ഒ​റ്റ​ക്ക് യാ​ത്ര​പോ​യാ​ലെ​ന്താ!

ഒ​റ്റ​ക്ക് ഹി​മാ​ല​യ​ത്തി​ലേക്ക് യാ​ത്ര ന​ട​ത്ത​ണം. ആ സ്വപ്നം സഫലമായ കഥ

പ​ന്ത്ര​ണ്ടു​കാ​രിഅ​ഫീ​ദ ഷെ​റിൻ മ​ണ്ണു​കൊ​ണ്ടു​ള്ള ഒ​രു ഹു​ണ്ടി​ക​യി​ൽ ചി​ല്ല​റ നാ​ണ​യ​ങ്ങ​ൾ ഇ​ട്ട് തു​ട​ങ്ങി​യ​പ്പോ​ൾ ര​ക്ഷി​താ​ക്ക​ൾ ക​രു​തി​യ​ത് കു​ട്ടി സ​മ്പാ​ദ്യം ശീ​ല​മാ​ക്കി​ത്തു​ട​ങ്ങി​യെ​ന്നാ​ണ്. വി​രു​ന്നു​കാ​ർ വ​രു​മ്പോ​ൾ ന​ൽ​കു​ന്ന​തും നോ​മ്പി​നും പെ​രു​ന്നാ​ളി​നു​മൊ​ക്കെ ല​ഭി​ക്കു​ന്ന​തു​മാ​യ ചെ​റി​യ തു​ക​ക​ൾ ഹു​ണ്ടി​ക​യി​ൽ നി​ക്ഷേ​പി​ക്കു​മ്പോ​ഴും ആ ​കു​ഞ്ഞു മ​ന​സ്സി​ൽ ഹി​മാ​ല​യ​ത്തോ​ളം വ​ലി​യൊ​രു സ്വ​പ്ന​മാ​യി​രു​ന്നു. ഒ​റ്റ​ക്ക് ഹി​മാ​ല​യ​ത്തി​ലേ​ക്ക് യാ​ത്ര ന​ട​ത്ത​ണം. ഒ​രു ബ​ന്ധു ഹി​മാ​ച​ൽ പ്ര​ദേ​ശി​നെ കു​റി​ച്ച് വി​വ​രി​ച്ച​പ്പോ​ൾ മ​ൺ​പാ​ത്ര​ത്തി​ലേ​ക്ക് നാ​ണ​യ​ത്തു​ട്ടു​ക​ളും നോ​ട്ടു​ക​ളും വീ​ണു​കൊ​ണ്ടേ​യി​രു​ന്നു. സ്വ​പ്നം വീ​ട്ടു​കാ​രോ​ട് പ​ങ്കു​വെ​ച്ച​പ്പോ​ൾ അ​വ​ര​ത് ത​മാ​ശ​യാ​യെ​ടു​ത്തു. പോ​കപ്പോ​കെ മ​ക​ളു​ടെ ആ​ഗ്ര​ഹം ഗൗ​ര​വ​ത്തി​ലു​ള്ള​താ​ണെ​ന്ന് മാ​താ​പി​താ​ക്ക​ൾ തി​രി​ച്ച​റി​ഞ്ഞു.

ആ​ദ്യം ക​ളി​യാ​ക്കി. പി​ന്നീ​ട് ഒ​റ്റക്കു​ള്ള യാ​ത്ര​യു​ടെ അ​പ​ക​ടം ബോ​ധ്യ​പ്പെ​ടു​ത്താ​ൻ ശ്ര​മി​ച്ചു. കൂ​ട്ടു​കാ​ർ പൊ​ട്ട​ത്തി​പ്പെ​ണ്ണി​ന്റെ പൊ​ട്ട​ത്ത​ര​മാ​യി ക​ണ്ടു. അ​പ്പോ​ഴെ​ാക്കെ മു​റി​യ​ട​ച്ച് അ​വ​ൾ ക​ര​ഞ്ഞു. ഹി​മാ​ല​യ​ത്തി​ലൂ​ടെ പി​റ​കി​ൽ തൂ​ക്കി​യ വ​ലി​യ ബാ​ഗു​മാ​യി ന​ട​ന്നുപോ​കു​ന്ന ത​ന്നെ പു​സ്ത​ക​ത്തി​ന്റെ താ​ളു​ക​ളി​ൽ അ​വ​ൾ വ​ര​ച്ചി​ട്ടു. അ​തി​ന​ടി​യി​ൽ ഇ​ങ്ങ​നെ​യെ​ഴു​തി, ‘എ​ന്റെ സ്വ​പ്നം ഞാ​ൻ സ​ഫ​ലീ​ക​രി​ക്കും.’ ഒ​മ്പ​തു വ​ർ​ഷ​ങ്ങ​ൾ​ക്കി​പ്പു​റം അ​ഫീ​ദ ത​ന്റെ സ്വ​പ്ന​ത്തി​ലേ​ക്ക് ന​ട​ന്ന​ടു​ത്തു. 20 ത​വ​ണ അ​വ​ൾ ചി​മാ​ച​ലി​ലേ​ക്ക്

ഒ​റ്റ​ക്ക് യാ​ത്രചെ​യ്ത് ക​ഴി​ഞ്ഞു. സ്വ​പ്ന​യാ​ത്ര​യു​ടെ വ​ഴി​ക​ൾ

മ​ല​പ്പു​റം മ​ങ്ക​ട ചേ​രി​യ​ത്തെ ആ ​പെ​ൺ​കു​ട്ടി ഹി​മാ​ല​യ യാ​ത്ര​യെ​ക്കു​റി​ച്ച് തീ​രു​മാ​നി​ച്ചു​റ​പ്പി​ച്ച​പ്പോ​ഴേ ഒ​രു കാ​ര്യ​വും ഉ​റ​പ്പാ​ക്കി​യി​രു​ന്നു. യാ​ത്ര​ക്കാ​യു​ള്ള തു​ക​ക്കാ​യി ര​ക്ഷി​താ​ക്ക​ളെ ബു​ദ്ധി​മു​ട്ടി​ക്കി​ല്ലെ​ന്ന്.​ പ​ഠ​നാ​വ​ശ്യ​ങ്ങ​ൾ​ക്കും മ​റ്റു​മാ​യി വീ​ട്ടി​ൽനി​ന്ന് ല​ഭി​ക്കു​ന്ന തു​ക​യി​ൽ​നി​ന്ന് മി​ച്ചംവെ​ക്കു​ന്ന തു​ക സ്വ​രൂ​പി​ച്ച് നി​ര​വ​ധി യാ​ത്ര​ക​ൾ ന​ട​ത്തി. ആ​ർ​ക്കി​ടെ​ക്ച​ർ പ​ഠ​നം തി​ര​ഞ്ഞെ​ടു​ത്ത​തുത​ന്നെ യാ​ത്ര​ക​ൾ​ക്കു​ള്ള സാ​ധ്യ​തകൂ​ടി ക​ണ​ക്കി​ലെ​ടു​ത്താ​ണെ​ന്ന് അ​വ​ൾ പ​റ​യു​ന്നു. ഇ​തി​നാ​യി ര​ണ്ടുത​വ​ണ പ​രീ​ക്ഷ​യെ​ഴു​തി. അ​ങ്ങനെ ഡൽഹി യൂ​നി​വേ​ഴ്സി​റ്റി​യി​ൽ പ്ര​വേ​ശ​നം കി​ട്ടി. എ​ല്ലാ​വ​രും സ​ന്ദ​ർ​ശി​ക്കാ​നി​ഷ്ട​പ്പെ​ടു​ന്ന വി​നോ​ദസ​ഞ്ചാ​ര കേ​ന്ദ്ര​ങ്ങ​ളെ ഒ​ഴി​വാ​ക്കി അ​റി​യ​പ്പെ​ടാ​ത്ത സ്ഥ​ല​ങ്ങ​ൾ ക​ണ്ടെ​ത്തു​ക​യാ​ണ് അ​ഫീ​ദ​യു​ടെ രീ​തി. മു​മ്പ് നി​ര​വ​ധി യാ​ത്ര​ക​ൾ ന​ട​ത്തി​യെ​ങ്കി​ലും ര​ണ്ടു കൊ​ല്ല​ത്തോ​ളം എ​ടു​ത്താ​ണ് അ​ഫീ​ദ ത​ന്റെ ഏ​കാ​ന്ത യാ​ത്ര ന​ട​ത്തി​യ​ത്. മ​ല​പ്പു​റ​ത്തു​നി​ന്ന് ഡൽഹിയി​ലേ​ക്ക്‌ ​ട്രെ​യി​ൻ ടി​ക്ക​റ്റെ​ടു​ത്ത​പ്പോ​ൾ മു​ത​ൽ അ​ര​ക്ഷി​താ​വ​സ്ഥ അ​വ​ളു​ടെ മ​ന​സ്സി​നെ ബാ​ധി​ച്ചു. യാ​ത്ര​ക്കു​ള്ള ദി​വ​സം അ​ടു​ക്കു​ന്തോ​റും അ​തേ​റി വ​ന്നു. ഇ​നി ഒ​രു തി​രി​ച്ചുവ​ര​വു​ണ്ടാ​കി​ല്ലെ​ന്ന തോ​ന്ന​ലോ​ടെ​യാ​ണ് വീ​ട്ടി​ൽനി​ന്ന് യാ​ത്രതി​രി​ച്ച​ത്. ഡൽഹി​യി​ലെ​ത്തി അ​വി​ടെ​നി​ന്ന് ഹി​മാ​ച​ലി​ലേ​ക്ക് പോ​വു​മ്പോ​ഴെ​ാക്കെ മ​ര​ണ​ഭ​യം പി​ന്തു​ട​ർ​ന്നു. ഇ​തി​നി​ടെ ട്രെ​യി​നി​ൽ​വെ​ച്ച് ഒ​രു യാ​ത്രാസം​ഘ​ത്തെ പ​രി​ച​യ​പ്പെ​ട്ടു. അ​വ​ർക്കൊ​പ്പം യാ​ത്ര ന​ട​ത്താ​മെ​ന്ന് പ​റ​ഞ്ഞു. പക്ഷേ, ഒ​റ്റ​ക്ക് യാ​ത്ര തു​ട​രാ​ൻ പേ​ടി​യു​ണ്ടെ​ങ്കി​ലും ഒ​റ്റ​ക്കു​ള്ള യാ​ത്ര​ക്കു​ത​ന്നെ തീ​രു​മാ​നി​ച്ചു.

യാ​ത്ര​യ​േ​​ല്ല, സ്വ​പ്നം കൂ​ടെ​യു​ണ്ട്

റി​ക്കോങ് പി​യോ എ​ന്ന മ​ല​മു​ക​ളി​ലു​ള്ള പ്ര​ദേ​ശ​ത്തേ​ക്കാ​യി​രു​ന്നു ആ ​യാ​ത്ര. ബ​സി​ലു​ള്ള യാ​ത്ര ഏ​റെ സാ​ഹ​സ​മാ​യി​രു​ന്നു. ചെ​ങ്കു​ത്താ​യ മ​ല​നി​ര​ക​ളി​ൽ മ​ണ്ണി​ടി​ഞ്ഞ് പ​ല​പ്പോ​ഴും ബ​സ് നി​ർ​ത്തി​യി​ടേ​ണ്ടി വ​ന്നു. ഓ​രോ സ്ഥ​ല​ത്തേ​ക്കും വാ​ഹ​ന​ങ്ങ​ൾക്ക് കൈ​കാ​ണി​ച്ചും ലി​ഫ്റ്റ് ത​ര​പ്പെ​ടു​ത്തി​യു​മൊ​ക്കെ​യാ​ണ് യാ​ത്ര. ചെ​ല​വ് കു​റ​ക്കാ​ൻ കൂ​ടി​യാ​ണി​ത്. ഒ​റ്റ​ക്കു​ള്ള യാ​ത്ര​ക്കി​ടെ പ​ല സ്ഥ​ല​ങ്ങ​ളി​ൽ​നി​ന്നു​മു​ണ്ടാ​യ മോ​ശം അ​നു​ഭ​വ​ങ്ങ​ളും അ​ഫീ​ദ ഓ​ർ​ക്കു​ന്നു​ണ്ട്. ഒ​റ്റ​ക്കാ​ണ് സ​ഞ്ച​രി​ക്കു​ന്ന​തെ​ന്ന് അ​ഫീ​ദ ആ​രോ​ടും പ​റ​യാ​റി​ല്ല. തൊ​ട്ടു​ള്ള സ്ഥ​ല​ത്ത് ബ​ന്ധു​ക്ക​ളോ സു​ഹൃ​ത്തു​ക്ക​ളോ ഉ​ണ്ടെ​ന്ന് പ​റ​യും. ഓ​രോ നാ​ട്ടി​ൽ ചെ​ല്ലു​മ്പോ​ഴും അ​വ​രു​ടെ ഗ്രാ​മീ​ണ വേ​ഷം ധ​രി​ച്ചാ​ണ് യാ​ത്ര. ത​ന്റെ സ്വ​പ്ന​പൂ​ർ​ത്തീ​ക​ര​ണ​ത്തി​ന് നാ​ട്ടി​ലെ പാ​നി പൂ​രി ക​ച്ച​വ​ട​ക്കാ​ര​നോ​ട് വ​രെ ന​ന്ദി​പ​റ​യു​ന്നു അ​ഫീ​ദ. ഹി​മാ​ല​യ യാ​ത്ര​ക്ക് ഹി​ന്ദി ഭാ​ഷ അ​റി​യ​ണ​മെ​ന്ന് മ​ന​സ്സി​ലാ​ക്കി​യ ആ​റാം ക്ലാ​സു​കാ​രി​യെ ഹി​ന്ദി പ​ഠി​പ്പി​ക്കാ​നാ​രം​ഭി​ച്ച​ത് ബേ​ൽപൂ​രി വി​ൽ​പ​ന​ക്കാ​ര​നാ​ണ്. ഹി​ന്ദി സി​നി​മ​ക​ളും സീ​രി​യ​ലു​ക​ളും സ്ഥി​ര​മാ​യി ക​ണ്ട് ഭാ​ഷ സാ​യ​ത്ത​മാ​ക്കി. ത​നി​ക്കെ​ത്തേ​ണ്ട​യി​ടം പു​സ്ത​ക​ത്താ​ളു​ക​ളി​ൽ വ​ര​ച്ചി​ടു​ന്ന, വേ​റി​ട്ട വ​ഴി​യി​ലൂ​ടെ സ​ഞ്ച​രി​ക്കു​ന്ന ഈ ​ഏ​കാ​ന്ത​ യാ​ത്രി​ക അ​ടു​ത്ത സ്വ​പ്ന​സാ​ഫ​ല്യ​ത്തി​ലേ​ക്കു​ള്ള യാ​ത്ര​യി​ലാ​ണി​പ്പോ​ൾ.

മ​ങ്ക​ട ചേ​രി​യം പു​ഴു​ത്തി​നി​യി​ൽ അ​ഷ്റ​ഫി​ന്റെ​യും ബു​ഷ​റ​യു​ടെ​യും മ​ക​ളാ​ണ് അ​ഫീ​ദ. ഫി​സി​യോ തെ​റ​പ്പി​സ്റ്റാ​യ അ​സീ​ഫ​യും പ​ത്താം ക്ലാ​സു​കാ​രി​യാ​യ അ​ഫ്ന​യും സ​ഹോ​ദ​രി​ക​ളാ​ണ്..