പ്രോഗ്രസ് കാർഡ് ഇറക്കി മുച്ചീട്ട് കളിക്കരുത്

താ​ൻ പ​ഠി​പ്പി​ൽ മി​ടു​ക്ക​നാ​ണെ​ന്ന്​ ബോ​ധ്യ​പ്പെ​ടു​ത്താ​നാ​യി മ​ക​ൻ സ്വ​ന്ത​മാ​യി നി​ർ​മി​ച്ച പ്രോ​ഗ്ര​സ്​ കാ​ർ​ഡ് വീ​ട്ടി​ൽ കൊ​ണ്ടു​വ​ന്ന് ഒ​പ്പു​വാ​ങ്ങു​ന്നു. പി​ന്നാ​ലെ കാ​ർ​ഡി​​ന്റെ ഉ​ൽ​പ​ത്തി ര​ഹ​സ്യം വീ​ട്ടി​ല​റി​യു​ന്നു. പി​ന്നെ എ​ന്തു സം​ഭ​വി​ക്കും?

ഒ​രു​വി​ധ​പ്പെ​ട്ട ര​ക്ഷി​താ​ക്ക​ളൊ​ക്കെ വീ​ട്ടി​ൽ പ​ട്ടാ​ള​നി​യ​മം പ്ര​ഖ്യാ​പി​ച്ചു​ക​ള​യും. അ​ടു​ത്ത പ​രീ​ക്ഷ​ക്കും ചെ​ക്ക​ൻ അ​തേ ത​ര​വ​ഴി​ത്ത​രം ആ​വ​ർ​ത്തി​ച്ചാ​ലോ?

വീ​ട്ടി​ലെ ക്ര​മ​വും സ​മാ​ധാ​ന​വും ത​ക​രും; ത​ന്ത​വൈ​ബ് എ​ന്താ​ണെ​ന്ന് ചെ​ക്ക​ൻ ശ​രി​ക്ക​റി​യും.

എ​ന്നാ​ൽ, ഇ​തേ ചെ​യ്ത്ത് സാ​ക്ഷാ​ൽ പി​ണ​റാ​യി വി​ജ​യ​ൻ ചെ​യ്താ​ലോ? സ്വ​ന്തം സ​ർ​ക്കാ​റി​ന്റെ പ്ര​വ​ർ​ത്ത​നം അ​തി​ഗം​ഭീ​ര​മാ​ണെ​ന്ന്​ ബോ​ധ്യ​പ്പെ​ടു​ത്താ​നാ​യി ത​ന്ന​ത്താ​ൻ ത​യാ​റാ​ക്കി​യ പ്രോ​ഗ്ര​സ് കാ​ർ​ഡു​മാ​യി വ​ന്നാ​ലോ?

വ​ന്നാ​ലെ​ന്താ! ന​മ്മ​ൾ കൈ​യ​ടി​ച്ചു​കൊ​ടു​ക്കും. പ​റ്റാ​വു​ന്ന​വ​രെ​ല്ലാം പു​ത്ത​രി​ക്ക​ണ്ടം മൈ​താ​ന​ത്തു​പോ​യി തി​ക്കി​ത്തി​ര​ക്കി മു​ഖ്യ​മ​ന്ത്രി​യെ നോ​ക്കി കൈ​വീ​ശി​ക്കാ​ണി​ക്കും.

അ​താ​യ​ത്, താ​ൻ വ​മ്പ​നാ​ണെ​ന്ന്​ ന​മ്മ​ളെ ബോ​ധ്യ​പ്പെ​ടു​ത്താ​നാ​യി സ്വ​ന്ത​മാ​യി ഉ​ണ്ടാ​ക്കി​യ പ്രോ​ഗ്ര​സ് കാ​ർ​ഡു​മാ​യി വ​ന്ന മ​ക​നോ​ടു പെ​രു​മാ​റു​ന്ന​തു​പോ​ലെ​യ​ല്ല, സ്വ​ന്ത​മാ​യി ഉ​ണ്ടാ​ക്കി​യ പ്രോ​ഗ്ര​സ് കാ​ർ​ഡു​മാ​യി വ​രു​ന്ന മു​ഖ്യ​മ​ന്ത്രി​യോ​ട് പെ​രു​മാ​റു​ക. എ​ന്തു​കൊ​ണ്ടാ​ണ​ത്? ന​മു​ക്ക്​ ക​ണ്ടു​പി​ടി​ക്കാം.

ജ​നാ​ധി​പ​ത്യ സം​വി​ധാ​ന​ത്തോ​ടു​ള്ള ബ​ഹു​മാ​ന​വും ആ​ദ​ര​വും ഒ​ക്കെ കൂ​ടി​ച്ചേ​ർ​ന്നു​ണ്ടാ​കു​ന്ന ഒ​രു അ​ന്ത​രീ​ക്ഷ​മാ​ണ് ഇ​വി​ടെ പ്ര​വ​ർ​ത്തി​ക്കു​ന്ന​ത്. ഒ​രു മു​ഖ്യ​മ​ന്ത്രി അ​ങ്ങ​നെ ചെ​യ്യി​ല്ല എ​ന്ന്​ ന​മ്മ​ൾ ക​ഠി​ന​മാ​യി വി​ശ്വ​സി​ക്കും.

എ​ന്നാ​ൽ സ​ത്യ​മെ​ന്താ​ണ്? ഈ ​മ​ന്ത്രി​സ​ഭ അ​ധി​കാ​ര​ത്തി​ലേ​റി​യ ശേ​ഷം നാ​ലു വാ​ർ​ഷി​ക​ത്തി​നും പി​ണ​റാ​യി വി​ജ​യ​ൻ ഇ​തു​ത​ന്നെ​യാ​ണ് ചെ​യ്ത​ത്. സ്വ​ന്തം ഭ​ര​ണ​ത്തെ സ്വ​ന്ത​മാ​യി വി​ല​യി​രു​ത്തി പ്രോ​ഗ്ര​സ് റി​പ്പോ​ർ​ട്ടു​ക​ൾ ഇ​റ​ക്കി.

അ​ഞ്ചു​വ​ർ​ഷ​ക്കാ​ല​ത്തേ​ക്ക് ത​ന്നെ​യും ത​ന്റെ പാ​ർ​ട്ടി​യെ​യും അ​ധി​കാ​ര​ത്തി​ലേ​റ്റി​യാ​ൽ ഇ​ന്നാ​ലി​ന്ന 900 കാ​ര്യ​ങ്ങ​ൾ ചെ​യ്തു​ത​രാം എ​ന്ന് രേ​ഖ​പ്പെ​ടു​ത്തി​യ പ്ര​ക​ട​ന​പ​ത്രി​ക ന​മ്മ​ളെ കാ​ണി​ച്ചാ​ണ് മ​ത്സ​രി​ച്ച​ത്. അ​ത് ബോ​ധ്യ​പ്പെ​ട്ട ന​മ്മ​ൾ വോ​ട്ടു​ചെ​യ്തു​കൊ​ടു​ത്തു. ഭ​ര​ണ​ത്തി​ലെ​ത്തി ആ​ദ്യ​വ​ർ​ഷം​ത​ന്നെ 900 വാ​ഗ്ദാ​ന​ങ്ങ​ളി​ൽ 758 എ​ണ്ണം ന​ട​പ്പാ​ക്കി​ത്തു​ട​ങ്ങി എ​ന്നാ​ണ് ഒ​ന്നാം കാ​ർ​ഡി​ൽ പ​റ​ഞ്ഞി​രു​ന്ന​ത്. 809 എ​ണ്ണം ന​ട​പ്പാ​ക്കി​ത്തു​ട​ങ്ങി എ​ന്ന്​ ര​ണ്ടാം റി​പ്പോ​ർ​ട്ടി​ൽ. മൂ​ന്നാം റി​പ്പോ​ർ​ട്ടി​ൽ അ​ങ്ങ​നെ എ​ണ്ണം പ​റ​ഞ്ഞി​ട്ടി​ല്ല. പ​ക്ഷേ, സാ​മൂ​ഹി​ക പെ​ൻ​ഷ​ൻ കൃ​ത്യ​മാ​യി വി​ത​ര​ണം ചെ​യ്യാ​ൻ ന​ട​പ​ടി​യെ​ടു​ത്ത​താ​യി പ​റ​യു​ന്നു​ണ്ട്. അ​ങ്ങ​നെ പു​തി​യ നി​റ​ത്തി​ലും പു​തി​യ ഡി​സൈ​നി​ലും പു​തി​യ കാ​ർ​ഡ്​ വ​ന്നു. ന​മ്മ​ൾ കൈ​യ​ടി​ച്ചു​കൊ​ടു​ത്തു. ര​ണ്ടാം​വ​ർ​ഷം​ത​ന്നെ 809 വാ​ഗ്ദാ​ന​ങ്ങ​ൾ ന​ട​പ്പാ​ക്കി​ത്തു​ട​ങ്ങി​യെ​ങ്കി​ൽ നാ​ലാം​വ​ർ​ഷ​മാ​യ​പ്പോ​ൾ 900 എ​ണ്ണ​വും പൂ​ർ​ത്തീ​ക​ര​ണ​ത്തോ​ളം എ​ത്തി​യി​രി​ക്ക​ണ​മ​ല്ലോ എ​ന്ന് ന​മ്മ​ൾ ചോ​ദി​ച്ചി​ല്ല. പ്രോ​ഗ്ര​സ് റി​പ്പോ​ർ​ട്ടും യാ​ഥാ​ർ​ഥ്യ​വും ത​മ്മി​ൽ വ്യ​ത്യാ​സ​മു​ണ്ടോ എ​ന്ന് ന​മ്മ​ൾ ചോ​ദി​ച്ചി​ല്ല, ചോ​ദി​ക്കി​ല്ല. എ​ന്തെ​ന്നാ​ൽ, പി​ണ​റാ​യി വി​ജ​യ​ൻ ന​മ്മു​ടെ ഭ​ര​ണാ​ധി​കാ​രി​യാ​ണ്. ഭ​ര​ണാ​ധി​കാ​രി ജ​ന​ങ്ങ​ളെ പ​റ്റി​ക്കി​ല്ല എ​ന്നാ​ണ് ജ​നാ​ധി​പ​ത്യ വ്യ​വ​സ്ഥി​തി​യി​ലെ ത​ത്ത്വം.

ഒ​രു ഉ​ത്സ​വ​പ്പ​റ​മ്പി​ലെ അ​ന്ത​രീ​ക്ഷ​മാ​ണ് ആ ​വ്യ​വ​സ്ഥി​തി​ക്കു​ള്ള​ത്. അ​തി​ൽ ല​യി​ച്ച് ന​മ്മ​ൾ നി​ൽ​ക്കു​മ്പോ​ൾ മു​ച്ചീ​ട്ടു​ക​ളി​ക്കാ​ര​ൻ മു​ന്നി​ൽ വ​ന്ന്​ ചീ​ട്ടു​ക​ൾ നി​ര​ത്തു​ന്നു. ഈ ​ത​ട്ടി​പ്പു​ക​ളി​യി​ൽ ന​മ്മ​ൾ​ക്ക്​ ന​ഷ്​​ടം പ​റ്റു​മെ​ന്നും അ​യാ​ളേ ജ​യി​ക്കൂ എ​ന്നും ന​മു​ക്ക​റി​യാം. എ​ന്നാ​ലും അ​യാ​ളു​ടെ മു​ന്നി​ലെ ശീ​ട്ടി​ൽ പ​ണം​വെ​ക്കു​ന്ന നി​മി​ഷം പ​ണം പോ​കാ​നു​ള്ള സാ​ധ്യ​ത ന​മ്മ​ൾ ഓ​ർ​ക്കു​ന്നേ​യി​ല്ല. വെ​ച്ച​തി​ന്റെ ഇ​ര​ട്ടി അ​ടി​ക്കാ​നു​ള്ള സാ​ധ്യ​ത മാ​ത്ര​മാ​ണ് മ​ന​സ്സി​ൽ ഉ​ണ​ർ​ന്നു​നി​ൽ​ക്കു​ക. അ​തേ വി​ശ്വാ​സം മു​ത​ലെ​ടു​ത്താ​ണ്​ ഭ​ര​ണാ​ധി​കാ​രി ഒ​രേ പ്രോ​ഗ്ര​സ് കാ​ർ​ഡ് വീ​ണ്ടും വീ​ണ്ടും ഇ​റ​ക്കി ക​ളി​ക്കു​ന്ന​ത്.

അ​തേ​സ​മ​യം, ഉ​ത്സ​വ​പ്പ​റ​മ്പി​ൽ​നി​ന്ന്​ മ​ട​ങ്ങി വീ​ണ്ടു​വി​ചാ​ര​ത്തോ​ടെ ഇ​രു​ന്നാ​ലോ​ചി​ച്ചാ​ൽ​ കാ​ര്യ​ങ്ങ​ൾ വ്യ​ക്ത​മാ​യി കാ​ണാം. 

പു​റ​ത്തു​വ​ന്ന നാ​ലു റി​പ്പോ​ർ​ട്ടു​ക​ളി​ലും അ​ടു​ത്ത​ടു​ത്ത അ​ക്ക​ങ്ങ​ളി​ലാ​യി വി​വ​രി​ക്കു​ന്ന കാ​ര്യ​ങ്ങ​ളാ​ണ് പൊ​തു​ജ​നാ​രോ​ഗ്യം, മെ​ഡി​ക്ക​ൽ കോ​ള​ജ്, ആ​യു​ഷ് എ​ന്നി​വ. സേ​വ​ന​രം​ഗം ലോ​കോ​ത്ത​ര നി​ല​വാ​ര​ത്തി​ലാ​ക്കാ​ൻ ന​ട​പ​ടി​യെ​ടു​ത്തു എ​ന്ന് വി​ശ​ദീ​ക​രി​ക്കാ​നാ​ണ് ഇ​ത്. എ​ന്നി​ട്ടും മെ​ഡി​ക്ക​ൽ കോ​ള​ജ് ആ​ശു​പ​ത്രി​ക​ളി​ൽ​നി​ന്ന് പൊ​തു​ജ​ന​ങ്ങ​ൾ​ക്കു​ണ്ടാ​വു​ന്ന അ​നു​ഭ​വ​ങ്ങ​ൾ മ​റ്റൊ​രു​ത​ര​ത്തി​ലാ​ണ്. നാ​ലാം റി​പ്പോ​ർ​ട്ട് വ​രു​ന്ന​തി​ന് ര​ണ്ടു ദി​വ​സം മു​മ്പാ​ണ് തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ വെ​ച്ച് കൊ​ല്ലം ക​ണ്ണ​ന​ല്ലൂ​ർ ചേ​രി​ക്കോ​ണം സ്വ​ദേ​ശി​യു​ടെ ര​ണ്ടു മ​ക്ക​ൾ മ​ഞ്ഞ​പ്പി​ത്തം മൂ​ർ​ച്ഛി​ച്ച് മ​രി​ച്ച​ത്. ചി​കി​ത്സ കി​ട്ടാ​ഞ്ഞാ​ണ് മ​ക്ക​ൾ മ​രി​ച്ച​തെ​ന്ന് അ​വ​രു​ടെ അ​ച്ഛ​ൻ ക​ര​ഞ്ഞു​പ​റ​ഞ്ഞ​ത് ന​മ്മ​ൾ കേ​ട്ട​താ​ണ്. അ​തി​ന് ര​ണ്ടാ​ഴ്ച മു​മ്പാ​ണ് കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പു​തു​താ​യി പ​ണി​ത കെ​ട്ടി​ട​ത്തി​ൽ തീ​പ​ട​ർ​ന്ന് രോ​ഗി​ക​ൾ മ​രി​ച്ച​ത്. എ​ങ്ങ​നെ തീ​പി​ടി​ത്ത​മു​ണ്ടാ​യി എ​ന്ന് പ​രി​ശോ​ധി​ക്കു​മ്പോ​ഴും തീ​പി​ടി​ത്ത​മു​ണ്ടാ​യി. മെ​ഡി​ക്ക​ൽ കോ​ള​ജു​ക​ളി​ൽ കാ​ണു​ന്ന​തി​നേ​ക്കാ​ൾ ദ​യ​നീ​യ​വും ബീ​ഭ​ത്സ​വു​മാ​യ രം​ഗ​ങ്ങ​ളാ​ണ് പൊ​ലീ​സ്​ സ്​​റ്റേ​ഷ​നു​ക​ളി​ൽ കാ​ണു​ന്ന​ത്.

പൊ​തു​ജ​നാ​രോ​ഗ്യ രം​ഗം, ആ​ഭ്യ​ന്ത​ര​വ​കു​പ്പ് എ​ന്നൊ​ക്കെ പ​റ​യു​ന്ന അ​ടി​ത്ത​റ​യും പ്രോ​ഗ്ര​സ് റി​പ്പോ​ർ​ട്ട് എ​ന്ന മേ​ൽ​ക്കൂ​ര​യും ത​മ്മി​ലു​ള്ള ബ​ന്ധം ഇ​ങ്ങ​നെ​യാ​ണ് എ​ന്ന് അ​ടി​ത്ത​റ​യി​ൽ ക​ഴി​യു​ന്ന ന​മ്മ​ൾ അ​റി​ഞ്ഞാ​ൽ പോ​രാ. മേ​ൽ​ക്കൂ​ര പ​ണി​യു​ന്ന മു​ഖ്യ​മ​ന്ത്രി അ​റി​യ​ണം. അ​റി​യി​ല്ലെ​ങ്കി​ൽ പാ​ർ​ട്ടി പ​റ​ഞ്ഞു​കൊ​ടു​ക്ക​ണം.

അ​ങ്ങ​നെ​യൊ​രു സം​വി​ധാ​നം പ​ണ്ട് ഉ​ണ്ടാ​യി​രു​ന്നു എ​ന്ന് കേ​ട്ടി​ട്ടു​ണ്ട്. 1957ൽ ​കേ​ര​ള​ത്തി​ൽ ക​മ്യൂ​ണി​സ്റ്റ് പാ​ർ​ട്ടി​യു​ടെ സ്വ​ന്തം മ​ന്ത്രി​സ​ഭ ഭ​രി​ച്ച​പ്പോ​ൾ യ​ഥാ​ർ​ഥ​ത്തി​ൽ ഭ​ര​ണം ന​ട​ത്തി​യി​രു​ന്ന​ത് പാ​ർ​ട്ടി സം​സ്ഥാ​ന ക​മ്മി​റ്റി​യു​ടെ ഷാ​ഡോ മ​ന്ത്രി​സ​ഭ​യാ​ണ് എ​ന്നൊ​രു ച​രി​ത്ര രേ​ഖ​യു​ണ്ട്. എം.​എ​ൻ. ഗോ​വി​ന്ദ​ൻ നാ​യ​ർ, സി. ​ഉ​ണ്ണി​രാ​ജ, ശ​ർ​മാ​ജി എ​ന്നി​വ​ര​ട​ങ്ങു​ന്ന ഷാ​ഡോ കാ​ബി​ന​റ്റ് എ​ടു​ക്കു​ന്ന തീ​രു​മാ​ന​ങ്ങ​ളാ​ണ് ഇ.​എം.​എ​സ് മ​ന്ത്രി​സ​ഭ​യു​ടെ തീ​രു​മാ​ന​ങ്ങ​ളാ​യി പു​റ​ത്തു​വ​ന്നി​രു​ന്ന​ത് എ​ന്നാ​ണ് അ​തി​ൽ പ​റ​യു​ന്ന​ത്.

1957ലെ ​ഇ.​എം.​എ​സ് മ​ന്ത്രി​സ​ഭ​യു​ടെ തു​ട​ർ​ച്ച​ത​ന്നെ​യാ​ണ് പി​ന്നീ​ട് വ​ന്നി​ട്ടു​ള്ള എ​ൽ.​ഡി.​എ​ഫ് മ​ന്ത്രി​സ​ഭ​ക​ളെ​ല്ലാം എ​ന്ന് സി.​പി.​എം നേ​താ​ക്ക​ൾ ആ​വ​ർ​ത്തി​ച്ച് പ​റ​യാ​റു​ള്ള​താ​ണ്. അ​തി​ന്റെ ചി​ല ല​ക്ഷ​ണ​ങ്ങ​ളൊ​ക്കെ ഇ​ട​ക്കാ​ല​ത്ത് ക​ണ്ടി​ട്ടു​ണ്ട്. 2006 മു​ത​ൽ 2011 വ​രെ ഭ​രി​ച്ചി​രു​ന്ന​ത് വി.​എ​സ്. അ​ച്യു​താ​ന​ന്ദ​ന്റെ മ​ന്ത്രി​സ​ഭ​യാ​ണ്. അ​ക്കാ​ല​ത്ത് എ​ല്ലാ ദി​വ​സ​വും വൈ​കു​ന്നേ​രം സെ​ക്ര​ട്ടേ​റി​യ​റ്റി​ൽ​നി​ന്ന് പ്ര​ധാ​ന​പ്പെ​ട്ട ഫ​യ​ലു​ക​ളൊ​ക്കെ സി.​പി.​എം സം​സ്ഥാ​ന ക​മ്മി​റ്റി ഓ​ഫി​സി​ലേ​ക്ക് കൊ​ണ്ടു​പോ​വാ​റു​ണ്ടാ​യി​രു​ന്നു. അ​ന്ന് പാ​ർ​ട്ടി​യു​ടെ സം​സ്ഥാ​ന സെ​ക്ര​ട്ട​റി​യാ​യി​രു​ന്ന ആ​ളാ​ണ് ഇ​ന്ന​ത്തെ മു​ഖ്യ​മ​ന്ത്രി. അ​ങ്ങ​നെ​വ​രു​മ്പോ​ൾ, ഭ​ര​ണ​ത്തെ പാ​ർ​ട്ടി വി​ല​യി​രു​ത്തു​ന്ന​തി​ൽ ഇ​പ്പോ​ഴ​ത്തെ മു​ഖ്യ​മ​ന്ത്രി​ക്ക് ഇ​ട​ച്ചി​ലൊ​ന്നും ഉ​ണ്ടാ​കാ​ൻ വ​ഴി​യി​ല്ല. ആ ​പ​ണി പാ​ർ​ട്ടി ചെ​യ്യു​ന്നു​ണ്ടോ എ​ന്ന​താ​ണ് അ​റി​യേ​ണ്ട​ത്.

ഉ​ണ്ടോ എ​ന്ന് ചോ​ദി​ച്ചാ​ൽ ഉ​ണ്ട്. ലോ​ക്സ​ഭ തെ​ര​ഞ്ഞെ​ടു​പ്പി​ൽ തോ​ൽ​വി ഏ​റ്റു​വാ​ങ്ങേ​ണ്ടി വ​ന്ന​പ്പോ​ൾ പാ​ർ​ട്ടി പ​റ​ഞ്ഞ​ത് ഓ​ർ​മ​യി​ല്ലേ? സ​ർ​ക്കാ​റി​ന്റെ ക്ഷേ​മ​പ്ര​വ​ർ​ത്ത​ന​ങ്ങ​ളും സ​ർ​ക്കാ​ർ ചെ​യ്യു​ന്ന കാ​ര്യ​ങ്ങ​ളും ജ​ന​ങ്ങ​ളി​ലേ​ക്ക് എ​ത്തി​ക്കു​ന്ന​തി​ൽ വീ​ഴ്ച പ​റ്റി എ​ന്ന്. പു​തി​യൊ​രു ബ​സ് വാ​ങ്ങി മു​ഖ്യ​മ​ന്ത്രി​യും മ​ന്ത്രി​മാ​രും താ​ലൂ​ക്കു​തോ​റും ചെ​ന്ന് ജ​ന​ങ്ങ​ളെ വി​ളി​ച്ചു​കൂ​ട്ടി എ​ല്ലാം വി​ശ​ദീ​ക​രി​ച്ചു​കൊ​ടു​ത്തി​ട്ടാ​ണ് പാ​ർ​ട്ടി ഇ​ങ്ങ​നെ പ​റ​ഞ്ഞ​ത്. ഒ​ന്നോ​ർ​ത്താ​ൽ പാ​ർ​ട്ടി പ​റ​ഞ്ഞ​തി​ൽ കാ​ര്യ​മു​ണ്ട്.

ജ​ന​ക്ഷേ​മ പ്ര​വ​ർ​ത്ത​ന​ങ്ങ​ൾ ജ​ന​ങ്ങ​ൾ അ​റി​യു​ന്ന​ത് അ​വ​ർ അ​ത് അ​നു​ഭ​വി​ക്കു​മ്പോ​ഴാ​ണ്‌. അ​ത് ഉ​ണ്ടാ​യി​ട്ടി​ല്ല​ല്ലോ.

എ​ന്താ​യാ​ലും പ്രോ​ഗ്ര​സ് കാ​ർ​ഡി​റ​ക്കി മു​ച്ചീ​ട്ടു​ക​ളി​ച്ച​തു​കൊ​ണ്ട് കാ​ര്യ​മി​ല്ല എ​ന്ന് നാ​ഷ​ന​ൽ ഹൈ​വേ കൈ​വി​ട്ടു​പോ​യ ഈ ​ഘ​ട്ട​ത്തി​ലെ​ങ്കി​ലും മു​ഖ്യ​മ​ന്ത്രി​ക്ക് മ​ന​സ്സി​ലാ​കേ​ണ്ട​താ​ണ്. നാ​ലാം പ്രോ​ഗ്ര​സ് റി​പ്പോ​ർ​ട്ടി​ൽ പ​റ​യു​ന്ന​ത് കേ​ന്ദ്ര​സ​ർ​ക്കാ​ർ ഉ​പേ​ക്ഷി​ച്ചു​പോ​വു​ക​യാ​യി​രു​ന്ന ദേ​ശീ​യ​പാ​ത ന​മ്മ​ൾ പി​ടി​ച്ച​പി​ടി​യാ​ലെ കൊ​ണ്ടു​വ​ന്നു എ​ന്നാ​ണ്. സ്ഥ​ലം ഏ​റ്റെ​ടു​ക്കാ​ൻ 25 ശ​ത​മാ​നം പ​ണം ന​മ്മ​ൾ കൊ​ടു​ക്കു​ന്നു എ​ന്ന​താ​ണ്. അ​ങ്ങ​നെ പാ​ത ന​മ്മു​ടേ​താ​ണ് എ​ന്നു പ​റ​യാ​ൻ ധാ​രാ​ളം ന്യാ​യ​ങ്ങ​ൾ റി​പ്പോ​ർ​ട്ടി​ലു​ണ്ട്. പ​റ​ഞ്ഞി​ട്ടു​മു​ണ്ട്. കൂ​രി​യാ​ട് വ​യ​ലി​ൽ അ​ഞ്ഞൂ​റു മീ​റ്റ​ർ നീ​ള​ത്തി​ൽ ഒ​രു വി​ള്ള​ൽ വീ​ഴും വ​രെ പ​റ​ഞ്ഞി​ട്ടു​ണ്ട്. പൊ​തു​മ​രാ​മ​ത്ത് മ​ന്ത്രി​യും പ​റ​ഞ്ഞി​ട്ടു​ണ്ട്. മു​ഖ്യ​മ​ന്ത്രി​യും പ​റ​ഞ്ഞി​ട്ടു​ണ്ട്. സെ​ക്ര​ട്ട​റി പ​റ​ഞ്ഞി​ട്ടു​ണ്ട്. പാ​ർ​ട്ടി​ക്കാ​രൊ​ക്കെ പ​റ​ഞ്ഞി​ട്ടു​ണ്ട്. പ​ക്ഷേ, ഈ ​വി​ള്ള​ൽ ക​ണ്ട​തോ​ടെ ആ ​പ​റ​ച്ചി​ൽ നി​ന്നു. പി​ന്നെ പൊ​തു​മ​രാ​മ​ത്ത് മ​ന്ത്രി പ​റ​ഞ്ഞ​ത് കാ​ര്യ​ങ്ങ​ൾ മു​ഖ്യ​മ​ന്ത്രി പ​റ​ഞ്ഞ​പോ​ലെ എ​ന്നു​മാ​ത്ര​മാ​ണ്. മു​ഖ്യ​മ​ന്ത്രി പ​റ​ഞ്ഞ​ത്, സ്ഥ​ലം എ​ടു​ക്കാ​ൻ പൈ​സ കൊ​ടു​ത്തു എ​ന്ന​ല്ലാ​തെ ദേ​ശീ​യ​പാ​ത പ​ണി​യു​ന്ന​തു​മാ​യി സം​സ്ഥാ​ന സ​ർ​ക്കാ​റി​ന് ഒ​രു ബ​ന്ധ​വു​മി​ല്ല എ​ന്ന്. എ​ന്നു​വെ​ച്ചാ​ൽ, ഭ​ര​ണ​ത്തു​ട​ർ​ച്ച​ക്കാ​യി ഒ​രു​ക്കി​വെ​ച്ചി​രു​ന്ന ഏ​റ്റ​വും ന​ല്ല പ്ര​ചാ​ര​ണ​സാ​മ​ഗ്രി​യാ​ണ് ബി.​ജെ.​പി​ക്ക് എ​റി​ഞ്ഞു​കൊ​ടു​ക്കു​ന്ന​ത്!

580 കി​ലോ​മീ​റ്റ​ർ നീ​ള​ത്തി​ൽ പ​ണി​തു​വ​രു​ന്ന പാ​ത​യി​ൽ 500 മീ​റ്റ​ർ നീ​ള​ത്തി​ൽ ഒ​രു വി​ള്ള​ൽ ക​ണ്ട​പ്പോ​ഴേ​ക്ക് അ​ത് മൊ​ത്ത​ത്തി​ൽ കൈ​വി​ടാ​ൻ എ​ന്താ​യി​രി​ക്കും കാ​ര​ണം? ര​ണ്ട് കാ​ര്യ​ങ്ങ​ളു​ടെ കു​റ​വാ​ണ​ത്. ​പ്രാ​പ്തി​യു​ടെ​യും ആ​ർ​ജ​വ​ത്തി​ന്റെ​യും.

‘‘വ​ലി​യൊ​രു പ​ദ്ധ​തി​യാ​ണ്. ന​മ്മ​ളി​ത്ര ബൃ​ഹ​ത് പ​ദ്ധ​തി​ക​ൾ ഏ​റ്റെ​ടു​ത്തു​തു​ട​ങ്ങി​യ​ത​ല്ലേ ഉ​ള്ളൂ. പാ​ളി​ച്ച​പ​റ്റി. മാ​റ്റി​പ്പ​ണി​യാം’’ എ​ന്നു പ​റ​ഞ്ഞ് അ​വി​ട​ന്ന​ങ്ങ് പ​ണി​യാ​ൻ മ​ന​ക്ക​രു​ത്ത് വേ​ണം.

മു​ച്ചീ​ട്ടു​ക​ളി​ക്കാ​ർ​ക്ക് അ​തു​ണ്ടാ​കി​ല്ല. ചു​റ്റും കൂ​ടി​നി​ൽ​ക്കു​ന്ന​വ​രോ​ട് വാ​ച​ക​മ​ടി​ക്കു​മ്പ​ഴേ കാ​ണൂ അ​രു​ടെ ഹീ​റോ​യി​സം. വേ​റൊ​രു ശ​ബ്ദം കേ​ൾ​ക്കു​ന്ന​താ​യി തോ​ന്നി​യാ​ൽ അ​വ​ർ പ​ടം മ​ട​ക്കി ഓ​ടും. അ​താ​ണ​വ​രു​ടെ രീ​തി.