മാഡിസൺ കീസിന് ആസ്ട്രേലിയൻ ഓപൺ വനിത സിംഗിൾസ് കിരീടം

മെ​ൽ​ബ​ൺ: സ​മ​യ​​മേ​റെ​യെ​ടു​ത്ത മൂ​ന്നാം സെ​റ്റി​ൽ മാ​ഡി​സ​ൺ കീ​സ് പാ​യി​ച്ച കി​ടി​ല​ൻ ഫോ​ർ​ഹാ​ൻ​ഡ് വി​ന്ന​ർ ലോ​ക ഒ​ന്നാം ന​മ്പ​ർ താ​രം സ​ബ​ലെ​ങ്ക​യെ ക​ട​ന്ന് ഗാ​ല​റി ല​ക്ഷ്യ​മാ​ക്കി പ​റ​ന്ന​പ്പോ​ൾ മെ​ൽ​ബ​ൺ പാ​ർ​ക്കി​ൽ പി​റ​ന്ന​ത് അ​മേ​രി​ക്ക​ൻ വീ​ര​ച​രി​തം.

പ​ഴു​തി​ല്ലാ​ത്ത സെ​ർ​വു​ക​ളും വ​ന്യ​വീ​ര്യം തു​ളു​മ്പി​യ റി​ട്ടേ​ണു​ക​ളും ക​രു​ത്തു​റ്റ ഗ്രൗ​ണ്ട്സ്ട്രോ​ക്കു​ക​ളു​മ​ട​ക്കം എ​ല്ലാം തി​ക​ഞ്ഞ ക​ളി​യു​മാ​യി മാ​ഡി​സ​ൺ കീ​സ് ത​ന്റെ 29ാം വ​യ​സ്സി​ൽ സ്വ​ന്ത​മാ​ക്കി​യ​ത് ക​ന്നി ഗ്രാ​ൻ​ഡ് സ്ലാം ​കി​രീ​ടം. ആ​സ്ട്രേ​ലി​യ​ൻ ഓ​പ​ണി​ൽ കി​രീ​ട ഹാ​ട്രി​ക് തേ​ടി​യെ​ത്തി​യ ബെ​ല​റൂ​സ് താ​ര​ത്തെ മൂ​ന്ന് സെ​റ്റ് ​നീ​ണ്ട പോ​രാ​ട്ട​ത്തി​ലാ​ണ് അ​മേ​രി​ക്ക​ൻ താ​രം വീ​ഴ്ത്തി​യ​ത്. സ്കോ​ർ 6-3,2-6,7-5.

സെ​മി​യി​ൽ ലോ​ക ര​ണ്ടാം ന​മ്പ​റു​കാ​രി ഇ​ഗ സ്വി​യാ​റ്റെ​കി​​നെ അ​ട്ടി​മ​റി​ച്ച് ക​ലാ​ശ​പ്പോ​രി​ന് ടി​ക്ക​റ്റു​റ​പ്പി​ച്ച 19ാം സീ​ഡു​കാ​രി സ​ബ​ലെ​ങ്ക​യെ​ന്ന അ​തി​കാ​യ​ക്ക് മു​ന്നി​ൽ വീ​ഴു​മെ​ന്നാ​യി​രു​ന്നു ക​ണ​ക്കു​കൂ​ട്ട​ൽ.

മൂ​ന്ന് പോ​യ​ന്റ് മാ​ത്രം വി​ട്ടു​ന​ൽ​കി ആ​ദ്യ സെ​റ്റ് പി​ടി​ച്ച താ​രം പ​ക്ഷേ, ര​ണ്ടാം സെ​റ്റി​ൽ സ​ബ​ലെ​ങ്ക​യു​ടെ പ​രി​ച​യ മി​ക​വി​നു​മു​ന്നി​ൽ നേ​ര​ത്തേ വീ​ണു. ഇ​തോ​ടെ നി​ർ​ണാ​യ​ക​മാ​യി മാ​റി​യ മൂ​ന്നാം സെ​റ്റി​ൽ കൊ​ണ്ടും കൊ​ടു​ത്തും ഇ​രു​വ​രും ഒ​പ്പ​ത്തി​നൊ​പ്പം നി​ന്നു​പൊ​രു​തി​യ​തി​നൊ​ടു​വി​ലാ​ണ് ക​ളി​ക്ക​രു​ത്ത് ആ​ഘോ​ഷ​മാ​ക്കി 29കാ​രി കി​രീ​ട​ത്തി​ലേ​ക്ക് റാ​ക്ക​റ്റ് പാ​യി​ച്ച​ത്. ഒ​രു ഗ്രാ​ൻ​ഡ്സ്ലാ​മി​ൽ ലോ​ക ഒ​ന്ന്, ര​ണ്ട് റാ​ങ്കു​കാ​രെ വീ​ഴ്ത്തി കി​രീ​ടം സ്വ​ന്ത​മാ​ക്കു​​ക​യെ​ന്ന അ​പൂ​ർ​വ നേ​ട്ട​വും ഇ​തോ​ടെ അ​മേ​രി​ക്ക​ൻ താ​ര​ത്തി​ന് സ്വ​ന്തം. 2017ൽ ​യു.​എ​സ് ഓ​പ​ൺ ഫൈ​ന​ലി​ലെ​ത്തി​യ ശേ​ഷം ആ​ദ്യ ഗ്രാ​ൻ​ഡ്സ്ലാം ഫൈ​ന​ൽ കൂ​ടി​യാ​ണ് താ​ര​ത്തി​ന്. 2015ൽ 33​കാ​രി​യാ​യ ഫ്ലാ​വി​യ പെ​നെ​റ്റ യു.​എ​സ് ചാ​മ്പ്യ​നാ​യ ശേ​ഷം ഗ്രാ​ൻ​ഡ് സ്ലാം ​കി​രീ​ടം ചൂ​ടു​ന്ന പ്രാ​യം​കൂ​ടി​യ വ​നി​ത കൂ​ടി​യാ​ണ് കീ​സ്.

പു​രു​ഷ ഫൈ​ന​ലി​ൽ ഇ​ന്ന് ഒ​ന്ന്, ര​ണ്ട് സീ​ഡു​കാ​രാ​യ ജാ​നി​ക് സി​ന്ന​റും അ​ല​ക്സാ​ണ്ട​ർ സ്വ​രേ​വും ഏ​റ്റു​മു​ട്ടും. സെ​മി​യി​ൽ സി​ന്ന​ർ അ​മേ​രി​ക്ക​ൻ താ​രം ബെ​ൻ​ ഷെ​ൽ​ട്ട​ണെ വീ​ഴ്ത്തി​യ​പ്പോ​ൾ നൊ​വാ​ക് ദ്യോ​കോ​വി​ച് പ​രി​ക്കേ​റ്റ് പി​ന്മാ​റി​യ​തി​നെ തു​ട​ർ​ന്നാ​ണ് സ്വ​രേ​വി​ന് കി​രീ​ട​പ്പോ​രി​ൽ ഇ​ട​മു​റ​ച്ച​ത്.