ബം​ബ​ർ ഓ​റ​ഞ്ച് താ​ജ്മ​ഹ​ൽ

458759 ന​മ്പ​ർ ലോ​ട്ട​റി ടി​ക്ക​റ്റി​നെ അ​യാ​ൾ​ക്ക് മ​റ​ക്കാ​ൻ ക​ഴി​യി​ല്ല. തി​രു​വ​ന​ന്ത​പു​ര​ത്തെ ആ​ർ.​സി.​സി ആ​ശു​പ​ത്രി​യു​ടെ മു​ന്നി​ലെ ആ ​തീ​രെ വ​യ​സ്സ​നാ​യ ലോ​ട്ട​റി​വി​ൽ​പ​ന​ക്കാ​ര​​ന്റെ പ​ക്ക​ലാ​ണ​ത​യാ​ൾ ക​ണ്ട​ത്. ഭാ​ഗ്യ​ദേ​വ​ത കു​ടി​യി​രി​ക്കു​ന്ന കേ​ര​ള സം​സ്​​ഥാ​ന ബം​ബ​ർ ടി​ക്ക​റ്റ്. റേ​ഡി​യേ​ഷ​നി​ൽ വെ​ന്തു​കു​തി​ർ​ന്നു കി​ട​ന്നി​രു​ന്ന ദേ​വ​കി എ​വി​ടെ​നി​ന്നോ ത​പ്പി​യെ​ടു​ത്തു​ത​ന്ന അ​ഞ്ഞൂ​റു രൂ​പ​യു​ടെ ഒ​റ്റ​നോ​ട്ടു​മാ​യി ആ​ശു​പ​ത്രി​യി​ൽ​നി​ന്നി​റ​ങ്ങി​യ​താ​ണ​യാ​ൾ. മ​യ​ക്ക​ത്തി​ൽ കി​ട​ന്നി​രു​ന്ന അ​വ​ൾ​ക്ക് പെ​ട്ടെ​ന്നു വ​ല്ലാ​തെ ജീ​വ​ൻ ​െവ​ച്ച​തു മാ​തി​രി എ​ഴു​ന്നേ​റ്റി​രു​ന്നു. ഓ​റ​ഞ്ചു​കൊ​തി പ​റ​ഞ്ഞു. ആ ​നോ​ട്ടും മു​റു​ക്കെ​പ്പി​ടി​ച്ച് അ​യാ​ൾ പു​റ​ത്തേ​ക്ക് ന​ട​ന്നു. വാ​ർ​ഡി​ലെ മെ​ത്ത​യു​ടെ അ​ടി​യി​ല​ല്ല അ​വ​ള​ത് ഒ​ളി​ച്ചു​െ​വ​ച്ച​ത്! തീ​ർ​ച്ച. പി​ന്നെ​വി​ടെ​യാ​വും? ആ​ലോ​ചി​ച്ചു തീ​രു​ന്ന​തി​നു മു​ന്നേ ലോ​ട്ട​റി​ക്കാ​ര​നെ ക​ണ്ടു. ത​ലേ​ന്നു​വ​രെ അ​ങ്ങ​നൊ​രാ​ളെ ഗേ​റ്റി​ന്ന​ടു​ത്ത് ക​ണ്ടി​രു​ന്നി​ല്ല. ടി​ക്ക​റ്റു​മാ​യി ഭാ​ഗ്യ​ദേ​വ​ത മാ​ന​ത്തു​നി​ന്നും ഇ​റ​ങ്ങി​വ​ന്ന​തു​മാ​തി​രി​യൊ​രു പ്ര​ത്യ​ക്ഷ​പ്പെ​ട​ൽ.

ആ ​കൈ​യി​ൽ​നി​ന്നും ടി​ക്ക​റ്റു വാ​ങ്ങി​യാ​ൽ ബം​ബ​റ​ടി​ക്കും. ഒ​ന്നാം സ​മ്മാ​നം തീ​ർ​ച്ച. ല​ക്ഷ​ണം തി​ക​ഞ്ഞ ഭാ​ഗ്യ​ക്ക​ച്ച​വ​ട​ക്കാ​ര​ൻ. ലോ​ട്ട​റി​ക്കാ​ര​​ന്റെ കൈ​യി​ലെ അ​ടു​ക്കു​ക​ൾ​ക്കി​ട​യി​ലാ​ണ് ഒ​ന്നാം സ​മ്മാ​ന​മ​ടി​ക്കു​ന്ന ടി​ക്ക​റ്റ്. അ​തൊ​ന്നു തൊ​ട്ടെ​ടു​ത്താ​ൽ മ​തി. സൗ​ഭാ​ഗ്യം കാ​ട്ടി​ക്കൊ​ടു​ക്കു​ന്ന അ​യാ​ളു​ടെ അ​ന്ത​ർ​നേ​ത്രം തു​റ​ന്നു. (അ​ണ്ണ​ച്ചീ സ​മ്മാ​ന​മ​ടി​ക്ക​ണ ടി​ക്ക​റ്റ് മാ​ത്ത​റം ത​പ്പി​പ്പി​ടി​ക്ക​ണ നി​ങ്ങ​ളെ മ​ന്ത​റ​വാ​ദം ഞ​ങ്ങ​ൾ​ക്കൂ​ടെ പ​റ​ഞ്ഞു ത​രി​ൻ. നി​ങ്ങ​ള് ഭാ​ഗ്യ​ക്കു​റീ തൊ​ട്ടാ എ​പ്പ​ഴ് ൈപ്ര​സ്​ അ​ടി​ച്ചെ​ന്നു ചോ​ദി​ച്ചാ മ​തി. സൂ​ത്ത​റം പ​റ​ഞ്ഞ​തി​നു​ള്ള ചെ​ല​വു ന​മ​ക്ക് ചെ​യ്യാ​മെ​ന്നേ. ബി​വ​റേ​ജ​സി​ലെ തു​ണ​ക്കാ​ർ അ​യാ​ളോ​ടു പ​ല​പ്പോ​ഴും കെ​ഞ്ചാ​റു​ണ്ടാ​യി​രു​ന്നു.)

വ​യ​സ്സ​​ന്റെ ത​ട്ടി​ൽ നി​ര​ത്തി​െ​വ​ച്ച ടി​ക്ക​റ്റു​ക​ളെ അ​യാ​ൾ സൂ​ക്ഷ്മ​മാ​യി പ​രി​ശോ​ധി​ച്ചു തു​ട​ങ്ങി. ഞെ​ട്ടി​പ്പോ​യി. 458761 ന​മ്പ​ർ ബം​ബ​ർ ടി​ക്ക​റ്റ്. ഇ​ത്ത​വ​ണ ന​റു​ക്കെ​ടു​പ്പു നേ​ര​ത്ത് ഏ​ത​വ​ൻ ഭാ​ഗ്യ​ച​ക്രം ക​റ​ക്കി​യാ​ലും അ​ക്ക​ങ്ങ​ൾ ചെ​ന്നു​മു​ട്ടി നി​ക്ക​ണ​ത് 4–5–8–7–6–1 എ​ന്ന ന​മ്പ​രി​ലാ​വും. പ​ല​വി​ധ​ത്തി​ൽ തി​രി​ച്ചും മ​റി​ച്ചും അ​യാ​ൾ ന​മ്പ​രി​നെ മ​ന​സ്സി​ലി​ട്ടു​രു​ട്ടി. ഒ​റ​പ്പ്. നൂ​റ്റൊ​ന്ന് ഒ​റ​പ്പ്. ആ​ർ​ക്കും ഈ ​ടി​ക്ക​റ്റി​ൽ വ​ന്നൊ​റ​ച്ച ഭാ​ഗ്യ​ദേ​വ​ത​യെ ത​ട്ടി​വി​ടാ​നാ​വി​ല്ല.

എ​ടു​ക്കു​ക​യ​ല്ലേ! ഒ​രി​ക്ക​ലും മു​ൻ​കൂ​ട്ടി ഭാ​ഗ്യ​വാ​നെ കാ​ണാ​ൻ ശേ​ഷി​യി​ല്ലാ​ത്ത ആ ​ലോ​ട്ട​റി​ക്കാ​ര​നും പ​ണം വാ​ങ്ങാ​ൻ കൈ​നീ​ട്ടി. പെ​ട്ടെ​ന്ന് പു​ള​യു​ന്ന ദേ​വ​കി​യു​ടെ മു​ഖം അ​യാ​ൾ​ക്ക് ഓ​ർ​മ​വ​ന്നു. അ​വ​ൾ​ക്ക് ഓ​റ​ഞ്ചി വാ​ങ്ങി​ക്കാ​ൻ എ​റ​ങ്ങി​യ​ത​ല്ലേ! അ​തു ന​ട​ക്ക​ട്ട്! എ​ന്ത​ര് കൂ​ത്ത് കാ​ണാ​നി​വി​ടെ നി​ക്ക​ണ്? ഭാ​ഗ്യ​ദേ​വ​ത​യി​ൽ​നി​ന്നും മ​ന​സ്സി​നെ വി​ടു​വി​ക്കാ​ൻ അ​യാ​ൾ അ​ങ്ങ​നെ​യും ചി​ന്തി​ച്ചു നേ​രം​ക​ള​ഞ്ഞു. എ​വ​ളീ അ​ഞ്ഞൂ​റൂ രൂ​പാ നോ​ട്ട് എ​വി​ടെ​യാ​ണ് ഇ​ത്ര​യും നാ​ള് പ​തു​ക്കി​വ​ച്ചി​രു​ന്ന്? അ​മ്മ​ച്ചീ​യെ കാ​ണാ​ൻ ചെ​ന്ന​പ്പം ചെ​റു​ക്ക​ന്മാ​ർ ത​വ​പ്പ​ന​റി​യാ​തെ കൊ​ടു​ത്ത​താ​യി​രി​ക്കും. അ​യാ​ൾ നോ​ട്ടി​നെ തി​രി​ച്ചും മ​റി​ച്ചും നോ​ക്കി. വേ​ണ്ട ആ ​പാ​വ​ത്തി​നെ പ​ഴി​ക്ക​ണ്ട. ദേ​വ​കി​യു​ടെ വെ​പ്രാ​ളം അ​ത്ര​യ്ക്കാ​ണ്. 458761 ന​മ്പ​രി​നെ ഇ​പ്പ​ഴ​ത്തി​ന് വി​ട്ടു​ക​ള​യാം.

ന​മ്മ​ളെ സ​ർ​ക്കാ​ര് ലോ​ട്ട​റി എ​ടു​പ്പ് ഒ​ട​നെ നി​ർ​ത്താ​നൊ​ന്നും പോ​ണി​ല്ല​ല്ലോ. അ​യാ​ൾ മു​ന്നോ​ട്ട് ന​ട​ന്നു. ത​നി​ക്ക് സ​മ്മാ​ന​മ​ടി​ക്കാ​നു​ള്ള ടി​ക്ക​റ്റ് സ​ർ​ക്കാ​ര് നാ​ളെ​യും എ​റ​ക്കും. അ​തു ത​പ്പി​പ്പി​ടി​ക്ക​ണ​മെ​ന്നേ​യൊ​ള്ളൂ. ഇ​പ്പ​ഴ് ബം​ബ​റി​നൊ​ള്ള സ​മ​യ​മാ​യി​ല്ല എ​ന്നു ക​രു​താം. ഇ​വ​ൾ​ക്ക് വെ​റും കൊ​തി​യാ​ണ്. അ​ണ്ണാ​ക്ക് വെ​ന്തു​പോ​യ അ​വ​ളെ​ങ്ങ​നെ​യാ​ണ് ഓ​റ​ഞ്ച് ചാ​റ് ഉ​ള്ളി​ലോ​ട്ട് എ​റ​ക്ക​ണ​ത്. ലൈ​റ്റ​ടി​ച്ച് അ​കം മൊ​ത്തം പൊ​ള്ളി​ക്കെ​ട​ക്കേ​ണ്. ഇ​ന്ന​ലെ കൊ​റ​ച്ച് ക​രി​ക്കു​വെ​ള്ളം കു​ടി​പ്പി​ക്കാ​ൻ പെ​ട്ട പാ​ട്! അ​ങ്ങ​നെ​യും മ​ന​സ്സ് പ​റ​യാ​തി​രു​ന്നി​ല്ല. ഓ​റ​ഞ്ച്ക​ട ദൂ​രെ നി​ന്നു​ത​ന്നെ കാ​ണാം. അ​ത് റോ​ഡി​ന​പ്പു​റ​ത്താ​ണ്. അ​വി​ടെ​ച്ചെ​ല്ലാ​ൻ! ഹോ. ​വ​ണ്ടി​ത്തെ​ര​ക്കാ​ണെ​ങ്കി​ൽ! റോ​ട്ടി​ന​പ്പ​റം ക​ട​ക്ക​ണ​തെ​ങ്ങ​നെ?

വ​ണ്ടി​ക​ൾ​ക്കും ആ​ളു​ക​ൾ​ക്കു​മി​ട​യി​ലൂ​ടെ പാ​തി​ദൂ​രം ക​ട​ന്ന​പ്പോ​ൾ അ​റ​ച്ചു. മ​ന​സ്സു തീ​ർ​ത്തും മാ​റി​യ അ​യാ​ൾ തി​രി​ച്ചു ന​ട​ന്നു. വെ​ക്കം ലോ​ട്ട​റി​ക്കാ​ര​​ന്റെ അ​ടു​ത്തെ​ത്ത​ണം. അ​ല്ല. താ​മ​സി​ച്ചാ​ലും കൊ​ഴ​പ്പ​മി​ല്ല. ത​ന്നെ​പ്പോ​ലെ പെ​ട്ടെ​ന്നാ​ർ​ക്കു​മ​ങ്ങ​നെ ഭാ​ഗ്യ​ദേ​വ​ത ഇ​രി​ക്ക​ണ ടി​ക്ക​റ്റ് തി​രി​ച്ച​റി​യാ​ൻ സാ​ധി​ക്കൂ​ല്ല. ഇ​ന്നു​വ​രെ​യ്ക്കും എ​ടു​ത്ത കു​റി​ക​ളി​ൽ ഒ​ര​മ്പ​ത് രൂ​പ​യെ​ങ്കി​ലും സ​മ്മാ​നം അ​ടി​ക്കാ​തി​രു​ന്നി​ട്ടി​ല്ല. അ​തു നി​ർ​ബ​ന്ധ​മാ​ണ്. ഭാ​ഗ്യം നെ​റ​യാ​ത്ത ടി​ക്ക​റ്റ് അ​തു വെ​റു​തെ ത​രാ​മെ​ന്നു പ​റ​ഞ്ഞാ​ലും അ​യാ​ൾ തി​രി​ഞ്ഞു​നോ​ക്കാ​റേ​യി​ല്ല.

ത​ൽ​ക്കാ​ലം ദേ​വ്യ​യ്ക്ക് ഓ​റ​ഞ്ച് വേ​ണ്ട. ബ​മ്പ​റി​ൽ ഒ​ന്നാം സ​മ്മാ​ന​മാ​യി കോ​ടി​ക​ൾ വ​ന്നു കേ​റി​യാ​പ്പി​ന്നെ കൊ​ണം അ​വ​ക്കും കൂ​ടെ​ത്ത​ന്നെ​ല്ല്. അ​വ​ളെ ഞാ​ൻ അ​മേ​രി​ക്ക​യി​ൽ കൊ​ണ്ടു​പോ​യി ചി​കി​സ്സി​ക്കും. അ​വ​ന്മാ​ർ സ​മ്മാ​ന​പ്പ​ണം മു​ഴു​വ​നു​മൊ​ന്നും ത​രു​ല്ല. ഈ ​സ​ർ​ക്കാ​രി​നെ പോ​ലെ മ​നു​ഷ്യ​നെ ഒ​രു​മാ​തി​രി ഇ​താ​ക്ക​ണ പ​രി​പാ​ടി ന​ട​ത്ത​ണ മ​റ്റാ​രും ഈ ​പൂ​മി​മ​ല​യാ​ള​ത്തി​ലേ ഇ​ല്ല. അ​തു സാ​ര​മി​ല്ല. കൊ​റെ സ​ർ​ക്കാ​ര് എ​ടു​ത്തോ​ണ്ട് പോ​ട്ട്. കെ​ണേ​ശ​ൻ പ​റ​യ​ണ മാ​തി​രി ന​മ്മ​ളെ സ​ർ​ക്കാ​ര് ത​ന്ന​ല്ല്. എ​ന്നാ​ലും കാ​ണും എ​ണ്ണി​യാ​ലു​മെ​ണ്ണി​യാ​ലും തീ​രാ​ത്ത പ​ണ​ക്കെ​ട്ട്.

അ​യ്യോ. അ​തു പോ​യി അ​ണ്ണ​ച്ചി. ആ ​ലോ​ട്ട​റി​ക്കാ​ര​​ന്റെ വ​ർ​ത്ത​മാ​ന​ത്തി​ൽ തീ​രെ മ​ന​സ്സാ​ക്ഷി​യി​ല്ലാ​ന്ന​യാ​ൾ​ക്ക് തോ​ന്നി. ഒ​രു കു​ത്ത് ടി​ക്ക​റ്റു പി​ടി​ച്ച കൈ​കൊ​ണ്ട് ഒ​രു ചു​വ​ന്ന ഉ​ടു​പ്പി​ട്ട​വ​നെ ചൂ​ണ്ടി​ക്കാ​ണി​ക്കാ​നും ലോ​ട്ട​റി​ക്കാ​ര​ൻ മ​ടി​ച്ചി​ല്ല. 458761 ന​മ്പ​രു​മാ​യി അ​ക​ന്നു പോ​കു​ന്ന ബം​ബ​റു​കാ​ര​​ന്റെ പുറ​കു​വ​ശം അ​യാ​ളു​ടെ മ​ന​സ്സി​ൽ ഒ​ട്ടി​പ്പി​ടി​ച്ചു. ക​ണ്ണി​ലും മ​ന​സ്സി​ലും ആ​വി. ഇ​ത​വ​ളു​ടെ ശാ​പം ത​ന്നെ​യാ​ണ്. ഓ​റ​ഞ്ചി വാ​ങ്ങി​ക്കാ​ൻ ത​ർ​ക്കം​വ​ച്ച​തി​​ന്റെ.

അ​ടു​ത്ത ക​ട്ടി​ലി​ലെ കൂ​ട്ടി​രി​പ്പു​കാ​ര​ൻ ചെ​റു​ക്ക​ൻ ഓ​ടി​വ​രു​ന്ന​തു ക​ണ്ട​പ്പോ​ഴേ അ​യാ​ൾ​ക്ക് മ​ന​സ്സി​ലാ​യി. 458761 ടി​ക്ക​റ്റ് പെ​ട്ടെ​ന്നു വി​റ്റു​ക​ള​ഞ്ഞ ലോ​ട്ട​റി​ക്കാ​ര​ൻ ഒ​രു മ​ന​സ്സാ​ക്ഷി​യി​ല്ലാ​ത്ത​യാ​ളാ​ണ്. ഒ​രി​ക്ക​ൽ​ക്കൂ​ടി തേ​ട്ടി​വ​ന്ന​തി​നെ അ​വി​ടെ​ക്ക​ള​ഞ്ഞ്, കൂ​ടു​ത​ൽ ചി​ന്തി​ക്കാ​ൻ മ​ന​സ്സി​നെ സ​മ്മ​തി​ക്കാ​തെ, ദേ​വ്യ​യും പോ​യി 458761 ബം​ബ​ർ ന​മ്പ​രും പോ​യി എ​ന്നു പി​റു​പി​റു​ത്തു​കൊ​ണ്ട് വാ​ർ​ഡി​ലേ​ക്ക​യാ​ൾ ഓ​ടി. കൈ​യൊ​ട​നെ ഒ​പ്പി​ച്ചി​ല്ലെ​ങ്കി കാ​ര്യ​ങ്ങ​ള് ഇ​ങ്ങ​നെ ത​ന്നെ. ആ​റ​ഞ്ചി​യാ​യാ​ലും പാ​ഗ്യ​ക്കു​റി​യാ​യാ​ലും. അ​യാ​ൾ​ക്ക് അ​തി​ന്നി​ട​യി​ലും വ​ലു​താ​യ കു​റ്റ​ബോ​ധ​മു​ണ്ടാ​യി.

ദേ​വ​കി​യു​ടെ സ​ഞ്ച​യ​ന ച​ട​ങ്ങു​ക​ൾ​ക്കി​ട​യി​ലും അ​ന്ന​ത്തെ പേ​പ്പ​റി​ൽ അ​ച്ച​ടി​ച്ചു​വ​ന്ന, ത​ലേ​ന്നു ന​ട​ന്ന ബം​ബ​ർ ലോ​ട്ട​റി ന​റു​ക്കെ​ടു​പ്പ് ഫ​ല​മ​റി​യാ​ൻ അ​യാ​ൾ വെ​മ്പി​നി​ന്നു. ത​​ന്റെ കോ​ടി​പ​തി​ക്കൊ​തി കാ​ര​ണം അ​വ​ക്ക് നാ​ല​ഞ്ച് അ​ല്ലി ഓ​റ​ഞ്ചി​ച്ചാ​റെ​റ​ക്കി മ​രി​ക്കാ​ൻ പ​റ്റി​യി​ല്ല. അ​യാ​ൾ​ക്ക് സ്വ​ന്തം സ്വ​ഭാ​വ​ത്തെ വെ​റു​ക്കാ​തി​രി​ക്കാ​നു​മാ​യി​ല്ല. ഇ​ത്ത​വ​ണ ബം​ബ​റ​ടി​ച്ച​ത് ആ​ർ​ക്കാ​ണെ​ന്ന് ആ​രും പ​റ​യു​ന്നി​ല്ല. 458761 ടി​ക്ക​റ്റി​നു ത​ന്നെ​യാ​യി​രി​ക്കും. എ​ഴ​വ​ന്വേ​ഷി​ച്ച് ബി​വ​റേ​ജ​സി​ലെ ക്യൂ​വി​ൽ​നി​ന്നും ഇ​റ​ങ്ങി​വ​ന്ന അ​യാ​ളു​ടെ തു​ണ​ക്കാ​രി​ൽ പ​ല​രും ഭാ​ഗ്യ​വാ​നെ​ക്കു​റി​ച്ച് പ​റ​ഞ്ഞി​രു​ന്നു. എ​ല്ലാ​രു​ടെ​യും വാ​ട്ട്സ​പ്പി​ൽ ആ ​ന​മ്പ​രു​ണ്ട്. 458761 ന​മ്പ​രി​ലെ ടി​ക്ക​റ്റ​ല്ലേ സ​മ്മാ​ന​ക്കു​റി​യെ​ന്നു ചോ​ദി​ക്കാ​ൻ സ​ങ്ക​ടം കാ​ര​ണം ആ ​ഫോ​ണി​ല്ലാ​ത്ത​വ​ന് മ​ന​സ്സും വ​ന്നി​ല്ല.

ആ​രി​ക്കാ​യി​രി​ക്കും അ​ണ്ണാ അ​ത​ടി​ച്ച​ത്? വ​ല്ല ഒ​റീ​സ്സ​ക്കാ​ര​നു​മാ​യി​രി​ക്കും. അ​ത​ല്ലേ നേ​രം ഇേ​ത്രം ഇ​രു​ട്ടീ​ട്ടും ഭാ​ഗ്യ​വാ​നെ കു​റി​ച്ചൊ​ള്ള ന്യൂ​സും ഒ​രു ചാ​ന​ലി​ലും വ​രാ​ത്ത​ത്. ന​മ്മ​ക്കെ​ങ്ങാ​നും ആ​വ​ണം. പാ​തി​രാ​ത്രി​യാ​ണെ​ങ്കി​ൽ രാ​ത്രി. സ​മ്മാ​ന ടി​ക്ക​റ്റു​മാ​യി എ​പ്പം ബേ​ങ്കി പെ​യ്യെ​ന്നു ചോ​ദി​ച്ചാ മ​തി. അ​പ്പം​ത​ന്നെ ചാ​ന​ലി​ലും കേ​റും.

ഒ​റീ​സ്സ​ക്കാ​ര​നാ​വൂ​ല്ല. ബം​ഗാ​ളി​ക്കാ​വും അ​ടി​ച്ച​ത്. മ​റ്റൊ​രു തു​ണ​ക്കാ​ർ തീ​ർ​പ്പു പ​റ​ഞ്ഞു.

തു​ണ​ക്കാ​ര​ന്മാ​രൊ​ക്കെ പ​റ​ഞ്ഞ​തു മാ​തി​രി ഈ ​ഭാ​യി​മാ​രെ ഇ​വി​ടെ​നി​ന്നും അ​ടി​ച്ചോ​ടി​ക്ക​ണ​മെ​ന്ന് അ​യാ​ൾ​ക്ക് ആ​ദ്യ​മാ​യി തോ​ന്നി​യ നി​മി​ഷ​മാ​യി​രു​ന്നു അ​ത്. മി​ക്ക​വാ​റും എ​ഴു​താ​നും വാ​യി​ക്കാ​നു​മ​റി​യാ​ത്ത​വ​ൻ സ​മ്മാ​ന​മ​ടി​ച്ച ആ ​ഭാ​ഗ്യ​ക്കു​റി​യെ ഇ​തി​നോ​ട​കം കീ​റി​ക്ക​ള​ഞ്ഞി​രി​ക്കും.

ഈ ​വ​ന്നു ക​യ​റി​യ​വ​ന്മാ​രെ കാ​ര​ണം ന​മ്മ​ളെ​യാ​രും വേ​ല​യ്ക്ക് വി​ളി​ക്ക​ണി​ല്ല. ഇ​പ്പോ ന​മ്മ​ടെ ഭാ​ഗ്യ​ദേ​വ​ത​യും വ​ര​ത്ത​ന്മാ​രെ അ​നു​ഗ്ര​ഹി​ക്കാ​നും തൊ​ട​ങ്ങീ​രി​ക്കു​ന്നു. മ​ക്ക​ളു​ടെ കൂ​ടെ പ​ണി​ക്ക് പോ​ണ ചെ​റു​ക്ക​ന്മാ​ർ​ക്ക് പെ​ണ്ണും കി​ട്ട​ണി​ല്ല. മെ​യ്ക്കാ​ട് പ​ണി​യാ​ണ് നി​ങ്ങ​ക്കെ​ങ്കീ എ​ന്നും വേ​ല​യൊ​ള്ള വെ​ങ്കാ​ളി ചെ​റു​ക്ക​മ്മാ​രെ കെ​ട്ടി​ക്കൂ​ടേ​ന്നാ​ണ് ക​ല്യാ​ണ​മാ​ലോ​ചി​ച്ച് ചെ​ല്ലു​മ്പം പെ​മ്പി​ള്ളേ​ര് ന​മ്മ​ളെ പി​ള്ള​ക​ളോ​ട് ചോ​ദി​ക്ക​ണ​ത്. ഇ​നി ഭാ​യി​മാ​രെ​ല്ലാം ഇ​വി​ടെ​ക്കൂ​ടി ക​ല്ല്യാ​ണ​വും കൂ​ടെ​ക്ക​ഴി​ക്കാ​ൻ തൊ​ട​ങ്ങി​യാ​പ്പി​ന്നെ മ​ല​യാ​ളി ആ​ണു​ങ്ങ​ളെ കാ​ര്യം ക​ട്ട​പ്പൊ​ക​യാ​ണേ!

ടി​ക്ക​റ്റെ​ടു​ക്കും. പി​ന്നെ മ​രു​ന്നു മൂ​ത്താ​ല​ത് കീ​റി​ക്ക​ള​യ​ണ ശീ​ലം. ന​മ്മ​ളെ അ​ളി​യ​ൻ കെ​ണേ​ശ​നും അ​ങ്ങ​ന​ത്തെ സൂ​ക്കേ​ടു​ണ്ട്. ടി​ക്ക​റ്റ് എ​ടു​ക്കാ​നാ​ണ് അ​വ​നു താ​ൽ​പ​ര്യം. പി​ന്നെ സൂ​ക്ഷി​ക്കൂ​ല. അ​ത​ങ്ങ​ന​ത്തെ​യൊ​രു വ​ർ​ക്കം.

എ​ടാ... ന​മ്മ​ളി​ന്ന​ലെ എ​ടു​ത്ത വി​ൻ​വി​ൻ ലോ​ട്ട​റി സേം ​ന​മ്പ​രി​ന് ഇ​താ അ​ഞ്ഞൂ​റു വീ​ത​മു​ണ്ട്. ന​മ്മ​ളെ​ടു​ത്ത​തി​ൽ ര​ണ്ടു ടി​ക്ക​റ്റ് നി​​ന്റെ കൈ​യി​ലാ​ണേ. അ​വ​നെ​ടു​ക്കു​ന്ന ടി​ക്ക​റ്റി​ന് ആ​യി​ര​വും അ​ഞ്ഞൂ​റു​മൊ​ക്കെ ൈപ്ര​സ​ടി​ച്ചാ​ലും അ​ക്കാ​ര്യം ന​മ്മ​ള് ചെ​ന്നു പ​റ​ഞ്ഞാ​ലും, ങാ ​ഞാ​ൻ സ​ർ​ക്കാ​റി​നു ദാ​നം കൊ​ടു​ത്തി​രി​ക്കു​ന്ന​ണ്ണാ. ഒ​രു​ദ്യോ​ഗ​സ്​​ഥ​ന് ഇ​ന്ന​ത്തെ ച​മ്പ​ളം അ​തു​കൊ​ണ്ട് സ​ർ​ക്കാ​ര് കൊ​ടു​ക്ക​ട്ടെ. പാ​വം അ​ണ്ണാ ന​മ്മ​ളെ സ​ർ​ക്കാ​രി​​ന്റെ​യൊ​രു കാ​രി​യം. അ​തി​​ന്റെ ക​ടോം ദാ​രിേ​ദ്യ്രാം ഒ​രി​ക്ക​ലും തീ​രു​ല്ല. ന​മ്മ​ളെ മാ​തി​രി നി​ത്യ​ദാ​രിേ​ദ്യ്രം ക​ടോം ത​ന്നെ​യാ​ണേ​യ​ണ്ണാ ന​മ്മ​ളെ സ​ർ​ക്കാ​രി​നും. അ​ങ്ങ​നെ പ​റ​യ​ണ ചെ​റു​ക്ക​നാ​ണ​വ​ൻ. ഒ​രു നി​ഷ്ക​ള​ങ്ക​ൻ കെ​ണേ​ശ​ൻ.

ദേ​വ​കി​ക്ക് ഓ​റ​ഞ്ച് വാ​ങ്ങി​ച്ചു കൊ​ടു​ക്കാ​ത്ത​തി​ലും സ​ങ്ക​ടം ആ ​ടി​ക്ക​റ്റി​നെ കൈ​വി​ട്ട​തി​ലാ​യി​രു​ന്നു. ഓ​ർ​മി​ക്കു​മ്പം അ​തു പെ​രു​കി പെ​രു​കി മ​ന​സ്സ് വ​ല്ലാ​തെ ക​ല​മ്പി​ക്കൊ​ണ്ടി​രു​ന്നു. അ​ടു​ത്ത ത​വ​ണ ബം​ബ​റ​ടി​ക്കാ​നൊ​ള്ള ടി​ക്ക​റ്റ് ചെ​ല​പ്പം പാ​ല​ക്കാ​ട്ടാ​യി​രി​ക്കും. അ​ല്ലെ​ങ്കി ക​ണ്ണൂ​ര്. ന​മ്മ​ള് എ​ങ്ങ​നെ അ​വി​ടെ ചെ​ന്ന​ത് ത​പ്പി​പ്പി​ടി​ക്കും? ചെ​ല​തൊ​ക്കെ ജീ​വി​ത​ത്തി​ല് ഒ​രി​ക്ക​ലേ!

അ​ച്ചി മ​രി​ച്ച നേ​ര​ത്ത് മ​ന​സ്സി​ത്തെ​ള​യ്ക്ക​ണ​ത് പൊ​റ​ത്ത് പ​റ​യാ​ൻ കൊ​ള്ളാ​ത്ത കാ​ര്യ​ങ്ങ​ളാ​ണ്. അ​യാ​ൾ കു​നി​ഞ്ഞി​രു​ന്നു. അ​ന്ന് ആം​ബു​ല​ൻ​സ്​ വ​രു​ന്ന​തി​നു മു​മ്പ് ചെ​ല ക​ട​ലാ​സു​ക​ളെ പോ​ട്ടോ​സ്റ്റാ​റ്റ് എ​ടു​ക്കാ​ൻ ആ​ശൂ​പ​ത്രീ​ന്ന് പു​റ​ത്തോ​ട്ട് എ​റ​ങ്ങി​യ​പ്പം ആ ​ലോ​ട്ട​റി​ക്കാ​ര​ൻ വീ​ണ്ടും അ​യാ​ളു​ടെ അ​ടു​ത്തെ​ത്തി. എ​പ്പ​ഴാ​ണ് ഭാ​ഗ്യ​ദേ​വ​ത​യു​ടെ അ​നു​ഗ്ര​ഹ​മെ​ന്ന് ആ​ർ​ക്കും പ​റ​യാ​ൻ... നീ​യെ​ടു​ത്തോ​യെ​ടു​ത്തോ എ​ന്നാ​രോ മ​ന്തി​റി​ച്ചു. ന​മ്പ​രൊ​ന്നും ഗെ​ണി​ക്കാ​നും കെ​ണി​ക്കാ​നും നി​ന്നി​ല്ല. കി​ട്ടി​യ ടി​ക്ക​റ്റെ​ടു​ത്താ​ണ് ഭാ​ര്യ മ​രി​ച്ച സ​ങ്ക​ടം തീ​ർ​ത്ത​ത്. ഭാ​ഗ്യ​ദൈ​വ​ത്തെ മ​ന​സ്സി​പ്പോ​ലും പ്രാ​ർ​ഥി​ച്ചി​ല്ല. അ​തി​ല് പ​ത്തോ ആ​യി​ര​മോ തീ​ർ​ച്ച​യാ​യും അ​ടി​ച്ചു കാ​ണും. നോ​ക്കി​യാ​ല​ല്ലേ അ​റി​യാ​മ്പ​റ്റു.

ഇ​നി​യി​പ്പം സ​ഞ്ചാ​ന്യ​ക്കാ​രൊ​ക്കെ പോ​ട്ട്. പി​ന്നീ​ട​പ്പ​റ​ത്തെ വീ​ട്ടീ​ന്ന് പ​ത്ര​ക്ക​ട​ലാ​സ്​ എ​ടു​ത്ത് നോ​ക്കാം. എ​ത്ര അ​ടി​ച്ചാ​ലും ആ ​പ​ണ​ത്തി​ന് ഉ​ണ്ണീ​രെ ലോ​ട്ട​റി​ക്ക​ടേ​ന്ന് മു​ഴു​വ​നും ടി​ക്ക​റ്റ് എ​ടു​ക്ക​ണം. അ​പ്പ​ഴ് ന​മ്പ​രു​ക​ളൊ​ന്നും നോ​ക്കൂ​ല്ല. ഒ​രാ​ഴ്ച​യെ​ങ്കി​ലും അ​വ​ന്റ​ടു​ത്തൂ​ന്ന് ഏ​റ്റ​വും കൂ​ടു​ത​ൽ പൈ​സ​ക്ക് ടി​ക്ക​റ്റെ​ടു​ത്ത​യാ​ൾ താ​നാ​വ​ണം. അ​യാ​ൾ അ​ങ്ങ​നെ തി​രി​ക്കി​ന്നി​ട​യി​ലും മ​നോ​രാ​ജ്യ​ങ്ങ​ൾ ക​ണ്ടി​രു​ന്നു. അ​തു കാ​ര​ണ​മാ​വും ദേ​വ്യ പോ​യ സ​ങ്ക​ടം തീ​രെ മ​ന​സ്സി വ​ര​ണി​ല്ല.

ച​ട​ങ്ങു​ക​ൾ തീ​ർ​ന്നു. മ​ക്ക​ൾ അ​മ്മ​യു​ടെ അ​സ്​​ഥി​യു​മാ​യി എ​ത്തി. മു​റ്റ​ത്തെ പ്​​ലാ​വി​​ന്റെ മൂ​ട്ടി​ൽ അ​തു​െ​വ​ച്ചു. അ​യാ​ൾ ച​ട​ങ്ങു​ക​ൾ എ​ല്ലാം യാ​ന്ത്രി​ക​മാ​യി ക​ണ്ടു നി​ന്നു. ഒ​രു​പ​ക്ഷേ, അ​ന്നോ​റ​ഞ്ച് കൊ​ടു​ത്തി​രു​ന്നെ​ങ്കി​ൽ അ​വ​ളെ അ​വ​സാ​ന​ത്തെ ആ​ഗ്ര​ഹം... ഉ​ള്ളീ​ന്നു ക​ക്കി​ക്ക​ക്കി വ​ന്ന​ത് അ​യാ​ൾ തു​പ്പി​ക്ക​ള​ഞ്ഞു.

അ​ന്ന​ത്തെ ദെ​വ​സം തീ​രെ വ​ർ​ക്ക​ത്തു​കെ​ട്ട​താ​യി​രു​ന്നു. ബം​ബ​റും പോ​യി. കെ​ട്ടി​യോ​ളും. അ​യാ​ളെ ആ ​വ​ഴി​ക്ക് വീ​ണ്ടും ആ​ലോ​ചി​ക്കാ​ൻ സ​മ്മ​തി​ക്കാ​തെ ലോ​ട്ട​റി​ക്ക​ട ഉ​ണ്ണി ആ​ക്ടി​വ​യി​ൽ വ​ന്നു. ഉ​ണ്ണി​യെ ക​ണ്ട​തും അ​യാ​ക്ക് ഉ​ത്സാ​ഹ​മാ​യി.

അ​ണ്ണാ... ഇേ​ത്രം ദെ​വ​സം വ​രാ​മ്പ​റ്റീ​ല്ല. ഒാ​രോ ദെ​വ​സോം ഓ​രോ എ​ട​പാ​ട്ക​ള് ലോ​ട്ട​റി​ക്കാ​രെ സ​മ്മേ​ള​നം. അ​ത് ഇ​ത്. തീ​രെ നേ​രം​കി​ട്ടീ​ല്ല.

അ​തു പോ​ട്ട്. പോ​യ​വ​ര് പോ​യി. ഇ​ട്ട​ലീം ര​സ​വ​ടേം മി​ച്ച​മൊ​ണ്ടാ?

കാ​ര്യ​ങ്ങ​ളെ​ല്ലാം മം​ഗ​ള​മാ​യി. സ​ഞ്ച്യാ​ന്യ അ​ടി​യ​ന്ത​ര​മൊ​ക്കെ പി​ള്ളേ​രെ വ​ക ചെ​ല​വാ​ണ്. അ​തെ​ല്ലാം വേ​ഷാ​യി​ട്ട്ത​ന്നെ ന​ട​ന്ന്. ഓ. ​അ​ത​ല്ലാ​തെ ന​മ്മ​ളെ കൈ​യി എ​ന്ത​ര് കീ​ര​വി​ത്തി​രി​ക്ക​ണ്.

ആ​രി​ക്കാ​ണ് ബ​ംബർ അ​ടി​ച്ച​തു​ണ്ണി? ഇ​തു​വ​രേം അ​റി​ഞ്ഞി​ല്ല​ല്ല്. വ​ല്ല ബം​ഗാ​ളി​ക്കും ത​ന്നേ? ഇ​പ്പ​ഴെ​ങ്ങാ​നും നി​ങ്ങ​ളെ വാ​ട്ട്സ​പ്പി വാ​ർ​ത്ത​യെ​ങ്ങാ​നും വ​ന്നാ? അ​യാ​ൾ ചോ​ദി​ച്ചു.

ഓ... ​ചെ​ല​പ്പം ആ​യി​രി​ക്കും. അ​വ​ന്മാ​ര് പ​ണോം വാ​ങ്ങി​ച്ച് നി​ന്ന നി​പ്പി​ൽ രാ​ജ്യ​ത്തി​​ന്റെ അ​തി​രും ക​ട​ന്ന് മ​റു​വ​ശ​ത്ത് പെ​യ്ക്കാ​ണും അ​ണ്ണാ. വ​ല്ല പാ​ര​തീ​യ​നും അ​ടി​ച്ചാ പ​ണം ഇ​വി​ടെ​യെ​ങ്കി​ലും നി​ക്കു​വാ​യി​രു​ന്നു. കാ​ലം​പോ​യ പോ​ക്കേ. ന​മ്മ​ളെ സ​ർ​ക്കാ​ര് ന​ക്കീം തു​പ്പ​ലു​തൊ​ട്ടും ഒ​ണ്ടാ​ക്ക​ണ​ത് അ​വ​ന്മാ​ര് കൊ​ണ്ടു​പോ​വും എ​ന്നു ചു​രു​ക്കം.

തി​രു​വ​ന്തോ​ര​ത്ത് ആ​ണ് ബം​ബ​റ​ടി​ച്ച ടി​ക്ക​റ്റ് വി​റ്റ​ത്. ആ​ർ. സി.​സീ​ൽ വ​ല്ല​പ്പോ​ഴും ടി​ക്ക​റ്റു​മാ​യി പോ​ണ ആ ​ലോ​ട്ട​റി​ക്കാ​ര​ൻ അ​പ്പൂ​പ്പ​നേം കി​ട്ടി. പ​ക്ഷേ, പാ​ഗ്യ​വാ​ൻ മാ​ത്രം മ​റ​ഞ്ഞ്. അ​വ​ന്മാ​ര് അ​തും വാ​ങ്ങി​ച്ച് അ​ങ്ങ് ബം​ഗാ​ളി കൊ​ണ്ടു​പോ​യി വെ​ല​സം. ന​മ്മ​ളി​വി​ടെ മി​ഴു​ങ്ങ​സ്യാ​ന്ന്.

അ​ത​വ​നു ത​ന്നെ. അ​യാ​ൾ​ക്ക് തി​ട്ട​മാ​യി. 458761 ന​മ്പ​രി​നാ​ണാ. ആ ​ചൊ​വ​ന്ന ഉ​ടു​പ്പി​ട്ട​വ​നാ? ചൊ​വ​ന്ന ഉ​ടു​പ്പ​ല്ലേ! അ​വ​ൻ ബം​ഗാ​ളി ത​ന്നെ​യാ​യി​രി​ക്കും. അ​യാ​ൾ വെ​മ്പ​ലെ​ല്ലാം മ​ന​സ്സി​ല​ട​ക്കി. മാ​ന​ക്കേ​ട്. പ​ങ്കം. ഇേ​ത്രം നാ​ള് ക​ഞ്ഞി​വ​ച്ചു​കൊ​ടു​ത്ത കെ​ട്ടി​യോ​ക്ക് ഒ​രു കി​ലോ ആ​റ​ഞ്ചി​ന് ഒ​ത​വാ​ത്ത​വ​ൻ. ഉ​ള്ളി​ലി​ര്പ്പും അ​ന്ന​ത്തെ ദെ​വ​സം ന​ട​ന്ന​തും പൊ​റ​ത്ത് ആ​രു​ടെ പ​റ​ഞ്ഞാ​ലും കേ​ട്ട​വ​ര് അ​ങ്ങ​നേ ക​രു​തു.

അ​ല്ല മ​ല​യാ​ളി​ക്ക് തോ​നെ പൈ​സ കി​ട്ടീ​ട്ടും കാ​ര്യ​മി​ല്ല. മു​ഴു​വ​നും അ​പ്പ​ഴ് ത​ന്നെ പു​ളി​ശ്ശേ​രി കു​ടി​ച്ച് തീ​ർ​ക്കും. ക​ണ്ടി​ല്ലേ മു​മ്പ​ത്തെ ഭാ​ഗ്യ​വാ​​ന്റെ ക​ഥേം കാ​രി​യ​വും. ക​ടം വാ​ങ്ങി​ക്കാ​ൻ വ​ര​ണ​വ​രെ ശ​ല്യം കാ​ര​ണം ഒ​രാ​ഴ്ച​ക്കാ​ല​ത്തി​നാ​ണ് അ​വ​ൻ വീ​ട്ടി​ക്കേ​റാ​തെ ഒ​ളി​ച്ചു ക​ള​ഞ്ഞ​ത്. അ​താ​ണി​വി​ട​ത്തെ സി​തി. എ​ല്ലാ​രി​ക്കും വ​ഴീ​ക്കെ​ട​ക്ക​ണ തേ​ങ്ങ​യെ​ടു​ത്ത് കെ​ണ​പ​തി​ക്ക് അ​ടി​ച്ചാ മ​തി. പി​രി​വ്. പി​രി​വ്.

ലോ​ട്ട​റി ഉ​ണ്ണി പോ​ക്ക​റ്റി​ൽ​നി​ന്നും ബം​ബ​ർ ന​റു​ക്കെ​ടു​പ്പി​​ന്റെ റി​സ​ൽ​ട്ട് എ​ടു​ത്തു. അ​യാ​ളും അ​ക​ത്ത് ചെ​ന്ന് ത​ഞ്ച​ത്തി​ൽ ആ ​ടി​ക്ക​റ്റ് കൊ​ണ്ടു​വ​ന്നു.

അ​യാ​ൾ പു​റ​കി​ലേ​ക്ക് മ​റി​ഞ്ഞു.

പി​ന്നെ​ല്ലാം വേ​ഗ​ത്തി​ൽ ബാ​ങ്കു​കാ​ർ, പ​ത്ര​ക്കാ​ർ, സം​ഭാ​വ​ന ശേ​ഖ​രി​ച്ച് സ​ൽ​ക്ക​ർ​മ​ങ്ങ​ൾ ന​ട​ത്തു​ന്ന​വ​ർ, രാ​ഷ്ട്രീ​യ​ക്കാ​ർ, സാം​സ്​​കാ​രി​ക സം​ഘ​ട​ന​ക​ൾ, ബ​ന്ധു​ക്ക​ൾ എ​ല്ലാ​പേ​രും മു​റ​യ്ക്ക് വ​ന്നു.

മ​ന​സ്സു ക​ല്ലി​ച്ചു​പോ​യി. ഇേ​ത്രം പ​ണം​കൊ​ണ്ട് എ​ന്ത​രു ചെ​യ്യും? എ​ങ്ങ​നെ ഒ​രു കി​ലോ ആ​റഞ്ചി​യു​ടെ തീ​രാ​ക്ക​ടം വീ​ട്ടും? ആ​രോ​ടും അ​ക്കാ​ര്യം മി​ണ്ടാ​ൻ പോ​യ​തേ​യി​ല്ല.

കോ​ടി​ക​ള് വ​ന്ന​പ്പം, നി​ങ്ങ​ള​പ്പം അ​ടീം നി​ർ​ത്തി​യാ അ​ണ്ണ​ച്ചി? ബി​വ​റേ​ജ​സി​ലെ തു​ണ​ക്കാ​ർ രാ​വി​ലെ​യും വൈ​കു​ന്നേ​ര​ത്തും വ​ന്നു നോ​ക്കി​പ്പോ​യി.

ഒ​രു പൈ​ന്റി​വി​ടെ വ​യ്ക്ക​ട്ടാ. ഞ​ങ്ങ​ക്ക് ക​ടോ​ന്നും വേ​ണ്ട. നി​ങ്ങ​ളെ​ന്തെ​രെ​ങ്കി​ലും മി​ണ്ടി​ൻ അ​ണ്ണാ. നി​ങ്ങ​ളെ കാ​യി​യൊ​ന്നും ഞ​ങ്ങ​ക്ക് വേ​ണ്ട. അ​വ​രി​ൽ ചി​ല​ർ​ക്ക് മി​ഴി​ച്ചി​രി​ക്കു​ന്ന അ​യാ​ളെ ക​ണ്ട് ദേ​ഷ്യം വ​ന്നു.

പ​ണം അ​ക്കൗ​ണ്ടി​ൽ എ​ത്തി. ബാ​ങ്കി​ൽ​നി​ന്നും എ​ള​യ ചെ​റു​ക്ക​​ന്റെ മൊ​ബൈ​ലി​ൽ വി​ളി​വ​ന്ന നേ​ര​ത്തും അ​യാ​ൾ മി​ഴു​ങ്ങ​സ്യാ​ന്നി​രു​ന്നു.

ബേ​ങ്ക് നേ​രം ക​ഴി​ഞ്ഞ​ല്ല്. നി​ങ്ങ​ക്കി​നി നാ​ളെ ടൗ​ണി​പ്പോ​വാം. എ​ള​യ ചെ​റു​ക്ക​ൻ അ​ങ്ങ​നെ പ​റ​ഞ്ഞി​ട്ടും അ​യാ​ളി​റ​ങ്ങി ന​ട​ന്നു. ക​ച്ചേ​രി ന​ട​യി​ലെ ക​ട​യി​ൽ ഒ​രു കി​ലോ ഓ​റ​ഞ്ച് പ​റ​ഞ്ഞു. ത​ട്ടി കൊ​ട​ഞ്ഞ​പ്പം കി​ട്ടി​യ​ത് നൂ​റ്റി നാ​പ്പ​ത്തി​യെ​ട്ട്. ര​ണ്ടു രൂ​പ കൊ​റ​ഞ്ഞ​ത​വ​ൻ തൂ​ക്ക​ത്തി​ൽ പി​ടി​ച്ചു. അ​ത​യാ​ൾ ശ്ര​ദ്ധി​ച്ചു.

പൊ​തി​യു​മാ​യി വ​രു​ന്ന വ​ഴി​യി​ൽ ക​ണ്ട​വ​ർ​ക്കും പോ​ണ​വ​ർ​ക്കും ഓ​രോ ഓ​റ​ഞ്ച് വീ​തം എ​ടു​ത്തു നീ​ട്ടി. ചെ​ല​രൊ​ക്കെ സം​ശ​യി​ച്ച് വാ​ങ്ങി​ച്ച​തേ​യി​ല്ല.

കോ​ടി​പ​തി​ക്ക് പ്രാ​ന്താ​യാ? അ​യാ​ളെ അ​റി​യാ​വു​ന്ന​വ​ർ അ​ങ്ങ​നെ​യും പി​റു​പി​റു​ക്കു​ന്നു​ണ്ടാ​യി​രു​ന്നു.

വീ​ട്ടി​ലെ​ത്തി​യ​പ്പോ​ൾ ക​വ​റി​ന്ന​ക​ത്ത് ഒ​ന്നു ശേ​ഷി​ച്ചു.

ദേ​വി​യ​യു​ടെ ചു​ട​ലയിൽ അ​യാ​ള​ത് വ​ച്ചു. ച​ട​ങ്ങി​നു വി​ത​റി​യ അ​ഷ്​​ട​ധാ​ന്യ വി​ത്തു​ക​ൾ മു​ള​ച്ച് പ​ച്ച​പ്പ​ട്ടു​പോ​ലാ​യി​രു​ന്ന മ​ൺ​തി​ട്ട​യി​ൽ ഓ​റ​ഞ്ച് ചെ​ന്നൊ​ളി​ച്ചു കി​ട​ന്നു.

പി​റ്റേ​ന്ന് അ​യാ​ൾ ബേ​ങ്കി​ൽ പോ​യി. മാ​നേ​ജ​ർ മാ​ത്ര​മ​ല്ല ബാ​ങ്കു മു​ഴു​വ​നും അ​യാ​ൾ​ക്ക് മു​ന്നി​ൽ ന​മി​ച്ചു. ചെ​ക്കെ​ഴു​തി​യ​ത് വെ​റും അ​ഞ്ഞൂറ് രൂ​പ​യ്ക്ക്. അ​വ​ന്മാ​രി​ക്ക് മു​ഷി​ഞ്ഞു കാ​ണ​ണം. കോ​ടി​പ​തി പി​ൻ​വ​ലി​ച്ച​ത് അ​ഞ്ഞൂ​റു​ലു​വ. അ​യാ​ളു​ള്ളി​ൽ ചി​രി​ച്ചു.

ബാ​ങ്കു​കാ​ര​ൻ ചി​രി​ച്ചോ​ണ്ടു ത​ന്നെ പ​റ​ഞ്ഞു. ഇ​നി കാ​ർ​ഡ് വീ​ട്ടി​വ​രും അ​തി​ട്ട് ഏ​റ്റീ​എ​മ്മീ​ന്ന് പ​ണ​മെ​ടു​ക്ക​ണം. ഇ​വി​ടെ വ​ര​ണ്ട.

അ​യാ​ൾ ആ​ലി​​ന്റെ മൂ​ട്ടി​ലോ​ട്ട് ന​ട​ന്നു. പി​ന്നെ ക​ഴി​ഞ്ഞ ദി​വ​സ​ത്തെ മാ​തി​രി ഒ​രു കി​ലോ ഓ​റ​ഞ്ചു വാ​ങ്ങി. ആ​ദ്യ സ​മ​ർ​പ്പ​ണം ഓ​റ​ഞ്ചു ക​ച്ച​വ​ട​ക്കാ​ര​നു ത​ന്നെ ന​ട​ത്തി. അ​വ​ന​ത് വാ​ങ്ങി​ച്ചി​ല്ല.

വീ​ട്ടി​ലെ​ത്തി ദേ​വ​കി​യു​ടെ ചു​ട​ല​യി​ൽ മി​ച്ച​മു​ള്ള ര​ണ്ട് ഓ​റ​ഞ്ചു​ക​ൾ സ​മ​ർ​പ്പി​ച്ചു. തി​രി​ഞ്ഞ​തും മു​റ്റ​ത്ത​യാ​ൾ പോ​സ്റ്റു​മാ​നെ ക​ണ്ടു.

പി​റ്റേ​ന്നും ബാ​ങ്കി​ൽ​​പോ​യി നൂ​റ്റി​യ​മ്പ​ത് രൂ​പാ ഏ​റ്റീ​എ​മ്മീ​ന്നു വ​ലി​ച്ചു. പൈ​സ കൊ​റ​ഞ്ഞോ​ണ്ടാ​യി​രു​ന്നും ആ ​മെ​ഷീ​നും പി​റു​പി​റു​ത്തു. എ​ല്ലാ​യെ​ട​ത്തും പ​ണ​ത്തി​നു ത​ന്നെ വെ​ല. അ​യാ​ൾ ക​രു​തി.

ചു​ട​ല​യി​ൽ നാ​ല് ഓ​റ​ഞ്ചു​ക​ൾ ​െവ​ച്ചു. പി​റ്റേ​ന്ന് എ​ട്ടാ​യി. പി​ന്ന​ത്തെ ദി​നം പ​തി​ന്നാ​റ്. അ​ടു​ത്ത ദി​വ​സം മു​പ്പ​ത്തി​ര​ണ്ട്. അ​ത് അ​റു​പ​ത്തി​നാ​ലാ​യി ഇ​ര​ട്ടി​ച്ചു. പി​ന്നെ​പ്പി​ന്നെ നൂ​റ്റി ഇ​രു​പ​ത്തി​യെ​ട്ട്, അ​ങ്ങ​നെ പോ​യി.*

അ​തി​ന്നി​ട​യി​ൽ പ​ര​സ​ഹാ​യ​മി​ല്ലാ​തെ കാ​ർ​ഡി​ട്ടു പ​ണ​മെ​ടു​ക്കാ​നും പ​ഠി​ച്ചു. സം​ഖ്യ കൂ​ടി​യ​പ്പം മെ​ഷീ​ൻ അ​തി​​ന്റെ ക​ല​മ്പ​ലും നി​ർ​ത്തി. വ​ഴീ​ൽ ഓ​റ​ഞ്ച് ദാ​നം കൊ​ടു​ക്ക​ണ​ത് അ​യാ​ൾ അ​വ​സാ​നി​പ്പി​ച്ചു.

അ​ങ്ങ​നെ​യാ​ണ് ദേ​വ​കി​യു​ടെ ചു​ട​ല​യി​ൽ​നി​ന്നും പ്ര​സ​രി​ക്കു​ന്ന ഓ​റ​ഞ്ചു​മ​ണം ഗ്രാ​മ​ത്തി​ൽ, ടി.​വി വ​ഴി പ​ഞ്ചാ​യ​ത്തി​ൽ ജി​ല്ല​യി​ലും വ്യാ​പി​ച്ച​ത്.

യൂ​ട്യൂ​ബു വ​ഴി അ​തി​താ ലോ​ക​ത്തി​ലേ​ക്ക് നി​റ​യാ​ൻ പോ​കു​ന്നു.

താ​ജ് മ​ഹ​ലി​നു ശേ​ഷം ഒ​രു​വ​ൻ ത​​ന്റെ മ​രി​ച്ചു​പോ​യ പ്രി​യ​ത​മ​ക്ക് സ​മ​ർ​പ്പി​ച്ച ഏ​റ്റ​വും ഉ​ദാ​ത്ത​മാ​യ ഉ​പ​ഹാ​ര​മാ​യി​യീ ഓ​റ​ഞ്ചു സ​മ​ർ​പ്പ​ണം വി​ല​യി​രു​ത്ത​പ്പെ​ടാ​ൻ പോ​കു​ന്നു.

============

*ച​തു​രം​ഗം ക​ളി​ച്ച് ജ​യി​ച്ച കാ​യം​കു​ളം രാ​ജാ​വി​നെ​യും സ​മ്മാ​ന​മാ​യി അ​റു​പ​ത്തി​നാ​ലു ച​തു​രം​ഗ ക​ള​ത്തി​ൽ ഒ​ന്നേ ര​ണ്ടേ നാ​ലേ എ​ട്ടേ പ​തി​ന്നാ​റേ​യെ​ന്ന് വീ​തം നെ​ന്മ​ണി നി​റ​ച്ച് പാ​പ്പ​രാ​യ ചെ​മ്പ​ക​ശ്ശേ​രി രാ​ജാ​വി​നെ​യും കു​റി​ച്ചു​ള്ള പ​ഴ​ങ്ക​ഥ.