ജിതിൻ വെറും അസിസ്റ്റല്ല അസറ്റാണ്

മ​ല​പ്പു​റം: ഡ്യൂ​റ​ൻ​ഡ് ക​പ്പി​ന് പി​ന്നാ​ലെ ഐ.​എ​സ്.​എ​ൽ കി​രീ​ട​മോ​ഹ​വു​മാ​യെ​ത്തി​യ നോ​ർ​ത്ത് ഈ​സ്റ്റ് എ​ഫ്.​സി​യു​ടെ മു​ന്നേ​റ്റ നി​ര​യി​ൽ അ​സി​സ്റ്റു​ക​ളു​ടെ തോ​ഴ​നാ​യ ഒ​രു മ​ല​യാ​ളി​യു​ണ്ട്. സീ​സ​ണി​ൽ ഏ​റ്റ​വും കൂ​ടു​ത​ൽ അ​സി​സ്റ്റു​ക​ൾ ന​ൽ​കി​യ​വ​രു​ടെ പ​ട്ടി​ക​യി​ൽ ര​ണ്ടാ​മ​തു​ള്ള തൃ​ശ്ശൂ​ർ ഒ​ല്ലൂ​ർ സ്വ​ദേ​ശി എം.​എ​സ്. ജി​തി​ൻ. 14 മ​ത്സ​ര​ങ്ങ​ളി​ൽ നി​ന്നാ​യി അ​ഞ്ച് ഗോ​ളു​ക​ൾ​ക്കാ​ണ് ജി​തി​ൻ വ​ഴി​യൊ​രു​ക്കി​യ​ത്. കൂ​ടാ​തെ ചൊ​വ്വാ​ഴ്ച ന​ട​ന്ന എ​ഫ്.​സി ഗോ​വ​ക്കെ​തി​രെ​യു​ള്ള മ​ത്സ​ര​ത്തി​ൽ മ​നോ​ഹ​ര​മാ​യൊ​രു ഗോ​ൾ നേ​ടാ​നും താ​ര​ത്തി​നാ​യി. വി​ങ്ങു​ക​ളി​ലൂ​ടെ നി​ര​ന്ത​ര ആ​ക്ര​മ​ണം ന​ട​ത്തി എ​തി​രാ​ളി​ക​ളു​ടെ ഗോ​ൾ​മു​ഖ​ത്ത് നി​ര​ന്ത​രം ഭീ​തി സൃ​ഷ്ടി​ക്കു​ന്ന ജി​തി​ന്റെ ക​ളി മ​നോ​ഹ​ര​മാ​യൊ​രു നൃ​ത്തം പോ​ലെ​യാ​ണ്. ഗോ​ള​ടി​പ്പി​ക്കാ​നെ​ന്ന പോ​ലെ ഗോ​ള​ടി​ച്ചും ആ​രാ​ധ​ക​ഹൃ​ദ​യം കീ​ഴ​ട​ക്കി​യ താ​രം.

2018ൽ ​കൊ​ൽ​ക്ക​ത്ത​യി​ൽ ന​ട​ന്ന സ​ന്തോ​ഷ് ട്രോ​ഫി ടൂ​ർ​ണ​മെ​ന്‍റി​ന്‍റെ ക​ലാ​ശ​പ്പോ​രാ​ട്ട​ത്തി​ൽ ആ​തി​ഥേ​യ​രാ​യ ബം​ഗാ​ളി​നെ തോ​ൽ​പി​ച്ച് കേ​ര​ളം കി​രീ​ടം ചൂ​ടി​യ​പ്പോ​ൾ ടോ​പ് സ്കോ​റ​റാ​യി​രു​ന്നു ജി​തി​ൻ. ആ ​മ​ത്സ​ര​ശേ​ഷം വീ​ണ്ടു​മൊ​രി​ക്ക​ൽ കൂ​ടി ജി​തി​ൻ സോ​ൾ​ട്ട്‌ ലേ​ക്ക് സ്റ്റേ‍ഡി​യ​ത്തെ വി​റ​പ്പി​ച്ചു. ക​ഴി​ഞ്ഞ സീ​സ​ൺ ഡ്യു​റാ​ൻ​ഡ് ക​പ്പ് ഫൈ​ന​ലി​ൽ കൊ​ൽ​ക്ക​ത്ത മോ​ഹ​ൻ ബ​ഗാ​നെ തോ​ൽ​പി​ച്ച് നോ​ർ​ത്ത് ഈ​സ്റ്റ് യു​ണൈ​റ്റ​ഡ് കി​രീ​ടം ചൂ​ടി​യ​പ്പോ​ഴും ടൂ​ർ​ണ​മെ​ന്റി​ലെ മി​ക​ച്ച താ​ര​മാ​യി ത​ല​യു​യ​ർ​ത്തി നി​ന്നു ഈ ​ഇ​രു​പ​ത്തി​യാ​റു​കാ​ര​ൻ. ഡ്യു​റാ​ൻ​ഡ് ക​പ്പി​ൽ നാ​ല് ഗോ​ളു​ക​ൾ നേ​ടു​ക​യും മൂ​ന്ന് ഗോ​ളു​ക​ൾ​ക്ക് വ​ഴി​യൊ​രു​ക്കു​ക​യും ചെ​യ്ത ജി​തി​ൻ നോ​ർ​ത്ത് ഈ​സ്റ്റി​ന് സ​മ്മാ​നി​ച്ച​ത് ക്ല​ബ് ച​രി​ത്ര​ത്തി​ലെ ആ​ദ്യ മേ​ജ​ർ കി​രീ​ടം.

എ​ഫ്.​സി കേ​ര​ള​ക്ക് വേ​ണ്ടി പ​ന്ത് ത​ട്ടി തു​ട​ങ്ങി​യ ജി​തി​ൻ കേ​ര​ള ബ്ലാ​സ്റ്റേ​ഴ്സി​ന്‍റെ റി​സ​ർ​വ് ടീ​മി​നാ​യും ബൂ​ട്ടു​കെ​ട്ടി​യി​ട്ടു​ണ്ട്. എ​ഫ്.​സി കേ​ര​ള​യി​ൽ നി​ന്ന് 2018 ലാ​യി​രു​ന്നു കേ​ര​ള ബ്ലാ​സ്റ്റേ​ഴ്സി​ലെ​ത്തി​യ​ത്. 2019 ൽ ​ഐ ലീ​ഗ് ക്ല​ബ്ബാ​യ ഗോ​കു​ലം കേ​ര​ള​യി​ലെ​ത്തി​യ ശേ​ഷം ര​ണ്ട് കീ​രീ​ട​നേ​ട്ട​ത്തി​ലും ജി​തി​ൻ പ​ങ്കാ​ളി​യാ​യി. 2021-22 സീ​സ​ൺ ഐ ​ലീ​ഗി​ലെ മി​ക​ച്ച മ​ധ്യ​നി​ര താ​ര​ത്തി​നു​ള്ള പു​ര​സ്കാ​ര​വും തേ​ടി​യെ​ത്തി. അ​വി​ടെ നി​ന്നാ​ണ് ജി​തി​ൻ വ​ട​ക്ക് കി​ഴ​ക്ക​ൻ ദേ​ശ​ത്തേ​ക്ക് വാ​ഹ​നം ക​യ​റി​യ​ത്. 2022 മു​ത​ൽ നോ​ർ​ത്ത് ഈ​സ്റ്റ് ആ​ക്ര​മ​ണ​നി​ര​യി​ൽ നി​ല​കൊ​ള്ളു​ന്ന താ​രം എ​തി​ർ​ടീ​മി​ന്‍റെ എ​ക്കാ​ല​ത്തെ​യും പേ​ടി​സ്വ​പ്ന​വു​മാ​ണ്.