സന്തോഷ് ട്രോഫി: ആദ്യ മത്സരത്തിൽ കേരളം ഇന്ന് റെയിൽവേസിനെതിരെ

കോ​ഴി​ക്കോ​ട്: ​ഗ്രൗ​ണ്ട് പ​രി​ച​യ​ത്തി​ന്റെ​യും മി​ക​ച്ച സ്ക്വാ​ഡി​ന്റെ​യും ആ​ത്മ​വി​ശ്വാ​സ​ത്തി​ൽ സ​ന്തോ​ഷ് ട്രോ​ഫി ഗ്രൂ​പ് എ​ച്ചി​ൽ ത​ങ്ങ​ളു​ടെ ആ​ദ്യ മ​ത്സ​ര​ത്തി​ൽ കേ​ര​ള ടീം ​ബു​ധ​നാ​ഴ്ച റെ​യി​ൽ​വേ​സി​നെ നേ​രി​ടും. കോ​ർ​പ​റേ​ഷ​ൻ സ്റ്റേ​ഡി​യ​ത്തി​ൽ വൈ​കീ​ട്ട് 3.30നാണ് ക​ളി. ടീം ​പ്ര​ഖ്യാ​പ​ന​ത്തി​നു​ശേ​ഷം ന​ട​ന്ന ആ​ദ്യ പ്രാ​ക്ടീ​സ് മാ​ച്ചി​ൽ​ത​ന്നെ ഒ​ത്തി​ണ​ക്ക​വും ടീം ​സ്പി​രി​റ്റും നേ​ടി​യാ​ണ് ആ​തി​ഥേ​യ​ർ റെ​യി​ൽ​വേ​സി​നെ നേ​രി​ടു​ന്ന​ത്. ദേ​ശീ​യ​താ​ര​മാ​യ ഷി​ജു സ്റ്റീ​ഫ​ന്റെ നേ​തൃ​ത്വ​ത്തി​ലി​റ​ങ്ങു​ന്ന റെ​യി​ൽ​വേ​സി​നെ​തി​രെ സ​ർ​വ​സ​ന്നാ​ഹ​ത്തോ​ടെ​യു​മാ​ണ് അ​ഞ്ചു​ത​വ​ണ സ​ന്തോ​ഷ് ട്രോ​ഫി​ ഫുട്ബാളിൽ ക​ളി​ച്ച് പ​രി​ച​യ​മു​റ​പ്പി​ച്ച ജി. ​സ​ഞ്ജു​വി​ന് കീ​ഴി​ൽ കേ​ര​ള​ത്തി​ന്റെ വ​ര​വ്.

എ​ട്ടാം ത​വ​ണ സ​ന്തോ​ഷ് ട്രോ​ഫി കി​രീ​ടം പ്ര​തീ​ക്ഷി​ക്കു​ന്ന കേ​ര​ള ടീ​മി​ന്റെ ക​രു​ത്ത് ക​ളി​ക്കാ​രു​ടെ പ്രാ​യ​ക്കു​റ​വും മ​ത്സ​ര​ങ്ങ​ളി​ലെ പ​രി​ച​യ​വു​മാ​ണ്. ക​ഴി​ഞ്ഞ​വ​ർ​ഷം ഫൈ​ന​ൽ റൗ​ണ്ടി​ലേ​ക്ക് യോ​ഗ്യ​ത നേ​ടി​യ ടീം ​പ​ക്ഷേ ക്വാ​ർ​ട്ട​ർ ഫൈ​ന​ലി​ൽ മ​ട​ങ്ങി. കാ​ലി​ക്ക​റ്റ് എ​ഫ്.​സി​യു​ടെ ഗോ​ള​ടി​യ​ന്ത്രം ഗ​നി അ​ഹ​മ്മ​ദ് നി​ഗം ഉ​ൾ​പ്പെ​ടെ സൂ​പ്പ​ർ ലീ​ഗ് കേ​ര​ള​യി​ൽ ക​ളി​ച്ച എ​ട്ടു താ​ര​ങ്ങ​ളി​ലാ​ണ് പ്ര​ധാ​ന പ്ര​തീ​ക്ഷ. സൂ​പ്പ​ർ ലീ​ഗി​ൽ ഏ​റ്റ​വും കു​റ​ച്ച് ഗോ​ൾ വ​ഴ​ങ്ങി​യ ഫോ​ഴ്സ കൊ​ച്ചി​യു​ടെ ഗോ​ൾ​കീ​പ്പ​ർ പാ​ല​ക്കാ​ടു​കാ​ര​ൻ എ​സ്. ഹ​ജ്മ​ൽ സ്ക്വാ​ഡി​ന്റെ ഉ​പ​നാ​യ​ക​നു​മാ​ണ്. പ്ര​തി​രോ​ധ​നി​ര​യി​ലും മ​ധ്യ​നി​ര​യി​ലും ഏ​ഴു​പേ​രെ വീ​ത​വും അ​റ്റാ​ക്കി​ങ്ങി​ന് അ​ഞ്ചു​പേ​രെ​യു​മാ​ണ് കേ​ര​ളം കോ​ഴി​ക്കോ​ട്ട് ഒ​രു​ക്കി​നി​ർ​ത്തി​യ​ത്.

പ്ര​തി​രോ​ധ പ​ട്ടി​ക​യി​ൽ മു​ഹ​മ്മ​ദ് അ​സ് ലം, ​ജോ​സ​ഫ് ജ​സ്റ്റി​ൻ, ആ​ദി​ൽ അ​മ​ൽ, എം. ​മ​നോ​ജ്, പി.​ടി മു​ഹ​മ്മ​ദ് റി​യാ​സ്, ജി. ​സ​ഞ്ജു, മു​ഹ​മ്മ​ദ് മു​ഷ​റ​ഫ് എ​ന്നി​വ​രു​ണ്ട്. സ്‌​ട്രൈ​ക്ക​ർ​മാ​രാ​യ ഗ​നി നി​ഗം, വി. ​അ​ർ​ജു​ൻ, ടി. ​ഷി​ജി​ൻ, ഇ. ​സ​ജീ​ഷ്, മു​ഹ​മ്മ​ദ് അ​ജ്‌​സ​ൽ എ​ന്നി​വ​ർ ഏ​തു ദി​ശ​യി​ൽ​നി​ന്നും പ​ന്ത് വ​ല​യി​ലാ​ക്കാ​ൻ കെ​ൽ​പു​ള്ള​വ​രാ​ണ്. ക്രി​സ്റ്റി ഡേ​വി​സ്, മു​ഹ​മ്മ​ദ് അ​ഷ്‌​റ​ഫ്, പി.​പി. മു​ഹ​മ്മ​ദ് റോ​ഷ​ൽ, ന​സീ​ബ് റ​ഹ്മാ​ൻ, സ​ൽ​മാ​ൻ ക​ള്ളി​യ​ത്ത്, നി​ജോ ഗി​ൽ​ബ​ർ​ട്ട്, മു​ഹ​മ്മ​ദ് റി​ഷാ​ദ് ഗ​ഫൂ​ർ എ​ന്നി​വ​ർ മീ​ഡ്ഫീ​ൽ​ഡ​ർ​മാ​രാ​യു​ള്ള കേ​ര​ളം വി​ജ​യ​ത്തി​ൽ കു​റ​ഞ്ഞൊ​ന്നും പ്ര​തീ​ക്ഷി​ക്കു​ന്നി​ല്ല. 17 വ​യ​സ്സു​കാ​ര​ൻ മു​ഹ​മ്മ​ദ് റി​ഷാ​ദ് ഗ​ഫൂ​ർ കേ​ര​ള​ത്തി​ന്റെ പ്രാ​യം കു​റ​ഞ്ഞ താ​ര​മാ​ണ്. ഗ്രൂ​പ്പി​ലെ മ​റ്റൊ​രു മ​ത്സ​ര​ത്തി​ൽ രാ​വി​ലെ പു​തു​ച്ചേ​രി​യെ ല​ക്ഷ​ദ്വീ​പ് നേ​രി​ടും.

റെ‍യി​ൽ​വേ​സി​ൽ ആ​റ് മ​ല​യാ​ളം

ആ​റു മ​ല​യാ​ളി​ക​ളെ അ​ണി​ര​ത്തി റെ​യി​ൽ​വേ​സ് ബു​ധ​നാ​ഴ്ച കേ​ര​ള​ത്തി​നെ​തി​രെ ക​ള​ത്തി​ലി​റ​ങ്ങും. അ​സം, ക​ർ​ണാ​ട​ക, മ​ഹാ​രാ​ഷ്ട്ര, മ​ണി​പ്പൂ​ർ, പ​ഞ്ചാ​ബ് എ​ന്നി​വി​ട​ങ്ങ​ളി​ൽ​നി​ന്നു​ള്ള ഐ.​എ​സ്.​എ​ൽ താ​ര​ങ്ങ​ൾ ഉ​ൾ​പ്പെ​ടെ​യു​ള്ള​വ​രാ​ണ് ടീ​മി​ന്റെ ശ​ക്തി. തി​രു​വ​ന​ന്ത​പു​രം സ്വ​ദേ​ശി ഷി​ജു സ്റ്റീ​ഫ​നാ​ണ് റെ​യി​ൽ​വേ​സ് ക്യാ​പ്റ്റ​ൻ. പ്ര​തി​രോ​ധ​നി​ല​യി​ൽ ക്യാ​പ്റ്റ​നൊ​പ്പം മ​ല​പ്പു​റം സ്വ​ദേ​ശി പി. ​ഫ​സീ​നും സ്ട്രൈ​ക്ക​ർ പാ​ല​ക്കാ​ട് സ്വ​ദേ​ശി എ​സ്. ആ​ഷി​ഖും ക​ള​ത്തി​ലി​റ​ങ്ങും. ക​ണ്ണൂ​ർ സ്വ​ദേ​ശി സി​ദ്ധാ​ർ​ഥും ഗോ​ൾ​കീ​പ്പ​ർ പ​ട്ടി​ക​യി​ലു​ണ്ട്. തി​രു​വ​ന​ന്ത​പു​രം സ്വ​ദേ​ശി​യാ​യ ജോ​ൺ​സ​ൺ സെ​ൻ​ട്ര​ൽ വി​ങ്ങി​ലും മ​ല​പ്പു​റം സ്വ​ദേ​ശി അ​ബ്ദു​റ​ഹീം വ​ല​തു വി​ങ്ങി​ലും റെ​യി​ൽ​വേ​ക്കു​വേ​ണ്ടി ക​ള​ത്തി​ലി​റ​ങ്ങും.

കാ​ലി​ക്ക​റ്റ് യൂ​നി​വേ​ഴ്സി​റ്റി മു​ൻ ക്യാ​പ്റ്റ​നും അ​ഞ്ചു ത​വ​ണ സ​ന്തോ​ഷ് ട്രോ​ഫി താ​ര​വു​മാ​യ പി.​വി. വി​നോ​യ് സ​ഹ​പ​രി​ശീ​ല​ക​നും കേ​ര​ള അ​ണ്ട​ർ 23 മു​ൻ ക്യാ​പ്റ്റ​ൻ വി.​രാ​ജേ​ഷ് ടീം ​മാ​നേ​ജ​രു​മാ​ണ്.