നോമ്പുതുറക്കും അത്താഴത്തിനുമെല്ലാം വിളമ്പാൻ വെജിറ്റബിൾ പുട്ട് (vegetable puttu)

ചേരുവകൾ

1. പുട്ടുപൊടി -രണ്ടു കപ്പ്

2. വെള്ളം -ആവശ്യത്തിന്

3. കാരറ്റ് ഗ്രേറ്റ് ചെയ്തത് -ഒരു കപ്പ്

4. മുരിങ്ങയില -ഒരു കപ്പ്

5. ഇഞ്ചി മുറിച്ചത് -രണ്ടു ടേബിൾ സ്പൂൺ

6. കറിവേപ്പില നുറുക്കിയത് -രണ്ടു ടേബിൾ സ്പൂൺ

7. വെളുത്തുള്ളി മുറിച്ചത് -രണ്ടു ടീസ്പൂൺ

8. മല്ലിയില അരിഞ്ഞത് -അഞ്ചു ടേബിൾ സ്പൂൺ

9. തേങ്ങ ചിരകിയത് -രണ്ടു കപ്പ്

10. ഉപ്പ് -ആവശ്യത്തിന്

തയാറാക്കുന്ന വിധം

1. പുട്ടുപൊടിയിൽ പാകത്തിനു ഉപ്പും വെള്ളവും ചേർത്ത് നനച്ചു 10 മിനിറ്റ് ഇളക്കാതെ വെക്കുക.

2. ഇതിലേക്ക് കാരറ്റ് ഗ്രേറ്റ് ചെയ്തത്, മ​ുരിങ്ങയില, ഇഞ്ചി, കറിവേപ്പില, വെളുത്തുള്ളി, മല്ലിയില എന്നിവ ചേർത്തു നന്നായി യോജിപ്പിച്ചു വീണ്ടും 10 മിനിറ്റ് വെക്കാം. ആവശ്യമെങ്കിൽ വെള്ളം ചേർത്തു കൊടുക്കാം.

3. പുട്ടുകുറ്റിയിൽ തേങ്ങയും പുട്ടു മിശ്രിതവും ചേർത്ത് നിരത്തി ആവിയിൽ വേവിച്ചെടുക്കാം.