വെബ്സൈറ്റ് അപ്ഡേറ്റല്ല; പ്ലസ് വൺ സ്പോർട്സ് ക്വാട്ട പ്രവേശനം നഷ്ടമാകുമെന്ന് ആശങ്ക

കൊ​ച്ചി: സ്പോ​ർ​ട്​​സ്​ കൗ​ൺ​സി​ലി​ന്‍റെ വെ​ബ്സൈ​റ്റി​ൽ കാ​ലാ​നു​സൃ​ത മാ​റ്റം​വ​രു​ത്താ​ത്ത​ത്​ സ്പോ​ർ​ട്സ് ക്വോ​ട്ട​യി​ലെ പ്ല​സ് വ​ൺ പ്ര​വേ​ശ​ന​ത്തി​നു​ള്ള അ​പേ​ക്ഷ സ​മ​ർ​പ്പി​ക്കു​ന്ന​തി​ൽ പ്ര​തി​സ​ന്ധി. കൗ​ൺ​സി​ലി​ന്‍റെ വെ​ബ്സൈ​റ്റി​ൽ അം​ഗീ​കൃ​ത​മാ​യ പ​ല കാ​യി​ക​മി​ക​വു​ക​ളും ഉ​ൾ​പ്പെ​ടു​ത്താ​ൻ പ​റ്റാ​ത്ത​താ​ണ് വി​ദ്യാ​ർ​ഥി​ക​ളെ കു​ഴ​ക്കു​ന്ന​ത്. സൈ​റ്റി​ൽ ത​ങ്ങ​ളു​ടെ കാ​യി​ക​മി​ക​വ് തെ​ളി​യി​ക്കു​ന്ന സ​ർ​ട്ടി​ഫി​ക്ക​റ്റ് അ​പ്​​ലോ​ഡ് ചെ​യ്ത്, ഓ​ൺ​ലൈ​ൻ ര​ജി​സ്ട്രേ​ഷ​ൻ പൂ​ർ​ത്തി​യാ​ക്കി ഇ​തി​ന്‍റെ പ്രി​ന്‍റൗ​ട്ടു​മാ​യി വി​ദ്യാ​ർ​ഥി​ക​ൾ അ​ത​ത് ജി​ല്ല സ്പോ​ർ​ട്സ് കൗ​ൺ​സി​ലി​ൽ നേ​രി​ട്ട്​ ചെ​ല്ല​ണം. ജി​ല്ല കൗ​ൺ​സി​ലു​ക​ളാ​ണ് രേ​ഖ​ക​ൾ പ​രി​ശോ​ധി​ച്ച്​ ഉ​റ​പ്പു​വ​രു​ത്തു​ക​യും സ്കോ​ർ കാ​ർ​ഡ് ന​ൽ​കു​ക​യും ചെ​യ്യേ​ണ്ട​ത്. ഇ​തു​മാ​യി വീ​ണ്ടും എ​ച്ച്.​എ​സ് ക്യാ​പ് വെ​ബ്സൈ​റ്റി​ൽ ര​ണ്ടാ​മ​താ​യി സ്പോ​ർ​ട്സ് കാ​ൻ​ഡി​ഡേ​റ്റ് ലോ​ഗി​ൻ സൃ​ഷ്ടി​ച്ച് പ്ര​വേ​ശ​ന അ​പേ​ക്ഷ​യും സ​മ​ർ​പ്പി​ക്ക​ണം.

ദേ​ശീ​യ, അ​ന്ത​ർ​ദേ​ശീ​യ മ​ത്സ​ര​ങ്ങ​ളി​ൽ പ​ങ്കെ​ടു​ക്കു​ക​യും വി​ജ​യി​ക്കു​ക​യും ചെ​യ്യു​ന്ന​തു കൂ​ടാ​തെ, പൊ​തു​വി​ദ്യാ​ഭ്യാ​സ വ​കു​പ്പ് സം​ഘ​ടി​പ്പി​ക്കു​ന്ന സം​സ്ഥാ​ന, ജി​ല്ല, ഉ​പ​ജി​ല്ല സ്കൂ​ൾ കാ​യി​ക​മേ​ള ഉ​ൾ​പ്പെ​ടെ മ​ത്സ​ര​ങ്ങ​ളി​ൽ എ​ട്ടാം​സ്ഥാ​നം നേ​ടു​ന്ന​വ​ർ​ക്കു​വ​രെ ഗ്രേ​സ് മാ​ർ​ക്കി​ന് അ​ർ​ഹ​ത​യു​ണ്ടെ​ന്ന്​ ചൂ​ണ്ടി​ക്കാ​ട്ടി അ​ടു​ത്തി​ടെ വ​കു​പ്പ് ഉ​ത്ത​ര​വി​റ​ക്കി​യി​രു​ന്നു. എ​ന്നാ​ൽ, സ്പോ​ർ​ട്സ് കൗ​ൺ​സി​ൽ വെ​ബ്സൈ​റ്റി​ൽ മൂ​ന്നാം​സ്ഥാ​നം വ​രെ ല​ഭി​ച്ച​വ​ർ​ക്ക് മാ​ത്ര​മേ ഗ്രേ​സ് മാ​ർ​ക്ക് ചേ​ർ​ക്കാ​നാ​വൂ, അ​ല്ലാ​ത്ത​പ​ക്ഷം പ​ങ്കെ​ടു​ത്തു​വെ​ന്ന പ​രി​ഗ​ണ​ന മാ​ത്ര​മേ ല​ഭി​ക്കൂ. ഒ​ളിം​പി​ക്സ് ഉ​ൾ​പ്പെ​ടെ നൂ​റി​ലേ​റെ ഇ​ന​ങ്ങ​ളി​ലെ മി​ക​വ് പ​രി​ഗ​ണി​ക്കു​ന്ന കാ​യി​ക ക്വോ​ട്ട​യി​ൽ അ​ർ​ഹ​മാ​യ മി​ക​വു​ക​ൾ ചേ​ർ​ക്കാ​നാ​വാ​തെ വി​ദ്യാ​ർ​ഥി​ക​ൾ കു​ഴ​ങ്ങു​ക​യാ​ണ്.

കൂ​ടാ​തെ, ഈ ​വ​ർ​ഷം പ്ല​സ്​ വ​ണി​നു ചേ​രു​ന്ന​വ​ർ​ക്ക് 2025, 2024, 2023 വ​ർ​ഷ​ങ്ങ​ളി​ലെ കാ​യി​ക​മി​ക​വു​ക​ൾ ചേ​ർ​ക്കാ​നു​ള്ള ഓ​പ്ഷ​ൻ മാ​ത്ര​മാ​ണു​ള്ള​ത്. ഇ​ത് അ​ക്കാ​ദ​മി​ക വ​ർ​ഷ​മാ​യ​ല്ല ക​ണ​ക്കാ​ക്കു​ന്ന​ത്. അ​തു​കൊ​ണ്ടു​ത​ന്നെ ഈ ​വ​ർ​ഷം പ​ത്താം​ക്ലാ​സ് ക​ഴി​ഞ്ഞ വി​ദ്യാ​ർ​ഥി​ക്ക് 2022ൽ ​എ​ട്ടാം​ക്ലാ​സി​ലാ​യി​രി​ക്കെ നേ​ടി​യ മി​ക​വു​ക​ളും ഉ​ൾ​പ്പെ​ടു​ത്താ​നു​മാ​കി​ല്ല.

ഇ​ക്കാ​ര്യ​ങ്ങ​ൾ ചൂ​ണ്ടി​ക്കാ​ട്ടി സ്പോ​ർ​ട്സ് കൗ​ൺ​സി​ലി​നെ ബ​ന്ധ​പ്പെ​ടു​മ്പോ​ൾ പൊ​തു​വി​ദ്യാ​ഭ്യാ​സ വ​കു​പ്പാ​ണ് വെ​ബ്സൈ​റ്റ് അ​പ്ഡേ​റ്റ് ചെ​യ്യേ​ണ്ട​തെ​ന്ന വി​ചി​ത്ര മ‍റു​പ​ടി​യാ​ണ് ല​ഭി​ക്കു​ന്ന​തെ​ന്ന് കാ​യി​കാ​ധ്യാ​പ​ക​ർ പ​റ​യു​ന്നു. വ​കു​പ്പി​നെ സ​മീ​പി​ക്കു​മ്പോ​ൾ സ്പോ​ർ​ട്സ് കൗ​ൺ​സി​ൽ ത​ന്നെ​യാ​ണ് ഉ​ത്ത​ര​വാ​ദി​യെ​ന്ന പ്ര​തി​ക​ര​ണ​വും ല​ഭി​ക്കും. ഇ​തു​മൂ​ലം പ്ര​തി​സ​ന്ധി​യി​ലാ​വു​ന്ന​ത് നൂ​റു​ക​ണ​ക്കി​ന് കാ​യി​ക താ​ര​ങ്ങ​ളാ​ണ്. സ്പോ​ർ​ട്സ് ക്വോ​ട്ട അ​പേ​ക്ഷ​യു​ടെ സ​മ​യ​പ​രി​ധി വ്യാ​ഴാ​ഴ്ച അ​വ​സാ​നി​ക്കു​മെ​ന്നി​രി​ക്കെ, എ​ന്തു​ചെ​യ്യു​മെ​ന്ന ആ​ശ​ങ്ക​യി​ലാ​ണ് വി​ദ്യാ​ർ​ഥി​ക​ളും ര​ക്ഷി​താ​ക്ക​ളും.