‘‘എ​​ന്റെ ത​ല പൊ​ലീ​സ് ത​ല്ലി​പ്പൊ​ട്ടി​ച്ച​ത് എ​ന്തി​നെ​ന്ന​റി​യി​ല്ല’’; മുത്തങ്ങ സമരത്തിനിടെ പൊലീസ് തലതല്ലിപ്പൊളിച്ച് ജയിലിലടച്ച ആ ബാലൻ ഇവിടെയുണ്ട്

മുത്തങ്ങയിലെ പൊലീസ് വെടിവെപ്പിന് ഫെബ്രുവരി 19ന് 20 വർഷം തികയുന്നു. ബ​ത്തേ​രി ക​ണ്ണ​ങ്കോ​ട് കോ​ള​നി​യി​ൽ ഇ​പ്പോ​ൾ 25 വ​യ​സ്സു​ള്ള വി​ഷ്ണു മു​ത്ത​ങ്ങ​ സ​മ​ര​ത്തി​ൽ പരിക്കേറ്റ്, ജ​യി​ലില​ടക്കപ്പെട്ട കു​ട്ടി​ക​ളി​ലൊ​രാ​ളാ​ണ്. വി​ഷ്​​ണു ത​​ന്റെ അ​നു​ഭ​വം പ​റ​യു​ന്നു.

അ​ച്ഛ​ൻ ബാ​ല​നും അ​മ്മ സ്നേ​ഹ​ല​ത​യുമ​ട​ക്കം മൊ​ത്തം കു​ടും​ബ​മാ​ണ്​ മു​ത്ത​ങ്ങ​യി​ലേ​ക്ക് യാ​ത്ര​യാ​യ​ത്. സ​മ​ര​ത്തി​നാ​ണ് പോ​കു​ന്ന​തെ​ന്നോ പൊ​ലീ​സ് വെ​ടി​വെ​പ്പ് ഉ​ണ്ടാ​കു​മെ​ന്നോ ആ​ർ​ക്കും അ​റി​യി​ല്ല. കോ​ള​നി​യി​ലെ ചെ​റി​യ വീ​ട്ടി​ൽ​നി​ന്നാ​ണ് മു​ത്ത​ങ്ങ​യി​ലേ​ക്ക് യാ​ത്ര​തി​രി​ച്ച​ത്. മു​ത്ത​ങ്ങ​യി​ൽ കു​ടി​ൽ​കെ​ട്ടി താ​മ​സി​ച്ച ചെ​റി​യ ഓ​ർ​മ​യു​ണ്ട്. അ​വി​ടെ കു​ട്ടി​ക​ൾ​ക്ക് അം​ഗ​ൻ​വാ​ടി ഉ​ണ്ടാ​യി​രു​ന്നു. മു​ത്ത​ങ്ങ​യി​ൽ ആ​ഹാ​ര​മൊ​ക്കെ ല​ഭി​ച്ചി​രു​ന്നു. പൊ​ലീ​സ് ആ​ക്ര​മ​ണം ഉ​ണ്ടാ​കു​മെ​ന്ന് അ​ച്ഛ​നും അ​മ്മ​യും പ്ര​തീ​ക്ഷി​ച്ചി​ല്ല. എ​നി​ക്ക്​ അ​ഞ്ചു വ​യ​സ്സ്. അ​ന്ന്​ ന​ല്ല​കാ​ല​മാ​യി​രു​ന്നു. സ​മ​പ്രാ​യ​ക്കാ​രാ​യ പ​ത്തി​ല​ധി​കം കു​ട്ടി​ക​ൾ മു​ത്ത​ങ്ങ​യി​ലു​ണ്ടാ​യി​രു​ന്നു. അ​വ​രു​മാ​യി ക​ളി​ച്ച് ക​ഴി​യു​ന്ന കാ​ല​ത്താ​ണ്​ പെ​ട്ടെ​ന്ന് അ​ന്ത​രീ​ക്ഷം മാ​റി​യ​ത്.

രാ​വി​ലെ പൊ​ലീ​സ് വെ​ടി​വെ​പ്പ് തു​ട​ങ്ങി​യ​പ്പോ​ൾ​ത​ന്നെ അ​ച്ഛ​നും അ​മ്മ​ക്കും ഞ​ങ്ങ​ൾ​ക്കും മ​ർ​ദ​ന​മേ​റ്റു. ഇ​ര​ട്ട​ക​ളാ​യി​രു​ന്നു ഞാ​നും സ​ഹോ​ദ​രി​യും. മു​ത്ത​ങ്ങ​യി​ൽ പൊ​ലീ​സ് മ​ർ​ദി​ക്കു​മ്പോ​ൾ ഞാ​ൻ അ​മ്മ​യോ​ടൊ​പ്പ​വും സ​ഹോ​ദ​രി അ​ച്ഛ​നോ​ടൊ​പ്പ​വു​മാ​യി​രു​ന്നു. കു​ട്ടി​ക​ളോ​ടും പൊ​ലീ​സ് കാ​രു​ണ്യം കാ​ണി​ച്ചി​ല്ല. അ​ച്ഛ​നെ​യും അ​മ്മ​യെയും കാ​ര്യ​മാ​യി ത​ല്ലി. സ​ഹോ​ദ​രി​യു​ടെ കാ​ലി​ന് അ​ടി​യേ​റ്റ് പ​രി​ക്കേ​റ്റു. എ​​ന്റെ ത​ല​ക്കാ​ണ് അ​ടി​യേ​റ്റ​ത്. ത​ല​പൊ​ട്ടി. ഒ​ടു​വി​ൽ കു​ടും​ബ​ത്തെ അ​റ​സ്റ്റ് ചെ​യ്ത് കോ​ഴി​ക്കോ​ട്​ ജ​യി​ലി​ൽ അ​ട​ച്ചു. കു​റേ ദി​വ​സ​ങ്ങ​ൾ​ക്കു​ശേ​ഷം കോ​ഴി​ക്കോ​ട് ജ​യി​ലി​ൽ​നി​ന്ന് അ​ച്ഛ​നെ​യും അ​മ്മ​യെ​യും വി​ട്ട​യ​ച്ച​പ്പോ​ൾ ഞ​ങ്ങ​ൾ ഒ​പ്പം തി​രി​ച്ചു​പോ​ന്നു.

പൊലീസ് മർദനത്തിൽ തലക്ക് പരിക്കേറ്റ് ആശുപത്രിയിൽ കഴിയുന്ന വിഷ്ണു  

സ്കൂ​ളി​ൽ ചേ​ർ​ന്നു പ​ഠി​ക്കു​മ്പോ​ൾ ചി​ല അ​ധ്യാ​പ​ക​ർ സ​മ​ര​കാ​ല​ത്തെ​ക്കു​റി​ച്ച് ചോ​ദി​ക്കു​മാ​യി​രു​ന്നു. അ​ന്ന​ത്തെ പൊ​ലീ​സ് ആ​ക്ര​മ​ണം അ​പ്പോ​ൾ ഓ​ർ​മ​യി​ൽ തെ​ളി​യും. ജ​യി​ലി​ൽ കി​ട​ന്ന കു​ട്ടി​ക​ൾ​ക്ക് ഒ​രു ല​ക്ഷം രൂ​പ വീ​തം ന​ൽ​കു​മെ​ന്നു ഉ​മ്മ​ൻ ചാ​ണ്ടി സ​ർ​ക്കാ​റി​ന്റെ കാ​ല​ത്ത് പ​റ​ഞ്ഞു. അ​തി​ന് ഞാ​നും സ​ഹോ​ദ​രി​യും അ​പേ​ക്ഷ സ​മ​ർ​പ്പി​ച്ചു. അ​ച്ഛ​നും അ​മ്മ​യും സ​ഹോ​ദ​രി​യും ഞാ​നും മു​ത്ത​ങ്ങ കേ​സി​ന്റെ പേ​രി​ൽ ജ​യി​ലി​ൽ കി​ട​ന്നി​രു​ന്നു​വെ​ന്ന​തി​ന് രേ​ഖ​ക​ൾ സ​ർ​ക്കാ​റി​ന്റെ കൈ​യി​ലാ​ണു​ള്ള​ത്. ഉ​ദ്യോ​ഗ​സ്ഥ​ർ ആ​രോ ‘ഞ​ങ്ങ​ളു​ടെ പേ​രു​ക​ൾ വെ​ട്ടി’. അ​തി​നാ​ൽ ര​ണ്ടു​പേ​ർ​ക്കും ഇ​തു​വ​രെ സ​ർ​ക്കാ​ർ അ​നു​വ​ദി​ച്ച ആ​നു​കൂ​ല്യം ല​ഭി​ച്ചി​ട്ടി​ല്ല. വീ​ണ്ടും അ​പേ​ക്ഷ ന​ൽ​കി​യി​ട്ടു​ണ്ട്. അ​തി​ൽ അ​നു​കൂ​ല​മാ​യ മ​റു​പ​ടി കാ​ത്തി​രി​ക്കു​ക​യാ​ണ് ഇ​പ്പോ​ൾ.

മു​ത്ത​ങ്ങ​യി​ൽ പൊ​ലീ​സ്​ വെ​ടി​വെ​പ്പ്​ ന​ട​ന്നി​ട്ട്​ 20​  വ​ർ​ഷം തി​ക​ഞ്ഞു. എ​ന്താ​യി​രു​ന്നു ആ ​സ​മ​രം? അ​ത്​ എ​ന്താ​ണ്​ ആ​ദി​വാ​സി​ക​ൾ​ക്ക്​ ന​ൽ​കി​യ​ത്​?ഭൂപ്ര​ശ്ന​ത്തെ ആ​ദി​വാ​സി സ​മൂ​ഹ​വും മു​ഖ്യ​ധാ​ര​യും എ​ങ്ങ​നെ​യാ​ണ്​ കാ​ണു​ന്ന​ത്​? മു​ത്ത​ങ്ങ​യു​ടെ  പാ​ഠം എ​ന്താ​ണ്​? - ഫെബ്രുവരി 20 തിങ്കളാഴ്ച  മുതൽ മാധ്യമം ആഴ്ചപ്പതിപ്പിലും വെബ്സീനിലും വായിക്കാം