ചേർപ്പ്: പെരുവനം ഗ്രാമത്തിലെ യജുർവേദ പണ്ഡിതന്മാരിൽ അവസാന കണ്ണിയായ കണ്ണമംഗലം വാസുദേവൻ നമ്പൂതിരിപ്പാട് (91) പല്ലിശ്ശേരിയിലെ വസതിയിൽ നിര്യാതനായി. ദിവസങ്ങളായി അസുഖം ബാധിച്ച് കിടപ്പിലായിരുന്നു.
മൂർക്കനാട് സെൻറ് ആൻറണീസ് യു.പി സ്കൂൾ അധ്യാപകനായിരുന്നു. മിത്രാനന്ദപുരം, രാപ്പാൾ ക്ഷേത്രങ്ങളിൽ ഓത്തുകൊട്ട് എന്ന യജുർവേദ സദസ്സിെൻറ പ്രധാന സംഘാടകനായിരുന്നു. തിരുവനന്തപുരം പാറശാല അതിരുദ്രം, ഗുരുവായൂർ മമ്മിയൂർ മഹാരുദ്രം തുടങ്ങിയ വേദോപാസനകളുടെ മുഖ്യപങ്കാളിയായിരുന്നു. ഇരിങ്ങാലക്കുട സഭ യോഗത്തിെൻറ വേദപണ്ഡിത പുരസ്കാരം ലഭിച്ചിട്ടുണ്ട്. പെരുവനം ക്ഷേത്രത്തിലെ വേദ ലക്ഷാർച്ചനയുടെ മുഖ്യ സംഘാടകനായിരുന്നു.
ഭാര്യമാർ: പരേതരായ മായന്നൂർ മുണ്ടനാട് ശ്രീദേവി അന്തർജനം, പടിഞ്ഞാറ്റ്യേടത്ത് ശ്രീദേവി അന്തർജനം. മക്കൾ: നാരായണൻ (ജോയൻറ് രജിസ്ട്രാർ, സഹകരണ വകുപ്പ് മലപ്പുറം), ഉമ (മൃഗസംരക്ഷണ വകുപ്പ് ഓഫിസ്, കുന്നംകുളം). മരുമക്കൾ: രജനി (സി.എൻ.എൻ സ്കൂൾ, ചേർപ്പ്), സതീശൻ (റിട്ട. എൻജിനിയർ, ഗുരുവായൂർ ദേവസ്വം).
