വലതുവിങ്ങിൽ മിന്നലായ ​കേരള മ്യൂളർ

കൊ​ല്ലം: ഹാ​ഫ്​ വോ​ളി ആ​യാ​ലും ഫു​ൾ വോ​ളി ആ​യാ​ലും, കൂ​ട്ടു​കാ​ർ നീ​ട്ടി​യെ​ത്തി​ക്കു​ന്ന പ​ന്ത്​ എ​തി​രാ​ളി​യു​ടെ കോ​ട്ട ത​ക​ർ​ത്ത്​ വ​ല​ക്കു​ള്ളി​ലാ​ക്കി​യി​രി​ക്കും. ഏ​ത്​ ഫു​ട്​​ബാ​ൾ ഗ്രൗ​ണ്ടി​ലും വ​ല​തു​വി​ങ്ങി​ൽ എ. ​ന​ജി​മു​ദ്ദീ​ന്‍റെ മാ​ന്ത്രി​ക ബൂ​ട്ടു​ക​ൾ ന​ൽ​കി​യ ഉ​റ​പ്പ്​ അ​താ​യി​രു​ന്നു. നി​മി​ഷ​നേ​രം കൊ​ണ്ട്​ കു​തി​ച്ചു​പാ​ഞ്ഞ്​ ആ ​കാ​ലു​ക​ൾ മു​ന്നേ​റു​മ്പോ​ൾ വ​ല​ക്കു​ള്ളി​ൽ ബോം​ബു​ക​ളാ​യി പ​റ​ന്നി​റ​ങ്ങു​ന്ന പ​ന്ത്​ ആ​യി​രു​ന്നു എ​തി​രാ​ളി​ക​ൾ പി​ന്നീ​ട്​ ക​ണ്ടി​രു​ന്ന കാ​ഴ്ച.

കേ​ര​ള​ത്തി​ന്‍റെ​യും ഇ​ന്ത്യ​യു​ടെ​യും ടൈ​റ്റാ​നി​യ​ത്തി​ന്‍റെ​യും മു​ന്നേ​റ്റ​നി​ര​യി​ൽ മി​ന്ന​ലാ​യി കു​തി​ച്ച ആ ​കാ​ലു​ക​ൾ നി​ശ്ച​ല​മാ​കു​മ്പോ​ൾ, കേ​ര​ള ഫു​ട്​​ബാ​ളി​ൽ സു​വ​ർ​ണ ച​രി​ത്രം എ​ഴു​തി​ച്ചേ​ർ​ത്തൊ​രു മാ​ന്ത്രി​ക​ൻ കൂ​ടി​യാ​ണ്​ വി​ട​പ​റ​യു​ന്ന​ത്. ​കേ​ര​ള​ത്തി​ന്​ ആ​ദ്യ സ​ന്തോ​ഷ്​ ട്രോ​ഫി സ​മ്മാ​നി​ച്ച നേ​ട്ട​ത്തി​ൽ തു​ട​ങ്ങി സം​സ്ഥാ​ന ടീ​മി​ന്‍റെ ക്യാ​പ്​​റ്റ​നാ​യും ഇ​ന്ത്യ​ൻ കു​പ്പാ​യ​മ​ണി​ഞ്ഞ രാ​ജ്യാ​ന്ത​ര താ​ര​മാ​യും അ​ദ്ദേ​ഹം വ​ള​ർ​ന്നു.

കാ​യി​ക​നേ​ട്ട​ങ്ങ​ളാ​ൽ സ​മ്പ​ന്ന​മാ​യ കൊ​ല്ല​ത്തി​ന്‍റെ മ​ണ്ണ്​ കേ​ര​ള​ത്തി​ന്​ സ​മ്മാ​നി​ച്ച പ്ര​തി​ഭ​യാ​യാ​ണ്​ 1973ൽ ​കേ​ര​ള സ​ന്തോ​ഷ്​ ട്രോ​ഫി ടീ​മി​ൽ എ. ​ന​ജി​മു​ദ്ദീ​ൻ എ​ന്ന 19കാ​ര​ൻ എ​ത്തി​യ​ത്. ആ ​കാ​ൽ​വെ​പ്പി​ലേ​ക്കു​ള്ള ക​ഥ തു​ട​ങ്ങി​യ​താ​ക​ട്ടെ, 1966ലും. ​അ​ക്കൊ​ല്ല​മാ​ണ്​ സ​ന്തോ​ഷ്​ ട്രോ​ഫി​ക്ക്​ കൊ​ല്ലം ആ​തി​ഥ്യ​മ​രു​ളി​യ​ത്. ലാ​ൽ ബ​ഹ​ദൂ​ർ ശാ​സ്ത്രി സ്​​റ്റേ​ഡി​യ​ത്തി​ൽ മു​ള ഗാ​ല​റി​യി​ലി​രു​ന്ന്​ ഫു​ട്​​ബാ​ൾ ക​ണ്ട്​ ഹ​രം​ക​യ​റി​യ കു​ട്ടി​ക​ളു​ടെ കൂ​ട്ട​ത്തി​ൽ ന​ജി​മു​ദ്ദീ​നു​മു​ണ്ടാ​യി​രു​ന്നു.

തേ​വ​ള്ളി​യി​ൽ വീ​ടി​ന്​ സ​മീ​പ​ത്തു​ള്ള ബോ​യ്​​സ്​ എ​ച്ച്.​എ​സി​ലെ ഫു​ട്​​ബാ​ൾ ടീ​മി​ലേ​ക്കാ​ണ്​ ന​ജി​മു​ദ്ദീ​നെ​യും കൂ​ട്ടു​കാ​രെ​യും ആ ​ഹ​രം എ​ത്തി​ച്ച​ത്. എ​സ്.​എ​ൻ കോ​ള​ജ്​ പ​ഠ​ന​കാ​ല​ത്ത്​ കേ​ര​ള യൂ​നി​വേ​ഴ്​​സി​റ്റി​ക്കു​വേ​ണ്ടി ബൂ​ട്ടു​കെ​ട്ടി. 1972ൽ ​ജൂ​നി​യ​ർ നാ​ഷ​ന​ൽ​സ്​ സെ​മി​യി​ൽ ബം​ഗാ​ളി​നെ​തി​രെ ര​ണ്ട്​ ത​ക​ർ​പ്പ​ൻ ഗോ​ളു​ക​ളു​മാ​യി വ​ര​വ​റി​യി​ച്ച മു​ന്നേ​റ്റ​നി​ര​ക്കാ​ര​ൻ ടൈ​റ്റാ​നി​യം ടീ​മി​ന്‍റെ ക​ണ്ണി​ലു​ട​ക്കി.

പി​ന്നെ വൈ​കി​യി​ല്ല, ടൈ​റ്റാ​നി​യ​ത്തി​ൽ​നി​ന്ന്​ തേ​വ​ള്ളി പൈ​നും​മൂ​ട്ടി​ൽ വീ​ട്ടി​ലേ​ക്ക്​ ആ​ളെ​ത്തി. പ​ഠി​ക്കാ​നു​ള്ള ബു​ക്കു​ക​ളു​മാ​യി ഫു​ട്​​ബാ​ൾ ക്യാ​മ്പി​ലേ​ക്ക്​ പോ​യ ആ ​കൗ​മാ​ര​ക്കാ​ര​ന്​ പ​ക്ഷേ, ക്ലാ​സു​ക​ളി​ലേ​ക്ക്​ മ​ട​ങ്ങാ​ൻ സ​മ​യ​മു​ണ്ടാ​യി​ല്ല.

73ൽ ​കേ​ര​ള സ​ന്തോ​ഷ്​ ട്രോ​ഫി ടീ​മി​ൽ കൊ​ല്ല​ത്തെ ക​ളി​ക്കൂ​ട്ടു​കാ​രാ​യ ടൈ​റ്റ​സ്​ കു​ര്യ​നും ജി. ​ര​വീ​ന്ദ്ര​ൻ നായർക്കുമൊ​പ്പം ടീ​മി​ലെ ‘ബേ​ബി’​ആ​യി എ​ത്തി​യ ന​ജി​മു​ദ്ദീ​ൻ, കി​രീ​ട നേ​ട്ട​ത്തോ​ടെ താ​ര​മാ​യി മാ​റി.

ക​ർ​ണാ​ട​ക​ക്കെ​തി​രെ ര​ണ്ടും ഡ​ൽ​ഹി​ക്കും ​ആ​​ന്ധ്ര​ക്കു​മെ​തി​​രെ ഓ​രോ ഗോ​ളും നേ​ടി മു​ന്നേ​റ്റ​ത്തി​ൽ ത​ക​ർ​ത്ത​ടി​ച്ച ന​ജി​മു​ദ്ദീ​ൻ, ഫൈ​ന​ലി​ൽ റെ​യി​ൽ​വേ​സി​നെ​തി​രെ 3-2 വി​ജ​യ​ത്തി​ൽ ക്യാ​പ്​​റ്റ​ൻ ടി.​കെ.​എ​സ്. മ​ണി അ​ടി​ച്ച ര​ണ്ട്​ ഗോ​ളു​ക​ൾ​ക്ക്​ പ​ന്തെ​ത്തി​ച്ച്​ ന​ട​ത്തി​യ പ്ര​ക​ട​ന​മാ​യി​രു​ന്നു

ഏ​റ്റ​വും കൈ​യ​ടി​നേ​ടി​യ​ത്. 1981 വ​രെ കേ​ര​ള സ​ന്തോ​ഷ്​ ട്രോ​ഫി ടീ​മി​ന്‍റെ കു​ന്ത​മു​ന​യാ​യി. 75ൽ ​മി​ക​ച്ച താ​ര​വു​മാ​യി. 79ൽ ​കോ​യ​മ്പ​ത്തൂ​ർ സ​ന്തോ​ഷ്​ ട്രോ​ഫി​യി​ൽ കേ​ര​ള​ത്തി​ന്‍റെ ക്യാ​പ്​​റ്റ​നാ​യി. ഇ​ന്ത്യ​ൻ കു​പ്പാ​യ​ത്തി​ൽ ഏ​താ​നും പോ​രാ​ട്ട​ത്തി​ൽ ഒ​തു​ങ്ങി ആ ​പ്ര​തി​ഭ.

നി​ര​ന്ത​രം അ​ന്വേ​ഷി​ച്ചെ​ത്തി​യ കൊ​ൽ​ക്ക​ത്ത​ൻ ക്ല​ബു​ക​ളു​ടെ ഫു​ട്​​ബാ​ൾ വ​മ്പി​ന്​ മു​ന്നി​ൽ കീ​ഴ​ട​ങ്ങാ​തെ ടൈ​റ്റാ​നി​യ​ത്തി​​ൽ ഉ​റ​ച്ചു​നി​ന്ന​ത്​ ദേ​ശീ​യ​കു​പ്പാ​യം അ​ണി​യു​ന്ന​തി​ന്‍റെ അ​വ​സ​ര​ങ്ങ​ൾ കു​റ​ച്ചു. ഡ്രി​ബ്ലി​ങ്​ വൈ​ഭ​വ​വും പ​ന്ത​ട​ക്ക​വും വേ​ഗ​വും വോ​ളി​ക​ൾ വ​ല​യി​ലെ​ത്തി​ക്കു​ന്ന കൃ​ത്യ​ത​യു​മെ​ല്ലാം​കൊ​ണ്ട്​ എ​തി​രാ​ളി​ക​ളു​ടെ പേ​ടി​സ്വ​പ്ന​മാ​യി മാ​റി​യ ന​ജി​മു​ദ്ദീ​ൻ, ജ​ർ​മ​ൻ ഇ​തി​ഹാ​സം ജെ​ർ​ഡ്​ മ്യൂ​ള​റു​മാ​യു​ള്ള ക​ളി​സാ​മ്യ​ത​യി​ൽ കേ​ര​ള മ്യൂ​ള​ർ എ​ന്ന വി​ളി​പ്പേ​ര്​ സ്വ​ന്ത​മാ​ക്കി.

ഫു​ട്​​ബാ​ളി​ന്‍റെ എ​ല്ലാ സ്കി​ല്ലും അ​ട​ങ്ങി​യ ക​ളി​യ​ഴ​ക്​ ആ​യി​രു​ന്നു ന​ജി​മു​ദ്ദീ​ന്‍റേ​തെ​ന്ന്​ ആ​ദ്യ സ​ന്തോ​ഷ്​ ട്രോ​ഫി ടീ​മി​ൽ ഒ​രു​മി​ച്ചു​ണ്ടാ​യി​രു​ന്ന ഗോ​ളി​യും സു​ഹൃ​ത്തു​മാ​യ ജി. ​ര​വീ​ന്ദ്ര​ൻ നാ​യ​ർ പ​റ​യു​ന്നു. 20 കൊ​ല്ലം നീ​ണ്ട ടൈ​റ്റാ​നി​യം ടീ​മി​ലെ ക​ളി​ക്കാ​ര​ന്‍റെ കു​പ്പാ​യ​മ​ഴി​ച്ച ശേ​ഷ​വും ടീം ​കോ​ച്ചാ​യും മാ​നേ​ജ​രാ​യും തു​ട​ർ​ന്ന ന​ജി​മു​ദ്ദീ​ൻ, ആ​രോ​ഗ്യം മോ​ശ​മാ​കു​ന്ന​തു​വ​രെ​യും ഫു​ട്​​ബാ​ളി​നെ നെ​ഞ്ചോ​ട്​ ചേ​ർ​ത്തു.

കേ​ര​ളം ക​ണ്ട എ​ണ്ണം​പ​റ​ഞ്ഞ ഫു​ട്​​ബാ​ള​ർ എ​ന്ന നേ​ട്ടം സ്വ​ന്ത​മാ​ക്കി​യി​ട്ടും, അ​ടി​ച്ചു​കൂ​ട്ടി​യ ഗോ​ളു​ക​ൾ എ​ത്ര​യെ​ന്നു​പോ​ലും എ​ഴു​തി​സൂ​ക്ഷി​ക്കാ​തെ അ​ദ്ദേ​ഹം യാ​ത്ര​യാ​കു​മ്പോ​ൾ ആ ​ചാ​ട്ടു​ളി​യു​ടെ ഓ​ർ​മ​ക​ളും ഒ​രു​പാ​ട്​ പു​തി​യ​താ​ര​ങ്ങ​ൾ​ക്ക്​ വ​ഴി​യൊ​രു​ക്കി​യ ഫു​ട്​​ബാ​ൾ സ്​​നേ​ഹ​വും മാ​ത്രം ബാ​ക്കി.