താ​ര​പ്ര​ഭ​യി​ല്ലാ​തെ അ​ത്‍ല​റ്റി​ക്സ് ടീം

കോ​ഴി​ക്കോ​ട്: ദേ​ശീ​യ ഗെ​യിം​സി​ൽ കേ​ര​ള​ത്തി​ന്റെ മെ​ഡ​ൽ പ്ര​തീ​ക്ഷ​ക​ൾ​ക്ക് തി​രി​ച്ച​ടി ന​ൽ​കി അ​ത്‍ല​റ്റി​ക്സി​ൽ​നി​ന്ന് പ്ര​മു​ഖ​രു​ടെ പി​ന്മാ​റ്റം. ക​ഴി​ഞ്ഞ ഗെ​യിം​സു​ക​ളി​ൽ സ്വ​ർ​ണ​മു​ൾ​പ്പെ​ടെ നേ​ടി​യ പ​ല​രും ഇ​ക്കു​റി ഉ​ത്ത​രാ​ഖ​ണ്ഡി​ൽ മ​ത്സ​രി​ക്കു​ന്നി​ല്ല. അ​ന്താ​രാ​ഷ്ട്ര മ​ത്സ​ര​ങ്ങ​ൾ ല​ക്ഷ്യ​മി​ട്ടാ​ണ് ഇ​വ​ർ മാ​റി​നി​ൽ​ക്കു​ന്ന​ത്. റി​ലേ ഒ​ഴി​കെ​യു​ള്ള ഇ​ന​ങ്ങ​ളി​ൽ പ​ങ്കെ​ടു​ക്കു​ന്ന താ​ര​ങ്ങ​ളു​ടെ പ​ട്ടി​ക ത​യാ​റാ​യി​ട്ടു​ണ്ട്.

ഒ​ളി​മ്പ്യ​ന്മാ​രാ​യ മു​ഹ​മ്മ​ദ് അ​ന​സ്, മു​ഹ​മ്മ​ദ് അ​ജ്മ​ൽ (ഇ​രു​വ​രും 400 മീ., 4x400 ​മീ. റി​ലേ), എം. ​ശ്രീ​ശ​ങ്ക​ർ (ലോ​ങ് ജം​പ്) തു​ട​ങ്ങി​യ​വ​രൊ​ന്നും പ​ട്ടി​ക​യി​ലി​ല്ല. ക​ഴി​ഞ്ഞ ഗെ​യിം​സു​ക​ളി​ൽ മെ​ഡ​ൽ നേ​ടി​യ ആ​ൻ​സി സോ​ജ​ൻ, മു​ഹ​മ്മ​ദ് അ​നീ​സ് (മൂ​വ​രും ലോ​ങ് ജം​പ്), ന​യ​ന ജെ​യിം​സ് (ലോ​ങ് ജം​പ്, ട്രി​പ്ൾ ജം​പ്) എ​ന്നി​വ​രും ഇ​ത്ത​വ​ണ ഇ​റ​ങ്ങി​ല്ല.

വ​നി​ത ട്രി​പ്ൾ ജം​പി​ൽ സ്വ​ർ​ണ​പ്ര​തീ​ക്ഷ​യാ​യ എ​ൻ.​വി ഷീ​ന, 400 മീ​റ്റ​റി​ൽ ഒ​ളി​മ്പ്യ​ൻ ജി​സ്ന മാ​ത്യു, 400 മീ. ​ഹ​ർ​ഡി​ൽ​സി​ൽ അ​നു രാ​ഘ​വ​ൻ, പോ​ൾ വോ​ൾ​ട്ടി​ൽ മ​രി​യ ജെ​യ്സ​ൺ എ​ന്നി​വ​രു​ണ്ട്. പു​രു​ഷ 110 മീ. ​ഹ​ർ​ഡി​ൽ​സി​ൽ മു​ഹ​മ്മ​ദ് ല​സാ​ൻ, ഡെ​ക്കാ​ത് ല​ണി​ൽ തൗ​ഫീ​ഖ്, ലോ​ങ് ജം​പി​ൽ സി.​വി അ​നു​രാ​ഗ്, 800 മീ​റ്റ​റി​ൽ സ​ഹോ​ദ​ര​ങ്ങ​ളാ​യ ജെ. ​ബി​ജോ​യ്, ജെ. ​റി​ജോ​യ്, 400 മീ​റ്റ​റി​ലും ഹ​ർ​ഡി​ൽ​സി​ലും അ​ർ​ജു​ൻ പ്ര​ദീ​പ്, എം. ​മ​നൂ​പ്, ഡി​സ്ക​സ് ത്രോ​യി​ൽ അ​ല​ക്സ് പി. ​ത​ങ്ക​ച്ച​ൻ തു​ട​ങ്ങി​യ​വ​ർ മ​ത്സ​രി​ക്കും.

വ​നി​ത ഹൈ​ജം​പി​ൽ ആ​തി​ര സോ​മ​രാ​ജ്, ഗാ​യ​ത്രി ശി​വ​കു​മാ​ർ, സ്പ്രി​ന്റി​ൽ ആ​ൻ​റോ​സ് ടോ​മി, 800 മീ​റ്റ​റി​ൽ പ്ര​സി​ല്ല ഡാ​നി​യ​ൽ, 400 മീ​റ്റ​റി​ൽ കെ. ​സ്നേ​ഹ, 400 മീ. ​ഹ​ർ​ഡി​ൽ​സി​ൽ ഡെ​ൽ​ന ഫി​ലി​പ് എ​ന്നി​വ​രും കേ​ര​ള​ത്തെ പ്ര​തി​നി​ധീ​ക​രി​ക്കും. ദേ​ശീ​യ ജൂ​നി​യ​ർ മീ​റ്റി​ലോ സ​ർ​വ​ക​ല​കാ​ശാ​ല ചാ​മ്പ്യ​ൻ​ഷി​പ്പു​ക​ളി​ലോ മി​ക​ച്ച പ്ര​ക​ട​നം കാ​ഴ്ച​വെ​ച്ച​വ​രാ​ണ് പ​ട്ടി​ക​യി​ലു​ള്ള​വ​രി​ല​ധി​ക​വും. റി​ലേ ടീ​മു​ക​ളെ ഇ​ന്ന് ട്ര​യ​ൽ​സി​ലൂ​ടെ തെ​ര​ഞ്ഞെ​ടു​ക്കും.