരു ഒമ്പതാമതാണ്.