വീടിനകത്തെ പൊടിപൂരം ഒഴിവാക്കാനുള്ള വഴികൾ
text_fields
● ചെരിപ്പുകൾ വരാന്തയിലേക്ക് കയറ്റാതെ കാർ പോർച്ചിലോ മറ്റോ സൂക്ഷിക്കാം.
● പുറത്തുപോയപ്പോൾ ധരിച്ച വസ്ത്രങ്ങൾ അഴിച്ചുവെക്കാതെ ഉറങ്ങരുത്.
● വാതിലുകളുടെ മുന്നിൽ ചവിട്ടിയിടുന്നത് പൊടി അകത്തേക്കു കയറുന്നത് തടയും.
● അലർജിയുള്ള കുട്ടികൾക്ക് കഴുകി വൃത്തിയാക്കാൻ സാധിക്കുന്ന കളിപ്പാട്ടങ്ങൾ വാങ്ങി നൽകുക.
● കിടപ്പുമുറി എപ്പോഴും പൊടിപടലങ്ങൾ ഇല്ലാതെയിരിക്കണം.
● വിരി കുടയുമ്പോള്‍ പൊടി മൂക്കില്‍ കയറാതിരിക്കാൻ മുന്‍കരുതലെടുക്കണം.
● തലയണ ഉറകള്‍, കിടക്കവിരികള്‍, കമ്പിളിപ്പുതപ്പ്, കര്‍ട്ടന്‍, ചവിട്ടികള്‍ തുടങ്ങിയവ ആഴ്ചയിലൊരിക്കലെങ്കിലും കഴുകി ഉണക്കുക. കിടക്കകളും തലയണകളും മാസത്തിലൊരിക്കൽ വെയിലത്തിട്ട് ഉണക്കാം. കിടക്ക വിരികളും തലയണക്കവറുകളും ആഴ്ചയിൽ ഒരിക്കൽ മാറ്റിവിരിക്കാം.
● പൊടി തട്ടിയൊഴിവാക്കുന്നത് കഴിയുന്നതും ഒഴിവാക്കുക. ചുമരുകളും സീലിങ്ങും വാക്വം ക്ലീനർ ഉപയോഗിച്ച് വൃത്തിയാക്കുന്നതാണ് നല്ലത്. നിലം നനച്ചുതുടക്കുക.
● മുറി ഉണങ്ങി വായുസഞ്ചാരമുള്ളതാകാൻ ഒരു മണിക്കൂർ വീതം രണ്ടുതവണ ജനൽ തുറന്നിടുക.
● ഫെതര്‍ ഡസ്റ്ററിനേക്കാൾ വാക്വം ക്ലീനർ ഉപയോഗിക്കുന്നതാണ് ഉത്തമം.
● വീട്ടുമതിലിൽ ഇടതൂർന്ന ഇലകളുള്ള വള്ളിച്ചെടികൾ നടാം. കർട്ടൻ പ്ലാന്റ്സ് റോഡിൽനിന്നുള്ള പൊടിയെ തടയാൻ സഹായിക്കും.
● ഷെൽഫിലും മറ്റും സൂക്ഷിച്ച പുസ്തകങ്ങൾ ഇടക്കിടെ തുടക്കാം.
● ദിവസവും മുറ്റമടിക്കുന്നതിനുമുമ്പ് അൽപം വെള്ളം തളിക്കാൻ മറക്കരുത്.
● രാത്രി അടുക്കള കഴുകി തുടച്ച് വൃത്തിയാക്കിയ ശേഷം വേണം കിടക്കാൻ.
● അടുക്കളയിലെ ചിമ്മിനിയിലെ (റേഞ്ച് ഹുഡ്) ഫിൽട്ടര്‍ ഇടക്ക് ശുചിയാക്കുന്നത് ഫിൽട്ടറിന്റെ ശേഷി കൂട്ടും.
● ആഴ്ചയിലൊരിക്കലെങ്കിലും വീട്ടിലെ എല്ലാ സാധനങ്ങളും മാറ്റി എല്ലായിടവും നന്നായി തുടച്ചിടുക.
● രോമപ്പാവകൾ ഇടക്ക് ഫ്രീസറിൽവെച്ച് തണുപ്പിച്ച് പൊടിച്ചെള്ളിനെ നശിപ്പിക്കണം.
● ഭിത്തിയിൽനിന്ന്, ചൂലു കടന്നെത്തുന്ന അകലത്തിൽ വേണം ഫ്രിഡ്ജ് വെക്കാൻ.
● കമ്പ്യൂട്ടർ കീപാഡ്, എയര്‍ കണ്ടീഷനര്‍, സീലിങ് ഫാൻ, എക്‌സ്ഹോസ്റ്റ് ഫാന്‍, ടി.വി പോലുള്ള വൈദ്യുതോപകരണങ്ങൾ കൃത്യമായ ഇടവേളകളിൽ വൃത്തിയാക്കാം.
● ചെയർ, സോഫ സെറ്റിന്‍റെ കുഷ്യനുകൾ എന്നിവ മാസത്തിലൊരിക്കലെങ്കിലും വൃത്തിയാക്കണം. വശങ്ങളും വൃത്തിയാക്കാൻ മറക്കരുത്.
● വളര്‍ത്തുമൃഗങ്ങള്‍ കിടപ്പുമുറികളിൽ ഓടിനടക്കാറുള്ളതുകൊണ്ട് ഇവയെ ദിവസവും വൃത്തിയാക്കണം.
● കൃത്രിമ അലങ്കാരച്ചെടികളും മറ്റും വേനൽക്കാലത്ത് സ്വീകരണമുറിയിൽനിന്ന് ഒഴിവാക്കുന്നതാകും നല്ലത്.
● മുട്ടിലിഴയുന്ന കുട്ടികളുള്ളപ്പോൾ തറ രാസക്ലീനറുകൾകൊ‍ണ്ട് കഴുകരുത്.
