കൊ​ടു​മു​ടി​യി​ലെ പെ​ണ്ണ​ട​യാളങ്ങൾ; എവറസ്റ്റ് കീഴടക്കിയ രണ്ടാമത്തെ മലയാളി വനിത എന്ന പദവി ഇനി ശ്രീ​ഷക്ക് സ്വന്തം

പ​ർ​വ​താ​രോ​ഹ​ക​ക്ക് വേ​ണ്ട മ​ന​ക്ക​രു​ത്തോ ഇ​ച്ഛാ​ശ​ക്തി​യോ ഒ​ന്നു​മി​ല്ലാ​തി​രു​ന്ന ഒ​രു വ​ള്ളു​വ​നാ​ട​ൻ പെ​ൺ​കു​ട്ടി. പി​ന്നീ​ട​വ​ൾ ലോ​ക​ത്തി​ലെ ഏ​റ്റ​വും ഉ​യ​രം കൂ​ടി​യ കൊ​ടു​മു​ടി​യാ​യ എ​വ​റ​സ്റ്റ് കീ​ഴ​ട​ക്കി. എ​വ​റ​സ്റ്റ് കീ​ഴ​ട​ക്കി​യ ര​ണ്ടാ​മ​ത്തെ മ​ല​യാ​ളി വ​നി​ത​യെ​ന്ന ച​രി​ത്ര​ത്തി​ൽ രേ​ഖ​പ്പെ​ടു​ത്ത​പ്പെ​ട്ട ശ്രീ​ഷ ര​വീ​ന്ദ്ര​ൻ. ഒ​ന്നാ​മ​ത്തെ വ​നി​ത എ​വ​റ​സ്റ്റി​ന്റെ നെ​റു​ക​യി​ലെ​ത്തി നി​മി​ഷ​ങ്ങ​ൾ​ക്ക് ശേ​ഷ​മാ​ണ് ശ്രീ​ഷ​യും റെ​ക്കോ​ഡ് ക​ര​സ്ഥ​മാ​ക്കി​യ​ത്.

പാ​ല​ക്കാ​ട് ഷൊ​ർ​ണൂ​ർ ക​ണ​യം തി​രു​ത്തി​യി​ൽ ചാ​ങ്ക​ത്ത് ശ്രീ​ഷ ര​വീ​ന്ദ്ര​ന്റെ ജീ​വി​ത​യാ​ത്ര ത്ര​സി​പ്പി​ക്കു​ന്ന ഒ​ര​ധ്യാ​യ​മാ​ണ്. കൊ​ച്ചി റി​ഫൈ​ന​റി​യി​ൽ ഉ​ദ്യോ​ഗ​സ്ഥ​നാ​യി​രു​ന്ന ര​വീ​ന്ദ്ര​നാ​ണ് കു​ഞ്ഞു ശ്രീ​ഷ​യു​ടെ മ​ന​സ്സി​ൽ മ​ല​ക​ളോ​ടു​ള്ള ഭ്ര​മം കോ​റി​യി​ട്ട​ത്. അ​ച്ഛ​നോ​ടൊ​പ്പം ഇ​ട​ക്ക് ട്ര​ക്കി​ങ്ങു​ക​ൾ​ക്ക് പോ​യി. കേ​ര​ള​ത്തി​ൽ മ​ല​ക​യ​റ്റ​ത്തി​ന് വ​ലി​യ സാ​ധ്യ​ത​യി​ല്ലെ​ന്ന തി​രി​ച്ച​റി​വി​ൽ ഹി​മാ​ല​യം കേ​ന്ദ്രീ​ക​രി​ച്ച് ത​ന്നെ​യാ​യി പി​ന്നീ​ടു​ള്ള യാ​ത്ര​ക​ൾ. മേ​യ് 18ന് ​രാ​വി​ലെ പ​ത്ത​ര​യോ​ടെ​യാ​ണ് ശ്രീ​ഷ എ​വ​റ​സ്റ്റി​ന്റെ നെ​റു​ക​യി​ലെ​ത്തി​യ​ത്. ക​ശ്മീ​രി​ലെ ലേ ​താ​ഴ്വ​ര​യി​ൽ യാ​ത്ര ചെ​യ്യ​വെ മ​ഞ്ഞു​കാ​റ്റു​ണ്ടാ​യി. ര​ക്ഷ​പ്പെ​ടി​ല്ലെ​ന്ന് വ​രെ തോ​ന്നി​പ്പി​ച്ച നി​മി​ഷ​ങ്ങ​ൾ. മ​രം കോ​ച്ചു​ന്ന ത​ണു​പ്പി​ൽ ര​ക്ഷ​ക്കെ​ത്തി​യ​ത് ഇ​ന്തോ-​തി​ബ​ത്ത​ൻ ബോ​ർ​ഡ​ർ പൊ​ലീ​സ്. എ​ങ്ങ​നെ​യെ​ങ്കി​ലും വീ​ട്ടി​ലേ​ക്ക് തി​രി​ച്ചെ​ത്തി​യാ​ൽ മ​തി​യെ​ന്നാ​യി. ഇ​നി മ​ല​ക​യ​റ്റ​ത്തി​നി​ല്ലെ​ന്ന തീ​രു​മാ​നം​പോ​ലും മ​ന​സ്സു​കൊ​ണ്ടെ​ടു​ത്ത നി​മി​ഷം.

ക​ഠി​ന​മാ​യ ത​യാ​റെ​ടു​പ്പു​ക​ൾ

എ​ങ്ങ​നെ​യും ഉ​യ​ര​ങ്ങ​ൾ കീ​ഴ​ട​ക്ക​ണ​മെ​ന്ന വാ​ശി​യി​ലേ​ക്ക് തീ​രു​മാ​നം വ​ഴി​മാ​റി. ശാ​രീ​രി​ക ക്ഷ​മ​ത കൂ​ട്ടാ​നാ​യി മ​ണി​ക്കൂ​റു​ക​ളോ​ളം ജിം​നേ​ഷ്യ​ത്തി​ൽ ചെ​ല​വി​ട്ടു തു​ട​ങ്ങി. ഭാ​ര​മു​ള്ള ബാ​ഗ് മു​തു​കി​ലി​ട്ട് കി​ലോ​മീ​റ്റ​റു​ക​ളോ​ളം ഓ​ടും. അ​ന്ത​രീ​ക്ഷ​വാ​യു കു​റ​ഞ്ഞ​യി​ട​ങ്ങ​ളി​ൽ പി​ടി​ച്ചു നി​ൽ​ക്കാ​നാ​യി വാ​യു അ​ധി​കം ല​ഭി​ക്കാ​ത്ത ത​ര​ത്തി​ലു​ള്ള മാ​സ്ക് ധ​രി​ച്ചു​ള്ള ഓ​ട്ടം പി​ന്നീ​ടു​ള്ള മ​ല​ക​യ​റ്റ​ങ്ങ​ൾ​ക്ക് സ​ഹാ​യ​ക​മാ​യി. വി​വാ​ഹം ക​ഴി​ഞ്ഞ് ഒ​രു മ​ക​ൻ പി​റ​ന്ന​തോ​ടെ യാ​ത്ര​ക​ളെ​ല്ലാം ഒ​ഴി​വാ​യി. മൂ​ന്ന് വ​ർ​ഷം ക​ട​ന്നു​പോ​യി. അ​പ്പോ​ഴും മ​ല​ക​യ​റ്റ​മെ​ന്ന അ​ട​ങ്ങാ​ത്ത മോ​ഹം മ​ന​സ്സി​ലു​ണ്ടാ​യി​രു​ന്നു. ന​ല്ല ഭാ​ര്യ​യും മാ​താ​വു​മ​ല്ലെ​ന്നു​ള്ള ആ​ക്ഷേ​പം കേ​ൾ​ക്കേ​ണ്ടി വ​രു​മോ​യെ​ന്ന ആ​ശ​ങ്ക വേ​റെ​യും. എ​ന്നാ​ൽ ഒ​ന്നി​ലും കു​ലു​ങ്ങാ​​തെ മ​ക​നെ​യും കൂ​ട്ടി യാ​ത്ര​ക​ൾ പോ​യി. പി​ന്നീ​ട് എ​വ​റ​സ്റ്റ് കീ​ഴ​ട​ക്കും​വ​രെ ആ ​യാ​ത്ര എ​ത്തി​നി​ൽ​ക്കു​ന്നു.

16 പ​ർ​വ​ത​ങ്ങ​ൾ

രാ​ജ്യ​ത്തെ ഉ​യ​രം കൂ​ടി​യ മ​ല​ക​ളും ചു​ര​ങ്ങ​ളും തേ​ടി​യു​ള്ള യാ​ത്ര ശ്രീ​ഷ തു​ട​ർ​ന്നു​കൊ​ണ്ടേ​യി​രു​ന്നു. സി​ക്കി​മി​ലെ ഗോ​ലെ​ച ലാ ​ചു​രം, യു​ക്സം സോം​ഗ്രി, ല​ഡാ​ക്കി​ലെ സ്റ്റോ​ക്ക് കാം​ഗ്രി, ഹി​മാ​ച​ലി​ലെ ത്രീ ​ഉം​ഡ്, പി​ൻ പാ​ർ​വ​തി, കാം​ഗ് യാ​ത്സെ 2, ഫ്ര​ൻ​ഡ്സ്ഷി​പ്പ് പീ​ക്ക്, കാ​ളി​ന്ദി​ഘ​ട്ട്, ഡി​സോ​ജോം ഗോ ​തു​ട​ങ്ങി രാ​ജ്യ​ത്തെ പ​തി​നാ​റോ​ളം ഉ​യ​രം കൂ​ടി​യ പ്ര​ദേ​ശ​ങ്ങ​ൾ ശ്രീ​ഷ ത​ന്റെ കാ​ൽ​ക്കീ​ഴി​ലാ​ക്കി​ക്ക​ഴി​ഞ്ഞു.

മ​ഞ്ഞു​കാ​ല​ത്തെ ഹി​മാ​ല​യ​ൻ യാ​ത്ര​ക​ൾ

മ​ഞ്ഞു​കാ​ല​ത്ത് അ​ധി​ക​മാ​രും ഹി​മാ​ല​യ​ൻ യാ​ത്ര ന​ട​ത്താ​റി​ല്ല. കൊ​ടും ശൈ​ത്യ​ത്തി​ൽ ജീ​വ​ഹാ​നി വ​രെ സം​ഭ​വി​ക്കാ​മെ​ന്ന​തു​കൊ​ണ്ടാ​ണ​ത്. എ​ന്നാ​ൽ, ശ്രീ​ഷ ഈ ​കാ​ല​ത്തും യാ​ത്ര ന​ട​ത്തി. എ​വ​റ​സ്റ്റ് കൊ​ടു​മു​ടി​ക്ക് താ​ഴെ ഹി​ലാ​രി പ​ട​വു​ക​ളു​ണ്ട്. ഇ​വി​ടെ​യു​ള്ള ‘മ​ര​ണ​മേ​ഖ​ല’ ക​ട​ന്നു​കി​ട്ടാ​ൻ ബു​ദ്ധി​മു​ട്ടാ​ണ്. പ​ല​രും മ​രി​ച്ചു​വീ​ണ ഇ​ടം. കാ​ലാ​വ​സ്ഥ അ​ത്ര​മേ​ൽ ക​ഠി​ന​മാ​ണ് അ​വി​ടെ. ഈ ​ക​ട​മ്പ ക​ട​ക്കാ​നു​ള്ള ശാ​രീ​രി​ക ശേ​ഷി ഉ​റ​പ്പി​ക്കാ​നാ​ണ് മ​ഞ്ഞു​കാ​ല​ത്തെ ഹി​മാ​ല​യ യാ​ത്ര തി​ര​ഞ്ഞെ​ടു​ത്ത​ത്. മ​ല​ക​യ​റ്റ​ക്കാ​ർ കു​റ​ഞ്ഞ, മ​ഞ്ഞു​കാ​ല​ത്തെ ഏ​കാ​ന്ത​ത​യും ആ​സ്വ​ദി​ക്കാ​നാ​യി. നി​ര​ന്ത​ര​മാ​യി ന​ട​ത്തി​യ ട്ര​ക്കി​ങ്ങു​ക​ൾ മ​ന​സ്സി​നെ ക​രു​ത്തു​റ്റ​താ​ക്കി. സ്പോ​ൺ​സ​ർ​മാ​ർ ഇ​ല്ലാ​ത്ത​തി​നാ​ൽ എ​വ​റ​സ്റ്റ് യാ​ത്ര​ക്കു​ള്ള തു​ക ക​ണ്ടെ​ത്ത​ൽ ബാ​ധ്യ​ത​യാ​യി​രു​ന്നു. സ​ർ​ക്കാ​റി​നെ സ​മീ​പി​ച്ചെ​ങ്കി​ലും ഫ​ല​മു​ണ്ടാ​യി​ല്ല. പി​ന്നീ​ട് പ​ല​രും സ​ഹാ​യ​ത്തി​നാ​യി എ​ത്തി.

എ​വ​റ​സ്റ്റ് കീ​ഴ​ട​ക്കു​ക​യെ​ന്ന സ്വ​പ്നം പ​ത്തു വ​ർ​ഷം മു​മ്പേ ശ്രീ​ഷ​ക്കു​ണ്ടാ​യി​രു​ന്നു. ക​യ​റാ​ൻ ഏ​റ്റ​വും ബു​ദ്ധി​മു​ട്ടു​ള്ള പ​ർ​വ​ത​ങ്ങ​ൾ തി​ര​ഞ്ഞു​പി​ടി​ച്ച് ക​യ​റി​ത്തു​ട​ങ്ങി​യ​തും ഈ ​ല​ക്ഷ്യ​ത്തി​ലെ​ത്താ​ൻ വേ​ണ്ടി​യാ​യി​രു​ന്നു. ഏ​പ്രി​ൽ ആ​ദ്യ​വാ​ര​മാ​ണ് നേ​പ്പാ​ളി​ലെ​ത്തി​യ​ത്. നാ​ല് ബേ​സ് ക്യാ​മ്പു​ക​ളി​ൽ ത​മ്പ​ടി​ച്ചും വി​ശ്ര​മി​ച്ചു​മാ​ണ് ല​ക്ഷ്യ​സ്ഥാ​ന​ത്തി​ലേ​ക്ക് നീ​ങ്ങി​യ​ത്. 17ന് ​രാ​ത്രി​യി​ൽ 9 മ​ണി​ക്കൂ​ർ നീ​ണ്ട എ​വ​റ​സ്റ്റ് യാ​ത്ര ആ​രം​ഭി​ച്ചു. 18ന് ​ഇ​ന്ത്യ​ൻ പ​താ​ക​യും മാ​താ​പി​താ​ക്ക​ളു​ടെ ചി​ത്ര​വു​മാ​യി ശ്രീ​ഷ ര​വീ​ന്ദ്ര​ൻ എ​വ​റ​സ്റ്റ് കൊ​ടു​മു​ടി​യി​ൽ ത​ല​യു​യ​ർ​ത്തി നി​ന്നു.

മൂ​ന്ന് വ​നി​ത​ക​ളും മൂ​ന്ന് പു​രു​ഷ​ന്മാ​രു​മാ​ണ് എ​വ​റ​സ്റ്റ് ദൗ​ത്യ​ത്തി​ലു​ണ്ടാ​യി​രു​ന്ന​ത്. ഇ​തി​ൽ മൂ​ന്ന് വ​നി​ത​ക​ളും എ​വ​റ​സ്റ്റ് കീ​ഴ​ട​ക്കി. മൂ​ന്ന് പു​രു​ഷ​ന്മാ​ർ​ക്ക് വി​ജ​യി​ക്കാ​നു​മാ​യി​ല്ല. എ​വ​റ​സ്റ്റി​ന് ശേ​ഷം തൊ​ട്ടു​ള്ള ലോ​ട് സെ ​മ​ല​യും ക​യ​റാ​ൻ തീ​രു​മാ​ന​മു​ണ്ടാ​യി​രു​ന്നെ​ങ്കി​ലും ദേ​ഹം ത​ള​ർ​ന്ന് പോ​യ​തി​നാ​ൽ സാ​ധ്യ​മാ​യി​ല്ല. നേ​പ്പാ​ളി​യാ​യ ച​ക്ര എ​ന്ന​യാ​ളാ​ണ് ശ്രീ​ഷ​യെ ഗൈ​ഡ് ചെ​യ്ത​ത്. ക​ടു​ത്ത ത​ണു​പ്പി​ൽ പി​ടി​പെ​ടു​ന്ന ഫ്രോ​സ് ബൈ​റ്റ് എ​ന്ന അ​സു​ഖം എ​വ​റ​സ്റ്റ് ഇ​റ​ങ്ങി​യ​പ്പോ​ഴേ​ക്കും ശ്രീ​ഷ​യെ ബാ​ധി​ച്ചി​രു​ന്നു. വി​ര​ലു​ക​ളി​ലേ​ക്ക് ര​ക്ത​യോ​ട്ടം ഇ​ല്ലാ​തെ വി​ര​ലു​ക​ൾ മു​റി​ച്ച് മാ​റ്റേ​ണ്ട അ​വ​സ്ഥ​യി​ലേ​ക്ക് നീ​ങ്ങു​ന്ന രോ​ഗ​മാ​ണി​ത്. ക്യാ​മ്പ് ര​ണ്ടി​ലേ​ക്ക് തി​രി​ച്ചെ​ത്തി​യ​പ്പോ​ഴേ​ക്കും ത​ല ക​റ​ങ്ങി വീ​ഴു​ക​യും​ചെ​യ്തു.

ആ​ദ്യം ലു​ക്ല​യി​ലെ ആ​ശു​പ​ത്രി​യി​ലേ​ക്ക് ക്യാ​മ്പ് ര​ണ്ടി​ൽ​നി​ന്നും ഹെ​ലി​കോ​പ്ട​ർ വ​ഴി എ​ത്തി​ച്ചു. ഇ​വി​ടെ പ്രാ​ഥ​മി​ക ചി​കി​ത്സ ന​ൽ​കി​യ​തി​ന് ശേ​ഷം കാ​ഠ്മ​ണ്ഡു​വി​ലെ പ​ർ​വ​താ​രോ​ഹ​ക​രെ പ്ര​ത്യേ​കം ചി​കി​ത്സി​ക്കു​ന്ന ആ​ശു​പ​ത്രി​യി​ലെ​ത്തി​ച്ചു. ആ​ത്മ​വി​ശ്വാ​സ​വും ക​ഠി​ന പ​രി​ശ്ര​മ​വു​മു​ണ്ടെ​ങ്കി​ൽ പ്രാ​യം ത​ട​സ്സ​മേ​യ​ല്ലെ​ന്ന് തെ​ളി​യി​ക്കു​ക​യാ​ണ് ശ്രീ​ഷ. മു​മ്പ് കെ ​വൈ​ടു മ​ല​നി​ര​ക​ളി​ലെ ഇ​ടു​ക്കി​ലേ​ക്ക് ക​യ​റു​ന്ന​തി​നി​ടെ കാ​ൽ വ​ഴു​തി വീ​ണി​രു​ന്നു. അ​ന്ന് ഭാ​ഗ്യം​കൊ​ണ്ട് പ​രി​ക്കു​ക​ളി​ല്ലാ​തെ ര​ക്ഷ​പ്പെ​ട്ടു. എ​വ​റ​സ്റ്റ് കീ​ഴ​ട​ക്കി തി​രി​ച്ചി​റ​ങ്ങു​മ്പോ​ഴും മ​ല​യി​ടു​ക്കി​ലേ​ക്ക് വീ​ണു. കൈ​യി​ലെ ചെ​റി​യൊ​രു ച​ത​വ് മാ​ത്ര​മാ​യി ആ ​അ​പ​ക​ട​വും ഒ​തു​ങ്ങി.

ക​ഴി​ഞ്ഞ പ​ത്തു വ​ർ​ഷ​മാ​യി ഭ​ര​ത​നാ​ട്യം അ​ഭ്യ​സി​ക്കു​ന്നു​മു​ണ്ട് ശ്രീ​ഷ. മൂ​കാം​ബി​ക​യ​ട​ക്ക​മു​ള്ള നി​ര​വ​ധി ക്ഷേ​ത്ര​ങ്ങ​ളി​ലും പൊ​തു​വേ​ദി​ക​ളി​ലും നൃ​ത്തം അ​വ​ത​രി​പ്പി​ച്ചു​ക​ഴി​ഞ്ഞു. സോഫ്റ്റ് വെയർ എൻജിനീയറായ ജയറാം ആണ് ഭർത്താവ്. 11 വ​യ​സ്സു​ള്ള നി​ര​ഞ്ജ​നാ​ണ് മ​ക​ൻ. അ​മ്മ അ​നി​ത. സ​ഹോ​ദ​രി രേ​ഷ്മ.

.