കോൺഗ്രസ് ‘ആപ്പി​’ന്റെ അന്നം മുടക്കുമോ?

വൈകിയുണ്ടാക്കിയ സഖ്യം താഴെ തട്ടിൽ ഇരു പാർട്ടികളുടെയും പ്രവർത്തകരിലേക്ക് എത്തിയില്ലെന്നാണ് ലോക്സഭ തെരഞ്ഞെടുപ്പ് തോൽവിക്ക് കോൺഗ്രസ് വ്യാഖ്യാനം ചമച്ചത്. ഇപ്പോഴിതാ നിയമസഭ തെരഞ്ഞെടുപ്പിൽ സഖ്യചരിതമെല്ലാം മാറ്റിവെച്ച് ആപ്പും കോൺഗ്രസും പരസ്പരം പോരിനിറങ്ങിയിരിക്കുകയാണ്

പ​തി​​നെ​ട്ടാം ലോ​ക്​​സ​ഭാ തെ​ര​ഞ്ഞെ​ടു​പ്പ്​ കാ​ലം. ഡ​ൽ​ഹി​യി​ൽ ബ​ദ്ധ​വൈ​രി​ക​ളാ​യ ആം ​ആ​ദ്മി പാ​ർ​ട്ടി​യും കോ​ൺ​ഗ്ര​സും ബി.​ജെ.​പി​യെ ചെ​റു​ക്കാ​ൻ ‘ഇ​ൻ​ഡ്യ’​യാ​യി ലോ​ക്സ​ഭാ തെ​ര​ഞ്ഞെ​ടു​പ്പി​നെ നേ​രി​ടു​ന്നു. ട്രെ​ൻ​ഡ്​ നേ​രി​ട്ട​റി​യാ​ൻ വ​ട​ക്കു കി​ഴ​ക്ക​ൻ ഡ​ൽ​ഹി​യി​ലെ ഭ​ജ​ൻ​പു​ര 202ാം ന​മ്പ​ർ ബൂ​ത്തി​ലൊ​ന്ന്​ ചെ​ന്നു​നോ​ക്കി​യി​രു​ന്നു. സി.​പി.​ഐ വി​ട്ട് കോ​ൺ​ഗ്ര​സി​ലെ​ത്തി​യ ജെ.​എ​ൻ.​യു മു​ൻ വി​ദ്യാ​ർ​ഥി നേ​താ​വ് ക​ന​യ്യ കു​മാ​ർ, ഭോ​ജ്പു​രി ഗാ​യ​ക​നാ​യ ബി.​ജെ.​പി സി​റ്റി​ങ് എം.​പി മ​നോ​ജ് തി​വാ​രി​യി​ൽ​നി​ന്ന് മ​ണ്ഡ​ലം പി​ടി​ച്ചെ​ടു​ക്കു​മെ​ന്ന് തോ​ന്നി​ച്ച പ്ര​ചാ​ര​ണം വോ​ട്ടു​നാ​ളി​ൽ എ​ത്ര​ത്തോ​ളം പ്ര​തി​ഫ​ലി​ക്കു​ന്നു​ണ്ടെ​ന്ന് അ​റി​യ​ണ​മെ​ന്നു​ണ്ടാ​യി​രു​ന്നു.

പോ​ളി​ങ്​ ബൂ​ത്തി​ലേ​ക്കു​ള്ള വ​ഴി വ​ക്കി​ൽ ഒ​രു ടാ​ർ​പോ​ളി​ൻ പോ​ലും വ​ലി​ച്ചു​കെ​ട്ടാ​തെ വെ​യി​ൽ ഒ​ഴി​വാ​കാ​ൻ കെ​ട്ടി​ട​ങ്ങ​ളു​ടെ ത​ണ​ൽ പ​റ്റി ഒ​രു മേ​ശ​യും ക​സേ​ര​യു​മി​ട്ടി​രി​പ്പു​ണ്ട്​ ആം ​ആ​ദ്മി പാ​ർ​ട്ടി പ്ര​വ​ർ​ത്ത​ക​ൻ ഇ​ഷ്തി​യാ​ക്.

മു​സ്‍ലിം വോ​ട്ട​ർ​മാ​ർ കൂ​ടു​ത​ലു​ള്ള ബൂ​ത്തി​ലേ​ക്ക് കോ​ൺ​ഗ്ര​സി​ന്റെ ക​ന​യ്യ​കു​മാ​റി​ന് വോ​ട്ടു​ചെ​യ്യാ​നാ​യി പോ​കു​ന്ന 400 വോ​ട്ട​ർ​മാ​ർ​ക്കെ​ങ്കി​ലും അ​തു​വ​രെ സ്ലി​പ് ന​ൽ​കി​യി​ട്ടു​ണ്ട് ഇ​ഷ്തി​യാ​ക്. സ​ഹാ​യ​ത്തി​നാ​യി ആ​പ്പി​ന്റെ മു​നി​സി​പ്പ​ൽ വാ​ർ​ഡ് പ്ര​സി​ഡ​ൻ​റ് മു​ഹ​മ്മ​ദ് ഇ​ഖ്ബാ​ലും ഉ​ണ്ട്. ഈ ​ബൂ​ത്തി​ൽ ക​ന​യ്യ​യു​ടെ ലീ​ഡു​റ​പ്പി​ക്കാ​നു​ള്ള പ​രി​ശ്ര​മ​ത്തി​നി​ട​യി​ലും ഇ​ഷ്തി​യാ​കി​ന് ഒ​രു സ​ങ്ക​ടം ബാ​ക്കി. ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ 90 ശ​ത​മാ​നം പോ​ളി​ങ്​ ന​ട​ന്ന ബൂ​ത്തി​ൽ കോ​ൺ​ഗ്ര​സി​ന്റെ ബൂ​ത്ത് ഏ​ജ​ൻ​റി​ല്ല, ബി.​ജെ.​പി ഏ​ജ​ൻ​റു മാ​ത്ര​മേ ഉ​ള്ളൂ.

‘ഇ​ൻ​ഡ്യ’ മു​ന്ന​ണി​യു​ടെ പോ​ളി​ങ്​ ഏ​ജ​ൻ​റാ​യി ബൂ​ത്തി​ലി​രി​ക്കാ​ൻ അ​പേ​ക്ഷ ന​ൽ​കി തി​രി​ച്ച​റി​യ​ൽ കാ​ർ​ഡ് വാ​ങ്ങി​യ കോ​ൺ​ഗ്ര​സി​ന്റെ പ്രാ​ദേ​ശി​ക നേ​താ​വി​ന്റെ മൊ​ബൈ​ൽ ന​മ്പ​റും ഇ​ഷ്തി​യാ​ക് ത​ന്നു. അ​തി​ൽ വി​ളി​ച്ചു നോ​ക്കി. കോ​ൺ​ഗ്ര​സ്​ പ്ര​തീ​ക്ഷ വെ​ക്കു​ന്ന സീ​റ്റ് എ​ന്ന് നാം ​ക​രു​തി​യ മ​ണ്ഡ​ല​ത്തി​ൽ വാ​ശി​യേ​റി​യ വോ​ട്ടെ​ടു​പ്പ്​ ന​ട​ക്ക​വേ ബൂ​ത്ത് ഏ​ജ​ൻ​റാ​യി ഇ​രി​ക്കേ​ണ്ട പ്രാ​ദേ​ശി​ക കോ​ൺ​ഗ്ര​സ് നേ​താ​വ് വീ​ട്ടി​ൽ വി​ശ്ര​മ​ത്തി​ലാ​ണ്. ഇ​തെ​ല്ലാം കേ​ട്ടു രോ​ഷം​കൊ​ണ്ട പ​ഴ​യ കോ​ൺ​ഗ്ര​സു​കാ​ര​ൻ സ​യ്യി​ദ് അ​ഹ്മ​ദ് ‘ഇ​ൻ​ഡ്യ’​ക്ക് വോ​ട്ടു​ചെ​യ്യാ​ൻ ത​യാ​റു​ള്ള വോ​ട്ട​ർ​മാ​രു​ടെ വോ​ട്ടു​റ​പ്പി​ക്കാ​ൻ പോ​ലും സ​ഖ്യ​ത്തി​ന് ക​ഴി​ഞ്ഞി​ല്ലെ​ന്ന് കു​റ്റ​പ്പെ​ടു​ത്തി. മ​റു​ഭാ​ഗ​ത്ത് വോ​ട്ടെ​ടു​പ്പ്ദി​വ​സം സ്വ​ന്തം വോ​ട്ട​ർ​മാ​രെ ബൂ​ത്തി​ലെ​ത്തി​ക്കാ​നും എ​തി​ർ​വോ​ട്ട് വീ​ഴാ​തി​രി​ക്കാ​നും ബി.​ജെ.​പി സ​ർ​വ സ​ന്നാ​ഹ​ങ്ങ​ളും ഒ​രു​ക്കി​യി​രു​ന്നു. ഫ​ലം വ​ന്ന​പ്പോ​ൾ ഏ​ഴി​ൽ ഏ​ഴ്​ സീ​റ്റും ബി.​ജെ.​പി സ്വ​ന്ത​മാ​ക്കു​ക​യും ചെ​യ്​​തു.

ആം ​ആ​ദ്മി പാ​ർ​ട്ടി​യോ​ട് പ​ര​മാ​വ​ധി വി​ല​പേ​ശി വാ​ങ്ങി​യ ഡ​ൽ​ഹി​യി​ലെ മ​ണ്ഡ​ല​ങ്ങ​ളി​ൽ കോ​ൺ​ഗ്ര​സ് എ​ന്തു ചെ​യ്തു​വെ​ന്ന​റി​യാ​ൻ ഇ​തി​നു​മ​പ്പു​റം ഒ​രു ഉ​ദാ​ഹ​ര​ണം ആ​വ​ശ്യ​മി​ല്ല.

സ്വ​ന്തം വീ​ഴ്ച കാ​ണാ​തെ വൈ​കി​യു​ണ്ടാ​ക്കി​യ സ​ഖ്യം താ​ഴെ ത​ട്ടി​ൽ ഇ​രു പാ​ർ​ട്ടി​ക​ളു​ടെ​യും പ്ര​വ​ർ​ത്ത​ക​രി​ലേ​ക്ക് എ​ത്തി​യി​ല്ലെ​ന്നാ​ണ്​ തെ​ര​ഞ്ഞെ​ടു​പ്പ്​​തോ​ൽ​വി​ക്ക്​ കോ​ൺ​ഗ്ര​സ്​ വ്യാ​ഖ്യാ​നം ച​മ​ച്ച​ത്. ഇ​പ്പോ​ഴി​താ നി​യ​മ​സ​ഭ തെ​ര​ഞ്ഞെ​ടു​പ്പി​ന്​ കേ​ളി​മു​ഴ​ങ്ങ​വേ സ​ഖ്യ​ച​രി​ത​മെ​ല്ലാം മാ​റ്റി​വെ​ച്ച്​ ആ​പ്പും കോ​ൺ​ഗ്ര​സും വേ​ർ​പെ​ട്ട് പ​ര​സ്പ​രം പോ​രി​നി​റ​ങ്ങി​യി​രി​ക്കു​ക​യാ​ണ്.

ആ​പ്പി​ന്റെ ഗൃ​ഹ​പാ​ഠം

വ​ലി​യ പ്ര​തീ​ക്ഷ​ക്കി​ട​യി​ൽ ഇ​ൻ​ഡ്യ സ​ഖ്യം ക​ന​ത്ത തോ​ൽ​വി​യേ​റ്റു​വാ​ങ്ങി​യ മ​ഹാ​രാ​ഷ്ട്ര​യി​ൽ നി​ന്നു​ള്ള പാ​ഠ​ങ്ങ​ൾ പ​ഠി​ച്ചാ​ണ് ആ​പ്പി​ന്റെ ഓ​രോ കാ​ൽ​വെ​പ്പും. മാ​സ​ങ്ങ​ൾ​ക്കു​മു​മ്പെ അ​വ​ർ മു​ന്നൊ​രു​ക്കം തു​ട​ങ്ങി. ശ​ര​ത് പ​വാ​റി​നൊ​പ്പ​മി​രു​ന്ന് ബി.​ജെ.​പി പ​യ​റ്റി​യ ത​ന്ത്ര​ങ്ങ​ൾ പ​ഠി​ച്ചു പ്ര​തി​രോ​ധം തീ​ർ​ക്കാ​നു​ള്ള പ​ണി തു​ട​ങ്ങി.

ഒ​ക്ടോ​ബ​റി​ൽ തെ​ര​ഞ്ഞെ​ടു​പ്പ് ക​മീ​ഷ​ൻ പു​റ​ത്തു​വി​ട്ട ക​ര​ട് വോ​ട്ട​ർ പ​ട്ടി​ക വാ​ർ​ഡ് ത​ല​ത്തി​ൽ അ​രി​ച്ചു​പെ​റു​ക്കി ആ​പ്പി​നു​ള്ള പ​തി​നാ​യി​ര​ക്ക​ണ​ക്കി​ന് വോ​ട്ടു​ക​ൾ (വി​ശേ​ഷി​ച്ചും ന്യൂ​ന​പ​ക്ഷ വോ​ട്ടു​ക​ൾ) കൂ​ട്ട​ത്തോ​ടെ വെ​ട്ടി​മാ​റ്റി​യ​തി​ന്റെ പ​രാ​തി​പ്പ​ട്ടി​ക​ക​ൾ ത​യാ​റാ​ക്കി സ​മ​ർ​പ്പി​ച്ചു.

ശ​ഹാ​ദ​റ​യി​ൽ 11,000 വോ​ട്ടു​ക​ൾ വെ​ട്ടി​മാ​റ്റാ​ൻ ബി.​ജെ.​പി നേ​താ​വ് സ്വ​ന്തം ലെ​റ്റ​ർ ഹെ​ഡി​ൽ ന​ൽ​കി​യ ക​ത്തും ആ​പ് പു​റ​ത്തു​വി​ട്ടു.

അ​ന്തി​മ വോ​ട്ട​ർ പ​ട്ടി​ക ജ​നു​വ​രി ആ​റി​ന് പു​റ​ത്തു​വി​ട്ട ശേ​ഷ​വും ആ​പ് അ​ട​ങ്ങി​യി​ട്ടി​ല്ല. ഡി​സം​ബ​ർ 16ന് ​ശേ​ഷ​മു​ള്ള ഏ​താ​നും നാ​ളു​ക​ൾ​ക്കു​ള്ളി​ൽ ഒ​ന്ന​ര ല​ക്ഷ​ത്തോ​ളം വോ​ട്ടു​ക​ൾ വെ​ട്ടി​മാ​റ്റി​യ​തും അ​ഞ്ച് ല​ക്ഷ​ത്തി​ൽ​പ​രം പു​തി​യ വോ​ട്ട​ർ​മാ​രെ ചേ​ർ​ത്ത​തും പ​രാ​തി​യും ച​ർ​ച്ച​യു​മാ​ക്കി പാ​ർ​ട്ടി ജ​ന​ങ്ങ​ളി​ലെ​ത്തി​ച്ചു. അ​ര​വി​ന്ദ് കെ​ജ്രി​വാ​ളി​ന്റെ ന്യൂ​ഡ​ൽ​ഹി നി​യ​മ​സ​ഭ മ​ണ്ഡ​ല​ത്തി​ൽ മാ​ത്രം 12.26 ശ​ത​മാ​നം വോ​ട്ട് പു​തു​താ​യി ചേ​ർ​ത്ത​തി​ലെ ദു​രൂ​ഹ​ത ഉ​ദാ​ഹ​ര​ണ​മാ​യി ചൂ​ണ്ടി​ക്കാ​ട്ടി ഡ​ൽ​ഹി തെ​ര​ഞ്ഞെ​ടു​പ്പ് അ​ട്ടി​മ​റി​ക്കാ​നു​ള്ള നീ​ക്ക​മു​ണ്ടെ​ന്ന് ആ​പ് ആ​രോ​പി​ക്കു​ന്നു. 3000 പേ​ജു​ള്ള രേ​ഖ​ക​ളാ​ണ് ഒ​ടു​വി​ൽ ആ​പ് ക​മീ​ഷ​ന് ന​ൽ​കി​യ​ത്. എ​ന്നാ​ൽ, വെ​ട്ടി​മാ​റ്റി​യ​ത് രോ​ഹി​ങ്ക്യ​ക​ളു​ടെ​യും ബം​ഗ്ലാ​ദേ​ശി​ക​ളു​ടെ​യും വോ​ട്ടാ​ണെ​ന്നും തോ​ൽ​വി ഭ​യ​ന്നു​ള്ള മു​ൻ​കൂ​ർ ജാ​മ്യ​മാ​ണെ​ന്നും എ​തി​ർ പ്ര​ചാ​ര​ണം ന​ട​ത്തി വോ​ട്ട​ർ​പ​ട്ടി​ക വി​വാ​ദ​ത്തെ നേ​രി​ടു​ക​യാ​ണ് ബി.​ജെ.​പി.

മാ​റ്റ​മി​ല്ലാ​ത്ത​ത്​ കോ​ൺ​ഗ്ര​സി​ന്​ മാ​ത്രം

ക​ണ്ടി​ട്ടും കൊ​ണ്ടി​ട്ടും കൊ​ടും താ​പം അ​തി​ശൈ​ത്യ​ത്തി​ന് വ​ഴി​മാ​റി​യി​ട്ടും ഡ​ൽ​ഹി​യി​ൽ കോ​ൺ​ഗ്ര​സ് മാ​ത്രം മാ​റി​യി​ട്ടി​ല്ല. മ​ണ്ണി​ലി​റ​ങ്ങി​യു​ള്ള അ​ധ്വാ​ന​ത്തി​നൊ​ന്നും ത​ങ്ങ​ളെ കി​ട്ടി​ല്ലെ​ന്നാ​ണ് ഇ​തി​ന​കം ആ​പ്പും ബി.​ജെ.​പി​യും ത​മ്മി​ൽ നേ​ർ​ക്കു​നേ​ർ പോ​രാ​ട്ട​മാ​യി മാ​റി​യ ക​ള​ത്തി​ലേ​ക്ക് ഒ​റ്റ​ക്കി​റ​ങ്ങു​ന്ന കോ​ൺ​ഗ്ര​സ് ഡ​ൽ​ഹി ഘ​ട​ക​ത്തി​ന്റെ

നി​ല​പാ​ട് അ​തേ​സ​മ​യം ത​ങ്ങ​ൾ മെ​യ്യ​ന​ങ്ങി​യി​ല്ലെ​ങ്കി​ലും മ​തേ​ത​ര​ത്വ​വും ജ​നാ​ധി​പ​ത്യ​വും സം​ര​ക്ഷി​ക്കാ​നും ബി.​ജെ.​പി​യി​ൽ നി​ന്ന് ഇ​ന്ത്യ​യെ ര​ക്ഷി​ക്കാ​നും ജ​നം ത​ങ്ങ​ൾ​ക്കു​ത​ന്നെ വോ​ട്ടു​ചെ​യ്യ​ണ​മെ​ന്നാ​ണ് കോ​ൺ​ഗ്ര​സി​ന്റെ മോ​ഹം.

ഇ​തൊ​രു വ്യാ​മോ​ഹ​മാ​യി ഒ​ടു​ങ്ങു​ന്ന​തി​നി​ട​യി​ൽ കോ​ൺ​ഗ്ര​സ് ആം ​ആ​ദ്മി പാ​ർ​ട്ടി​യു​ടെ അ​ന്നം മു​ട​ക്കു​മോ എ​ന്നാ​ണ് ഡ​ൽ​ഹി ഉ​റ്റു​നോ​ക്കു​ന്ന​ത്.

അരവിന്ദ് കെജ്രിവാളിനെ മദ്യനയ കേസിൽ കേന്ദ്രം പിടികൂടി ജയിലിലാക്കിയപ്പോൾ രാംലീല മൈതാനിയിൽ കേന്ദ്ര ഏജൻസികളെ ദുരുപയോഗം ചെയ്യുന്നതിനെതിനെതിരെ സോണിയാ ഗാന്ധി അടക്കമുള്ള ഉന്നത കോൺഗ്രസ് നേതാക്കൾ പ​​ങ്കെടുത്ത ‘ഇൻഡ്യ’ റാലി നടത്തിയത് ഒമ്പത് മാസം മുമ്പാണ്. ഒരു വർഷം പിന്നിടും മുമ്പെ കെജ്രിവാളിനെതിരായ മദ്യനയ അഴിമതി കേസ് യാഥാർഥ്യമാണെന്ന് ബി.ജെ.പിയെ പോലെ പ്രചാരണം നടത്തുകയാണിന്ന് രാഹുൽ ഗാന്ധി അടക്കമുള്ള കോൺഗ്രസ് നേതാക്കൾ. കോൺഗ്രസും ബി.ജെ.പിയും തങ്ങൾക്കെതിരെ ധാരണയിലാണെന്ന് കെജ്രിവാൾ പറയുമ്പോൾ അരവിന്ദ് കെജ്രിവാളിനും നരേന്ദ്ര മോദിക്കും ഒരേ കാഴ്ചപ്പാടാണെന്നാണ് കോൺഗ്രസ് മറുപടി. ഏതായാലും ബി.ജെ.പിക്കെതിരെയുള്ള പ്രതിപക്ഷ മുന്നണിയായ ‘ഇൻഡ്യ’ ദുർബലമാകുകയും കോൺഗ്രസ് അതിൽ ഒറ്റപ്പെടുകയും ചെയ്യുന്ന കാഴ്ചക്കും ഡൽഹി നിയമസഭ തെരഞ്ഞെടുപ്പ് പ്രചാരണ രംഗം സാക്ഷ്യം വഹിക്കുകയാണ്.

ഇതിനടിയിൽ ഡൽഹിയിൽ കോൺഗ്രസിനെ തള്ളി ആപിനെ പിന്തുണക്കുകയാണ് സമാജ്‍വാദി പാർട്ടി, തൃണമൂൽ കോൺഗ്രസ്, എൻ.സി.പി തുടങ്ങിയ ‘ഇൻഡ്യ’ സഖ്യത്തിലെ പ്രബല കക്ഷികൾ. ഒരു സംസ്ഥാനത്ത് ഏത് പ്രാദേശിക കക്ഷിയാണ് ശക്തം, ആ പാർട്ടിയുടെ നേതൃത്വത്തിലാണ് ബി.ജെ.പിയുമായി പോരാടണ്ടേത് എന്ന ധാരണയിലാണ് ‘ഇൻഡ്യ’യുണ്ടാക്കിയതെന്നും അതിനാൽ തങ്ങൾ ആപിനൊപ്പമാണെന്നുമാണ് സമാജ്‍വാദി പാർട്ടി നേതാവ് അഖിലേഷ് യാദവ് പറഞ്ഞത്. ഇൻഡ്യ സഖ്യത്തിലെ പ്രാദേശിക കക്ഷികൾ ശക്തമായിടത്ത് അവരാണ് ബി.ജെ.പിക്കെതിരാത മുന്നണിക്ക് നേതൃത്വം നൽ​കേണ്ടതെന്ന് മമതയുടെ അനന്തിരവൻ അഖിലേഷ് ബാനർജിയും എൻ.സി.പി നേതാവ് ശരത് പവാറും ഇതിന് അടിവരയിടുന്നു.