അടിച്ചു മോനേ, ഇനി ചാമ്പിക്കോ...

സാ​റ​ൻ​മാ​രേ, ഇ​നി ചാ​മ്പി​ക്കോ’....​ഹൈ ജം​പി​ൽ സ്വ​ർ​ണം നേ​ടി​യ ശേ​ഷം അ​ഭി​ന​വ്​ ശ്രീ​റാ​മി​ന്‍റെ ഡ​യ​ലോ​ഗാ​യി​രു​ന്നു ഇ​ത്. അ​വ​ന്‍റെ ആ​ഗ്ര​ഹം പോ​ലെ കാ​മ​റ ഫ്ലാ​ഷു​ക​ൾ മി​ന്നി. റി​പ്പോ​ർ​ട്ട​ർ​മാ​ർ വി​വ​ര​ങ്ങ​ളും ശേ​ഖ​രി​ച്ചു. ക​ഴി​ഞ്ഞ​ദി​വ​സം ലോ​ങ്​ ജം​പി​ൽ ര​ണ്ടാം​സ്ഥാ​ന​ക്കാ​ര​നാ​യ​തി​ന്‍റെ പേ​രി​ൽ അ​രി​കി​ലാ​ക്ക​പ്പെ​ട്ട​തി​ന്‍റെ വി​ഷ​മ​ത്തി​ലാ​യി​രു​ന്നു ആ​ല​പ്പു​ഴ ക​ല​വൂ​ർ ജി.​എ​ച്ച്.​എ​സ്.​എ​സി​ലെ പ്ല​സ്​ വ​ൺ വി​ദ്യാ​ർ​ഥി അ​ഭി​ന​വ്​ ശ്രീ​റാം. ആ ​വി​ഷ​മ​ത്തി​ൽ നി​ന്ന്​ ഫീ​നി​ക്സ്​ പ​ക്ഷി​യു​​ടെ ക​രു​ത്തോ​ടെ​യാ​ണ്​ അ​വ​ൻ ഞാ​യ​റാ​ഴ്ച ഹൈ​ജം​പി​ൽ ത​ന്‍റെ​യും ഈ ​കാ​യി​ക​മേ​ള​യി​ലെ​യും ഏ​റ്റ​വും മി​ക​ച്ച ഉ​യ​രം ക​ണ്ടെ​ത്തി​യ​ത്.

1.84 മീ​റ്റ​ര്‍ ചാ​ടി ഇ​ടു​ക്കി എ​സ്.​ടി.​എ​ച്ച്.​എ​സ്.​എ​സ് ഇ​ര​ട്ട​യാ​റി​ലെ മാ​ർ​ട്ടി​ൻ ജോ​സ​ഫ് സ്വ​ര്‍ണം ഉ​റ​പ്പി​ച്ച സ​മ​യ​ത്താ​ണ്​​പ​രി​ശീ​ല​ക​രെ​യും വീ​ട്ടു​കാ​രെ​യും അ​ദ്ഭു​ത​പ്പെ​ടു​ത്തി അ​ഭി​ന​വ് 1.86 മീ​റ്റ​ർ ചാ​ടി ഒ​ന്നാ​മ​നാ​യ​ത്. ​മു​മ്പ്​ 1.82 മീ​റ്റ​റാ​യി​രു​ന്നു അ​വ​ന്‍റെ ഏ​റ്റ​വും വ​ലി​യ നേ​ട്ടം. പ​ത്ര​ത്തി​ല്‍ ഫോ​ട്ടോ വ​ര​ണം, അ​തു​വ​ഴി നാ​ടും നാ​ട്ടു​കാ​രും തി​രി​ച്ച​റി​യ​ണം എ​ന്ന മോ​ഹ​മാ​ണ് 1.86 മീ​റ്റ​ർ ചാ​ടാ​ന്‍ പ്രേ​രി​പ്പി​ച്ച​തെ​ന്ന് അ​ഭി​ന​വ് ‘മാ​ധ്യ​മ’​ത്തോ​ട് പ​റ​ഞ്ഞു.

മൂ​ന്നു​വ​ര്‍ഷ​മാ​യി ലോ​ങ്ജം​പി​ല്‍ സം​സ്ഥാ​ന കാ​യി​ക​മേ​ള​യി​ല്‍ മ​ത്സ​രി​ക്കാ​റു​ണ്ടെ​ങ്കി​ലും മെ​ഡ​ലൊ​ന്നും കി​ട്ടാ​റി​ല്ല. അ​ഞ്ചു മാ​സം മു​മ്പാ​ണ് പ​രി​ശീ​ല​ക​ൻ കെ.​ആ​ർ. സാം​ജി​യു​ടെ കീ​ഴി​ല്‍ ഹൈ​ജം​പി​ലും ഒ​രു കൈ​നോ​ക്കി​യ​ത്. രാ​വി​നെ പ​ക​ലാ​ക്കി​യാ​യി​രു​ന്നു പ​രി​ശീ​ല​നം. ചേ​ര്‍ത്ത​ല കെ.​ആ​ര്‍ പു​ര​ത്തെ വീ​ട്ടി​ല്‍നി​ന്ന് പ​രി​ശീ​ല​ന കേ​ന്ദ്ര​ത്തി​ലേ​ക്ക് 22 കി​ലോ​മീ​റ്റ​ര്‍ ദൂ​രം സ​ഞ്ച​രി​ക്കേ​ണ്ടി​വ​ന്ന​തോ​ടെ കു​ടും​ബ​വു​മാ​യി താ​മ​സം പ​രി​ശീ​ല​ന കേ​ന്ദ്ര​ത്തി​ന് സ​മീ​പ​ത്തെ വാ​ട​ക വീ​ട്ടി​ലേ​ക്ക് മാ​റ്റു​ക​യാ​യി​രു​ന്നു.

ശ​നി​യാ​ഴ്ച ന​ട​ന്ന ലോ​ങ്​ ജം​പി​ൽ വെ​ള്ളി നേ​ടി​യെ​ങ്കി​ലും ത​ന്‍റെ പ​ട​വും വി​വ​ര​ങ്ങ​ളും ​​ശേ​ഖ​രി​ക്കാ​ത്ത​തി​ന്‍റെ നി​രാ​ശ ഈ ​കു​ട്ടി​ക്കു​ണ്ടാ​യി​രു​ന്നു. ലോ​ങ്​ ജം​പി​ൽ വെ​ള്ളി നേ​ടി​യ ശേ​ഷം ‘സാ​റെ എ​ന്‍റെ കൂ​ടി ഫോ​ട്ടോ പ​ത്ര​ത്തി​ല്‍ കൊ​ടു​ക്കാ​മോ, സെ​ക്ക​ൻ​ഡു​ണ്ട്’ എ​ന്ന്​ പ​റ​ഞ്ഞ്​ അ​വ​ൻ മാ​ധ്യ​മ​പ്ര​വ​ർ​ത്ത​ക​രെ സ​മീ​പി​ച്ചി​രു​ന്നു. ‘നീ ​ഒ​രു ഫ​സ്റ്റ് അ​ടി​ക്ക്, അ​പ്പോ​ൾ ഫോ​ട്ടോ വ​രും’ എ​ന്ന ഉ​ത്ത​ര​ത്തി​ന്​ മ​റു​പ​ടി​യാ​യാ​ണ്​ ഹൈ​ജം​പി​ൽ സ്വ​​ർ​ണം നേ​ടി ‘ഭീ​ഷ്മ പ​ര്‍വം സി​നി​മ​യി​ലെ മ​മ്മൂ​ട്ടി​യു​ടെ ഡ​യ​ലോ​ഗ് ക​ട​മെ​ടു​ത്ത് അ​വ​ന്‍ പ​റ​ഞ്ഞ​ത്​- ‘‘സാ​റ​ന്മാ​രെ ഇ​നി ചാ​മ്പി​ക്കോ...’’.

ഇ​ക്ക​ഴി​ഞ്ഞ സം​സ്ഥാ​ന ജൂ​നി​യ​ര്‍ മീ​റ്റി​ല്‍ ഹെ​പ്റ്റാ​ത്ത​ല​ണി​ല്‍ സ്വ​ര്‍ണം നേ​ടി​യെ​ങ്കി​ലും നാ​ട്ടി​ലാ​രും അ​റി​ഞ്ഞി​ല്ല. ദേ​ശീ​യ മെ​ഡ​ലാ​ണ് അ​ടു​ത്ത സ്വ​പ്നം. വൈ​ക്കം ഫ​യ​ര്‍ഫോ​ഴ്സി​ലെ സീ​നി​യ​ര്‍ ഫ​യ​ര്‍ ആ​ന്‍‍ഡ് റ​സ്ക്യൂ ഓ​ഫീ​സ​ര്‍ ശ്രീ​റാ​മി​ന്‍റെ​യും വൈ​ക്കം വി.​എ​ച്ച്.​എ​സ്‌.​എ​സി​യി​ലെ അ​ധ്യാ​പി​ക എ​സ്‌.​ഷീ​ന​യു​ടെ​യും മ​ക​നാ​ണ്.