അത്‌ലറ്റിക്‌സിൽ കേരളത്തിന് സ്വർണമടക്കം ആറ് മെഡലുകൾ കൂടി

ദേ​ശീ​യ ഗെ​യിം​സ് അ​ത്‌​ല​റ്റി​ക്‌​സി​ന്റെ ര​ണ്ടാം​നാ​ൾ മെ​ഡ​ൽ വാ​രി​ക്കൂ​ട്ടി കേ​ര​ളം. ആ​ദ്യ ദി​നം മൂ​ന്ന് വെ​ങ്ക​ല​മാ​ണ് ല​ഭി​ച്ച​തെ​ങ്കി​ൽ ഇ​ന്ന​ലെ സ്വ​ർ​ണ​മ​ട​ക്കം കൈ​യി​ലാ​യ​ത് ആ​റ് മെ​ഡ​ലു​ക​ൾ. ര​ണ്ട് വെ​ള്ളി​യും മൂ​ന്ന് വെ​ങ്ക​ല​വു​മാ​ണ് മ​റ്റു നേ​ട്ട​ങ്ങ​ൾ. ഡെ​ക്കാ​ത്ത​ല​ണി​ൽ എ​ൻ. തൗ​ഫീ​ഖ് ചാ​മ്പ്യ​നാ​യ​പ്പോ​ൾ വ​നി​ത ലോ​ങ് ജം​പി​ൽ സാ​ന്ദ്ര ബാ​ബു​വി​നും 4x100 റി​ലേ ടീ​മി​നും വെ​ള്ളി ല​ഭി​ച്ചു. പു​രു​ഷ 4x100 റി​ലേ ടീ​മും 110 മീ​റ്റ​ർ ഹ​ർ​ഡ്ൽ​സി​ൽ വി.​കെ മു​ഹ​മ്മ​ദ് ല​സാ​നും 400 മീ​റ്റ​റി​ൽ ടി.​എ​സ് മ​നു​വും വെ​ങ്ക​ല മെ​ഡ​ലു​ക​ൾ ക​ര​സ്ഥ​മാ​ക്കി. 12 സ്വ​ർ​ണ​വും 11 വെ​ള്ളി​യും 17 വെ​ങ്ക​ല​വു​മാ​യി ഒ​മ്പ​താം സ്ഥാ​ന​ത്താ​ണ് കേ​ര​ളം.

ഡെ​ക്കാ​ത്ത​ല​ണി​ൽ 6915 പോ​യ​ന്റ് നേ​ടി​യാ​ണ് തൗ​ഫീ​ഖ് പൊ​ന്ന​ണി​ഞ്ഞ​ത്. വ​നി​ത സ്പ്രി​ന്റ് റി​ലേ​യി​ല്‍ ശ്രീ​ന നാ​രാ​യ​ണ​ന്‍, ഭ​വി​ക വി.​എ​സ്, മ​ഹി​ത മോ​ള്‍ എ.​എ​ല്‍, മേ​ഘ എ​സ്. എ​ന്നി​വ​ര​ട​ങ്ങി​യ ടീം ​വെ​ള്ളി നേ​ടി. ക​ർ​ണാ​ട​ക​ക്കാ​ണ് സ്വ​ർ​ണം. ര​ണ്ടാ​മ​തെ​ത്തി​യ ത​മി​ഴ്‌​നാ​ട് ടീം ​റി​ലേ ബാ​റ്റ​ൺ കൈ​മാ​റു​ന്ന​തി​ൽ പി​ഴ​വ് വ​രു​ത്തി​യെ​ന്ന് ക​ണ്ടെ​ത്തി. ഇ​തോ​ടെ മൂന്നാമതെത്തിയ കേ​ര​ള​ത്തി​ന്റെ വെ​ങ്ക​ലം വെ​ള്ളി​യാ​യി ഉ​യ​ർ​ന്നു. ലോ​ങ് ജം​പി​ൽ സാ​ന്ദ്ര 6.12 മീ​റ്റ​ര്‍ ചാ​ടി​യാ​ണ് വെ​ള്ളി നേ​ടി​യ​ത്. ചാ​ടി​യ അ​ഞ്ച് ചാ​ട്ട​ത്തി​ല്‍ നാ​ലും ഫൗ​ളാ​യി. ബം​ഗാ​ളി​ന്റെ മൗ​മി​ത് മെ​ഡ​ല്‍ 6.21 മീ​റ്റ​ര്‍ ചാ​ടി സ്വ​ര്‍ണ​ത്തി​ലെ​ത്തി.

പു​രു​ഷ റി​ലേ​യി​ല്‍ എ.​ഡി മു​കു​ന്ദ​ന്‍, അ​ജി​ത്ത് ജോ​ണ്‍, ആ​ല്‍ബ​ര്‍ട്ട് ജെ​യിം​സ്, മ​നീ​ഷ് എം ​എ​ന്നി​വ​ര​ട​ങ്ങി​യ കേ​ര​ള ടീ​മി​നാ​ണ് വെ​ങ്ക​ലം. ഇ​വ​ർ 40.73 മി​നി​റ്റി​ൽ ഓ​ട്ടം പൂ​ർ​ത്തി​യാ​ക്കി ഒ​ഡി​ഷ​ക്ക് സ്വ​ര്‍ണ​വും ത​മി​ഴ്നാ​ടി​ന് വെ​ള്ളി​യും ല​ഭി​ച്ച​ത്. 110 മീ​റ്റ​ര്‍ ഹ​ര്‍ഡ്ല്‍സി​ല്‍ ല​സാ​ൻ 14.23 സെ​ക്ക​ൻ​ഡി​ൽ ഓ​ടി​യെ​ത്തി​യ​ത് വെ​ങ്ക​ല​ത്തി​ലേ​ക്ക്. മ​ഹാ​രാ​ഷ്ട്ര​യു​ടെ തേ​ജ​സ് അ​ശോ​ക് സി​ർ​സെ (13.65) സ്വ​ന്തം മീ​റ്റ് റെ​ക്കോ​ഡ് പു​തു​ക്കി സ്വ​ർ​ണം നേ​ടി. മ​റ്റൊ​രു കേ​ര​ള താ​രം റാ​ഹി​ൽ സ​ക്കീ​ർ അ​ഞ്ചാ​മ​താ​യി. 400 മീ​റ്റ​റി​ൽ 47.08 സെ​ക്ക​ൻ​ഡി​ലാ​ണ് മ​നു മൂ​ന്നാം​സ്ഥാ​ന​ക്കാ​ര​നാ​യ​ത്. ഒ​ഡി​ഷ​യു​ടെ ബ​പി ഹാ​ൻ​സ്ദ​ക്ക് (46.82) സ്വ​ർ​ണ​വും ഹ​രി‍യാ​ന​യു​ടെ വി​ക്രാ​ന്ത് പ​ഞ്ച​ലി​ന് (46.92) വെ​ള്ളി​യും ല​ഭി​ച്ചു. വ​നി​ത​ക​ളി​ൽ കേ​ര​ള​ത്തി​ന്റെ കെ. ​സ്നേ​ഹ നാ​ലാ​മ​താ​യി. മ​ഹാ​രാ​ഷ്ട്ര​യു​ടെ ഐ​ശ്വ​ര്യ മി​ശ്ര (51.12 സെ​ക്ക​ൻ​ഡ്) സ്വ​ന്തം മീ​റ്റ് റെ​ക്കോ​ഡ് പു​തു​ക്കി ചാ​മ്പ്യ​നാ‍യി. പു​രു​ഷ ഹൈ​ജം​പി​ൽ കേ​ര​ള​ത്തി​ന്റെ ജോ​മോ​ൻ ജോ​യ് (2.08 മീ.) ​ആ​റാം സ്ഥാ​ന​ത്തേ​ക്ക് ത​ള്ള​പ്പെ​ട്ട​പ്പോ​ൾ ത​മി​ഴ്നാ​ടി​ന്റെ ആ​ദ​ർ​ശ് റാം (2.14 ​മീ.) സ്വ​ർ​ണ​ത്തി​ലേ​ക്ക് ചാ​ടി.