ഇറാൻ- ഇസ്രായേൽ: ശക്തിയും ദൗർബല്യവും

ഇറാന്റെ ആണവകേന്ദ്രങ്ങളെ ലക്ഷ്യമിട്ട് ഇസ്രായേൽ ആക്രമണം നടത്തിയതോടെ ഇരുരാജ്യങ്ങളും തമ്മിൽ ശക്തമായ യുദ്ധത്തിലേക്ക് നീങ്ങുമെന്ന് ആശങ്ക ഉയർന്നു. യുദ്ധത്തിൽ ഇറാനും ഇസ്രായേലിനും അനുകൂലമാകുന്ന ഘടകങ്ങളാണ് ചുവടെ

ഇറാൻ

ജനസംഖ്യ: 88 ദശലക്ഷം
1.6 ദശലക്ഷം ചതുരശ്ര കിലോമീറ്റർ ചുറ്റളവുള്ള രാജ്യം
സൈനിക ശക്തി: സായുധ സേന -ആറ് ലക്ഷം പുരുഷന്മാർ
ഖുദ്സ് ഫോഴ്സ് അടക്കം റവല്യൂഷണറി ഗാർഡ് അർധസൈനിക വിഭാഗം -രണ്ട് ലക്ഷം
ഇറാൻ പിന്തുണയുള്ള ഹിസ്ബുല്ലയടക്കം സായുധസംഘങ്ങൾക്ക് ഒരു വർഷത്തിനിടെ ഇസ്രായേൽ-യു.എസ് ആക്രമണത്തിൽ കനത്ത നഷ്ടം നേരിട്ടു
ഇറാന്റെ സൈനിക ഉപകരണങ്ങൾ: ചിലത് 1979 ലെ ഇസ്‍ലാമിക വിപ്ലവത്തിന് മുമ്പ് സോവിയറ്റ് യൂനിയനും മറ്റുള്ളവ യു.എസും നൽകിയത്. അടുത്തിടെ റഷ്യ ചില ഉപകരണങ്ങൾ നൽകി.
വ്യോമസേനക്ക് ഏകദേശം 350 പഴക്കമേറിയ വിമാനങ്ങളുണ്ട്
ബാലിസ്റ്റിക് മിസൈലുകൾ
ഡ്രോണുകളും സമാനമായ ഉപകരണങ്ങളും നിർമിക്കാൻ ശേഷിയുണ്ട്. യുക്രെയ്‌ൻ യുദ്ധത്തിൽ റഷ്യ ഏറ്റവും ഉപയോഗിച്ച ഷഹീദ് ഡ്രോണുകൾ ഇറാന്റേതാണ്.
ആണവായുധം വികസിപ്പിക്കാൻ കഴിയുന്നതലത്തിലേക്ക് യുറേനിയം സമ്പുഷ്ടീകരിച്ചു
മിസൈലുകളും മറ്റും ആണവായുധ സജ്ജമാക്കാൻ ഇനിയും സമയം വേണം

ഇസ്രായേൽ

ജനസംഖ്യ: ഒമ്പത് ദശലക്ഷം
22,000 ചതുരശ്ര കിലോമീറ്റർ ചുറ്റളവുള്ള രാജ്യം
യു.എസിന്റെയും യൂറോപ്യൻ രാജ്യങ്ങളുടെയും സാങ്കേതികവിദ്യയും പരിശീലനവും ലഭിച്ച കര, നാവിക, വ്യോമസേന
ഏത് മുന്നണിയിലും സജ്ജമാക്കാൻ ശേഷിയുള്ള ആയുധങ്ങൾ രൂപകൽപന ചെയ്യാനും നിർമിക്കാനും നിലനിർത്താനും കഴിയുന്ന ശക്തമായ ആഭ്യന്തര പ്രതിരോധ വ്യവസായം
സൈനിക ശക്തി: 1.70 ലക്ഷം സൈനികർ
നാല് ലക്ഷം റിസർവ് സൈനികർ
ഇറാനെപോലെ സൈനികശേഷി ശക്തമല്ലെങ്കിലും മേഖലയിൽ നിരവധി യുദ്ധം നയിച്ച പരിചയം
യു.എസ് പിന്തുണയോടെ വർഷങ്ങളെടുത്ത് വികസിപ്പിച്ച ബഹുതല മിസൈൽ പ്രതിരോധ സംവിധാനങ്ങൾ
കഴിഞ്ഞ ഒക്ടോബറിൽ ഇറാന്റെ ബാലിസ്റ്റിക് മിസൈൽ ആക്രമണം ചെറുക്കാൻ കഴിഞ്ഞു
ആണവായുധങ്ങളുണ്ടെന്ന് ഇസ്രായേൽ സമ്മതിച്ചിട്ടില്ലെങ്കിലും പശ്ചിമേഷ്യയിൽ ആണവായുധശേഷിയുള്ള ഏക രാജ്യം
യു.എസിന്റെ സുപ്രധാന സഖ്യകക്ഷി

ഇ​റാ​ൻ

ഇ​സ്രാ​യേ​ൽ

ഇറാൻ

ഇസ്രായേൽ