ഐ.​എം വി​ജ​യ​ൻ പൊ​ലീ​സ് കു​പ്പാ​യ​മ​ഴി​ക്കു​ന്നു

മ​ല​പ്പു​റം: 1986 ൽ ​ന​ട​ന്ന കേ​ര​ള പൊ​ലീ​സ് ടീ​മി​ന് വേ​ണ്ടി​യു​ള്ള സെ​ല​ക്ഷ​ൻ ട്ര​യ​ൽ​സാ​ണ് രം​ഗം. മി​ക​വാ​ർ​ന്ന ക​ളി​യ​ട​വു​ക​ളും അ​സാ​മാ​ന്യ മെ​യ്‍വ​ഴക്ക​വും കാ​ലി​ലൊ​ളി​പ്പി​ച്ച് ച​ടു​ല നീ​ക്ക​ങ്ങ​ളോ​ടെ ക​ളി​ക്ക​ള​ത്തി​ൽ നൃ​ത്തം ച​വി​ട്ടി​യൊ​രു പ​തി​നേ​ഴു​കാ​ര​ൻ. അ​ന്ന് ഡി.​ജി.​പി​യാ​യി​രു​ന്ന എം.​കെ ജോ​സ​ഫി​ന് ആ ​ക​ളി​മി​ടു​ക്ക് ന​ന്നേ ബോ​ധി​ച്ചു.

പ​ക്ഷേ, 18 വ​യ​സ്സ് തി​ക​യാ​ത്ത​തി​നാ​ൽ ടി​മി​ലെ​ടു​ക്കാ​നാ​വി​ല്ല. അ​സാ​മാ​ന്യ​നാ​യ ആ ​കാ​യി​ക പ്ര​തി​ഭ​യെ ഒ​ഴി​വാ​ക്കാ​നു​മാ​വി​ല്ല. ആ​റു​മാ​സ​ത്തി​ല​ധി​കം അ​തി​ഥി താ​ര​മാ​യി പൊ​ലീ​സ് ടീ​മി​ൽ ക​ളി​ച്ചു. ‘വി​ജ​യ​ൻ എ​ന്നൊ​രു ക​ളി​ക്കാ​ര​ൻ പ​യ്യ​നു​ണ്ട്, പൊ​ലീ​സി​ന്റെ ഭാ​ഗ​മാ​ക്ക​ണം’- മു​ഖ്യ​മ​ന്ത്രി കെ. ​ക​രു​ണാ​ക​ര​നോ​ട് ശി​പാ​ർ​ശ ചെ​യ്‌​ത​തും എം.​കെ. ജോ​സ​ഫാ​ണ്. 1987ൽ ​കൃ​ത്യം 18 തി​ക​ഞ്ഞ​പ്പോ​ൾ അ​പ്പോ​യ്ന്റ്മെ​ന്റ് ഓ​ർ​ഡ​ർ കൈ​യി​ൽ കി​ട്ടി.

1987ൽ ​പൊ​ലീ​സ് കോ​ൺ​സ്റ്റ​ബി​ളാ​യി നി​യ​മ​നം. ഐ.​എം വി​ജ​യ​നെ​ന്ന പേ​രി​ൽ കാ​ൽ​പ​ന്ത് കൊ​ണ്ടെ​ഴു​തി​യ ഇ​തി​ഹാ​സ കാ​വ്യ​ത്തി​നൊ​ടു​വി​ൽ അ​ന്ന് കേ​ര​ള പൊ​ലീ​സി​ൽ പ​ന്ത് ത​ട്ടി തു​ട​ങ്ങി​യ ആ ​താ​രം നീ​ണ്ട 38 വ​ർ​ഷ​ക്കാ​ല​ത്തെ പൊ​ലീ​സ് ജീ​വി​ത​ത്തി​ൽ നി​ന്ന് അ​സി. ക​മാ​ൻ​ഡ​ന്റ​റാ​യി വി​ര​മി​ക്കു​ന്നു.

നാ​ല് പ​തി​റ്റാ​ണ്ടോ​ളം നീ​ണ്ട ഔ​ദ്യോ​ഗി​ക ജീ​വി​ത​ത്തി​നി​ട​യി​ൽ ര​ണ്ട് ത​വ​ണ​യാ​യി പ​ത്ത് വ​ർ​ഷ​ത്തി​ല​ധി​കം പ്ര​ഫ​ഷ​ന​ൽ ക്ല​ബു​ക​ളി​ൽ ക​ളി​ക്കാ​ൻ സ​ർ​വീ​സി​ൽ​നി​ന്ന് വി​ട്ടു​നി​ന്നു. വ​ർ​ഷ​ങ്ങ​ൾ​ക്കു​ശേ​ഷം എ.​എ​സ്.​ഐ​യാ​യി തി​രി​ച്ചെ​ത്തി​യ വി​ജ​യ​ൻ 2021ൽ ​എം.​എ​സ്.​പി അ​സി. ക​മാ​ൻ​ഡ​ന്റാ​യി. ഈ ​മാ​സം 30 നാ​ണ് കാ​ക്കി കു​പ്പാ​യ​മ‍ഴി​ക്കു​ന്ന​ത്.

പൊ​ലീ​സി​ന്റെ പൊ​ൻ​കാ​ലം

കേ​ര​ള പൊ​ലീ​സ് ടീ​മി​ന്റെ സു​വ​ർ​ണ​കാ​ല​ത്ത് ത​ന്നെ അ​തി​ന്റെ ഭാ​ഗ​മാ​കാ​ൻ ഐ.​എം വി​ജ​യ​ന് ക​ഴി​ഞ്ഞി​രു​ന്നു. അ​ക്കാ​ല​ത്ത് ഇ​ന്ത്യ​ൻ ടീ​മി​ലെ പ​കു​തി താ​ര​ങ്ങ​ളും പൊ​ലീ​സി​ൽ​നി​ന്നു​ള്ള​വ​രാ​യി​രു​ന്നു. 1984 ലാ​ണ് കേ​ര​ള പൊ​ലീ​സ് ഫു​ട്ബാ​ൾ ടീം ​തു​ട​ങ്ങു​ന്ന​ത് എ​ൺ​പ​തു​ക​ളു​ടെ അ​വ​സാ​നം മു​ത​ൽ തൊ​ണ്ണൂ​റു​ക​ളു​ടെ പ​കു​തി​വ​രെ ടീ​മി​ന്റെ പ്ര​താ​പ​കാ​ലം. 1990ൽ ​തൃ​ശൂ​രി​ലും 1991ൽ ​ക​ണ്ണൂ​രി​ലും ന​ട​ന്ന ഫെ​ഡ​റേ​ഷ​ൻ ക​പ്പി​ൽ കേ​ര​ള പൊ​ലീ​സ് കി​രീ​ടം ചൂ​ടി.

വി.​പി സ​ത്യ​ൻ, യു. ​ഷ​റ​ഫ​ലി, സി.​വി പാ​പ്പ​ച്ച​ൻ, കു​രി​കേ​ശ് മാ​ത്യു, കെ.​ടി ചാ​ക്കോ എ​ന്നി​വ​ർ​ക്കൊ​പ്പം അ​ന്ന​ത്തെ സു​വ​ർ​ണ​നി​ര​യി​ൽ വി​ജ​യ​നും ഇ​ടം പി​ടി​ച്ചു. ഇ​തി​നി​ടെ 1991ൽ ​കൊ​ൽ​ക്ക​ത്ത​ൻ ക്ല​ബ്ബാ​യ മോ​ഹ​ൻ​ബ​ഗാ​ന് വേ​ണ്ടി ക​ളി​ക്കാ​ൻ​പോ​യി. അ​ടു​ത്ത​വ​ർ​ഷം തി​രി​ച്ചു​വ​ന്നു.

1993ൽ ​സ​ന്തോ​ഷ് ട്രോ​ഫി കി​രീ​ടം​നേ​ടി​യ കേ​ര​ള ടീ​മി​ലും അം​ഗ​മാ​യി. അ​ധി​കം​വൈ​കാ​തെ വീ​ണ്ടും പ്ര​ഫ​ഷ​ണ​ൽ ക്ല​ബ്ബു​ക​ളി​ലേ​ക്ക് തി​രി​ച്ചു​പോ​യി. ഈ​സ്റ്റ് ബം​ഗാ​ൾ, ജെ.​സി.​ടി മി​ൽ​സ് എ​ന്വാ​ര, എ​ഫ്സി കൊ​ച്ചി​ൻ, ച​ർ​ച്ചി​ൽ (ബ്ര​ദേ​ഴ്സ് തു​ട​ങ്ങി​യ ടീ​മു​ക​ൾ​ക്കാ​യി ബൂ​ട്ടു​കെ​ട്ടി​യ ശേ​ഷം വീ​ണ്ടും കേ​ര​ള പൊ​ലീ​സി​ലേ​ക്ക്.

നീ​ല​ക്കു​പ്പാ​യ​ത്തി​ലെ വ്യാ​ഴ​വ​ട്ടം

1991ൽ ​തി​രു​വ​ന​ന്ത​പു​രം നെ​ഹ്റു ക​പ്പി​ൽ റു​മാ​നി​യ​ക്കെ​തി​രെ ഇ​ന്ത്യ​ൻ ജ​ഴ്സി​യി​ൽ അ​ര​ങ്ങേ​റ്റം ന​ട​ത്തി​യ വി​ജ​യ​ൻ 88 മ​ത്സ​ര​ങ്ങ​ളി​ൽ നി​ന്ന് നേ​ടി​യ​ത് 39 ഗോ​ളു​ക​ളാ​ണ്. 1998 ബാ​ങ്കോ​ക്ക് ഏ​ഷ്യ​ൻ ഗെ​യിം​സി​ലും 2000 ഏ​ഷ്യാ ക​പ്പി​ലു​മാ​യി ര​ണ്ട് ത​വ​ണ ഇ​ന്ത്യ​ൻ നാ​യ​ക​ക്കു​പ്പാ​യ​വു​മി​ട്ടു.

1999 സാ​ഫ് ക​പ്പി​ൽ വി​ജ​യി​ച്ച ഇ​ന്ത്യ​ൻ ടീ​മി​ന്റെ ഭാ​ഗ​മാ​യി​രു​ന്ന മ​ല​യാ​ളി സ്ട്രൈ​ക്ക​ർ, ടൂ​ർ​ണ​മെ​ന്റി​നി​ടെ കാ​യി​ക ച​രി​ത്ര​ത്തി​ലെ ഏ​റ്റ​വും വേ​ഗ​മേ​റി​യ അ​ന്താ​രാ​ഷ്ട്ര ഗോ​ളു​ക​ളി​ലൊ​ന്ന് നേ​ടി ച​രി​ത്ര​ത്തി​ന്റെ ഭാ​ഗ​മാ​യി. ഭൂ​ട്ടാ​നെ​തി​രെ മ​ത്സ​രം ആ​രം​ഭി​ച്ച് 12-ാം സെ​ക്ക​ന്റി​ലാ​ണ് അ​ദ്ദേ​ഹം ല​ക്ഷ്യം ക​ണ്ട​ത്. 1992, 1997, 2000 വ​ർ​ഷ​ങ്ങ​ളി​ൽ അ​ഖി​ലേ​ന്ത്യ ഫു​ട്ബാ​ൾ ഫെ​ഡ​റേ​ഷ​ന്റെ (എ.​ഐ.​എ​ഫ്.​എ​ഫ്) മി​ക​ച്ച താ​ര​ത്തി​നു​ള്ള അ​വാ​ർ​ഡും സ്വ​ന്ത​മാ​ക്കി.

2003-ലെ ​ആ​ഫ്രോ-​ഏ​ഷ്യ​ൻ ഗെ​യിം​സി​ൽ നാ​ലു ഗോ​ളു​ക​ൾ നേ​ടി ടോ​പ് സ്കോ​റ​റാ​യി. ആ ​ടൂ​ർ​ണ​മെ​ന്റി​ന് ശേ​ഷ​മാ​ണ് അ​ന്താ​രാ​ഷ്ട്ര ഫു​ട്ബാ​ളി​ൽ നി​ന്ന് ഔ​ദ്യോ​ഗി​ക​മാ​യി വി​ര​മി​ച്ച​ത്. 12 വ​ർ​ഷം ഇ​ന്ത്യ​യു​ടെ നീ​ല​ക്കു​പ്പാ​യ​ത്തി​ൽ ക​ളി​ക്ക​ളം അ​ട​ക്കി​വാ​ണ അ​ദ്ദേ​ഹം വി​ര​മി​ച്ച ശേ​ഷ​വും ഫു​ട്ബാ​ളി​നെ ചു​റ്റി​പ്പ​റ്റി​യാ​ണ് ജീ​വി​ക്കു​ന്ന​ത്. കേ​ര​ള പൊ​ലീ​സി​ന്റെ ഫു​ട്ബാ​ൾ ടീ​മി​ന്റെ നെ​ടും​തൂ​ണു​ക​ളി​ൽ ഒ​രാ​ളാ​യ വി​ജ​യ​നെ 2002ൽ ​അ​ർ​ജു​ന അ​വാ​ർ​ഡും 2025ൽ ​പ​ത്മ​ശ്രീ​യും ന​ൽ​കി രാ​ജ്യം ആ​ദ​രി​ച്ചു.