ചെ​ങ്ക​ട​ൽ ക​ര​ൾ​ക​വ​ർ​ന്ന രാ​വി​ൽ; 20 ലീ​ഗ് കി​രീ​ട​മെ​ന്ന യു​നൈ​റ്റ​ഡി​ന്റെ റെ​ക്കോ​ഡി​നൊ​പ്പ​മെ​ത്തി ലി​വ​ർ​പൂ​ൾ

ആ​ൻ​ഫീ​ൽ​ഡി​ലെ നീ​ലാ​കാ​ശം ഇ​ന്ന​ലെ സൂ​ര്യാ​സ്ത​മ​യ​ത്തി​ന് മു​മ്പേ ചെ​ഞ്ചാ​യ​മ​ണി​ഞ്ഞി​രു​ന്നു. മേ​ഴ്സി ന​ദി​ക്ക​ര​യി​ൽ വി​ജ​യ​സോ​പ​ന​ത്തി​ന്‍റെ ഒ​രു ആ​ന​ന്ദ​നൗ​ക ന​ങ്കൂ​ര​മി​ട്ടു. അ​തി​ൽ​നി​ന്ന് അ​ർ​നെ സ്ലോ​ട്ടെ​ന്ന ക​പ്പി​ത്താ​നും സ​ഹ​യാ​ത്രി​ക​രും കാ​ണാ​നെ​ത്തി​യ പ​തി​നാ​യി​ര​ങ്ങ​ൾ​ക്ക് ഹൃ​ദ​യാ​ഭി​വാ​ദ്യ​ങ്ങ​ൾ നേ​ർ​ന്നു. കാ​ൽ​പ​ന്തി​നെ ഹൃ​ദ​യ​താ​ള​മാ​ക്കി​യ ആ ​നാ​ട്ടി​ൽ ഇം​ഗ്ലീ​ഷ് താ​ര രാ​ജ​ക്ക​ന്മാ​രു​ടെ പ​ട്ടാ​ഭി​ഷേ​കം. അ​ഞ്ച് വ​ർ​ഷ​ത്തെ ഇ​ട​വേ​ള​ക്കു​ശേ​ഷം പ്രീ​മി​യ​ർ ലീ​ഗ് കി​രീ​ട​ത്തി​ൽ ലി​വ​ർ​പൂ​ളി​ന്‍റെ വി​ജ​യ​മു​ത്തം.

അ​ടു​ത്ത ത​വ​ണ ഒ​ന്നാ​മ​തെ​ത്തു​മെ​ന്ന മു​ൻ മാ​നേ​ജ​ർ യാ​ർ​ഗ​ൻ ക്ലോ​പ്പി​ന്‍റെ വാ​ക്ക് അ​ക്ഷ​രം​പ്ര​തി പു​ല​ർ​ന്നി​രി​ക്കു​ന്നു. നാ​ലു ക​ളി​ക​ൾ അ​വ​ശേ​ഷി​ക്കെ​യാ​ണ് ചു​വ​പ്പ​ൻ പ​ട​യു​ടെ കി​രീ​ട​ധാ​ര​ണം. 34 ക​ളി​ക​ളി​ൽ 25 ജ​യ​വും ഏ​ഴു സ​മ​നി​ല​യു​മാ​യി 82 പോ​യ​ന്റു​ക​ൾ. ര​ണ്ടാ​മ​തു​ള്ള ആ​ഴ്സ​ന​ലി​നെ​ക്കാ​ൾ 15 പോ​യ​ന്‍റി​ന്‍റെ ആ​ധി​കാ​രി​ക ലീ​ഡ്.

മു​പ്പ​ത് വ​ർ​ഷ​ത്തെ ഇ​ട​വേ​ള​ക്കു​ശേ​ഷം 2020 ൽ ​ലി​വ​ർ​പൂ​ൾ പ്രീ​മി​യ​ർ ലീ​ഗ് കി​രീ​ടം തി​രി​ച്ചു​പി​ടി​ച്ച​പ്പോ​ൾ ആ​ൻ​ഫീ​ൽ​ഡി​ൽ ആ​ള​ന​ക്ക​മു​ണ്ടാ​യി​രു​ന്നി​ല്ല. കോ​വി​ഡ് നി​യ​ന്ത്ര​ണ​ങ്ങ​ളാ​ണ് അ​ന്ന​ത്തെ ആ​ഘോ​ഷ പ​രി​പാ​ടി​ക​ളി​ൽ​നി​ന്ന് ആ​രാ​ധ​ക​രെ അ​ക​റ്റി​നി​ർ​ത്തി​യ​ത്. എ​ന്നാ​ൽ, അ​ഞ്ച് വ​ർ​ഷ​ങ്ങ​ൾ​ക്കി​പ്പു​റം അ​തേ ആ​ൻ​ഫീ​ൽ​ഡി​ന്‍റെ മ​ണ്ണി​ൽ സ്വ​ന്തം ആ​രാ​ധ​ക​രെ​യും ആ​ർ​പ്പു​വി​ളി​ക​ളെ​യും സാ​ക്ഷി​യാ​ക്കി​യാ​ണ് ചെ​മ്പ​ട​യു​ടെ വി​ജ​യ​ഗാ​ഥ.

20 ഇം​ഗ്ലീ​ഷ് ലീ​ഗ് കി​രീ​ട​മെ​ന്ന മാ​ഞ്ച​സ്റ്റ​ർ യു​നൈ​റ്റ​ഡി​ന്റെ റെ​ക്കോ​ഡി​നൊ​പ്പ​മെ​ത്താ​നും ഇ​തോ​ടെ ലി​വ​ർ​പൂ​ളി​നാ​യി. പ്രീ​മി​യ​ർ ലീ​ഗി​ൽ ചു​മ​ത​ല​യേ​റ്റ ആ​ദ്യ സീ​സ​ണി​ൽ​ത​ന്നെ ടീ​മി​നെ ചാ​മ്പ്യ​ന്മാ​രാ​ക്കി​യ​വ​രു​ടെ പ​ട്ടി​ക​യി​ൽ അ​ഞ്ചാ​മ​നാ​യി മാ​നേ​ജ​ർ ആ​ർ​നെ സ്ലോ​ട്ട്. ത​ന്‍റെ 32ാം വ​യ​സ്സി​ലും 28 ഗോ​ളും 18 അ​സി​സ്റ്റു​മാ​യി ലീ​ഗി​ലെ ടോ​പ് സ്കോ​റ​റാ​യ ഈ​ജി​പ്ഷ്യ​ന്‍ സ്‌​ട്രൈ​ക്ക​ര്‍ മു​ഹ​മ്മ​ദ് സ​ല ടീ​മി​ന്‍റെ കു​തി​പ്പി​ന് ഊ​ര്‍ജം പ​ക​ര്‍ന്നു.

ഗോ​ൾ​വ​ല​ക്ക് മു​ന്നി​ൽ ചോ​രാ​ത്ത കൈ​ക​ളു​മാ​യി അ​ലി​സ​ൺ ബ​ക്ക​ർ, പ്ര​തി​രോ​ധ കോ​ട്ട​കെ​ട്ടാ​ൻ വാ​ൻ​ഡൈ​ക്കും ഇ​ബ്രാ​ഹീം കൊ​നാ​റ്റ​യും വി​ങ്ങു​ക​ളി​ൽ ആ​ക്ര​മ​ണ​ത്തി​ന് ച​ര​ട് വ​ലി​ച്ച് അ​ർ​നോ​ൾ​ഡും റോ​ബോ​ർ​ട്ട്സ​ണും മ​ധ്യ​നി​ര​യി​ൽ ക​ളി മെ​ന​ഞ്ഞ​ത് മാ​ക് അ​ലി​സ്റ്റ​ർ, സോ​ബ​സ്ലാ​യി, ഗ്രാ​വ​ൻ​ബെ​ർ​ച്ച് സ​ഖ്യം, മു​ന്നേ​റ്റ​ത്തി​ൽ സ​ലാ​ഹി​നൊ​പ്പം ഡ​യ​സും ഗാ​പ്കോ​യും നൂ​ന​സും, പ​ക​ര​ക്കാ​രാ​യി​റ​ങ്ങാ​ൻ എ​ലി​യ​റ്റും ജോ​ട്ട​യും ജോ​ൺ​സും എ​ൻ​ഡോ​യു​മു​ൾ​പ്പ​ടെ​യു​ള്ള പ​രി​ച​യ​വും യു​വ​ത്വ​വും സ​മ്മേ​ളി​ച്ച​വ​ർ.

പ്ര​തി​ഭ​ക​ളു​ടെ ഈ ​നീ​ണ്ട നി​ര​ത​ന്നെ​യാ​ണ് ആ​ൻ​ഫീ​ൽ​ഡി​ലെ വി​ജ​യ​സ്വ​പ്ന​ങ്ങ​ൾ​ക്ക് ചി​റ​കു​മു​ള​പ്പി​ച്ച​ത്. അ​ഞ്ചാം കി​രീ​ട മോ​ഹ​വു​മാ​യി എ​ത്തി​യ പെ​പ് ഗ്വാ​ര്‍ഡി​യോ​ള​യു​ടെ മാ​ഞ്ചെ​സ്റ്റ​ര്‍ സി​റ്റി​ക്കാ​യി​രു​ന്നു ഇ​ത്ത​വ​ണ​യും സാ​ധ്യ​ത ക​ൽ​പി​ക്ക​പ്പെ​ട്ടി​രു​ന്ന​ത്. എ​ന്നാ​ൽ, ആ​ദ്യ​ത്തെ 13 ക​ളി​ക​ളി​ല്‍ 11ലും ​ജ​യി​ച്ച് ലി​വ​ർ​പൂ​ൾ കൊ​ടു​ങ്കാ​റ്റാ​യ​പ്പോ​ൾ സി​റ്റി​യും ആ​ഴ്സ​ന​ലും ചെ​ല്‍സി​യും കാ​ഴ്ച​ക്കാ​രാ​യി മാ​റി.

ഞ​ങ്ങ​ളാ​ണ് വി​ജ​യി​ക​ൾ, ഞാ​ൻ സ​ന്തു​ഷ്ട​നാ​ണ്

‘ഞ​ങ്ങ​ളാ​ണ് വി​ജ​യി​ക​ൾ ഞാ​ന​തി​ൽ സ​ന്തു​ഷ്ട​നാ​ണ്’ തി​ങ്ങി​നി​റ​ഞ്ഞ ആ​ൻ​ഫീ​ൽ​ഡി​നെ സാ​ക്ഷി​യാ​ക്കി കു​ഞ്ഞു ഐ​സ​ക് വൈ​കാ​രി​ക​മാ​യി പ​റ​ഞ്ഞു. ക്ല​ബി​നോ​ടു​ള്ള ആ​രാ​ധ​ന​യും ക​ളി​ക്കാ​രു​മാ​യു​ള്ള ഹൃ​ദ​യ​സ്പ​ർ​ശി​യാ​യ ബ​ന്ധ​വും​കൊ​ണ്ട് ലോ​ക​മെ​മ്പാ​ടു​മു​ള്ള ലി​വ​ർ​പൂ​ൾ ആ​രാ​ധ​ക​രു​ടെ ഹൃ​ദ​യം ക​വ​ർ​ന്ന​വ​നാ​ണ് ഐ​സ​ക് കി​യാ​ർ​ണി.

ആ​റു​വ​യ​സ്സു​ള്ള അ​വ​ന് അ​പൂ​ർ​വ​മാ​യ ഒ​രു ജ​നി​ത​ക വൈ​ക​ല്യ​മു​ണ്ട്. എ​ന്നാ​ൽ, വൈ​ക​ല്യ​ത്തെ അ​തി​ജീ​വി​ച്ച അ​വ​ന്‍റെ നി​ഷ്ക​ള​ങ്ക​മാ​യ സ്നേ​ഹ​പ്ര​ക​ട​ന​ങ്ങ​ൾ ലി​വ​ർ​പൂ​ൾ എ​ഫ്‌.​സി​യു​ടെ ഔ​ദ്യോ​ഗി​ക പേ​ജു​ക​ളി​ൽ ഇ​ട​ക്കി​ടെ വ​രാ​റു​ണ്ട്. ക​ളി​പ്പാ​ട്ട ഗി​റ്റാ​ർ ഉ​പ​യോ​ഗി​ച്ച് ലി​വ​ർ​പൂ​ൾ ഗാ​ന​ങ്ങ​ൾ ആ​ല​പി​ക്കു​ന്ന വി​ഡി​യോ​ക​ൾ വൈ​റ​ലാ​യ​തി​നു ശേ​ഷം സ​മൂ​ഹ​മാ​ധ്യ​മ​ങ്ങ​ളി​ലും ഐ​സ​കി​ന് വ​ലി​യ പി​ന്തു​ണ​യാ​ണു​ണ്ടാ​യ​ത്.

ക​ഴി​ഞ്ഞ ക്രി​സ് മ​സി​ന് ലി​വ​ർ​പൂ​ൾ ക്യാ​പ്റ്റ​ൻ വാ​ൻ​ഡൈ​ക്കും സ​ലാ​ഹും അ​വ​നെ തേ​ടി​യെ​ത്തി. അ​വ​ർ​ക്കൊ​പ്പം ക്ല​ബി​ലെ മ​റ്റു താ​ര​ങ്ങ​ളെ കാ​ണാ​ൻ പോ​യ വി​ഡി​യോ ദ​ശ​ല‍ക്ഷ ക്ക​ണ​ക്കി​ന് പേ​രാ​ണ് ക​ണ്ട​ത്. ലി​വ​ർ​പൂ​ളി​ന്‍റെ വി​ജ​യ​ത്തി​ൽ ക​ളി​ക്കാ​രെ​പോ​ലെ താ​ര​മാ​യി​രി​ക്കു​ക​യാ​ണ് ഐ​സ​ക് കി​യാ​ർ​ണി​യും.